Restoran SAYA

营业中

休息中

Restoran saya 📍大角咀嘉善街18號利奧坊二期地下G701號舖Restoran saya 係間精心打造成一個充滿泰國風情既特色餐廳🐘裝修彷彿引領客人來到了泰國，放鬆地品嚐當地料理，讓疲憊的身心都得到放鬆☺️我地order左和牛炒寛河粉、馬莎文咖喱-牛肋條、芒果糯米飯🥭每一碟菜式擺盤好精緻又吸引☺️🐮平時好少食和牛寛粉，嚟就聞到好香嘅和牛味，食落好鬆化，河粉又夠鑊氣，真係好正😋馬莎文咖喱-牛肋條🐮牛肋條沾上咖喱汁好惹味🧡牛肋條軟腍，再配上蒜蓉包，好夾！芒果糯米飯，入口芒果甜又重芒果味👍🏻

喺大角咀利奧坊，有好多好有風格嘅餐廳，今日嚟呢間泰國餐廳係拎咗2022米芝蓮🤤而且裝修好靚💕💙 係一間環境靚食物正嘅餐廳，book 枱都要預早，長期full booing 💛泰北咖喱金麵：🤩人氣之選，有惹味雞扒配泰國金麵，金麵一半係油炸一半係拌咖喱汁。一次過2款口感👍🏻夠特別又好味😋必食推介沙嗲雞串:雞肉juicy 唔肥膩，加上炸洋蔥碎同沙嗲汁，令個串燒惹味得黎又唔會有罪惡感🤤印度飛餅：好酥化～ 熱辣辣，撕開再點咖喱汁，真係好正👍🏻芒果糯米飯：可以話係我係香港食過最好味嘅芒果糯米飯💛🤩椰汁好香，芒果超甜，糯米飯好軟糯！3樣食材加埋一齊簡直係一流！必食❤️加上餐廳環境真係好靚，打卡一流。決定下次又再約朋友黎再嘆過🤤❤️

回味上星期食過嘅泰國菜餐廳😋，因為除咗食物美味，餐廳環境都超級泰國風☺️☺️！.食物指數：🔅🔅🔅🔅🔅打卡指數：🔅🔅🔅🔅🔅.嗰日我哋叫咗四款食物和飲品，味道非常好！.特色開胃拼盤 西瓜配魚鬆+菠蘿配肉末第一次食這個配搭，味道又來得好夾！.泰式炭火鹽燒魚廚師介紹呢一道菜係米芝蓮嘅推介！鱸魚非常之嫩滑鮮味，除了可直接食魚肉，另一食法係以生菜包魚肉、米粉以及2款特色醬汁👍🏻.泰式咖喱蟹汁軟殼蟹必點菜式！軟殼蟹新鮮即炸，外脆內軟！黃咖喱汁內有大量蟹肉，微辣帶甜，配上特製意大利包，不能停口🤩😋.芒果糯米飯甜品不能少就叫了這個芒果糯米飯🍚🥭超級有心絲，芒果切成一朵花🌼❤️芒果很甜😋而糯米飯又煮得剛剛好！.泰式青檸梳打.總括款款食物都超出期望，雖然位於大角咀，但值得與朋友專程去試！

行完奧海城，攰攰地就近揀左呢間係附近既泰北菜餐廳坐低食嘢抖下。綠色主調配以民族風格佈置，好chill。打頭陣係小食拼盤一向少食辣，但呢個辣拼盤嘅炸蝦片、炸魚皮、清邁腸等，都令人冇法抗拒，因為太惹味😋芒果熱情果沙冰粒粒芒果鋪面，加入熱情果的芒果沙冰，令味道獨特，同時可以中和辣度👍🏻蟹肉奄列熱辣辣上枱、真材實料嘅蟹肉，難得唔會成口油膩，好味！玫瑰做型嘅芒果糯米飯賣相已經😍冇得輸。入口嘅每啖芒果鮮甜、糯米飯又香，仲有濃香椰漿包裹住，真係一試難忘！總體而言，會係一間再去嘅餐廳。

