S.A.E. (已結業)

昨天午飯時間本來約好朋友飲茶, 點知要排隊等四張檯, 死啦! 都唔知食乜好! 即刻轉移目標去SAE 試下啦, 上到個度都滿哂喎! 問一問位侍應哥哥要等幾耐呀, 佢話都要15分鐘, 已經點30分嘞, 佢話如你哋唔介意坐樓上, 可以即刻有位, 幾大都要啦. 哈哈, 又快又好, 全程佢招呼哂我哋一檯客. 私家房, VERY GOOD 呀! 多謝呢位侍應哥哥, 最後食物果真唔錯, 係午市仍然有水準, VERY VERY GOOD!

朋友請食lunch，想不到食什麼好，最後朋友介紹到這間。我自己覺得沒有特別，不是很好吃。我點了咖哩豬扒飯，豬扒得個肥字，咖哩不夠香濃，味千做的還好味。整體上不過不失，但我不會再光顧。

在灣仔返工己一段時間, 總是找不到一間日本料理,經同事介紹來到此, 覺得環境及味道都好好.可能是上樓的關係, 比較靜一點點.叫了銀雪魚定食, 我覺得份量細了一點點, 其他定食可以.最後還有綠茶雪糕~~ 不錯

黎呢度食lunch, 次次都食壽司餐。壽司不是set定了有甚麼壽司的，每次師傅都會包唔同的壽司，雖然要差不多一百元一個set，但係都係值的。通常都有一件海膽壽司，呢度ｄ海膽是甘甜的，不會是大陸的，其他的魚／配料都很新鮮。見到牆上掛了董太做特首夫人時發出的嘉許信，都知到呢度係有standard的，不然點配合A1.

老外同事帶隊，到這兒吃午餐，要訂位。午餐定食，有平有貴，大部份約$58 到$88。。亦有三數款，貴至$200、$300、$400！！！我等平民，當然係吃佰元以內的大路食品。三個人點了三份定食，有平有貴，撈亂分來吃。「雜錦魚生碎飯+ 天婦羅」午餐（$88）：「雜錦魚生碎飯」內有相當種類的魚生刺身，相當行貨，味道麻麻，談唔上「新鮮」，特別係有一小片相當新鮮的海膽，拉上補下，價格便宜，質素當然麻麻！「雜錦天婦羅」有蝦、南瓜、蕃薯、玉米芯，味道都係好行貨，賣相不太吸引，味道亦只係OK 而已。「醬汁烤雞肉+ 雜錦魚生」午餐（$58）：「醬汁烤雞肉」即係照燒雞，烤得皮好脆，肉有相當雪味，幸而量算多…。「御飯」即係白飯一碗，係混米。「雜錦魚生」係賣相漂亮的魚生片，鮭魚和??魚係終極薄切片，鮪魚係切丁粒，味道麻麻！）「京燒銀鱈魚+ 雜錦魚生」午餐（$88）：「京燒銀鱈魚」的魚嫩滑唔腥，汁濃好味，烤得好香，好過附近「大手x」！包「御飯」和「雜錦魚生」。每份都包麵豉湯（行貨）、茶碗蒸（一般！）、日式泡菜（黃色蘿蔔和紫色青瓜）、甜品（綠茶雪糕、豆腐雪糕）。環境好吵鬧，食完身上衣服盡是油煙味，扁咀！這兒的賣點

之前有同事黎過話都介紹得過，所以今日咪拉大隊落黎試下囉。我地為免等餐時間太耐，所以事前訂位時一併叫埋餐。這裡的Set Lunch 由$58 至$480 不等，中價的有$88全不加一。我地差不多一點鍾左右到達，但巳有九成滿，好彩訂左位。呢到裝修一般, 但總算乾淨。不過略嫌冷氣唔夠，同回音太大，好難交談。呢到員工都幾多，淨係Sushi Bar 已經有三位師傅，櫃台兩位及樓面三位。不過呢到D 伙計就有句口頭禪:「等等…等等….」但係等極你都唔會等到。事原我地有位同事要遲D黎，我地咪唸住叫個伙計hold住佢個餐唔好上住囉。點知一坐低想開口同個伙計講佢就叫你等等，等佢上埋茶先。點知佢上完茶又雞咁腳走左，到佢番轉頭時唔係掛住上燉蛋就係上天婦羅同麵豉湯。跟本就冇機會比你講，而我呢位遲黎的同事個切粒魚生飯竟然係最早黎果個。真係激死!!!好！都係講番D野食先…本人叫左個什錦壽司餐。碟壽司大概有十件: 三文魚、TUNA魚、油甘魚–唔算厚，略嫌冇咩魚味蛋---正喎..好厚，中間重放左D白蘿蔔蓉熟青口---OK咁啦南瓜蓉+ 不知名魚仔----OK咁啦, 略嫌淡左D, 同埋旁邊片紫菜霖左海膽+ 珍珠蠔－都可以，

