Running 燒 (已結業)

今晚約左個舊同事去旺角食韓燒，大家都知道旺角有好多間韓燒店嫁啦，有時真係唔知簡邊間好所以我地就上網睇下邊間多好評最後就選擇左Running燒食韓燒最怕食到成身味，但呢度每枱都有抽風設備，完全唔洗擔心豬牛羊海鮮樣樣有，真係幾多選擇仲有燒酒梅酒手工啤酒等等，不過大家要留意酒類飲品唔係免費，係要另外收費嫁雖然好吸引好想飲，但因為明天要返早，所以就放棄念頭唯有飲返d韓國無酒精飲品啦右邊個個芒果平時都成日飲，但右邊個個真係第一次飲，有d似乳酸味，好好飲食肉獸~五花腩好肥，燒完再配上菜包肉但真係好好味大大隻海蝦和帶子，好新鮮呀阿豬媽靚湯，其實係羅白湯，味道好清甜嫁咖哩魷魚鬚一落鐵板即刻收縮，證明個火好足夠味道唔太辣但好惹味甜品方面，每人可以選擇韓國雪條或糖水我地同樣都係簡左蜜瓜味雪條呢餐晚餐真係唔錯，除左食物有質素之外，又有超強既抽風設備同燒爐，下次真係要試埋梅酒先

聽講呢間韓燒係有得燒海鮮，睇食評話海鮮質素都唔錯，二百幾蚊，就黎呢度試吓。menu肉類選擇唔算好多，不過大家都係主打海鮮，一開始叫曬海鮮先，叫咗大蝦，帶子，扇貝同埋生蠔。海鮮都算係幾大隻，唔係得丁屎咁細粒扇貝肉同蝦毛仔。仲要食落真係幾新鮮，要讚下蝦係彈牙同爽口，唔係霉嗰隻。 生蠔燒完之後都食得出有海水味。肉類選擇唔多，叫左啲豬腩肉，五花腩，肥牛，雞翼。。。肉類冇乜太特別，友人話牛脷好正，不過本人唔食，大家有興趣可試下。右手面既蘿蔔唔係用黎食，係用黎擦甩個烤盤啲焦，幾得意。最後埋單會附送雪條，所以雪條不是任食，如果除左雪條再有多少少選擇就更好。埋單發現今日有優惠，大家訂位時可問下，折左後仲扺食，每人二百零蚊，總括，怒食海鮮就夠啦，我見枱枱都係咁

今晚約左男朋友去食晚餐，由於太耐都未食過燒肉，所以決定今晚要食下啦佢就搵到間叫Running燒既任食燒肉，地址係彌敦道726號大街9:30後入座有7折我地入座時間岩岩好有呢個優惠除左燒肉仲有熟食選擇首先，服務員會送上四款韓式小菜比我地食住先食韓燒當然要燒下肉先調味雞肉雖然好厚肉，但係好滑，好好味而雪花牛仔肉肥瘦相間，有種入口即化既感覺燒雞翼，我鐘意食餐廳好貼心，會將雞翼預先切開先，可以令雞翼更加快熟，正另外，我仲叫左個生菜籃生菜好新鮮，包住d肉加埋泡菜一齊食，好正又可以減少油膩感海鮮拼盤，全部都可以任叫任食水冷麵，麵條份量唔多，唔擔心會食飽韓式炒粉絲，係韓國傳統菜式之一又健康又有益噴火炸雞，可以選擇不同既辣道，我怕辣所以就叫左個小辣炸雞熱辣辣，但估唔到小辣都已經好辣，真係想噴火，完全唸唔到最辣既程度最後，兩個人埋單七折後都係300幾，好抵最重要海鮮係全部任食，真係好正，餐廳又好貼心讚

