Rakuraku 樂拉麵 (MegaBox)

营业中

休息中

今日黎到mega box，經過10樓見到『樂拉麵』賣相唔錯，而且價錢都ok難得限聚令下都仲有位決定入去一試～『溏心蛋雞扒泡菜石鍋飯』份量好夠，而且賣相滿分啲料多到就黎滿瀉不過味道方面需要改善蛋同泡菜味道正常，但飯同雞扒淡到無乜味追加的炸雞，雖然唔係即叫即炸但入口仍保持到外脆內軟加埋檸檬汁同沙律醬，係清新嘅感覺👍🏼『赤貓』拉麵除左有得揀麵嘅軟硬度仲可以揀用豚腩/豚肩做嘅叉燒賣相還好，不過味道都係有待改善整體黎講，餐廳嘅門面功夫做得不錯，又用貓做主題，幾有特色不過食物嘅味道可以豐富啲。

今日早放工，一於喺附近搵食，行咗幾間舖頭，我哋第一眼比隻貓貓吸引住加上我哋好掛住日本，尤其每次去，每一天都會想食一次拉麵，佢哋嘅設計有一隻大貓喺度，我倆也被餐牌菜式名字吸引住，就係赤🐱拉麵、白貓拉麵🍜赤當然係辣味湯底，辣度啱啱好，叉燒味道不錯，不會太薄，厚薄適中！而白貓拉麵，明顯就係豬骨湯拉麵，佢味道不太濃，不多味精，唔會令你不停要飲水嘅感覺！雖然只係下午茶，份量唔會因為咁特別少，而且配餐飲🤗但係卡位嘅座位比較迫，所以我倆對角坐。

一碗由自己話事既拉麵🍜由拉麵軟硬度、要唔要蔥、叉燒款式都有得你揀！楽々豚肉拉麵 呢款揀左豚肩叉燒、肥瘦均衡、比較有咬口！湯底濃郁！大盛叉燒炸雞拉麵 呢款就揀左豚腩叉燒、上層油脂唔會太油膩、入口即溶！炸雞有分開碟上 唔怕湯底令到炸雞變淋！整體唔錯！仲有卡通貓牆壁可以打卡☺️☺️

Lunch Time 都有唔少Fans 排隊10分鐘左右櫻花蝦龍蝦湯拉麵勁多櫻花蝦❤️❤️湯底好濃郁，龍蝦味十足糖心蛋👍🏻炸蓮藕片又幾得意整體來講配菜滿滿，好豐富

去完溜冰啦就運動完梗係好肚餓。就搵嘢食啦喺MegaBox，就第一次嚟咗呢間拉面店。好似好豐富咁，見到呢個拉麵有炸雞有叉燒有成隻糖心蛋，仲有啲炸蓮藕同埋配菜。咁成件事呢就覺得好豐富呀。所以就好似好適合我咁。咁炸蓮藕幾脆身啦，糖心蛋就整得啱啱好啦，同埋都幾入味佢用咗豉油醃啦。湯入口幾舒服，味道不太重不太輕。面嘅質感又覺得幾好呀，係幼身，幾掛到湯，啱我。但係除咗呢個拉麵之外呢，我覺得其他嘅拉麵嘅份量亦都唔夠滿足我㗎。

第一次食呢間，坐得唔係幾舒服，因為d位係少少open area 感覺，同埋間野好似唔夠人做咁，不過都算有禮貌。食物方面，叫左一個特盛炸雞叉燒拉麵$89，再加左5隻煎餃$38，拉麵非常足料，豬骨湯底好香好好味，唔太鹹，拉麵都唔錯，叉燒好厚身，有3大舊，炸雞分開上，非常脆，唔熱氣，煎餃幾特別，豬肉餡，仲有粟米，第一次係日式拉麵店食都呢種餃子，配個醬汁少少酸，好開胃好好食。價錢都係偏貴，不過質素唔錯，下次再食。

前日喺megabox睇完戲諗住喺嗰度食埋野見樂拉麵裝修幾靚所以就試吓～首先係開胃小食 《章魚小丸子》味道唔錯，唔會太細粒👍🏻《黑蒜油豬骨拉麵》雖然上餐速度算慢，但勝在拉麵和配料份量多。糖心蛋煮得剛剛好，十分滿意。可惜的是，湯底味道較淡導致未能吃出黑蒜油獨有的香味。加上麵底比起拉麵更像中式擔擔麵，所以相對上沒有咬口。對於對麵質要求高的我確實是比較失望的一次拉麵拜訪。男朋友叫了個辣的拉麵。他表示真的很辣，所以選前請三思😅總括來說，我不是特別推薦。不過如果對拉麵不是特別講究或是為飽肚的話，我覺得還是可以的。