見呢到咁多人話好食..咁我同bf前幾日去呢間野食..一去到..d waiter冇咩野...幾好人=v=then叫左個Ｔ& Ｆset dinner食..幾好味...但有點不好的是甜品..不好味的..食完想嘔...好似壞了的味道如果不是甜品我想我會食得幾開心....

我都係睇到咁多笑笑諗住去試下~ 同朋友去食lunch，覺得超唔惦~ 我未試過食滑蛋可以老到咁，好似唔識煮蛋煮老晒個隻。我地食左個銀雪魚同刺身飯set($88/set)，所有野都超細碟，銀雪魚係正常size的三分一，我個刺身飯極失望囉~ 飯唔好食、刺身唔夠新鮮，搞到海膽超\"聲\"囉.... 忍唔住一定要留個劣評比佢\呀!!!!!!

見咁多好評,即管去試, 但換來失望。前晚2個人去SAE試左佢個$198 Tasting Menu,另加拖羅壽司($160/2件)、海膽手卷($50/1件)及牛肉稻亭烏冬。食完,兩人都很唔滿意，以下係簡單o既意見:拖羅壽司-- overpriced,超細超薄，只有1.5cm闊x1mm厚x 4cm長,成件魚係裁出黎o既,毫係刀功，十足港左日本料理門口擺出黎蠟做o既模,每件要$80,食到火都黎! 「見城」咁高質素,都係$60一件,仲要好大件好新鮮海膽手卷--海膽略為削,一般Tasting Menu每樣東西,不論冷熱,都份量超細,唔明點解侍應成日強調好大份,2個人都夠食,事實係一個女仔都係勉強夠。最不滿係全部熱食都係用微波爐翻熱先拎出黎,即係表面睇落唔熱,用筷子一"撩"開就標煙,而牛肉烏冬亦係如是,一食就知係成鍋木魚湯,隨時兜兩殼落碗叮熱，再淋落去急凍肥牛肉,就可以拎出黎俾客。甜品亦係唔似即日做,雪糕亦係大路貨色。總括而言,唔係收唔收加一,亦唔係收唔收$198去食佢個所謂signature menu,最重要係佢o既fusion菜烹調功夫不足,但亦冇用新鮮材料搭夠,eg.其中一樣"朝鮮汁煮滑雞"

同bf在無book位既情況下walk-in, 6:30pm到無人, 但聽waiter講果日D booking都幾full, 唔想諗所以叫左tasting menu ($198/person):1. 本菇salad, 有D類似蛋黃醬既dressing, but 無乜味.2. 魚湯- 好香濃而不涸喉, 正.3. 刺身- 有三文魚, 帶子, 油金魚, 蝦and 墨魚, 三文魚較失色, 蝦and帶子很鮮甜4. 籮白汁煮雞肉- 汁濃偏咸, 雞肉很嫩滑5. 天婦羅- 有珊瑚葉, 幾得意, 另有笋夾蝦肉, 頗fresh and innovative (恕小女子孤陋寡聞), 炸漿唔厚, 幾好食6. 燒銀鱈魚- 魚肉嫩滑, 伴碟既青瓜&醬好味呀7. 黑豬肉飯- 三粒煎得金黃既黑豬肉粒夾着一丁點肥膏香口, 質地偏爽口, 但bf嫌鞋左D, 同無乜汁撈飯8. Dessert - 有豆腐雪糕& 木瓜jelly, 後者幾特別, 連一向唔食木瓜既我都清唒.呢度唔收加一架, 下次想試下呢度D al la carte especially D sushi

