Running 燒 (已結業)

一開始入場十分不愉快。由於本人在OPENRICE訂位了，到場時給男職員看！誰知男職員說:我睇吾到野嫁。。。。。。十分無奈後來，我話我訂左枱及講電話📞佢就用對眼睇訂位名單(不是看不到野的嗎？傻眼)然後叫我們跟隨女職員到坐。到坐後，女職員的態度同介紹用法都十分滿意有愛。上餐速度十分快！建議愛吃生蠔既朋友，每次燒2-3隻由於很難熟透，每次燒蠔都大概用了20-30分鐘時間，以免阻位置燒其他食物。

今日黎試下係旺角嘅Running燒。一入門口，節奏感強嘅K-pop音樂，可以拉到好落嘅抽油煙口，再加上滿滿嘅烤肉味道，餐廳充滿韓燒放題特色，氣氛唔錯。同其他韓燒嘅餐廳一樣，野飲都係任飲嘅，種類都幾多。一坐低店員就送上可以無限添食嘅前菜：泡菜辣辣地，酸辣味都夠入味；辣荳芽香辛得黎，又唔會有草青味；海帶冰涼爽口，配上醬汁都幾開胃。蘿蔔就拎黎抹鐵板用嘅，千祈唔好食錯啊～點醬都有三款可以揀：傳統少少嘅甜酸烤肉醬、辣烤肉醬同風味比較濃郁嘅海鮮醬，配料就有蒜蓉、豆瓣同韓式辣醬，可以按自己口味去調製。係等燒肉黎緊嘅同時叫左碟辣醬炒年糕同韓式炸餃子。韓式辣醬辣勁中帶Ｄ甜味，配上年糕煙軔口感，越嚼越好食；炸餃子新鮮炸起，外皮少少厚身，咬落幾脆，加上飽滿泡菜涵料，好有滿足感。再黎評價下燒烤菜式：醬汁牛五花肉加左特製蒜蓉醬，脂肪遇熱即化，油香蒜香同牛味完美配合，超夾；薄切西冷牛扒有蒜蓉同香草舖面，燒香後會融入扒身，牛味較重，加埋醬汁風味一流；雪花牛仔肉比較有嚼口，亦較厚身，咬落多汁較實在，點辣烤肉醬十分唔錯；芝士腸係標準款，燒到表皮金黃裂裂地就啱啱好，咬落脆卜卜，芝士涵爆出黎個口感真係冇得輸；雞翼要有耐性，

冬天，天氣寒冷，不禁令人諗起蛇羹，火鍋，韓燒。而今日我同女朋友就去咗食韓燒，呢間韓燒係朋友介紹嘅，報稱好出名，好好味😂一出電梯，已經聞到好香好香嘅燒肉味，但竟然聞唔到太大嘅油煙味，原來佢哋每一個座位都有獨立抽風機，足夠將油煙味抽走，所以只會聞到少量的油煙味👍🏻👍🏻場內設計好有特色，金屬感非常重。我哋坐低之後陸陸續續有好多客人入座，大約10分鐘已經全場滿座👍🏻我哋馬上睇下有啲咩食，馬上落單😂落單一陣，嘢食馬上送到，非常有效率。全場都係任飲任食，除了酒精類飲品，啱晒大食嘅我，哈哈。餐牌有好多不同種類嘅肉類，但開飯之前我選擇了先食沙律，佢哋嘅沙律竟然係非常出色，好好味。沙律非常新鮮，而且份量非常大，由於我非常喜歡食沙律，所以完全冇問題。而且食肉之前先食啲沙律，會更加之健康及幫助消化。佢哋嘅沙律，加入了沙律醋及少量辣粉令到我非常開胃，非常建議大家先食沙律再食肉類。咁多種肉類裏面，我比較鍾意食薄燒西冷牛扒，醬汁牛五花肉，雪花牛仔肉同埋牛柳片。其中醬汁牛五花肉，肉質鮮嫩，配埋肉上面嘅醬汁，係絕佳嘅配搭。順帶一提，除咗肉類之外仲有海鮮可以點。燒元貝，帶子同埋芝士燒生蠔都係必食之選。食咗咁多嘢當然要飲

