ROYAL INN

今日同朋友行街慶生🎂去了尖沙咀The One的Royal INN，餐廳內的水晶吊燈，花花的裝飾，加埋黑白格仔地板，環境幽雅又帶點型格。Lunch set 都多選擇大蝦柚子沙律🥗Cajun Prawn Pomelo Salad蝦🍤、沙律菜🥬、柚子都很新鮮，大蝦煎得很香很彈牙，非常醒胃。牛油煎龍蝦🦞芝士通粉 Lobster Mac & cheese $178滿滿的芝士🧀️好 thick 口感好creamy ，龍蝦肉焗過之後，依然保留着鮮味。招牌鮮波士頓龍蝦包 Boston lobster roll $228先講吓個包，軟綿綿嘅包，再烘烘外皮，外脆內軟，再配上龍蝦肉、沙律菜和沙律醬，平時很少吃包的我，也覺得味道口感很出色。😋加埋邪惡嘅脆薯條🍟，真係不得之了了😁Latte (Ice)咖啡☕️和奶香味都好濃郁

🇫🇷法式高級打卡餐廳✨入到餐廳好似去左旅行一轉咁，餐廳既裝修真係好用心，絕對係打卡之選🥰.🔸即開新鮮生蠔揀左$48隻既生蠔，比較creamy，鹹水味唔會好重，而另一款$58隻既法國生蠔就鹹水味重d，可以睇下自己鍾意邊種口味揀🙈.🔸香草牛油焗田螺田螺有六粒，粒粒都幾大隻，用左香草牛油焗，令底下既薯蓉更香，而且好棉滑，唔錯～.🔸紅酒牛肋肉全蛋闊麵牛肋肉既份量足夠，有5-6大條，全蛋闊麵唔會太厚，薄薄地又幾特別🤓.🔸開心果蘋果肉桂法式班戟追加雪糕$18班戟軟熟得黎有少少咬口，開心果碎同蘋果肉桂舖係面頭，又打得卡又好食🤤.🔸焗蘋果金寶配雲呢拿醬雲呢拿醬甜甜地配蘋果既微酸，好夾，焗到幾脆，口感一流😆

之前行The One都有見過呢間餐廳，裝修好法國風，一直好想搵機會黎，所以今晚同朋友決定黎呢度食晚飯餐廳入口😍😍見餐牌有cocktails有wine,但今晚唔想飲酒，所以無叫到，齋飲水😆😆前菜叫左個煎牛油蟹餅配沙律菜（跟黑醋），沙律菜新鮮青脆，蟹餅唔會好油，乾身另外叫左個煎北海道帶子番紅花意大利飯（帶子無overcook，個飯同啲汁都收得剛剛好👍🏽👍🏽）我地口痕，所以加配左呢個白松露薯條！平時黑松露薯條就食得多，難得呢度有白松露薯條，就叫黎試下，果然無失望！薯條粗身、真係有白松露薄片，真係無揸流攤👍🏽👍🏽，仲份量好多添！醬有茄汁同黑松露醬任點❤️最後叫埋呢個裙柳扒，裙柳係比較少聽見的牛部位，所以想試下，食落唔算韌，配埋個肉汁，再加埋呢個（跟酸忌廉）蒜香風琴薯仔，好夾！今晚食得好飽好飽，係薯條真係多到食唔曬😆其實仲有其他嘢想試，但真係太飽，下次再黎幫襯過！

每次行The One 都會見到一間勁吸晴嘅餐廳今日終於得償所願 約朋友去@royal.inn.hk食晚飯小凱旋門門面 白色浮雕牆身 黑白階磚地板 ◾️▫️🎠Royal Inn嘅法式宮廷風設計 加上餐廳內嘅大型水晶吊燈 🪩彷佛帶你進入法國古堡 既浪漫又優雅今日我地選擇左坐餐廳室外嘅位置燈光透白 再加上門口特設嘅花花裝飾打卡位💐非常適合女士們 見到都會心心眼!!😍\ 🐚香草牛油焗田螺 ($118) /法國經典前菜 即叫即焗上檯時仲見到啲薯蓉翻滾中外表呈現金黃色嘅焦糖色 牛油香氣撲鼻而來田螺嘅嚼勁同香草牛油相互融合再配上充滿牛油香嘅薯蓉 口感極佳另配有酥脆法包 值得一讚嘅係餐廳有提供食田螺專用嘅工具 唔怕沾污雙手\ 🥩炭燒8oz安格斯裙柳牛扒 ($298) /\ 🦴Add on 燒牛骨髓 ($68) /服務員建議我哋點medium 果然無介紹錯牛扒經過炭燒 外皮焦脆 有濃濃嘅炭燒香食落肉質嫩滑 滿滿嘅肉汁充斥口腔牛扒嘅厚度適中 不會太薄而失去口感Add on嘅燒牛骨髓賣相夠晒震撼上枱時會見到佢啲油脂翻滾 勁吸引用小湯匙𢳂起放入口 口感滑溜油脂香久久不散 簡單嘅調味已經帶出有層次嘅味道牛扒嘅sid

