Running 燒 (已結業)

平時食開韓燒放題，好多時候都係去兆萬中心，但其實彌敦道726號有棟新大廈，入邊開咗唔少好嘢食，其中一間就係running燒。如果你有book位嘅話，其實都幾快有得入座，座位同座位之間都算闊落。同朋友傾偈都唔怕俾人聽到，少咗好多不必要嘅尷尬。講返嘢食先，呢度有雞牛豬羊各種肉類同埋海鮮選擇，另外都有一啲熱食例如餃子、炒粉絲、炸雞等等。嘢飲方面，主要都係一啲韓國罐裝飲品同汽水烏龍茶，要留意嘅係酒精飲品需要額外加錢。我個人就比較欣賞呢度嘅牛肉，因為款式真係好多，唔同部位嘅牛都會有。如果大家肚餓又心急，不妨試吓佢哋嘅牛五花，因為本身已經有醃製過，而且切成薄片，相當快熟、入味，大胃王嘅話可以陪埋紫菜溫泉蛋飯，分分鐘仲好食過出邊專賣肉丼嘅舖頭。海鮮都有唔少選擇，而且質素都唔差，不過生蠔要燒嘅時間比想像中耐，唔建議點太多，哈哈。整體來講，餐廳觀感唔錯，如果坐窗邊更加有街景睇，食物品質高，物有所值。最後不得不提係難得好嘅服務態度，服務員多數都好有禮貌！

每次同朋友敘舊，一定會食放題！今次我哋就揀咗呢一間食韓燒餐廳，入到去已經有好大嘅燒烤味，因為好多人已經食緊，好彩我哋都唔使排隊！入咗去有唔同嘅醬料、飲品俾我哋揀。而前菜包括左泡菜、芽菜等等，俾我開下個胃先。餐牌上好多選擇，重點就係竟然有任食海鮮包括扇貝、帶子、海蝦等等！而佢肉類嘅選擇都幾多包括豬、羊、牛、雞。。韓燒好少食蔬菜，但係佢蔬菜嘅種類都幾多。佢仲有唔少嘅小食，包括柚子炸雞、辣味炸雞或者辛辣麵、紫菜飯等等！個人覺得佢嘅炸雞其實好值得食，因為佢炸得啱啱好，而且肉汁完全鎖住喺入邊！以佢嘅紫菜飯個份量都幾多，但係配埋啲肉一齊食會冇咁流。佢啲海鮮全部都幾新鮮，而且完全唔會有漏單嘅情況！佢嘅蝦肉質勁彈牙，真係好好食！甜品竟然仲有好少見到嘅雪糕，食完之後好解膩！

咁就試下呢間餐廳啦， 一入到去餐廳濃烈嘅燒烤味迎面咁樣撲過嚟，睇嚟我哋都冇去錯餐廳呀， 佢哋嘅餐牌 基本上係一張任點紙， 林林種種嘅燒烤食物海鮮豬牛雞，小食仲有熟食，真係令到我眼花繚亂， 我同朋友二話不說咁樣嗌咗薄切西冷牛扒同埋醬汁牛五花肉， 我真係好想將我嗌嘅肉類寫曬落嚟，佢嘅厚切，豬腩肉都好正， 服務態度仲幾好， 行到去個汽水櫃飲品都唔少， 令我覺得有啲驚訝奪艷嘅係柚子炸雞，個炸雞炸得皮脆肉嫩再點捱柚子汁真係令我覺得非常之驚訝， 本身真係諗住上嚟食 海鮮同埋燒肉， 結果小食都嗌咗兩三次

朋友生日，梗係要滿足佢既願望食下久違既韓燒！見到19:20前離座有七折，就特登book最早嘅time slot (17:30)。食物選擇多，啱晒中意食肉同海鮮既朋友！肉類既話雞牛豬羊齊晒，肥瘦均勻，每次既份量唔會太多，所以可以試晒咁多款！海鮮方面就有龍脷柳、元貝、扇貝同蠔等，煮熟扇貝同蠔需要多啲時間，店員都好貼心咁提醒唔可以生食啲蠔😂仲可以叫啲韓式食品例如炸雞同辛辣麵等，不過我地今次就專注燒肉同海鮮所以無咩點叫。最後每人仲可以揀一款甜品，以大概$200左右既價錢嚟講，食材高質，食物選擇多，真係好抵食！

