Running 燒 (已結業)

喺TOP附近呢間Running燒未到7:30就已經有人等位，令人好期待雖然係放題，佢選擇唔會多到成本簿咁厚但反而樣樣野都有水準第一輪一於咩都試少少先，賣相唔錯。又唔會有雪水，解涷擺位都做得幾好而且張枱夠大，唔會擺到好論盡海鮮都好新鮮，有返啲鮮味，食得過另外炸雞都超好味，即叫即炸！咬落好滑仲出緊煙 揀左柚子味同辣味隨意點，啖啖肉食到口乾就可以去雪櫃自己揀野飲，都係普遍放題有嘅選擇，鐘意都有soju可以落單叫推薦

係屋企home office, 睇韓國綜藝睇到好想食燒肉🤧所以之前去左旺角呢間叫做Running 燒嘅韓式燒烤食 我地一行兩人 特別攞多set餐具做公筷 食完都快快回家 大家記得享受食物都要注意衛生! 一入到去就見到牆上面好有風格嘅塗鴉 然後佈置好貼心 凳底有位俾你放袋或者大褸 可以阻隔啲燒肉味 之後肉嘅方面都有好多選擇 除咗有一般嘅五花肉豬頸肉 肥牛之外 仲有薄切西冷牛扒 雪花牛仔肉 豬頭枕呢啲比較特別嘅款式去揀～上菜嘅時候啲肉仲會分開一格格擺 方便分清楚啲肉種 推薦醬汁牛五花肉 薄薄一層 好juicy 又唔會太過油膩 另外雪花牛仔肉包生菜都好好食 細細一舊肉 脂肪分配得好平均最後仲有支雪條做甜品呀好耐冇出街的我感到滿足😭 食完快快戴口罩回家啦

位於旺角彌敦道商業大廈的一間韓燒，非常方便。在疫情期間食韓燒都有點擔心，但決定同朋友即管一試。很特別的是，我與友人食完之後都竟然無任何覺得熱氣，相信同呢間韓燒提供既服務有關！一入去未坐低店員已經馬上為我地探熱，環境非常安全。另外，呢間韓燒提供一塊大白蘿蔔讓我地清潔燒過肉，滿是燒焦的爐面，而且飲品仲有涼粉爽，食完除左飽無任何熱氣唔舒服既感覺。講番食物，呢到唔單只有常規的燒肉，仲有例如扇貝，生蠔，蝦既海鮮，特別係燒生蠔非常好味！唔腥帶鮮味，連我平時唔食生蠔既朋友都覺得好味！另外，呢到仲有各種味道既炸雞(柚子，原味，韓式辣), 以及我最鐘意食既辛辣麵！真係第一次見韓燒有辛辣麵，大食既我陪住燒肉食左兩碗！最後講番燒肉，如果好肚餓係咁點牛肉就岩！好食又薄，非常快熟。

今天是個好日子，值得慶祝一下。晚上過來Running燒🔥享受跟自己約會的時光。人越成長，越懂得自己喜歡什麼，愛吃什麼以及追求什麼。不念過去不畏將來，吃好每一頓燒烤，過好每一天生活。韓燒放題一直都是我的最愛，Running燒🔥環境舒適，用料新鮮上等。餐廳🍴注意衛生，用餐的客人都需要量體溫🤒️這些措施，讓我覺得很放心。每次都會把所有的肉類全部叫一份，最喜歡的還是牛扒🐂肉質鮮嫩美味可口，自己燒🔥烤的過程，也是很美好的體驗。柚子炸雞🍗也是特色，炸雞肉的鮮美，配上柚子醬汁的清新口感，一試難忘。海鮮類，大蝦🍤新鮮，燒之後，蝦皮由青變紅，食慾也隨之大增。怎麼能不多吃幾口。放題最好之處就是自由，愛吃多少，愛吃什麼全有你自己決定。258一位的價錢，也是很划算了！最後，還有餐後甜品🍮之前一直吃雪糕🍦今次特意點了西米露，也是美到心間。美好的一天，由完美的晚餐🥣結束🔚 愛你❤️