大角咀泰北菜特式餐廳✨🦥🌈香港罕見的泰北料理，配上風味十足的環境，讓你即置身於泰國渡假區一樣，打卡必勝！環境以藤的物料為主，營造出輕鬆渡假的感覺，顏色和家具也很有心思，一看便知道是泰式風情呢！食物方面也具特色，有著多款泰北獨有的菜式。《海鮮青木瓜沙律》$98這是地道的泰國菜式，沙律的味道酸酸辣辣，是一味開胃的前菜。而家表面有著多隻彈牙的蝦和其他海鮮類食材，足料又美味！《泰北咖喱金麵》$128泰北咖喱金麵配炭火燒雞，這款菜式本是來自泰國北部清邁，以咖喱醬及鮮椰漿調製而成的湯底，味道香濃。再搭配蛋麵，口感煙韌有咀嚼感，且吸收咖喱汁精華，再加上炸得香脆的金麵，令味道富有層次。《蟹肉奄列》$138蟹肉奄列以圓筒形呈上，金黃色的蛋皮顏色真的非常均衡，切開奄列，蟹肉份量滿滿，內部濕潤有汁，非常惹味！總結：泰北渡假風特色餐廳。

一間淨係會試一次嘅餐廳味道正常冇特別份量少要嗌多樣嘢先夠除咗裝修幾有風味啱打卡好似冇再去一次嘅理由睇埋個價錢就更有說服力泰北咖哩金麵 128炭燒豬頸肉 138沙嗲雞串 128薑汁菠蘿沙冰 58香蕉煎薄餅 78（覺得唔抵食又冇驚喜之餘餐廳侍應嘅服務都真係一般食完即刻叫你埋單走⋯坐多陣都唔得⋯真係冇下次）

Restoran SAYS (大角咀)這間是位於大角咀的泰國🇹🇭餐廳裝修以湖水綠色為主加上一些籐製品真係好靚好適合打卡📸而食物方面擺盤都一樣好靚而且味道相當不錯蟹肉🦀奄列($138)好大份奄列表面煎到金黃色一切開已經見到滿滿蟹肉入口蛋香味濃郁再食到好多塊蟹肉點上酸酸甜甜的辣醬🌶️一齊食好惹味粉絲蝦煲（$168)充滿香料和香葉🪴香氣粉絲吸收了醬汁非常入味用的是大頭蝦🦐蝦頭充滿蝦膏而蝦身餐廳亦好貼心開了邊方便食用最特別是蝦煲還加入了豬頸肉令香味再有所提升而附上的蒜味酸辣汁則令人好開胃整個配搭不錯芒果🥭糯米飯（$78)擺盤賣相好精緻以芒果砌出整朵花令我不捨得下手芒果好甜再配上椰汁🥥味道濃郁又香甜糯米飯暖暖的又夠軟糯相當不錯👍🏻整體食物質素好高用料充足而且用心製作又睇得又食得值得再光顧☺️

位於大角咀利奧坊牛油果顏色嘅牆身非常吸睛餐廳滿滿泰國度假風嘅裝修拱形擺設同埋藤製傢俬每一個角落都係打卡位就咁影相，真係好似去咗泰國旅行咁冬蔭手工蝦片雖然係冬陰功味道但唔算太辣味就算唔食得辣嘅朋友都可以試吓比普通蝦片更加香口仲有少少酸味幾開胃泰北辣豬肉碎生菜包食泰國嘢唔少得嘅生菜包除咗豬肉之外仲有炸豬皮加上泰式調味料勁滋味蟹肉炒飯蟹肉份量都唔少個底係蛋炒飯就咁食就會清淡一啲亦都可以加佢哋嘅特製醬料泰式奶茶香滑濃郁鍾意飲奶茶嘅朋友一定要試利賓納荔枝梳打有兩粒大大粒嘅荔枝唔會過甜而且梳打非常爽口兩個人都係大概$300左右性價比超值

我們的特首高喊「你好，香港」口號以美食來吸引外來旅客，這次我支持他呀，這個賣點確實跑贏新加坡。沒有之一，只有唯一！論美食，中、西、法、日、韓、印、泰國菜等，什麼都齊全。以為泰國菜便是來來去去只有冬蔭功、咖喱等乎？依善菜的出現，為泰國菜加入另類風味，想體驗另類泰國菜可以嘗試Restoran SAYA。什麼是依善菜？依善為泰國東北部地區，糯米為依善人主食，味道較麻辣及配很多香料及醬料，沒有中部那種海鮮類。Restoran SAYA位於大角咀一個不甚起眼的角落，此行有很多「估你不到」的體驗。裝潢門面企理跟傳統泰國餐廳不同，主色青綠色配上復古民族風甚有特色。Signature的蟹肉奄列，外面傳統餐廳吃不到，我認為似潮州菜蠔仔餅d friend既感覺，蛋皮包著濃厚的蟹肉，大放異彩，$138絕無欺埸，四人份量兩人吃會有點飽滯。再來青咖喱雞，這個無甚特別，配上三件蒜蓉包，蒜蓉包上的蒜蓉醬不只在表面，而是整個醬滲透麵包，估不到配菜反而優勝過主菜。由於沒有預料咖喱主菜會配上蒜蓉包，還特意叫了印度飛餅，濃郁的椰汁製作洋溢着椰香，幸好不是太大份量。最令人震撼要算是泰式炭火鹽燒魚，放棄了另一個signatur