最近睇韓劇成日食韓燒，飲真露，生菜🥬泡菜夾燒肉🥓🙈🙈🙈 網上見到呢間係726商場，成日搭巴士經過都未去過，重要訂座有七折‼️‼️上菜勁快職員好細心又有禮貌，座位坐得好疏好舒服又乾淨一坐低肚空空當然要食咗肉先冇諗過任食韓燒係有咁高質嘅肉同海鮮！推薦香草羊西冷牛仔骨，牛舌，燒雞腎同燒豬耳仔估唔到咁好食😋鍾意食炸大腸嘅，可以試吓燒大腸，估唔到脆卜卜燒完一堆肉就燒海鮮，生蠔要燒好耐，可以放喺執邊燒住先，芝士生蠔好食🧀🦪扇貝就好細粒佢哋嘅醬汁都好好食，特別係辣烤肉醬椒鹽魷魚酥同炸雞都好好味，🔞小心食辣炸雞🙈我叫咗中辣，食一啖就辣到想跳落街，飲咗兩罐嘢飲想食辣嘅可以挑戰下🔥🔥🔥🔥🔥生菜夾住燒肉好好味，泡菜大豆芽就偏甜，大白菜就正常，但都一般水冷麵好食好多冰，其實食碗辛辣麵應該再襯啲呢個價錢有咁嘅質素長者咭仲有小童價，再有七折好有心，希望係疫情期間佢都捱得住，加油💪🏻

呢間韓燒整體黎講真係唔錯，除左果一個員工真係翻佢白眼🙄️。我地1點去到既時候就有個員工講解話2:15 last call，2:45會清場。咁梗係無問題啦，110分鐘嘛～點知2:05就同我地講last call，之後2:10問我地可唔可以上甜品（甜品係雪條）。What？真係直接😒住佢，我地都未食完，洗唔洗趕住落場趕成咁啊？搞到我地食得好有壓力，明明距離清場時間都仲有至少半個鐘咯！

經朋友介紹下，就嚟試下呢間嘅set lunch。佢哋晏晝有做韓燒放題，不過唔啱我啲返工得一個鐘頭食lunch既人。餐廳位於彌敦道726號9樓，整座商業大廈都以餐廳為主，一開門已見到餐廳門口，內面唔算太大，但乾淨企理坐得舒服。點了一碗洋蔥牛肉石鍋飯，牛肉飯勁大碗，牛肉夠淋，入口即溶又多汁，真係讚不絕口。柚子炸醬雞，炸得剛剛好，外脆內軟，咬下去的肉質也非常爽口，值得一讚，紫菜飯味道不錯，沙律夠新鮮。這裏份量比我們想像多，要打包。午市套餐包餐湯，前菜及汽水一罐，真心值得推介。

環境：可能係因為食頭輪5:30所以可以坐窗邊，整體唔錯，但係抽油烟方面真係要改進，真係好大烟，食完真係一身都係烟。食物：整體ok，但肉類就只得一個味，當然有辣同唔辣分，但有點單一，我個人覺得食牛同雞好啲，腸仔都ok。海鮮可以食多啲，可以多食補數，燒扇背，咖哩魷魚鬚(再重啲咖哩味更好)。至於飲品唔夠多元化，明白舖面積問題，但真係可以考慮唔要無乜人飲嘅飲品，會好啲。服務快，一叫就處理，贊。整體可以一試，就係抽風太差，扣分。

坦白講，香港地大把韓式燒肉餐廳，但好食嘅就冇乜，今日介紹嘅Running燒，正正係數一數二好食嘅韓燒餐廳，重點係任食任飲，環境舒適，多人聚會嘅話都唔會坐得迫！疫情關係，入呢間餐廳之前一定要用酒精搓手液清潔雙手同埋探熱，餐廳仲好貼心，每人俾咗一個信封裝口罩食之前當然要調好醬料，醬料係自己去counter調制嘅另外，仲有啲前菜，我就建議大家唔好食咁多前菜，留番啲肚位置食燒肉！今次同朋友兩個人嚟，份量都叫得唔多，不過所有肉類都叫咗一份，咩都試啲嘛其實啲肉好唔好食，唔使燒出嚟就知，睇生肉嘅肥肉比例就知道了好似上圖嘅生肉，好多都比例均勻，至於五花腩，肥膏可能比較多，不過肥先好食嘛唔好以為running燒得肉類可燒，點少得海鮮！未燒嘅時候已經聞到淡淡海水味特別推介大家要食芝士燒蠔雞腎都好食，個人來講唔太鍾意食內臟，但冇諗到原來燒雞腎係好正架另外都推介大家叫上圖左上角嘅牛塊，燒1分鐘就食得，淡淡肉汁！坦白講，一個大人258加一未必係平，但呢間餐廳嘅食物質素、食物種類、環境同服務係物有所值！俾得值得！

呢橦野多野食應該大家都知今次嚟試下韓式燒肉放題空間都幾闊落，入到去唔會煙霧迷漫肉就唔多講啦，食左十幾款全部都唔會咬唔到值得一讚包肉嘅生菜都好爽口驚喜嘅係d海鮮都好足料，件件都好飽滿d帶子好鮮味，而且燒完唔唔會縮到好細一定要試嘅就係即叫即炸嘅韓式炸雞，有柚子醬同辣醬，辣醬仲有得揀辣度，好細心非常嫩滑juicy，拍得住出面d炸雞專門店所以再encore 左一次柚子味韓式炒年糕都好味，一d都唔會hea你食到最後仲有得整返支雪條，解解膩btw要讚下d Staff，好主動收碟快手