宅在家太耐，出去金魚街走走，想起附近彌敦道有一家人氣韓燒，即去試試。上到去一出已聽到強勁韓國歌曲，近門口有膠鍊拉起，以為未營業，原來是要防止客人直走入去，要在門口檢測體温。店員說一般都要先訂位，幸好我們時間尚早，還有位子！這家韓燒是放題110分鐘，有豬、牛、羊、鷄等肉類，還有海鮮、蔬菜和韓國式熟食，但酒類飲品需另收費。店員先奉上幾碟韓式小食，我先點了幾款肉類，都很快奉上，淨看外觀都感覺新鮮，立即放到爐中燒烤再去取飲品，竟然找到了久違的沙示。等了一陣，肉類已可進食，果然肉質鲜嫩，美味可口。隨後再點了海鮮魚類帶子、生蠔，同樣非常新鮮，配以這特製的醬料如海鮮醬、烤醬、韓式辣醬等，盡把肉類和海鲜味引發出來，最後極力推薦這的蒜茸芝士生蠔，必要一試。如果嫌燒烤時把肉類燒焦，可考慮筆者方法，把肉類放在貝殼面上燒，同樣美味非常。

呢間韓燒店一向是年青人學生哥們至愛幫襯人氣店之一，而我倒是今天第一次到此店光顧，幸好早早在OpenRice使用訂座服務，因此一到埗餐廳即可安排枱坐下，眼見尾隨既情侶walk-in到店，未能即時安排枱，要再晚上八點半後先至有枱可安排。一坐下，已送上三小碟前菜，分別是泡菜，芽菜及海帶，白蘿蔔是用來清潔燒烤板的Order紙大致分為海鮮類，肉類，蔬菜及熟食類飲品及醬料自己取，任飲任添肉類併盤，集齊雞，牛，豬，個人覺得牛柳片及雪花肥牛都好好食薄切西冷牛扒，醃得好入味，充滿香草及蒜蓉醬味道蒜蓉芝士生蠔，昵個必食推介，highly commend👍🏻👍🏻👍🏻燒熟後整個蠔肉被溶芝士包圍多春魚，帶子，生蠔，鯖魚元貝，好大隻生菜籃，用黎包住D肉食，可減低油膩感泡菜餃子

最近想增肥，拉埋個friend黎陪我食韓燒放題，齊齊做食肉獸我都係響openrice search到呢間野，睇落都ok就book左位試下。我地7點來到已經full左場，個場比較細，所以唔想等最好book定位la！野食款式唔算多，比起日式放題會覺得較少，不過好似樣樣都好吸引咁😍上面呢d啤酒要加錢，不過其實佢都有雪櫃任拎任飲，有我最愛既忌廉鮮奶就ok la佢有比前菜既，仲可以任添，醬料都係自助。首先講下d炸物小食，通常黎燒肉店都唔expect d小食會出色，但呢到真係炸得好好味，又脆，無得彈！我就覺得柚子炸雞好味過原味炸雞～話明要增肥緊係瘋狂叫肉lad雞翼仲開左邊方便燒熟同方便食，好細心呀～各式肉類都好好味，尤其係羊同牛。呢一份係五花腩，我覺得係全晚最出色既肉，encore左幾轉呀！燒完好soft好多肉汁，超級正仲有d海鮮同蔬菜當我食左好多肉之後，我居然仲食得落呢碗紫菜溫泉蛋飯，因為佢都太好味喇😋佢比我想像中大好多，不過都難我唔到😏最後揀埋甜品，係韓國melona雪條，jeng！食完呢餐好似真係增到d肥🥰下次會再來

依排睇得太多韓劇，成個腦都係韓式炸雞同燒烤。咁岩又比我搵到間有齊依2樣嘢食嘅放題。一於星期日放假就同男朋友一齊去試吓佢。鋪頭好貼心，有預備信封同消毒搓手液比客人使用。等左一陣就有位。但最好都係book定位好d，因為我見過多一陣就開始要排隊入座啦飲品嘅種類都算多嫁。有唔同嘅韓國果汁,汽水同埋茶。一定有款岩飲。食得放題，點會放過燒海鮮嘅機會呢，我地第一round就叫左唔同嘅海鮮每隻蝦都好大隻，而且都好新鮮，啲肉仲係彈牙嘅👍🏻仲有扇貝同生蠔🦪😍😍燒完海水味仲係好濃😍正呀仲有另外一個放題主角就緊係肉啦。無論係炸雞定係燒肉都好出色。唔係比啲cheap chep肉比你。佢嘅小食同甜品都唔錯嫁，下次再有韓國野食癮嘅時候，一定會再食依間❤️