拎咗米芝連嘅泰式東北菜，岩晒打卡🌝🌝泰式咖哩醬汁軟殼蟹 $188咖哩味好香濃，軟殼蟹都炸得香脆juicy,另外配埋蒜蓉包，食落好香脆，岩晒配埋咖哩食🌖辣肉碎生菜包（豬肉） $108食落都幾辣但幾惹味，但係肉碎量唔太夠，食完肉碎仲剩咗好多菜🤣🌝蟹肉奄列 $138奄列成舊磚咁上，份量十足，而佢表面煎得好香脆，裏面幾juicy,蟹肉份量都足🌝芒果糯米飯 $78外型擺得好好心機，芒果整成朵玫瑰花咁，另外芒果份量多同鮮甜，糯米飯幾煙韌口感唔錯

最近睇咗一個飲食節目介紹泰國🇹🇭街頭米芝蓮嘅非一般🦀蟹肉奄列後，令我呢個🦞海鮮迷心心💓吸引😍，就search💻吓搵到這間餐廳嚟🚌餐廳系📍大角咀眼見落地玻璃寬敞開陽，懷舊復古風格❇️湖水綠牆壁燈光💡柔情感覺舒服，好有度假feel🥰🥰原來大Menu內嘅食物要🕔五點後先供應，🤷🏻‍♀️一場來到食唔到🦀蟹肉奄列囉🥺為有下次午市只限提供Lunch Menu set有湯🍲或沙律🥗、主菜🍝、飲品🧋 🍄雜菌冬陰功湯 Or🌶️泰式酸辣鳳爪沙津🐥泰北咖喱金麵配燒雞（🌶️🌶️/5）麵質有2款唔同口感層次軟麵及脆麵拼🐥滑嫩春雞🤤淡淡椰香🥥濃郁香料十足咖喱重口味🍛但帶點鹹，掛汁拌麵一齊😋好正👍🏻🥦泰式青咖喱雜菜配白飯-香青香咖喱唔算太辣🌶️，對素食人士都都幾適合，有多種鮮蔬菜🥦蘆筍，粟米芯、茄子BB、鮮蘆筍、西蘭花、豆角，秋葵等… 十分豐富，米香煙韌，送飯食開胃🌿跟餐唔少得叫杯泰式奶茶🥤同埋lam Soda解渴好清爽🌿🥭芒果糯米飯賣相💯用一片片🥭芒果卷成玫瑰花型🌹上面曬上玫瑰花瓣碎，甜甜椰🥥香漿🥰蓋住熱熱糯米飯頗黐煙韌，打卡不錯

踏入餐廳迎來翠綠淡雅佈置，既富現代感又帶泰國風情。原來館子提供的是泰國東北菜式，有心思兼有驚喜🤩👉🏻特色開胃拼盤魚鬆西瓜和肉未菠蘿，香脆的外層盡是魚香及肉香，並各以一款醒胃的水果承托，口感怡神😙👉🏻泰炭火鹽燒魚足料新鮮👍🏻鱸魚嫩滑美味，用香葉生菜🥬包米粉及鮮味十足的魚肉，再配以兩種特別調製的醬汁，清新美味🥰誠意推介👉🏻泰式咖喱蟹汁軟殼蟹🦀廚師特別烹調有別傳統的咖喱汁底，濃厚及辣味適中，配以特別挑選的意大利包🍞加上香脆的軟殼蟹,不嗜辣的我也回味無窮😍甜品👉🏻芒果糯米新鮮芒果砌成花型，單是賣相已經非常吸引😍糯米若再軟一點就更啱我口味😚整體來說，CP值🤩🤩🤩🤩🤩的泰菜館子，菜式無論賣相及款式都很有心思，雖然隱世在大角咀，但值得專程光顧👍🏻