今晚同朋友出去旺角行街，同朋友上咗旺角樓上鋪的餐廳食。感覺十分回味。入內，店鋪環境地方夠大，冷氣也充足。装修得也很好，而且一邊食，一邊聽韓國组合歌，好有韓國風情。首先講飲品，是任飲的，而且款色也多，看完餐牌，食物種類也很多，我個人喜歡海鲜食物，當然叫魷魚，帶子生蠔及海蝦啦。生蠔新鮮，再加芝士。味道好好食。海蝦也是新鮮，而且肉質鮮味。魷魚也很入味道。依個收費能食到咁多種類的海鮮食物。絕對是物超所值。朋友則主打燒肉類。厚切豬腩肉，好香好入味道，口感非常好。而且昰任飲任食。相當飽滿的一餐。朋友對酱汁五花牛肉，讚口絕。燒咗好多轉。肉質鲜味，口感一流。是高質的肉類。综合各方面，是美味難忘的一餐。物超所值的價錢。

突然好想食燒肉，所以約左收工同老友兩丁友去旺角食燒肉，這間燒肉7點20分前離座同9點半後入座有7折，計落一個人都唔洗$200，係旺角黎講都幾抵食，反正都要OT，所以我地都9點半之後先去食。這間烤肉有沒有醃和有醃製的，而且都分好類上檯，不怕會混在一起。薄切西冷牛唔會好肥，烤的時候油香都走出來。醬汁牛五花肉既調味都好正，食完都要再encore！另外還有牛柳粒、豬皮、豬頸肉、雞翼等等，肉類同海鮮既選擇都好多，仲有得你任燒帶子同蠔，燒下多春魚都幾好。小食亦乜都有，炸雞、餃子、魷魚鬚，就連湯同水冷麵依D都有得揀，真係好多野食，食到頂曬肚。我地9點幾去到都幾多人，如果食正晚市旺既時間可能真係要等位，我地9點9去到仲有折，超值！

今天上了一天Trainning, 放工之后，脑子里面还在不停练习。真心想要给自己放松一下，没有什么比大吃一顿更加爽了！于是自己走来了旺角。好几个月前就跟朋友一起过来吃过，又一次过来，还是那么的好味道，而且今天超级多人，吃起来都好热闹！直接上肉！源源不断的肉，我把菜单上面所有的肉，都点了一份。最爱的是五花肉，因为肥瘦相间，所以烤好了之后，不会太油也都不会太干，一口下去，肉就在嘴巴里面化开，肉汁的丰富味道，让我还想再咬一口！柚子炸鸡也是特色，清香的柚子味包裹着罪恶的炸鸡，吃起来清甜中带着鸡肉的鲜美可口，好想就不是那么油腻，味道更加突出！一顿饭吃下来，最深的感觉就是丰富，吃遍了自己喜欢的肉。自己一边烤一边吃，自己动手丰衣足食！烹饪的快乐，也蕴藏在其中。

二百幾蚊有海鮮生蠔食，可以去邊到揾？呢間位置十分方便，在旺角的燒肉店可算是很理想的選擇吧！飲料選擇多，有汽水、韓式飲品、仲有清熱解毒的竹蔗茅根和茶類飲品，邊食邊解熱氣，一流！燒海鮮首選必定是大大隻的海蝦，肉質鮮甜、彈牙，而且大大隻，食落啖啖肉；仲有咖哩鱿魚，醃得非常入味，入口相當爽甜。扇貝及冰鲜帶子也不錯呢。生蠔也是無限添食，食多幾轉，已經值回票價！各式肉類，牛肉類是燒烤必選，不論是牛五花腩、牛柳粒、牛舌、牛西冷、或是牛仔骨均沒放過，個人最喜歡的是牛仔骨，入味之餘，肉質口感都好食。羊肉類不覺羶味，也可一試。菜蔬也有不少選擇，食完仲有韓式雪條作甜品，真係Yumi Yumi！