之前男朋友黎過呢度幾次,都係lunch,已經讚不絕口今次帶埋我黎試下佢地晚市,一樓唔算多人,4人台只放2人碗筷,一D都唔迫,清爽利落老闆態度好好,十分有禮貌,而且keep住面帶微笑~另一個staff都好nice我叫左個$88刺身飯,$68細梅酒,$78銀鱈魚個刺身飯好大碗=.=我食左半碗都無已經好飽,男朋友就食左一細碗~晚市刺身飯其實唔跟甜品同湯,不過老闆都好好人咁送埋俾我(hehe~咁識做,唔讚下佢都點得)男朋友叫左個xx料理(-_-''已忘了名稱)$350前菜-豆角(味道一般)然後黎刺身,3種x 2pcs...果2隻魚我唔記得留意係咩魚...我唔多識食,開頭食覺得淡味,但後來有d甜味慢慢浮出黎...我咁個大女第一次食到魚生既鮮甜味係"浮"出黎架@o@最印象深刻既係佢隻牡丹蝦...好大好大~~~男朋友食完魚已經係咁話好味好味,隻蝦佢話又係好鮮甜,好大隻好正之後係清湯蜆肉(好似係蜆?好大隻)豆腐,d豆腐好特別,不過對於鍾意食白色豆腐既我黎講...就覺得佢唔似豆腐-_-''跟住又黎一隻蝦...依然好大隻,有湯,伴蛋煮熟都唔錯~~不過未能留下特別深刻印象食完蝦,有茄子夾鰻魚天婦羅~有3大件

其實看過食評想來這裡好久了，今次終於得償所願，星期六約了小c妹到這家店試試期待已久的魚生飯，果然沒有令我失望！在等小ｃ妹的期間，我不停在看那個只有一張A4雙面印的午市餐牌和身邊的食客所點的菜色．因為是星期六，而且地點也不算很就腳，那天只有四五檯客人．餐牌上的午市定食由$68至$480不等，價錢較便宜的都是熟食，例如牛肉，鰻魚飯等，魚生飯/壽司/刺身等是$88，另外便是一些過百元的,用料更加豐富，看來應該很不錯．沒記錯的話每個定食都有蒸蛋，麵豉湯，魚生片(如果主食是熟食的話)和雪糕．雖然餐牌上的食物很吸引，我還是點了魚生飯定食，因為我是為了這個才去的嘛！小c妹點了一個壽司定食. 沒多久蒸蛋便送上來，可能我是蛋痴，所以一定覺得雞蛋好吃，再來我的魚生飯! 有海膽三塊!!!! 還有黑黑的像蟹籽的，我想是魚子醬吧．其他的大都是魚生塊．很新鮮!等到小ｃ妹的壽司也來了，原來我是預期和之前的食評所拍的是一樣的，所以完全出乎意料之外！賣相很好，還有一件海膽壽司，很很很很很多海膽　（妒忌中）!!!! 其他的有三文魚，吞拿魚，還有一些卷物．開餐時我們一邊吃一邊讚．．直到整碟整碗都吃光光．甜品有紅豆或綠茶雪糕

有feel但沒想像中好吃不收加一好多ol去吃還有老細好好人值得去一去

從HK Magazine看到有關這店的介紹已有年多，都有些心思思想試，剛好最近又有網友說這店很有Heart，就坐言起行。年餐有很多set選擇，價錢由$68-$450 (大部份$100以下，兩三款是百多元，1款四百多)，午市免加一。雜錦壽司set$88前菜(一小塊瓜)，蒸蛋，麵豉湯，甜品(綠茶或芝麻雪糕，外來貨ok啦)天婦羅- 一隻蝦(新鮮結實美味)，南瓜蕃薯茄子各一片。粉槳幾薄幾脆，不多油，不錯。雜錦壽司- 見圖，presentation幾好。魚生一般，不算很新鮮，紫菜不夠脆。不過才$88元，不能有太高要求，做食客要有合理的期望- 一分錢一分貨。服務一般而已，沒有添茶，放下天婦羅沒有醬汁(有人說吃天婦羅不浸醬汁而點少訐鹽和檸汁，但這些也沒有)，吃完的湯碗等等要待最後才一次過收。

My colleagues held a farewell lunch back in mid January at the VIP room of SAE (one floor above their restaurant). Two of my friends and I also celebrated my friend's birthday in another small VIP room with a 3-seater sofa and light music but no TV on 15 Feb. We had a specially designed menu on both occasions and I enjoyed both meals. In fact, I used the first menu as the template and modified a few dishes as some items were seasonal. For the farewell lunch, the 10-course lunch was really ta