Running 燒 (已結業)

今次與友人相約在旺角，正當午飯時間時，友人向我推介食韓燒放題作為我們的午餐。該餐廳位於旺角彌敦道726號9樓，名為running燒。我相當喜愛他的整體裝修，帶有韓國餐廳的風味而且他的背景音樂也是流行中的kpop,氣氛相當不錯。回到正題，該放題時限為110分鐘，我個人認為用餐時間剛好而且該套餐都食材絕對高質，先談及他的肉類，我個人喜愛該餐廳的牛仔骨，經過幾分鐘的燒烤，牛仔骨的肉汁完全鎖緊在當中。而且他的羊肉也是不錯的，再談及他的海鮮，每一類海鮮也很新鮮，而蝦類他是提供原隻虎蝦，這令我感到相當驚喜，無想到在韓式燒烤中會能夠燒原隻虎蝦，味道也相當不錯。該餐廳除了虎蝦外，還有新鮮生蠔，扇貝等。絕對值得來這裡一試！

最近好想食韓燒，見呢間可以任食，地點都好就腳，於是黎呢間食喇～～～門口位有齊消毒噴霧同信封比客人妝後站， 十分貼心😌😌入到黎每個座位嘅櫈都係一個桶，可以比客人裝住啲袋或者衣物，避免吸入啲食物嘅氣味👍🏾👍🏾👍🏾有三款小食，再加一碟白蘿蔔，店員話當個爐有啲癡底嘅時候，就可以用白蘿蔔燒一燒個爐，咁就可以輕鬆整走黐底既焦😯😯😯飲品方面係自取嘅，除咗汽水類之外，仲有啲健康嘅飲品，例如椰子水、竹蔗馬蹄等，啱晒注重健康嘅女士們，鍾意飲酒嘅人，可以點啲酒類嘅飲品。醬料方面都係自取，可以根據自己嘅喜好揀唔同嘅醬汁👏🏾👏🏾你得韓燒梗係要點肉類啦～～～～我哋點左牛肋骨、五花肉、西冷牛等等...當中嘅五花肉十分之好食，薄薄一塊，放喺爐上面燒一陣就已經食得😋😋😋😋呢度除咗肉類之外，仲有海鮮😍😍我哋食咗帶子、龍利柳、蠔、扇貝、魷魚！！海鮮類全部都好新鮮👍🏾👍🏾👍🏾除咗肉類同海鮮類之外，仲有菇類可以點，例如金菇、冬菇、雞髀菇，我哋將啲菇加埋啲海鮮醬一齊燒，出到嚟個味道十分之野味😍😍😍😍😍除咗需要燒嘅食物之外，仲有啲熟食嘅炸物，炸雞都有好幾款味道，炸出嚟都好香脆🤟🏾🤟🏾🤟🏾🤟🏾最後，每位客人都會有一款甜品可以選擇，我

而家經網上訂位有7折，即刻約埋朋友🐶衝店舖座位唔算多，記住早啲book定飲品野食任飲，但甜品慳咗每人一個，而我揀咗蜜瓜雪條我覺得最抵食真係生蠔🦪好有營養，仲可以無限加單，而且質素唔差，提一提係一定要燒‼️唔可以生食的，燒完更鮮甜，但熟後會縮水帶子係細薄片，好快熟，兩面各燒一陣就食得，口感不錯👍🏻仲有一款係芝士蒜泥生蠔🦪其實呢款較好食同重口味少少，💯推薦，但怕肥所以叫番普通款就好了🤦🏻‍♀️見到枱枱都有叫韓式炸雞🍗咁跟啦🤣原味炸雞係有驚喜嘅😆肉仲係嫩身，另外兩款分別柚子同辣味，可以值得一試，但真係叫幾多食幾多🙇🏻‍♀️見到有枱叫咗兩大盤原味，但最後食淨好多真係好浪費😕呢間啲牛真係要俾個讚，無論肉嘅色澤、新鮮度、口感同味道真係一流🤤上面鋪滿蒜泥😋十級正肥牛肥瘦均衡必試曬佢所有牛😍😍蔬菜類補充番啲膳食纖維🥬