今日喺尖沙咀行完街，想搵個地方同朋友一齊吹吓水，經過呢間餐廳，初初以為佢賣花，睇真d原來係西餐廳，裝修得好grand,好有羅馬feel。叫咗2個主菜同一個甜品。香蒜鮮大蜆扁意粉，都幾足料份量都幾多，隻蜆好大隻，好有鮮味同海水味，個汁都好惹味有少少辣辣地，d汁吸收晒落個扁意粉果度，唔錯幾好食。炭燒8oz安格斯裙柳牛扒，叫咗7成熟，塊扒燒到啱啱好，完全冇過熟，食落好重牛味，仲好juicy一d都唔鞋，好淋，配埋個醬汁一齊食，好好味，仲有配埋整個薯仔，外皮焗到脆卜卜，都幾好食。朱古力心太軟配雪糕，一切開,d朱古力漿湧晒出黎，配埋雪糕一齊食，又涷又熱，個口感好正。

Royal inn充滿着法國🇫🇷氣氛，餐廳用華麗宮庭做主題，門口有法國凱旋門、古典水晶燈，仲有花花打卡位，而夜晚燈光暗暗地，好似置身於巴黎浪漫之中，亦具有高貴精緻嘅歐陸風格。牛油香煎蟹餅🦀 $138外層香脆，內層啖啖蟹肉，外脆內軟，加上蕃茄、芒果、洋蔥粒沙律做配襯，令蟹肉味道升華。鮮黑松露野菌意大利飯🍄 $188上面加左香濃既芝士片，每粒意大利飯都沾滿黑松露同cream，仲有大大粒大啡菇，野菌味重。意大利飯口感軟硬適中，有口感豐富，而份量都算大。炭燒8oz安格斯裙柳牛扒🥩 $2987成熟牛扒岩岩好，控制得好，香濃牛味，而肉質嫩滑，好juicy。再配上焗薯仔，有酸忌廉同煙肉粒，配搭好味！整體來講，環境高雅，服務態度良好，食物好味，算大份，岩哂情侶拍拖同約朋友打卡。🌟推薦指數：8/10💰人均消費：$300📍地點位置：尖沙咀彌敦道100號The ONE1樓L121號舖

招牌威靈頓羊架($288)特別的菜式 擺碟精緻羊架外層酥皮又香又酥♨️吸收了羊肉汁 好吃😋店員推薦點7成熟羊肉煮得剛好🐏中心的肉還帶嫩粉色 不會老💕羊羶味適中很不錯😆.香蒜鮮大蜆扁意粉($158)大蜆數量頗多大蜆連外殼和意粉一起烹調🥘意粉主要以大蒜 紅椒和香草調味有淡淡海水和蒜香味 不會油膩✅.法國生蠔($58/隻)即開的新鮮生蠔🦪大小適中鮮甜 富有淡淡海水味🌊有2種醬汁供配搭🙌🏻/餐廳環境精緻舒適🌟法國宮廷風格裝修👑上菜每道菜時 店員會主動更換客人碟子服務周到🫶🏻

閨蜜生日，第一時間唸去呢度同佢慶祝！因為環境好靚，好似喺d宮殿入面嘅感覺用餐咁😃我地叫左2個lunchset跟餐我地要沙律🥗有幾隻蝦，好新鮮爽口，沙律酸酸地幾開胃🎀炭燒西冷牛扒（7成熟）煎得好香炭燒味，但略嫌熟左小小有d鞋，平時叫開7成熟嘅都無咁鞋，但味道係好嘅🎀炭燒龍蝦芝士白汁焗通心粉開頭以為會好屚，點知又ok喎，吾會杰撻撻咁，我覺得好好食，仲有好足料嘅龍蝦肉🎀迷你海鮮拼盤有生蠔，蝦，青口，蜆每樣2隻全部都好新鮮，蝦好爽口🎀朋友生日我預先order左個tiramisu 加字，好靚😍好好食好香滑👍但我自己鍾唔再重d咖啡味就更好喇^_^整睇好好，除左可以周圍打卡外，食物質素都好好👍