上次有來過食，這次再來，原因是這裡的選擇非常之多，多到胃量唔夠大食唔曬，而且佢地都有拎過Openrice既獎，都好多人食我最鍾意食佢地呢到既醬汁牛五花同埋牛脷，其實豬大腸同埋五花腩都好好味，另外佢仲有好多海鮮，龍脷魚同魷魚圈都有，仲有佢地呢到竟然有蒜蓉芝士生蠔，出面都唔係好多韓烤有呢D，仲有醬醃春雞脾，都唔係話到到有。佢地既飲品選擇都唔算少，可樂、紅茶綠茶、樂天忌廉鮮奶同韓國柚子茶咩都有，其實都拍得住好多任食火鍋店既野飲種類最後埋尾就食埋支雪條就正，食完熱辣辣既烤肉，再黎支凍冰冰既MELONA韓國雪條，好爽！

韓國燒肉大家都唔陌生，如果鍾意去韓國嘅朋友，都會發現有好多食燒肉嘅餐廳，而且價錢相當實惠，但香港就唔算多呢一類型嘅餐廳，所以今次就食呢一間「Running燒」。餐廳外內位於商業大廈，整座都係餐廳為主，一開門已經見到餐廳門口，內面唔算太大，但都坐得舒服，油煙不大。價錢及食物選擇小食/冷熱盤有我最鍾意既水冷麵，仲有炸年糕、烏冬、粉絲、湯等等。小食有炸泡菜餃、韮菜餃、炸雞、炸魷魚鬚等。水冷麵麵質都QQ，如果附上醋同芥末仲正！炸泡菜餃、韮菜餃就偏厚粉同乾身。炸雞有驚喜，柚子味同辣味都好夠味，加上雞肉無雪藏味，唔係留肚食肉會叫好多件。蔬菜必點生菜藍配燒肉吃！仲有杏鮑菇幾有驚喜，估唔到有印字咁有心思，亦夠爽脆清甜。冬菇十分大件，識燒可以燒得好juicy。海鮮有大蝦、多春魚、帶子、扇貝、咖哩魷魚鬚、魷魚圈、龍脷魚片、鯖魚、生蠔、蒜蓉芝士生蠔。大蝦唔霉，燒到外層收乾水食剛好。帶子、扇貝、生蠔都係回本食物！另外，咖哩魷魚鬚惹味有咬口，會係點完再點既食物。肉類有牛、豬、雞及羊肉。選擇都算唔少，肉類都大部份經過醃制，唔使點調味都已經好夠味，牛肉有牛肉五花肉，比起豬食起上黎冇咁肥膩，肥膏較少，配生菜食口感一流

次次都係一耐冇食一樣野就短時期內不停食，前幾日食完日式燒肉，今日就嚟食韓式燒肉，睇中佢有生蠔、扇貝、帶子、、炸雞、水冷麵等等，加上餐廳轉型前食過覺得好食，味道對我嚟講有保證，所以又返嚟食啦！環境彌敦道726號成棟都係餐廳咁制，都試過當中幾間，呢間「Running燒」係幾年前黎食過，果時係食單點韓國菜，估唔到已經變成任食燒肉店。餐廳唔算好大，但都坐得舒適。價錢特定時段有優惠，而我地嚟就食Running燒任食110分鐘 $258+10%。點餐紙免費項目3張紙，另一張係加錢飲品類別。餐廳提供一塊生蘿蔔，用以比食客清潔鐵板，我食咁多次燒肉都係第一次見，幾特別。牛/豬/香腸基本上所有牛既款式都點匀咁制，大部份都已經調味，當中醬汁牛五花肉、烤肥牛等醃得入味，火力夠，燒幾下已經食得，唔擔心會有老既問題。而豬方面，有較少見任食燒肉店有嘅豬頭枕，姐係豬勁脊肉，仲有回本既黑豚豬肉，唔少得韓式燒肉必不可少既五花肉等等。豬類既色澤都好靚，紋路清晰，肉質實而不韌，五花肉又唔算太肥，包生菜食啱啱好。至於香腸就正常冇特別。雞/羊雞翼好貼心地已經開左邊，方便煮熟，同樣本身有調過味，皮燒至焦黃再食，值得encore！仲

