Running 燒 (已結業)

平時食放題食得多，主打韓式燒肉放題真係唔多， 呢到主要分肉類、海鮮類、蔬菜/粉面類等等。 肉類選擇都幾多，最推介係醬汁牛五花肉，塊肉大大塊而且個醬汁好特別，食左幾轉！豬類最吸引係豬頭枕，姐係豬頸脊肉，真係有入口即溶既感覺，完全唔un。海鮮叫左大蝦、扇貝。隻蝦真係大大隻，食落好新鮮！！飲品選擇除左飲品櫃個d,仲有酒類。有韓國既燒酒， 咁岩鐘意飲酒既朋友。講明韓式放題，點少得韓式菜，食燒肉叫左個水冷面解膩，而且份量岩岩好，滿足到想食既心而又唔會太多。仲叫左炸雞，肉質仲keep到幾嫩滑下！柚子味炸雞既醬係分上，可以自己控制個醬汁量。食到最後仲有甜品。有melona 雪糕/ 西米露簡，我就簡西米露作結，入面仲有紅豆。