久違了的好味韓燒已經好想食好耐了，鍾意可以去試一試，入到去已經人山人海，好有氣氛，有好多食物嘅選擇，頭先衝左去拎飲品，比一般嘅放題多選擇，有韓式飲品，荔枝，檸檬茶，亦有普通嘅烏龍茶等等叫咗我最鍾意嘅薄切牛舌，果然切得好薄，煎一煎已經食得，肥瘦適中，好有好感，正！之後叫咗牛仔骨，都係好味之選，不過最正嘅係豬頸肉，咬落去好爽口，我食咗好多舊！不得不提海鮮方面，做得好出色，首先有蝦，有原殻扇貝，帶子，蠔，全部係任食，絕對食得足夠，好抵食！原殻扇貝同埋蠔都要連埋隻殻一齊去煎，時間會長少少，所以中途我試過翻一翻佢煎，效果都好好， 至於帶子就係全晚最好食嘅食物，首先好容易去煎，煎幾煎就已經好香口，而且帶子好滑，又冇沙，一個人可以食好多！最後要介紹吓咖喱魷魚，啲咖哩醬汁做得好出色，好嘢味，包你食到流口水，建議留待最後先煎，因為會好容易整窿個爐。這個價錢已經算是非常便宜，冇得挑剔，想過下韓式燒烤口引嘅可以試試。

一間任飲任食的韓國燒烤放題店!價錢親民,食物質素高!--* 前菜可以免費添加--* 燒海鮮燒得很有技巧零失敗,不禁拍個照--* 海鮮選擇多而且十分新鮮非劣質貨!當中生蠔.海蝦.扇貝.帶子.龍俐柳.多春魚等等都是無限任食,真的超值,完全值回票價!--* 肉類有豬.牛.雞.羊,四大類,當中羊西冷,牛舌,豬腩肉,雞腎,燒上來味道一流!--* 清新田園沙律--* 炸魷魚鬚,炸粉漿夠薄,好香口!--* 甜品木瓜西米露,西米較大粒更有咬口,味偏淡,剛好中和了一整餐燒烤的油膩感!

•店内環境韓風味甚濃,還播著韓國流行曲令氣氛更高漲!• 前菜: 芽菜.泡菜.海帶,白蘿蔔是用來擦鍋上燶積的!• 生蠔新鮮,此生蠔必需烤熟,不可生食!• 識食一定係加蒜蓉係上面燒,一陣陣蒜香蠔香隨即撲鼻!• 羊脾肉.牛柳粒,薄薄的羊脾肉燒兩燒就可以食了,肉嫩微帶羶香!• 五花腩,脂肪分佈均勻,肉質香滑!•豬耳.豬頸肉.豬腩肉,燒豬耳較特別,爽脆有咬口!• 用生菜包著燒肉食可謂錦上添花!• 香茹.雞脾茹.茄子.青椒!• 水冷麵,這裏的水冷麵做法很特別,湯是沙冰般,不是水狀的,麵條彈牙煙韌,美味且極之透心涼!

好耐未食過放題啦！今晚特別肚餓，又想食韓燒，於是就嚟左依間韓燒放題啦！肉類就嗌左幾種唔同嘅牛肉，豬肉，羊肉，我最鍾意就係果塊豬頸肉，咬落好有口感，d豬肉味亦都好香。幾種牛肉之中，牛仔骨算比較出色，個人比較喜歡癡住骨嘅部位，比較香哈哈。海鮮類我地就要左蝦，帶子，同埋魷魚！我地發現個將個帶子同個殼分開直接燒會比較好味，因為咁嘅話佢層表面可以燒到有少少籠，但入面仲係好滑，食起身比較得意～燒嘅時候睇住d蝦由黑變紅，都幾慘忍lol 不過燒完真係好香，好好味啊！依度除左要自己燒嘅嘢，仲有一d熟食。我地試左韓國炸雞同埋咖喱魷魚，雖然依個搭配好似怪怪地，但都幾得意哈哈！

今日又要加班出裝修標，老闆見我唔順眼就眼超超，我轉身射個三分波即走由佢雕，約埋班豬朋狗友食Running燒，見到餐牌有海鮮就心飄飄，仲要係任食真係冇得挑。前菜豐富樣樣齊就懶得影，新鮮各款豬牛羊就任你整，啖啖肉滑嫩唔痴牙你點頂；仲要有埋生菜俾你包住整，哄到女朋友開心就你最醒；叫親每隻生蠔超大攞哂境，魚片帶子扇貝大蝦任你影，兩舊幾海鮮任食你仲想炳？仲有推介冷麵食完醒一醒，你唔來試就真係火燒咁興。嘻哈鬼叫冇咁悶，可惜冇美女作伴，各款海鮮係咁換，叫左４轉回哂本，任飲汽水唔用管，２舊幾水用到盡。正常Ｍｏｄｅ：　肉好食，但海鮮更好食～！攻略：狂食海鮮，超新鮮好味！會再來：）