上上星期同朋友食完燒肉之後，唔係好夠喉，今個星期決定再戰！😋為咗有源源不絕嘅燒肉食，今次特登揀咗間放題，誓要食到捧住個肚好滿足咁翻屋企呀！☺️餐廳好貼心，門口放咗除味噴霧等客人走嗰陣都可以香噴噴☺️值得注意嘅係酒唔包係放題入面，想飲酒就要另外點！飲品款式有超級多！配合返呢間韓國餐廳，我揀咗圖中左三嘅梨汁，飲落口啖啖梨肉，又唔會太甜，推薦！👍🏻我地都叫咗少量熟食，嚟韓國餐廳點可以唔試下炸雞呢？呢個柚子味炸雞重點在於個醬，濃郁嘅柚子味甜甜地，令個炸雞更上一層樓😋個醬好味到我地留返嚟沾之後嘅燒肉😝肉類方面，個人覺得下圖左上一塊塊好似午餐肉嘅一口牛脷粒最好味！(對，佢名同實物不符🤪)呢個厚度雖然令燒嘅時間比薄片肉會耐少少，不過絕對係值得架，食落口先係厚薄適中！下圖右下嘅薄切西冷牛扒都不錯，非常大塊！不過個人嫌佢上面嘅蒜多咗啲，有點兒喧賓奪主😟食內臟嘅人我推薦試下圖右上嘅豬大腸，夠曬厚，入口好有質感！順帶一提，店員非常親切，知道我地點咁多肉都唔會認得邊款還邊款，所以非常歡迎我地食到好食嘅，再問返佢地，多得親切嘅店員我先有得encore一口牛脷粒咋😋海鮮方面，款式都唔少，當中嘅蒜蓉芝士生蠔係必點，睇住

一直聽落呢間都唔錯，想去試一試。所以早在一星期多啲book 咗呢間餐廳同男朋友去撐枱腳。去到果日一收工，即刻坐公司車去旺角。點知龍翔道大塞車，遲咗十分鐘左右入去。入到去位置感覺舒適，坐枱分怖合理，不會令人覺得有壓抑。同時有兩部電視，其中一部播緊韓歌，都幾合適餐廳之類嘅風格。坐低之前將啲個人物品放入收納凳裡面。入正題，坐定定就即刻拎起幾張點心紙睇有咩菜式。因為我地食量不大，於是就點咗以下嘅食物。阿珠媽靚湯第一啖飲落幾特別，養胃和氣，入面主要係芽菜，同韓國嘅味道相比較濃。係韓燒中入一碗湯可以中和一下。建議點嚟試試！蔬菜（生菜籃、青椒、南瓜） 蔬菜普遍來講都新鮮，強烈建議食牛肉，或味道較重嘅肉類可以包生菜，有助減低油膩感，食完仲會好fresh，同埋健康。生菜包肉呢個配搭一流👍🏻👍🏻薄切西冷牛扒十分推介，別有風味，賣相亦可口。帶子、扇貝、大蝦呢間餐廳有海鮮類緊喺趕快點幾類來試下，呢三款都新鮮，入口鮮嫩👏🏻其他類別就未點嚟試下，推薦大家試下。炸物（噴火炸雞、炸魷魚鬚、餃子） 熱食嘅炸物趁熱食會好味啲，所以一趁佢上完菜就即刻食用。因為我同男朋友都唔偏好食辣，所以噴火炸雞揀咗小辣個款，炸雞辣得嚟好好