💯餐廳裝修唔錯🇹🇭今次我哋坐喺高咗嘅吧枱位✅感覺好休閒又舒適🥳餐廳每個角落都放咗唔同嘅裝飾同埋掛畫☺️整体感覺唔錯呢🥳🇮🇳ROTI 印度飛餅 $38🌈我想像中嘅印度飛餅係一片一片嘅🧐但係呢度嘅印度飛餅形狀係一個波波⚽️圓轆轆嘅印度飛餅口感仲酥脆🔥味道濃郁🉐️有驚喜呀🥳🥳🥬PAD PAK ROM 泰式炒雜菜 $88🌈佢哋呢個泰式炒雜菜好香又夠鑊氣🔥重有好正嘅魚露味道添💯炒咗嘅雜菜充滿住魚露嘅鹹鮮味😋味道非惹味呢🥳🥳🐂PAD SEEEW (Beef) 和牛炒寬河粉 $148🌈第一次食咁濶嘅河粉😋炒完出嚟嘅外表夾上筷子個陣真係勁似花膠呀😂而且和牛炒完口感唔會靭仲好🈶️咬口添😋佢哋呢度啲嘢食真係炒得夠晒鑊氣呀🥳☕️Thai milk tea (cold) $38🌈又係奶茶測試員出動嘅時候喇😂今次試咗佢地嘅凍奶茶🧋見佢地嘅店員都係泰國人🇹🇭所以呢杯奶茶都非常正宗濃醇香🔥甜感十足又帶有絲絲嘅煉乳香氣😍正呀🥳🥳

第一次喺ig見到呢間餐廳仲以為唔喺香港，泰靚啦掛。。。。。實地考察完呢間位於大角咀嘅正宗泰國東北依善菜之後，發現佢唔係得個樣 ，而係一間得到Thai SELECT 認證嘅泰國餐廳，由當地既主廚主理。我超鍾意張馬賽克枱，好想搬返屋企（閨蜜： 成個泳池咁SLS）。加上民族風既藤櫈以及復古嘅海報，洋溢夏日色彩。𖦹 泰北咖哩金麵 $128餐廳招牌菜之一，用上粗蛋麵加脆炸麵撈埋香濃嘅椰子咖哩，麵條極為掛汁，兼做到雙重口感。炭燒雞扒嫩滑juicy，推薦唧啲青檸落去令醬汁味道更有層次。𖦹 泰北辣肉碎生菜包(豬肉)第一次食有豬內臟嘅生菜包，有豬耳仔、豬肝同豬大腸，特別得嚟又增加了煙韌嘅口感。以蔬菜包住餡料，配上檸檬葉、薄荷葉、香矛等香草， 酸甜辣香多重滋味同時在口中綻放。𖦹 泰式炸雞棗 $88 食落似雞味嘅炸魚餅，香料味突出，細細粒又脆口。 𖦹 芒果糯米飯 $78將鮮甜嘅芒果砌成一朵玫瑰花，底下係QQ嘅糯米飯，撈埋椰漿一齊食，口感綿密，椰香滿滿！𖦹 薑汁菠蘿沙冰 ＄58清甜既菠蘿中帶薑嘅辣味，無諗過菠蘿同薑係咁合襯。𖦹 椰青 ＄58清甜解渴， 輕鬆清埋入面既椰子肉。

泰北咖喱金麵😋$128店內招牌菜式，味道同口感都好特別😎濃郁嘅咖喱湯底😚配上兩種不同嘅麵條😙完全吸收曬咖哩湯汁嘅精華😇麵條有部份炸過，口感非常酥脆😌另外就以湯麵形式呈現，爽滑彈牙😊加上嫩滑嘅蒜香雞扒，整體感覺都幾特別🥰炭燒豬頸肉🐷$138豬頸肉口感爽滑，肥瘦適中😚肉質柔軟，鮮嫩多汁，滋味無窮😛配搭埋獨特嘅酸辣醬汁，惹味又開胃😍意大利香草蒜蓉麵包🍞$38麵包外層烤至金黃香脆😚內裡牛油已全面滲透，質感柔軟😇蒜香味濃郁，口感外酥內軟😋薑汁菠蘿沙冰🍧$58沙冰入口甜而清爽，口感幼滑😊帶有一絲薑汁嘅味道😉菠蘿同薑汁混合比例亦恰到好處😌飲落又唔會太過甜😙Restoran SAYA (大角咀)大角咀嘉善街18號利奧坊二期地下G701號舖