假期的節奏，行街食嘢好增進家庭感情㗎今日我哋就嚟到旺角。醫肚首選一致決定韓燒。喺彌敦道726號呢間九樓Running燒。燒肉放題價錢都好經濟架。四人消費七百多元韓式前菜各款精緻飲品燒牛仔骨，燒後的牛仔骨油脂分布均勻。淋滑入口。口感超正。鍾意食五花腩的食客。生寀捲上燒後的五花腩。可減又油膩。還感覺清新呢！骨膠源滿滿嘅豬皮。女士嘅至愛。燒海鮮也是我的至愛。多款新鮮的海鮮也任食客落單！而且上菜的速度也很快。燒後的海蝦彈牙爽口，帶子鮮甜。兩款蠔。一款放上芝士，另一款就原味。不同的風味。餐廳還準備了多款熟食。這款溫泉蛋香蔥紫菜飯好好味。米飯的香味配上香滑的溫泉蛋。就算肚子飽了也抵擋不了它的誘惑呢多款新鮮蔬菜，可中和吃肉的飽感。

預早左四日喺OpenRice度book位， 星期六下午12:30 4位。12點準時去到，帶咗我哋去窗口六人座位，四個人只可以用一個燒爐，原本以為唔夠燒，但係其實都夠，另一邊爐攞嚟擺食物一流，因為啲嘢食真係擺滿晒喺成張枱。首先有前菜：泡菜、海帶、芽菜。注意！蘿蔔不是食的！是攞嚟清潔爐面！醬有泰式辣將、韓式辣醬、仲有兩隻唔知咩醬。小食：除咗原味炸雞、辣味炸雞（多左個辣醬）、韭菜餃子（無乜味）、泡菜餃子（比較好食）、水冷麵（面好咬，必食）、韓式粉絲、韓式無骨鳳爪（唔食得辣唔好叫）、什菜沙律（配燒肉食無罪惡感）、年糕湯（年糕較硬湯係麵豉湯無特別）菜方面：茄子、雞脾菇、菇、金菇（全部都係我最鍾意食嘅，每份都大大嚿可以夾肉食）肉方面：有豬、牛、雞、連羊都有。（肉質嫩口鮮甜，本人推薦牛：牛柳粒、肥牛，豬：厚豬腩肉，雞：春雞脾）海鮮方面：有蝦、魚、蠔、扇貝、帶子，無限愛無限添食好抵食！飲品方面：有椰青水、茶、忌廉鮮奶、汽水等等一啲都唔吝嗇。最後甜品有韓國芒果、椰子、蜜瓜味雪條一人一支。OpenRice 卜位仲有7折其實好抵，4人埋單唔洗800蚊🤤🤤，最緊要坐得舒服，空氣流通，廁所乾淨，侍應服務周到無漏

早幾年韓國熱潮仲未減退嘅時候，想搵間食韓國野既真係排到天荒地老，唔知叫唔叫好彩啦，近排韓風冇吹得咁行，又加上疫情，所以我哋好順利咁book到都幾受歡迎嘅韓燒running燒。呢度食飯係分時段嘅，有少少似食放題咁樣，我哋就揀咗比較平嘅9:30時段。呢度嘅裝修都好有韓國燒烤嘅感覺，圓枱加上一條條嘅抽油煙機，好有去咗韓國嘅感覺。店員安排咗我哋坐喺窗邊嘅位，四人位嚟嘅，我哋得兩個人坐落都幾舒服，加分。因為第一次嚟嘅關係，我哋第一輪乜都點下，叫咗好多唔同嘅肉類同埋海鮮。呢度嘅肉雖然都係冰鮮肉，但係品質一啲都唔差，切出嚟嘅五花腩唔會薄chitchit，塊塊都差唔多一cm厚。總括嚟講豬肉係比較好食嘅，五花腩加埋生菜加埋啲韓式辣醬非常之咁好食。同埋呢度值得讚嘅係連韓國好地道嘅豬皮佢都有得叫。海鮮嘅話除咗常見嘅秋刀魚、魷魚之外，仲有酒店自助餐先會見到嘅生蠔，當然係要燒熟先食得個隻啦。咁我哋都唔執輸叫咗幾隻食，出奇地唔差喎，幾新鮮。除咗呢啲之外，仲有熟食叫，仲要係韓式炸雞，有成六款口味，淨係叫多幾件炸雞其實都已經值回票價，出邊叫五六件雞都差唔多要$200，呢度仲可以任食，超級抵。仲有15分鐘嘅時候店員提醒

平時食放題食得多，主打韓式燒肉放題真係唔多， 呢到主要分肉類、海鮮類、蔬菜/粉面類等等。 肉類選擇都幾多，最推介係醬汁牛五花肉，塊肉大大塊而且個醬汁好特別，食左幾轉！豬類最吸引係豬頭枕，姐係豬頸脊肉，真係有入口即溶既感覺，完全唔un。海鮮叫左大蝦、扇貝。隻蝦真係大大隻，食落好新鮮！！飲品選擇除左飲品櫃個d,仲有酒類。有韓國既燒酒， 咁岩鐘意飲酒既朋友。講明韓式放題，點少得韓式菜，食燒肉叫左個水冷面解膩，而且份量岩岩好，滿足到想食既心而又唔會太多。仲叫左炸雞，肉質仲keep到幾嫩滑下！柚子味炸雞既醬係分上，可以自己控制個醬汁量。食到最後仲有甜品。有melona 雪糕/ 西米露簡，我就簡西米露作結，入面仲有紅豆。