雖然疫病肆弱，但屈喺屋企太耐，忍唔住要照出黎食野。餐廳位於彌敦道726號，衛生情況唔錯，門口有消毒劑，職員提醒食客要清潔先入。環境比上次寬敞咗，唔知係咪刻意安排。醬料吧既醬料有唔少款式，例如有醬油、蒜蓉、韓式辣醬、烤醬、海鮮醬，有辣有唔辣。醬油牛五花肉 (⭐⭐⭐⭐⭐)醬油牛五花肉係全場最正，必定要食。薄薄嘅一塊牛，煮幾秒就已經熟，熱辣辣非常入味，重點係醬汁，口感冇得彈。生蠔 (⭐⭐⭐⭐💢)幾鍾意個生蠔，雖然朋友話怕生冷嘢，但係最後點咗覺得唔錯，幾新鮮。韓式麵 (⭐⭐⭐⭐⭐)熱食方面，仲有韓式麵，相對較辣，唔食辣嘅就預咗要飲多啲汽水解辣。面身硬度適中，非常有咀嚼感。如果韓燒完未飽可以叫。雪條或西米露 (⭐⭐⭐⭐💢)甜品方面，有雪條或西米露，不過太飽，西米露食咗半碗就冇食喇，少少浪費。餐廳仲提供一塊蘿蔔，用嚟做刷潔淨，如果未夠仲可以叫請餐廳職員換。好細心，哈。~~~~~~~~~~~~~~~~~~~~~~~~Running 燒 旺角彌敦道726號9樓推介菜式：醬油牛五花肉、燒雞翼👍🏻衛生頗佳👍🏻肉類鮮味👍🏻款式頗多

呢排肺炎殺到，又有打邊爐家族嘅前車之鑑，好多人都怕左唔敢岀街食飯，如果餐廳衛生工夫做足d，食客都安心d呀。今日去左旺角食running燒，門口就有消毒用品，比人清潔好雙手，先入内進餐。未有位嘅食客係入唔到餐廳，餐廳都會為食客測體溫，以策安全。講返野食先，呢到肉類選擇都幾多，豬牛雞都有唔同部位同辣味原味揀，海鮮都有幾種唔同種類，每樣試少少，可能細食嘅女仔都會飽左。個人就推介牛五花同豬腩肉，牛五花似平時食嘅肥牛，好薄好快熟，啱d無咁好耐性嘅朋友，食落好重油香，而且本身已經醃左，所以好夠味。另外，豬腩肉層次分明，肥瘦相間，不過就要燒耐少少。呢到亦有熟食叫，叫左炒粉絲同紫菜溫泉蛋飯，重有炸雞魷魚絲同餃子，都幾具質素。總體黎講，食物水平算高，價錢都算合理水平，可以列入常食嘅餐廳名單。

聽住朋友既推介之後，我同朋友就黎呢間韓燒店食晚餐啦！佢地真係好貼心，係門口放左一堆信封比我地放口罩，又有消毒酒精提供，最重要係有除臭噴霧，食完有得拎黎噴，唔洗成身韓燒味。入面裝修都唔錯，唔會污糟，空間都好大，好多年輕嘅顧客。佢嘅background music韓文歌都幾好聽。佢啲牛肉真係超好食呀 佢會加大量蒜蓉喺啲燒肉個面到 當你放上去卡板燒嘅時候 真係好香 跟住佢啲牛肉肉質都幾好 食落去唔會覺得好肥唔想先 我最鍾意嘅係佢嘅雞扒 啲肉質都幾嫩 比一般嘅韓燒店既雞好食好多架值得抵讚既係 呢間韓燒店係會有已經煮好嘅炸雞 叫得太多生肉驚要等好耐嘅話 可以不妨叫幾隻食炸雞食下 都幾好食架 最後而且最重要 佢哋嘅糖水真係好好食呀 除咗有雪條嘅供應之外佢哋仲要自己 特製糖水 真係好有心思 而且佢份量十足 唔會好似hea你由於食得太多肉喇 到最後我叫咗碗辛辣麵 食得辣嘅朋友記住要食呀真係好辣但係好好食架