今天與友人在尖沙咀The One搵食, 喺L1發現了一間好吸睛嘅餐廳, 門外有著仿如凱旋門的入口, 舖砌了一個浪漫小花園, 太陽傘下的桌子, 玻璃窗外還透進陽光, 猶如置身法國街頭小 cafe的感覺, 於是二話不說就決定這裡了Linguine Vongole $158橄欖油蒜片蜆肉意粉, 呢款意粉用了大量蒜片來煮, 蒜香撲鼻而來, 意粉煮得剛好夠哂al dente, 而主角漲卜卜的大蜆就鋪滿碟邊, 食落帶點微微的辣, 超級惹味Iberico Pork Rack $248本身不太喜愛食豬, 怕會有酥味, 但朋友叫左所以都試吓, 呢款伊比利亞豬胺確實同一般豬扒很大分別, 不單冇豬酥味而且肉質鬆化, 煎得剛剛熟肉質保持嫩滑, 口感軟淋有肉味, 而餐廳亦好細心, 知道我地會share食仲幫我地切埋片, 服務一流我另外亦order左洋金菊茶, 雖然只是普通的一壺茶, 但茶壺蓋上綁上了粉紅色絲帶, 營做出浪漫氣氛, 可見餐廳在各方面都花盡心思去做Tiramisu $58我地又點會錯過甜品丫, order左Tiramisu, 唔單只賣相靚, 食落口感夠綿滑, 咖啡味亦好香濃, 超正, 呢餐實在大滿足

今日黎到尖沙咀the one呢間 Royal Inn同家姐慶祝生日啦🥳🎉 好靚靚嘅店入面仲有好多打卡位 可以影好多相呀😍 好喜歡佢既地板同埋天花燈 好歐美風😇 坐低睇睇餐牌 好快就揀好嚕～ 香草牛油焗田螺 $118一上枱就聞到超香牛油味😍 田螺正常 薯蓉好滑好香 加埋麵包食真係岩岩好～店員仲好貼心提我哋個碟好熱要小心啲 好細心👍🏻 香蒜鮮大蜆扁意粉 $158好大隻蜆呀🤩 仲要都有好多隻 隻隻厚肉冇沙又夠味😋 意粉軟硬煮得岩岩好 香蒜加少少辣椒好香口👍🏻 香煎海鱸魚伴北海道帶子 $218好靚呀呢個😍 帶子新鮮冇雪味 魚肉滑身啖啖肉又冇骨 煎得岩岩好 薯蓉起底配埋蔬菜 仲有特調既醬汁 好睇又好食😋 Tiramisu $58呢個tiramisu幾好食😋 cream滑身味道又唔會太甜👍🏻 同埋好好人店員知我係慶祝生日 幫我寫左字同埋有蠟燭 好開心呀🥳 整體來講 呢間Royal Inn 環境舒適 食物質素好 店員服務態度好 真係好適合同姊妹黎食野打卡慶祝生日🥳

已經早一個星期訂位，被安排坐門口位，食完成餐飯，餐廳內部環境未見過。食物味道一般，意大利飯好硬，似生米，海鮮又唔係好新鮮。食到8:00叫餐飲，8:09杯凍檸水先到，侍應話記得8:15準時交枱，訂位時完全無提，即係要客人6分鐘內飲完，仲要攞漏糖水俾我（定係佢唔記得咗落糖水？）得返6分鐘，我叫唔叫你攞好？另外，我哋仲有個甜品未食完，過多3分鐘，侍應話要埋咗張單先。總結，呢間餐廳行過睇吓就算，唔使坐低食。

今日收工同朋友一齊行街，見到the one有間十分有特式的餐廳，環境高貴優雅，以純白色宮廷風為主調，有凱旋門打卡設計，精美的花束點綴，氣氛浪漫。格調十分高級，仿如置身於法國及花店的感覺，十分華麗。十分適合打卡聚餐！環境佳，沒有想到食物質素都好唔錯！🌟前菜有燒雞胸牛油果沙律份量十足，擺盤亦見心思👍🏻雞胸鮮嫩多汁，完全唔嚡口，牛油果軟綿細滑，香酥的煙肉乾，口感豐富，味道層次高，再配埋多款新鮮沙律菜，爽脆清甜，不錯的開胃前菜。🌟炭燒8oz安格斯平鐵牛扒7成熟牛扒， 烹調得剛好， 口感軟腍又能夠保持肉味，配菜有嫩蘆筍和炸薯仔，特制醬汁好味，意想不到的配搭，喜歡食牛的，必點這個！牛肉上面有幾粒香煎的小蕃茄， 淡忌廉焗薯仔，切開一塊塊外脆內軟，有sour cream+煙肉脆粒，好好嘅配搭，好香口！ 🌟紅酒牛肋肉全蛋闊面牛肋條肉味濃郁，咬落軟冧，淡淡的紅酒味，肉質非常鬆軟多汁，配以鮮茄燉煮，香濃入味。麵口感煙韌，食到有蛋香味，份量足，口感富驚喜。整體而言，食物質素亦唔錯，服務員亦好細心，仲幫我同朋友影相！場內環境優美，打卡一流，岩晒想影靚相或拍拖的朋友！