近排好想食韓式燒烤，朋友講呢間running 燒好多嘢食，所以就book咗呢間首先一坐低就有幾碟前菜 都係無限可以refill架～餐牌上面嘅選擇好多，有好多款熱食，同埋唔少得有燒肉啦~ 肉類有牛、豬和雞，仲有幾款海鮮架！ 我地就咩都叫左泥try try 咁多款我最中意食肥牛同埋豬肉！燒完好香，配埋自選醬汁都幾唔錯上菜速度幾快，爐又夠熱，所以肉熟得好快好快有得食熟食方面，我地就點左韓式炸雞、魷魚鬚。炸雞有原味，柚子同埋辣味，自問食得辣嘅我都覺得佢個地獄辣好辣呀！咬咗一啖差唔多飲咗成罐飲品鍾意食辣嘅朋友一定要試吓！另外我哋仲叫咗韓式炒年糕，年糕夠煙un, 配埋個傳統韓式辣醬好好食最後就食甜品啦，有兩款韓國雪條，同埋其他糖水等等～

朋友住旺角，疫情下好久不見了，今晚專程過來找她吃飯，她介紹試這間韓燒，到店時店員都叮嚀做好消毒步驟，亦有遞上搓手液，而可能我們到步時間較晚，店內人流不算多，空間感足夠，而且抽風很好，不會有太大燒烤油煙味！因為當晚太晚到步，其實已經很餓了，看一看點菜紙竟有即炸炸雞/餃子 等等，二話不說就點了，即炸起好香口喔！先填填肚子。再來 燒肉 我喜歡牛肋骨/辣味五花肉，很搭配燒酒，吃不膩！驚喜的是海鮮比想像中新鮮，真的有原粒帶子，好鮮味！不錯！最後還有甜品雪條供應，好久沒吃這個了！整體感覺好滿足！

不久前有朋友提及這間，一直都想來試，今晚姐姐終於有空陪我，即刻帶她過來！疫情下，枱與枱之間都隔開一定距離，坐得不擠逼，感覺安心點。店員亦親切招待，每次寫好點菜紙都好快過來！放題燒烤，可點的款式很好，自己特別喜歡醬汁牛肉五花肉和五花腩，來回點了兩轉，不會被醃製的味道蓋過肉味，不錯！而重點是可以任燒海鮮，比起肉類，我更愛吃海鮮，其中的帶子，海蝦，生蠔，較高質，即使任食，食材都新鮮，這點很重要！但要留意烤芝士生蠔，需要烤久一點喔！吃燒烤，怎能沒有酒精，來丁韓式店，來一瓶Soju，這個晚餐，很完美了😊

我有一個外表粗心內裡其實幾細心嘅男朋友，話說我前排講左句好耐冇食韓燒，原來佢一直記係心裡，前晚仲搵左好幾間韓燒舖俾我揀，可惜好多間都已經full booking，唯有walk in去碰下運氣，我哋最後揀去running燒！中午12點半去到，等book左嘅客先入座，大約5分鐘後我哋都入得，被安排坐係窗邊位，感覺好寫意。有多款肉類、海鮮、蔬菜同熟食任點任食，而且職員送餐收碟效率都好高，非常有禮，值得一讚。汽水、茶類飲品等都係任飲，除咗酒類要另外收費，價錢都算合理。水冷麵第一次食水冷麵，麵質好煙韌幾特別，感覺好fresh。噴火炸雞揀左中辣嘅噴火炸雞，已經都幾辣下，但辣得過癮哈哈。每款肉本身都好夠味！尤其係蒜味，對蒜🧄控泥講真係心心眼，食到口臭都開心！海鮮當中，我哋覺得大蝦同帶子最好味！蝦食得出係新鮮的，肉質結實，燒蝦永遠冇得輸。帶子好快燒熟，入口爽彈！仲有多春魚都唔錯，真係超多春，漲卜卜咁。好香噴噴呀仲有生蠔🦪任燒！有普通生蠔同蒜蓉芝士生蠔揀，個人偏好後者多d！埋單前有雪條送，係MELONA蜜瓜雪條呀！Lunch time有7折，人均只係$182.5咋！真係超抵食！真心推介！！！