天氣慢慢涼，終於感受到冬天即將要來了~放工就同埋朋友去左旺角樓上鋪到食燒肉，等大家可以慢慢談心，入面有播卡通片，而家香港個個人都唔開心，睇下卡通片短時間放鬆心情。任食最好就係大吃大喝，選擇都有幾多，除左肉類同海鮮外，仲有湯同其他韓式小食。黎到先有3款前菜(木耳、辣芽菜、泡菜)可以無限添加添~ 而果舊蘿蔔就千祈唔好食，係拎黎抹燒板，可以清洗一下板表面嘅結焦。啲野食好快就黎左，我就最鍾意飲湯，阿珠媽靚湯都encore左三次，而家天氣涼涼地飲碗靚湯暖下胃，阿珠媽靚湯嘅味道有少少似麵豉湯，入面仲有紅蘿蔔、洋蔥等熬湯，好好飲。第一輪我地叫左少少肉同海鮮試下，那那臨就放滿哂啲野食落去燒生蠔、帶子都好大隻，啖啖肉，燒完之後都唔會大縮水，生蠔上面有左芝士同蒜蓉，更加香口惹味，仲帶有鮮味。牛五花肉加左大量蒜蓉同沾滿醬汁因為佢比較薄所以燒果時好快熟又易燒之外仲可以keep住啲肉汁同煎蓉香，包埋一齊食好正，岩哂我呢啲無蒜蓉不歡嘅人。如果想食有肉感多啲就可以五花腩、薄切西冷牛扒，仲可以用生菜包住泡菜黎食，比起就咁食肉更加清爽。食左好多燒肉有時想轉下口味清爽一下，就點左一碗水冷麵，出面食一碗水冷麵最少都要70幾

今日同朋友黎到running燒慶祝生日🥰一坐底店員比左小食for開胃，同埋一舊白蘿蔔仔，係for一間燒耐左清一清個燒板之用，都幾work🤣/佢係放題式嘅韓燒，有好多種類任君選擇，雞牛豬一定提供到，最驚喜係連好多款海鮮都有得簡🥳而且都有啲熟食可以簡，例如：炸雞、水冷麵、沙律等等。沙律好大碗，一啲都唔hea👏🏻/好中意食佢嘅豬肉，肉汁重，肉地唔會話好硬。雞嘅話好嫩滑，牛就唔洗講啦，好惹味，推薦👍🏻/海鮮叫左蝦、生蠔、帶子、魷魚鬚，每樣都好新鮮，同埋佢呢到唔會走單，點完後黎得好快啲野食，想講每樣野都燒得好快，唔洗等好耐，最重要係唔係會好易燒loan👏🏻/飲料到佢有幾個櫃比你自助去拎，都好多選擇👏🏻自助韓燒黎講佢值100分，食物味道質素都好好，而且服務員服務質素唔錯，好推薦如果想去旺角韓燒，黎呢間啦🥰讚！

睇完一套電視劇，入面有一幕主角食燒肉既劇情，燃燒起我想食燒肉既「肉」望. 上網搵到依間Running燒，收工終於忍唔住同兩個同事去擦餐勁既. 一坐低就有四個配菜小食，不過舊白羅卜係攞黎洗個鐵板既 大家唔好燒黎錯黎食🤭食燒肉當然唔少等芝士燒生蠔一次過叫晒豬牛雞羊唔同部位既肉，各有唔同既肉質和口感！依三塊西冷牛扒切片好好食 值得推介！依個配炸雞既柚子醬好好食！因為太好食，之後既成餐飯我都攞黎點燒肉食😌 大家不妨試下！食到咁上下，職員會比個menu揀雪條，我自己揀左蜜瓜味，超好食，依個係最大既驚喜，口感煙煙韌韌，同平時食開雪到硬到好似冰塊既雪條好唔同！三個人埋單都係食左八百幾蚊，平均每個人二百幾蚊就可以食到咁高「汁」既燒肉放題，值得推薦比中意食燒肉既大家👍🏼👍🏼👍🏼👍🏼