呢間韓燒放題好多好評，價錢都唔算好貴，二百幾既燒烤放題，最緊要係野食都唔錯！上菜仲好快，服務好！抗疫期間，入餐廳之前要量體溫，仲有酒精搓手液提供，衞生幾好。醬汁好韓式，推介辣燒肉汁，有啲似黑椒汁，甜甜地，幾好食。必食推介❗️❗️1. 牛五花🐮😋😋😋😋😋有秘製醬汁既肥牛，燒完好香好淋好好食！醬汁甜甜地又有少少蒜味。肥牛片相比之下就冇咁出色，佢係細塊啲同冇調味。2. 柚子炸雞🐥😋😋😋😋出乎意料地好食，熱辣辣外脆內軟！加埋酸酸甜甜嘅柚子醬，清新香口，值得一試！相比原味炸雞就只係冇左柚子醬。3. 羊脾肉🐏😋😋😋好香又淋，細細塊。4. 炸魷魚鬚😋😋😋外層脆卜卜，裏面夠淋。5.薄切西冷😋😋😋冇咁肥既牛，好淋。前菜同湯都唔錯。蝦，扇貝，龍利柳cp值高啲。

今日去咗位於旺角嘅running 燒由於疫情關係好似少咗好多人出嚟食嘢但上到去門口見到有唔少人已經book咗枱排隊你間餐廳主要係食韓燒放題，肉類有豬，牛，雞，羊同海鮮另外仲有好多韓式熟食一開始就梗係要嗌定啲生菜，要黎包住啲肉嚟食肉類賣樣感覺都ok叫左一個田園沙律，份量大過我個頭🤣個沙律汁酸酸地食落好開胃海鮮方面比較有興趣就係燒芝士生蠔店員上菜嘅時候亦都好貼心提醒我哋生蠔一定要燒到熟晒先至好食肉類嘅選擇亦都好多自己最鍾意嘅就係雞腎同埋佢會根據你寫幾多就會俾幾多，唔會比多或者比少，咁嘅做法十分之環保同唔會浪費食物整塊牛五花燒好後配上上韓式辣醬再加塊生菜一齊食真係超好食飲品有我最鍾意嘅韓國樂天系列飲品除咗肉類之外，煮食有興趣嘅可以叫呢個溫泉蛋紫菜飯溫泉蛋爆漿出嚟加埋紫菜嘅配搭非常之出色有咁多熱氣野食返個水冷麵亦都十分之解油膩仲有個韓國炒年糕，年糕十分之黏韌，醬汁亦都相當之辣會有韓式嘅炸雞同炸物如果食唔到辣嘅朋友千祈唔好要辣嘅炸雞因為個醬汁真係辣到噴火依家係7點20分前買單仲會有七折優惠認真抵食

呢期仲凍凍地，我又唔敢打邊爐，但又想食啲暖笠笠嘅野食，所以我就同朋友黎食韓燒放題啦！呢度價錢都正常，book左位之後準時19:30就可以入座呢度係用易潔燒板，個板面好滑，啲油好快會冼落去爐邊，唔會積住起個鑊上面。佢有一舊好硬嘅蘿蔔俾我地"省鑊"，因為係易潔鑊既關係，好容易就省乾淨晒，唔洗成日換鑊。但要注意既係燒食物既時候要快手啲。呢度係寫紙落單，好方便，肉既選擇都幾多。落完單之後都好快到韓燒一定要食牛肉，呢度既牛肉種類同部位都幾多，我好鍾意呢D冇落太多調味既肉，可以食得多啲肉味。我覺得每款肉都值得試吓，之後再叫自己鍾意嘅部位黎食。五花肉都係韓國人好鍾意燒既部位，呢度都有，仲有好豐富嘅油脂，香口！呢個係肥牛，我係第一次起韓燒食肥牛，好快燒好，夠淋。呢個係薄切西冷，油脂較少，較有咬口，岩鐘意健康嘅朋友好驚喜呢度有韓式炸雞！辛辣麵係平時食開果隻，煮得岩岩好每人都送一份甜品，呢個雪條都幾好食，唔係化學味

.............................. 本身諗住食晚市，但係因為冇book位原因已經爆咗，所以即時book下一段時間，仲有75折😋平咗好多💰食物質素都okay，算多類型揀，同埋啲味道都唔錯😋因為有吸煙條管，食完野件衫都唔係好大味，同埋門外有啲除味劑比你噴番啲衫，都幾貼心，可以再試！！！..............................