對上一次去巴黎已經十幾年前... 嗰時化妝同著衫都好hea，影相例牌遊客pose，睇返啲相都一額汗哈哈🤓今次去Royal INN，裝修充滿法色風情，等姐影返幾張靚相，填補返內心嘅空虛(?!) 入門前先被繁花束擁，未坐底已經可以自拍100張🌹🌸 經過精緻純白巴黎凱旋門，映入眼簾嘅係古典水晶燈同充滿情調嘅小酒吧，又係另一種休閑情調🍷食物方面小巧精緻，Blue Mussels幾creamy，品種係細細粒，伴碟面包外脆內軟、口感煙韌，點白酒sauce好正，絕對唔夠喉，可以的話我想食十塊😋 Scallop Risotto擺碟靚，帶子都煎得幾好，兩個人share份量唔夠，建議第二個main course 叫肉類🍖 我就揀Iberico Pork Rack，有好香濃嘅炭燒香，半肥瘦連骨幾惹味。法國菜份量一般都比較精緻，呢度都唔例外。大食寶寶真係叫要多個前菜同甜品先剛好🤣 餐廰有戶外露天庭園，適合品嚐下午茶同嘆咖啡，日光之下影相應該幾靚，下次可以去afternoon tea 喎～

今次為大家推介一間超靚嘅西餐廳，好適合同女仔朋友或者拍拖嚟。有好多人就算唔係你食飯，都會喺門口嗰度🌸打卡意大利風乾煙肉意大利粉🍝連隻碟都係熱住上，好耐冇試過食一個咁好食嘅意大利粉😋鹹香味一流嘅意大利風乾煙肉加掛汁嘅蕃茄肉醬，意粉岩岩好煮到Al dente, perfect 🧑🏻‍🍳招牌威靈頓羊架，雖然要等15分鐘左右，但係等待都係值得嘅！ 熱辣辣脆卜卜嘅酥皮一切開就有巴拿馬火腿同埋有鵝肝醬，包住粉嫩嘅羊肉，再點埋薄荷醬同埋燒汁，一次過滿足多重口感同埋味感覺嘅享受！亦都千祈唔好以錯過佢哋嘅甜品🍮pancake係熱辣辣上，加埋酸酸甜甜嘅芒果同熱情果，雪糕🍦仲貼心分開上以免咁快溶，夏天食，一流享受！🥳꧁☬小編食左咩☬꧂✅ 招牌威靈頓羊架✅ 意大利風乾煙肉意大利粉✅ 芒果熱情果合桃班戟(◔◡◔) ♥️ 人均傷害💰：$350♥️

果日同朋友去尖沙咀行街，行到好肚餓，見到有間門面裝修好靚嘅法式餐廳，望到餐牌有威靈頓羊架好吸引，就入咗去食。白酒煮鮮法國藍青口呢個前菜份量比想像中多，有好多隻青口，個白酒洋蔥汁好好味，成功帶出青口嘅鮮味，旁邊嘅麵包本身焗得好香脆，點埋啲汁食一流😋香蒜鮮大蜆扁意粉蜆果然菜如其名，好大隻。啲香蒜炸得好香，扁意粉煮得恰到好處，唔會太軟身👍🏻招牌威靈頓羊架招牌菜擺碟好靚，伴碟有蒜頭、薯菜、沙律菜。重點嘅威靈頓羊架叫咗七成熟，鬆化酥皮焗得香噴撲鼻，外層焗得微焦而內層粉嫩，羊架入口仍然有肉汁，酥皮與羊一起進食時，味道更帶有另一番層次感☺️開心果蘋果玉桂法式班戟法式班戟有另外加埋雪糕，雪糕好滑又唔會好甜，法式班戟煎得外脆內軟，表面有煮得軟身嘅粒粒蘋果，開心果玉桂汁調得好香，配合表面嘅忌廉食，令人心情愉悅😆總括而言，餐廳裝修非常美觀，有好多打卡位，令我回想起當日喺法國旅遊嘅一點一滴。