Rakuraku 樂拉麵 (MegaBox)

营业中

休息中

前幾日我同朋友放工去左九龍灣mega box呢間拉麵店食拉麵🍜落左order無幾耐，好快有得食，上菜速度都幾快，岩晒香港人的急速的節奏😂😂叫左兩款拉麵🍜，友人食素，呢間拉麵有個好處就係有得叫素拉麵🍜！！！呢個係溏心蛋野菜拉麵🍜，個湯幾好味，重點係隻溏心蛋真係覺得幾好食！！！好入味！！我中意佢熟既程度，岩岩好！！清雞湯拉麵🍜，比起野菜拉麵咸點，唔知點解食到最尾有點濟濟地既感覺，可能呢碗湯都肥肥地...友人加左碗麵，加麵既份量唔太大碗總括來說，我自己覺得呢間拉麵還可以，但又未去到好吸引個隻😌

九龍灣可以算叫做香港拉麵界墳場，並非該區沒 有拉麵店進駐，而是倒閉的拉麵店子也不算少。單看區內兩大購物集中點，Megabox同德福商場約略計算都超過十間，當然大家如果稍有記憶，當年的Ramen Champion在Megabox九樓出現成為一時佳話，無限大普賢象角富士等等的拉麵店，如今只留下依稀的印象，當然代言人是曾志偉大家一定記得。而德福商場關門的拉麵店，亦不乏商場發展高手，例如8番拉麵、元八、麵屋一平安及味千拉麵，所以就此可以證明人流如川河的九龍灣，經營拉麵店有一定的難度。現在德福商場仍有一風堂及大門拉麵兩間連鎖店，而Megabox有味吉拉麵館及新開的樂拉麵，說起樂拉麵也是神奇，近期其中冒起得快的連鎖拉麵之一，在2018年11月灣仔開設第一間店之後，到了7個月後已有3間店子，平均每2個月開一間，而後台是嚐高美集團，亦即是牛氣、品越及浦和的母公司。樂拉麵和金鶴拉麵一樣，創業的頭一年已急速開設分店，形成連鎖店品牌，這亦是近年香港拉麵店出現的現象。我在2019年6月17日晚上6時光顧九龍灣店，由於在人流極旺的大商場，樂拉麵都有7至8枱客人，我一個人坐在吧檯位置，餐牌及點菜單都附有中芵點選了

琴日11點30分，剛開門就踩點入去試食，我同同事分別叫左個叉燒蛋飯，同埋龍蝦湯拉麵。等左6分鐘左右，龍蝦湯就黎左先；聞落超香口，賣相都唔錯。然後再過多1~2分鐘，我份叉燒溫泉蛋石頭鍋飯都到了，叉燒肉味香濃，肉汁豐富，果然唔錯!環境都幾好，坐外圍果時，靜靜地，可以望到出面個溜冰場，幾有意景。座位望落都算闊落(不過果陣未坐滿，所以唔敢擔保)；上菜速度抵讚，夠快；價錢，大約80左右一位，加飲品90鬆啲，算得上少貴，不過叫個質數，日式料理都算係咁，可以推薦比朋友。

「樂拉麵」主打的是博多風的拉麵，近日分店進駐了九龍灣Mega Box，我們同事幾日也光顧了數次，主要是因為她們的麵質有彈性且湯底濃郁。她們主打的是「櫻花蝦龍蝦湯叉燒拉麵」，此次再次光顧終於一試，龍蝦湯香滑鮮甜，又有大量的櫻花蝦做配料，麵是可以選三種不同的硬度，個人覺得適中比較適合，而叉燒則可選腩肉或肩肉，喜歡香口肥肉的一定要選腩肉，配以跟餐的罐裝汽水，感覺滿足！同事點了的「石鍋龍蝦湯叉燒泡飯」，上菜時出奇的香，有一股類似咸魚的香氣，同事亦說色香味俱全，是下次本人再來的必點之選！

好一段時間冇黎MegaBox, 都唔知開左楽ラーメン! 淨係有聽聞過灣仔嗰間評語好唔錯！所以經過見到有都幾驚喜😗見唔洗等位就同二少入左去😛我揀左最basic豚骨拉麵🍜 個湯底都幾好唔錯，幾濃嘅豚骨味，又唔會係好重口味嗰種，仲有一隻溏心蛋加炸藕片😋二少揀左炸雞飯🤪炸雞其實不錯的，咬落去唔係炸粉嗰種，炸得幾好味！但...個飯真係唔得🙃完全冇味，不夠熱，又冇醬汁🤨二少結論係: 去拉麵店，都係嗌返拉麵好啲🤪🤪

食拉麵我最著重個湯，湯底一定要濃。依間樂拉麵，開正我杯茶。自己一個食下午茶，叫左個豚骨拉麵，個豬骨湯底香噴噴仲濃到爆，仲超滑，鍾意重口味湯底一定要黎試下。有兩塊叉燒，正常size，仲係淋既嫩既，如果大塊d滿足度會爆登。仲可以免費加多粟米，超開心，大部分拉麵舖都要加錢架嘛！個蓮藕都幾好味幾特別。隻糖心蛋係會流心嘅。個環境舒適，唔會迫，唔會有同隔離枱拖手仔情況。啲侍應服務都唔錯，會講解有啲咩多人叫，d拉麵質地有咩分別。總括來講，我係會再嚟幫襯嘅。