好耐都冇食過燒肉放題，突然間好口痕，就約埋個friend一齊嚟刷餐勁嘅！又來到呢幢好多嘢食嘅大廈，今次嚟咗running燒，每人二百幾蚊就可以任食燒肉，真係好正😍😍嘢食選擇超多，由小食、肉類、海鮮等等有，包羅萬有。上菜都超快，唔使5分鐘就送到黎。值得一讚嘅係個爐都好夠火候，擺上去啲肉好快就熟。最好食嘅係豬頸肉，食落去真係好爽脆！肥牛都唔錯😍飲品方面大部份都係韓國嘅飲品，最鍾意就係飲忌廉溝鮮奶😋😋😋醬汁都可以自己調配，大把你揀😍初頭我以為枱上面舊蘿蔔係食嘅，點知原來係用嚟清潔個爐，真係一抹d焦就甩！好正😍😍兩個都叫咗勁多嘢食，好快就飽，最後仲可以揀一個甜品，我揀咗芒果雪條，真係好夠味好正

今日突然好想食韓燒，諗起旺角有間黃店，於是就卜位去食。上到去淨係見到個環境已經好有韓國食店嘅感覺，位與位之間有布幕遮住，私隱度好足。燒肉有兩張，分別係牛、豬、香、雞、羊、海鮮，每一款肉類都好多選擇，仲有好地道嘅豬皮，讚！飲品方面都好韓式，有樂天嘅梨汁，入邊有梨茸，幾好飲。落完單就出去攞醬料，蒜蓉我最鍾意，另外拎左韓式辣醬同海鮮醬，辣醬同所有肉類都好夾，海鮮醬就麻麻哋，下次會拎烤肉醬。等咗10分鐘都唔使，啲肉就上晒枱，成個肉類拼盤，肉食獸最愛😍😍見到啲肉好似雪花好均勻，血色好好咁，感覺好新鮮！當中我最推介雞腎、五花腩、牛柳粒，蝦都有驚喜，好爽口！燒到個板有焦就拎舊白蘿蔔當擦膠咁擦擦擦，即刻乾淨晒！又可以再拎啲肉去燒過！我哋仲特登嗌咗一籃生菜，包住五花腩食，啲菜好新鮮爽口，夾住舊肉食真係無得頂！最後仲有甜品食，一人一支雪條，完美作結！

家人生日，看食評，呢間都唔錯，便訂了這間。佔半食品都叫了每人一件先試試，免得做成浪費，牛肉類別確實唔錯的，也叫了炸雞嚟試，其中一嚿炸雞，入面生的，家人向樓面反映，旁邊那位話炸過比我們，(其實，我們唔係想要過一嚿炸雞，只是善意提醒🤦‍♀️)，食食吓，第一轉都未燒完，便有人過來說Last Order，唯有嗱嗱聲入紙，加碟牛、生蠔同雪糕三文治。後加食品遲遲唔上，我看到門口有人等位了，一邊看時間，一邊追單。生蠔終於上檯了，上檯不久，樓面就追交檯，但、燒要時間的嘛！最後草草把生蠔退殼放上去燒，讓它快d熟，燒完出嚟已經唔知變咗乜?? 呢餐經Openrice訂檯有折，平均每位只是$182.30真係好抵。但、店內的慢半拍服務，食到一肚氣，真係怕怕，食完後，完全領悟到店舖名字Running燒的意思，也明白甚麼是Running食，最慘既係食完行出嚟都唔飽🤦‍♀️🙈。總結: 冇下次。

韓燒放題大家好多都食過，但普遍都有一啲漏單嘅問題，又或者啲肉醃到好鹹，完全食唔到肉本身嘅味道，不過今次食呢間running燒就令我眼前一亮。我係7:30入座，嚟到已經人頭湧湧，入去之前店員會先幫食客量體溫，再用酒精搓手液消毒，令人放心。我好好彩地安排咗喺窗邊位置，可以見到彌敦道嘅街景，相當唔錯。嘢食方面主要有雞牛羊豬各種肉類同海鮮，大胃王嘅朋友仔，可以試吓點呢度嘅熱食，有豐富嘅澱粉質😂：例如韓式炒粉絲同紫菜溫泉蛋飯，仲有啲炸雞、餃子同魷魚絲過下口癮。如果係鍾意打卡影相嘅朋友仔，不妨叫多幾款肉類，店員會用一個大圓盤將所有order放上去，睇落去會特別豐富，令人食指大動。至於嘢飲方面，有唔同嘅韓式飲品：忌廉溝鮮奶、蘆薈汁、蘋果汁等等，要留意嘅係酒精飲品需要額外收費。如果係鍾意食韓燒嘅朋友仔，真係不妨一試。