呢間韓燒一直都想試，今次朋友請食飯終於有機會了！上到去發覺個場原來好細，好彩我地book 定位。一黎就有位一開波我地狂點肉，牛豬羊通殺，佢啲肉幾好食，薄薄地，易燒得黎有口感，佢又醃得剛剛好。當中牛脷同豬腩肉最好食，牛脷夠香口同彈牙，豬腩肉真係好香，明知自己冇quota 都忍唔住再點。燒呀燒...海鮮我地點左生蠔，扇貝同帶子，個扇貝同帶子食落好新鮮，生蠔食係幾好食但實在太難熟了，燒左兩輪之後我地都放棄左。燒完海鮮因為個獲太燶，叫左人幫手換個新的。正當好飽之際，埋單時佢整多支雪條俾我地，令到我地飽死咁走。埋單二百鬆啲，算幾抵食

由韓國返來，當然會很掛住韓燒，就一於約埋舊同事齊娃娃去試下另類韓燒-海鮮餐。一入到店就已經很有韓國燒肉店的味道，枱與枱之間很寬闊，圓凳下可以放東西，每枱都有生菜藍。食物選擇方面不算多，但有很多另類食材，有大蝦、帶子、扇貝、生蠔、龍脷魚柳、鯖魚⋯⋯全部都出乎意外地新鮮和鮮甜。熟食：推介韓式炒粉絲，彈牙爽口，並不油，很有水準。什菜沙律，很大盤，是健康之選。飲品方面選擇有很多，有道地和各款韓式飲品。細心位：雞翼會剪成單骨，方便燒和容易處理，亦很入味。有趣位：一大塊白蘿蔔並不是前菜，而是燒完一輪後洗刷爐頭用的，很好玩和有效。

放假食好野係永恆不變既定律黎今晚男朋友仔約我去食韓燒, 岩晒我地兩個大胃王D個running 燒係旺角, 幾方便任點任食既食物都有唔少選擇個環境幾有韓國FEEL, 前菜都叫OK各款汽水任扲小食噴火炸雞(少辣): 個味同我係韓國食既都好似, 我甚至覺得比韓國食果隻仲好食少少, 炸完入面唔會乾爭爭, 仲有肉汁, 而且少少辣更令人開胃韓式炸餃子: 菜同肉既比例岩岩好, 而且有汁係入面, 食落好香口炸魷魚鬚: 好香口, 同埋LIKE佢細細條, 令我可以試多D唔同既食物肉類大盛牛仔骨: 調味係甜甜地既, 而且有牛味, 唔會太靭羊西冷: 完全食唔到穌味, 但有羊味, D個幾高汁調味雞肉: 嫩口, 燒完入面都唔會乾爭爭海鮮大盛扇貝: 大粒得黎又新鮮, 而且仲會幫我調好味, 好食蝦: 大隻得黎夠新鮮, 我食左八隻帶子: 燒完幾香口, 外脆內嫩生蠔: 男朋友覺得有少少腥, 反而我覺得係海水味喎, 我覺得呢D先正食完食返條雪條真係透心涼, 完美的句號

"新鮮海鮮running 燒" 係友人同我講的,佢話試過一次, 真係正到冇輪我比佢D句咁押韻既金句吸引左, 就同佢去食係旺角既running 燒去到六點幾已經爆晒場啦, 再引證友人說話係真既!食韓燒/打邊爐飲野係基本, 佢好多種唔同既野飲令我滿意前菜前菜就一般貨式啦, 但都算OK既海鮮有好多款海鮮揀, 蝦好大隻, 而且都幾新鮮, 食落唔梅；扇貝新鮮得黎又大隻；龍猁魚片幾有魚味, 燒落香口；魷魚圈彈牙；生蠔幾鮮下, 但要燒耐D肉類韓燒點可以無牛? 牛是基本野! 個牛仔骨甜甜地幾開胃, 而且唔靭；豬大腸大舊, 有肉地, 唔肥, 少少黑椒去左陣油膩, 唔錯炒粉絲食韓國野最鐘意試下佢既炒粉絲, 通常要最平凡既野先試到廚師既功力, D個炒粉絲個味幾好, 而且有D鑊氣, 估佢唔到幾好食甜品韓國哈密瓜雪條係我既最愛"新鮮海鮮running 燒"已經深入我腦海, 海鮮真係唔錯, 肉類亦都在水準以上, 我幾滿意D餐