Megabox新開的拉麵店，主打博多風拉麵。12:30左右去到，已經有小小人龍。不過每逢有新店，不少人都會想去試新野，我都唔例外..愛辣的我，第一時間就㨂左辛辣豚肉拉麵。紅紅湯底的賣相，麵量不算多，除豚肩肉叉燒，還有溏心蛋，炸蓮藕同木耳絲。湯底辣度只算微辣（雖然都預了不會很辣），沒有蓋過自身的豚骨湯味，炸蓮藕炸得太乾身，麵條是博多的細麵，軟硬度適中。

豚肉拉麵白雞湯個湯幾好飲喎！香濃雞味～比較特別有塊炸蓮藕！幾香脆！麵身硬度適中～最正個糖心蛋，流心蛋漿～正鰻魚飯個汁太鹹⋯成個飯食落太鹹⋯鰻魚肉質OK的，比啲汁影響咗～

Megabox又有新餐廳開，仲要係同事最愛嘅拉麵🍜店，梗係嚟試下啦！中午一點半🕜到都要等一陣位，坐低時店員好貼心提醒我地將包包🎒👜放係櫈下，以免食拉麵🍜時啲汁濺到，不過我最終點咗飯嚟食🤫辛辣🌶豚骨拉麵🍜先上，一睇到成碗都係紅噹噹咁，同事二話不說即刻🥢起筷，嗜辣嘅同事略嫌辣味不足，大概只有小辣程度，但高度讚揚👍🏻豚腩肉，煮得好腍好入味，而蓮藕乾吸晒啲湯汁，榮登最好食配菜，不過麵量唔多，同事三扒兩撥就食晒，攪到有啲意猶未盡😖日式溏心蛋🥚叉燒飯🍚上菜時係有少少嘅失望😞，因為初時以為係有一塊塊嘅日式叉燒，但嚟到見到係嘅肉塊，吸引力即時下降⬇️，而且比想像中細碗，食完大概得五成飽，講返個飯先，飯淋上滿滿嘅肉汁，加埋肉汁豐富嘅叉燒真係絕配，而溏心蛋🥚略為凍咗啲同硬咗少少，但係拉麵🍜店嘅飯類可算合格🈴

餐廳位於商場走廊兩旁，開放式設計，食客私穩度低。「大盛叉燒炸雞拉麵」89元，可選豚腩叉燒和豚肩叉燒，最終選了豚腩叉燒。烹調時間較長，因為炸雞是即叫即炸。拉麵賣相唔錯，有好多餸，好豐富。炸雞皮有少少硬，雞肉軟好熱。炸蓮藕唔熱，好硬，欠佳。半熟蛋一隻，雖然唔熱，但是好味。木耳絲味道正常。兩塊豚腩叉燒，其中一塊正常，肥瘦適中，另一塊唔合格，又細又薄又透明，太肥，貨不對辦，等同少了一塊豚腩叉燒。拉麵口感一般。湯底似冬菇湯。結論：叉燒貨不對辦

今個星期同同事午膳時間發現Megabox新開一間拉麵店，第一日發現時12:15pm已滿座，結果第二日12:05pm 一行六人去攞位都只有吧枱位我哋當然係會照食啦佢下午時間叫一碗拉麵或者午飯都會有汽水送我就叫咗豚骨拉麵（豚肩）同埋Zero 汽水。因為之後已經有人龍等位. 等左15mins左右就有得食，䐁骨拉麵湯底濃郁，但可惜份量比較少，特別係豚肩肉只有兩薄塊，相信只是一個女士食就夠飽。而抵讚的是員工以基本日本歡迎，發音標準，令食客好似在日本食拉麵🍜

新開張，今日午餐與同事共7人去光顧，分開2張枱坐，我枱有4人。詳細睇過餐牌後，每人分別點了1碗麵。落單後店員才告知，每人免費有1罐汽水，但三催四請叫了店員3次後先拎黎，樓面員工目測3個人，但似乎效率不夠積極。等左一陣，麵終於送上，但食左2啖，我同另外1個同事都覺得湯太少了，感覺似碗撈麵，於是要求店員加點湯，點知對方回覆湯是特別淆制的，每碗已有1殼的份量，如果要加湯，要加$20。另外1個同事寫了麵要硬，但最後卻是軟的。我地都感覺非常意外，加點湯居然要加錢。首先餐牌由頭到尾，或餐廳內都沒有標明加湯要收$20。第二:客人個人口味感覺太小湯要求加湯，都處處阻攔。順帶一提，我就算喺日本食咁多次拉麵都無試過加湯要加錢，真係聞所未聞！By the way湯底、叉燒豚腩ok，但服務真係不予置評。

味道幾ok嘅 係我鐘意嘅辣度 星期一至五除公眾假期外都有汽水送 我覺得幾滿意呢次消費嘅 不過7.9嘅服務費…係邊啲啊？客人入來又唔係卑茶飲或者係咩 只係半杯水 7.9嘅服務費我覺得有啲貴 員工嘅態度係真係好好嘅 但係送嘅野飲係易拉罐個啲 男仔係唔緊要嘅 係咪應該卑啲女士飲管咧😂落完單等咗五分鐘左右就來咗 時間上都幾快嘅 但係個服務員唔提醒下有免費野飲嘅 我都冇注意有得送 佢就已經走咗下即刻落單啦 我覺得可以提下客人邊時惠顧拉麵或者飯丼有得送野心 有啲客人真係唔會睇得咁仔細嘅 後尾個男員工我問佢好熱情幫我去拿野飲 good 根據個味道同埋分量 個價錢我覺得係ok嘅 就係7.9嘅服務費 如果可以體現呢7.9嘅價值 我覺得更加好啲