最近受疫情影響，好不容易出嚟食飯，緊係要大吃特吃時間方面可以食110分鐘，時間唔算短，價錢亦算合理。Menu選擇十分多，一開始可以先叫韓式小食或者熟食先，食住黎燒小食方面炸魷魚鬚好岩我口味上枱嗰陣熱辣辣，而且好長一條，炸得香脆可口，一定要試下！韓式餃子同水冷麵就正常發揮 值得一讚嘅係嘢食黎得好快，唔洗等好耐講到燒肉方面，肉類選擇好多，牛肉方面最好食嘅係醬汁牛五花肉同埋烤肥牛，兩者味道濃郁，雖然係薄切，但易熟，可以好快進食，配合埋店舖嘅醬汁，簡直一流！除咗燒牛肉，雞肉都好出色，推介辣味雞肉已經預先調好味，雞肉好嫩滑，一食返唔到轉頭會想不停encore!海鮮方面，依間韓燒店嘅選擇比外面更多，帶子、扇貝、大蝦、蒜蓉芝士焗生蠔，全部都新鮮，而且品質唔差，難得一見最後每人會有一條雪條，推介椰子口味味道清新，唔會太甜，可以減低剛才肉嘅油膩感！總括來講，running燒食物品質有保證，種類多，會再黎食！

記住一定要BOOK呀x3⁉️ 17:30入場都Full左😮入場會同每位客人量體溫同消毒雙手🤲🏻肉類款式都算幾多😳 仲有唔同既部份選擇👍🏻110分鐘燒肉放題真係食到好飽🙈不得不讚其中1位男店員既服務態度👍🏻既耐心又親切🥰<110分鐘燒肉放題(網上預約17:30有7折😳>燒肉放題🥩分為燒肉同熟食✌🏻大部分燒肉除左🐂之外，仲有🐷、🐔同🐑其中大推「醬汁牛五花肉⁉️」😍 大發대박🤤蒜蓉味道好入味之餘仲同薄薄既五花肉好夾😌牛肋骨🐂同黑豚豬肉🐷都唔錯😋海鮮方面介紹返大蝦🦐同生蠔🦪柚子炸雞🍖好特別不過就唔夠熱😞飲品🥤同醬料🥄都係自助架😉臨尾仲1人1枝雪條/西米露🥰 椰子味🥥係最好味既😆原來舊白蘿蔔可以拎黎清理個爐架🙈

睇完韓劇好想食韓菜，今次黎左running燒韓燒! 介紹餐廳前都提醒大家，為己及人，宜家食飯都2，3個小聚下好啦，唔好多人聚會，記得用公筷，注意衛生啊!今次韓燒主打食海鮮! running 燒海鲜選擇都幾多~海鮮可以叫 : 大蝦 扇貝 帶子 魷魚圈 etc. 睇住啲大蝦係鐵板上面由灰色轉左做橙色真係好治癒 😍海蝦鮮味重 ，彈牙! 每人食左四、五隻～扇貝都好大隻， 我地停encore扇貝😍另外啲杏鮑菇係好有心咁印左個燒字上去 好可愛～個火爐火力都好猛 ，燒肉放上去好快就熟， 唔洗等好耐 ，同時都唔會好大油煙 。燒左兩、三輪肉左右 ，就會有員工幫你換個新鐵板 ，冇咁易燒燶，服務好好👍

Running燒呢個名係咪好得意呢！非常韓風，就試試佢嘅韓燒係咪都好Korean style！🤣呢度除咗燒肉，仲有海鮮，而且種類都好多下，有選擇困難症嘅我梗係咩都叫d試下🥰以下係肉類嘅推介：- 調味雞肉/辣味雞肉/醬醃春雞髀不得不說，佢嘅雞肉真係好嫩滑...呢三種唔同口味嘅雞都非常好食！啖啖肉，嫩滑又醃得好好味！個人最鍾意辣味雞肉，辣辣地好開胃！- 醬汁牛五花肉，牛柳粒五花肉d脂肪真係不得了，入口即溶，係就係邪惡d不過真係好正。牛柳粒都好嫩好淋，唔錯唔錯！- 辣味/原味豬頸肉勁厚切！而家好入味...肉質爽口，正啊！海鮮方面：- 帶子，扇貝鮮甜多汁，鍾意嘅話可以自己加d蒜蓉上去一齊燒！- 生蠔/蒜蓉芝士生蠔鍾意芝士嘅朋友就要叫有芝士果款喇！加分！小食方面，炸魷魚唔錯！甜品叫咗椰子雪條，呢個牌子好好食呢🥰好清新好適合食完油膩野食。呢度唯一嘅唔好處就係逼夾咗少少，如果張檯大d就好了...

Jeng ,jeng ,jeng 我同我個fd本來諗唔到食咩，之後佢話想試下，之前我哋就去咗，d野食幾多，我最鍾意就係佢地嘅芝士焗豪，真心正，d炸雞都唔錯但d泡菜一般般，野飲選擇很少