影片
更多
2019-07-27
415 浏览
Running燒係我最中意嘅韓燒之一，110分鐘燒肉放題，環境舒適，價錢適中，選擇多，上菜快，而且燒肉最唔中意嘅煙味，依度都抽得夠力。先講下有咩肉類嘅選擇。最受歡迎嘅當然係牛類，有牛扒、牛五花肉、肥牛、牛脷、牛肋骨、牛柳等等，特別推薦薄切西冷牛扒同牛五花肉，平時豬嘅五花腩肉就食得多，估唔到竟然有牛五花肉，肥瘦均勻，一試難忘~仲有平時常見嘅豬同雞類。 提提大家，淨係晚市先有海鮮，午市係冇嘅。海鮮都非常吸引，有生蠔、大蝦、扇貝、帶子等等，有殻嘅海鮮可以將殻反上，等海鮮燒得熟透。除咗燒肉之外，仲有一啲韓式食品，飯麵類包括水冷麵、烏冬、辛辣麵、年糕，而小食有炸雞、餃子等等，等緊燒肉嘅時候就可以醫下肚先。 晚市嘅話，最後仲有一人一條雪條/一碗西米露，本來以為110分食唔到好多野，點知最後我地都捧住個肚出黎！
先講下有咩肉類嘅選擇。最受歡迎嘅當然係牛類，有牛扒、牛五花肉、肥牛、牛脷、牛肋骨、牛柳等等，特別推薦薄切西冷牛扒同牛五花肉，平時豬嘅五花腩肉就食得多，估唔到竟然有牛五花肉，肥瘦均勻，一試難忘~
仲有平時常見嘅豬同雞類。
提提大家，淨係晚市先有海鮮，午市係冇嘅。海鮮都非常吸引，有生蠔、大蝦、扇貝、帶子等等，有殻嘅海鮮可以將殻反上，等海鮮燒得熟透。
除咗燒肉之外，仲有一啲韓式食品，飯麵類包括水冷麵、烏冬、辛辣麵、年糕，而小食有炸雞、餃子等等，等緊燒肉嘅時候就可以醫下肚先。
晚市嘅話，最後仲有一人一條雪條/一碗西米露，本來以為110分食唔到好多野，點知最後我地都捧住個肚出黎！
张贴