今日ot到一個點，收工夜了，所以同幾位ot同事一齊揾食！ 9:00多時間所以去左旺角，選擇又多食完回家都好方便！坐車到旺角途中傾下食日本菜，火煱，放題，其中一位同事話想食韓式燒肉，朋友食過running燒介紹俾佢，所以我地最終決定了食韓燒！入到坐底睇下紙仔，有四張菜單:一張肉類，一張海鮮類，一張蔬菜小食類，一張酒類價目表（其他飲品任飲）食肉獸的我們先點肉類：西施牛肉片，牛肋骨，牛柳粒，五花腩，烤牛脷！推介:西施牛肉片點多個生菜包住食一流，五花腩不用燒太耐已可有爽口而不膩感覺！所有肉類都是薄片的，容易控制燒既時間~不會容易燒燶海鮮控的我們當然要狂點：大蝦，帶子，扇貝，生蠔！海鮮給了我們驚喜，大蝦新鮮又大隻，爽口又彈牙，扇貝，生蠔都好新鮮但燒既時間較長~當食用時間餘下30分鐘時店員會給你甜品order紙，有4款不同口味韓國雪條，和西米露可供選擇。食用時間1小時50分鐘，剛好足夠，但個人建議扇貝，生蠔貝殼類第一時間先燒。地方頗舒適，食物種類看似不多但質數不錯，下次會帶埋家中兩位最愛再來~

今日同家姐飯聚，適逢本人喉嚨痛兼生痱滋，我呢個好家姐，馬上就提議食韓燒，好彩我同你同一個丫媽，唔係問候左佢好耐。又俾佢挑起左條癮，食丫食丫食死佢！典型韓燒裝修，一低店員仲俾左好多泡菜我地食野飲醬料自己拎，燒物：蠔，蝦，魷魚全部任叫任燒甜品就最後每人一份海鮮新鮮乾淨，蝦肉質彈牙肉類肥瘦平均，所以燒既時候無咁易痴底，不過店員都好貼心成日幫我地換燒盤最後黎埋支韓國雪條，好少韓燒會用呢隻雪條做甜品最後家姐爭埋單我做妹既唯有俾佢請，但齋海鮮任燒都已經好吸引，下次帶男友黎俾機會佢請多我一次啦

經常周圍行街既我，今日又約左朋友旺角行街買野加揾食~行到花園街~已經肚仔餓~上次經過知道這大廈有好多野食~今日就去試下，揀左韓燒~肉呀肉呀差不多滿座~坐底後靚仔給我們前菜先~那白色的是蘿蔔，不是食的~係去燒焦的~我還是第一次先看看紙仔先，只有四張，但有好多款不同肉類~也有熟食的，如炸雞，炸餃子，冷面，沙津等~肉類我點了：牛肋骨，西施牛肉片，牛柳粒，五花腩牛肋骨不用燒太夠，肉好淋~西施牛肉片燒幾下就好了，薄薄的，生菜包牛肉片新鮮美味~牛柳粒細小肉軟，燒耐了也不會靭~五花腩油脂分布剛好，也是不用燒太夠已有爽口既口感~海鮮點了：大蝦，扇貝，魷魚圈，帶子，生蠔，龍利魚片大蝦，扇貝新鮮又大隻~大蝦爽口彈牙~生蠔都好新鮮但燒時間會耐一點~食用時間一小時五十分鐘截單前三十分鐘會張甜品紙點甜品的~食用時間充足，肉類種類精揀，醃製後味道不會太濃或過喊，海鮮全部都好滿意~海鮮沒有醃製的，所以有一個醬料櫃自配醬料~價錢超值，9:30後$218有7折~所以適合食肉獸既朋友仔~