想吃日式拉麵，看到Rakuraku的下午茶挺吸引，就入內試試二人各點了兩款拉麵，先來的是香蔥雞湯叉燒拉麵（走蔥），先呷一口湯底，挺清爽，沒有油膩感，要讚的還有拉麵質地，剛剛好軟硬適中，另一要讚的是溫泉蛋，蛋黃香濃非常入味。愛好牛肉的老公點了牛肩胛豚骨拉麵，湯底不錯，但牛肉味淡，普普通通。另加錢點了兩款優惠小食，珍寶海老薯餅，炸得鬆脆，一點油膩也沒有，忌廉薯仔豐富，唯獨海老料卻不是太多。另一款小食是豚肉餃子，是可想像的味道，要讚的就是煎得香口

同朋友收工之後去megabox買野順便食埋飯，未知食咩好，就周圍逛下睇下有咩好食，我哋嚟到間拉麵店前，上網睇餐牌見到都好多食物選擇，而且當時時間尚早，唔需要等位，所以我們就選擇食這間拉麵。我叫了黑麻油豚骨拉麵，麵就選擇適中，見到碗麵時覺得顏色都好深，以為味道會好濃，但是試落味道都OK，麵嘅軟硬度剛剛好，黑麻油食到尾聲都有D溜，下次我會選擇其他湯底。麵我配了豚腩，比較肥膩，如果唔中意太肥膩，可以選擇豚骨。而我朋友就叫了辛辣豚骨拉麵，佢覺得湯底嘅辣唔夠，比較淡味。佢就配豚肩，食落唔油膩，都幾好味。另外我地還叫了芝麻雞翼，雞翼炸得好香脆，好好味。整體來講感覺一般般，食物不過不失。

偶爾來MegaBox這邊，但每次來都是去某餐廳這次不想去那餐廳等位，決定試試其他食店老公喜歡吃拉麵，所以他選中了這家拉麵店啊！時間尚早，6:30pm都未夠，這家店的座位都幾乎全滿，味道應該不錯吧！第一印象就欣賞店員的靈活變通只剩一個吧枱座位，但店員都即時安排加櫈，好讓我們能盡快入座由於第一次光顧，我就選擇不花巧的豚骨拉麵老公則點特濃櫻花蝦龍蝦湯叉燒拉麵兩款拉麵均可選豚腩或豚肩！豚骨拉麵，要了豚腩配菜有炸蓮藕片﹑木耳絲及溏沁蛋先試一下湯底，這家的豚骨湯底不是濃厚的那種，較為稀身但味道都好算醇，不會過鹹！拉麵是細麵，不會煮得過稔，但未太掛湯蓮藕片作為配菜，自己比較少見到，這個配搭幾香口！豚腩有兩大舊！灸燒過的豚腩香口一些～～腩肉連著肥膏，入口甘腴而不肥膩～～溏沁蛋夠流心，醃得夠入味！！特濃櫻花蝦龍蝦湯叉燒拉麵，賣相都不錯一上桌就見到碗內滿滿的櫻花蝦湯底的龍蝦味不算好突出，但加了櫻花蝦，湯底充滿鹹鮮香！基本配料與豚骨拉麵一樣叉燒則選了豚肩，叉燒肉質普通，未至於好稔滑，但也不會太乾硬！兩碗拉麵整體而言都算中上水平嚐完櫻花蝦龍蝦湯就覺得豚骨湯略為普通～～CP值而言都算OK！一碗拉麵的價格都不算太

我一直都唔明，點解要比成舊水去碗 #拉麵🍜 話就話佢哋啲 #湯底 係 #豬骨 淆製而成，但係我一直認為成碗都係 #味精水😅 加兩塊 #肥肉 就扮 #叉燒... 真係咁好味咩？😅🤣呢幾個月因為實在太多原因搞唔成 #生日飯 👉🏻👈🏻 好在臨年尾終於約到呢位 #十月生日 嘅 #朋友仔 出嚟，不過安排得太倉猝，只好簡簡單單喺商場搵間 #餐廳 食個飯、志在聚一聚。偶有湊巧... 佢揀咗 Rakuraku 樂拉麵 Megabox 😅 不過佢喜歡就得啦😏 #樂拉麵 裝飾都以 #手繪貓貓 為主題，非常吸晴👀 無諗過間 #餐廳 #星期一 都會坐滿人，唔通佢嘅 #拉麵🍜 真係咁好味？呢日我叫咗佢哋嘅 signature #豚骨拉麵，#湯底 果然無其他 #拉麵店 嘅味道咁假，反而飲落有一陣 #鮮味，而 #拉麵 亦軟硬適中🤤 #朋友仔 都話佢叫果個 #黑麻油湯底 唔錯，口感亦唔太油膩👍🏻 而我要讚嘅係佢哋嘅 #魷魚鬚，味道好鮮味，唔似雪藏肉😋 怪不得地方咁隔涉都咁多人夜媽媽嚟幫襯啦🥳

喺 MegaBox 睇完 Addams Family，都幾失望。人物造型及設定雖然忠於原著，但故事結構太差，主線唔夠明顯、缺乏支線，亦沒有高低起伏的劇情變化，結尾更有草草收場的感覺。散場後，順便喺商場內搵食，見到有間充滿日式風情的拉麵店，加上門外有一條短短的人龍 ⋯⋯ 深信市場效應：有人排隊就應該幾好味道；決定幫襯「らくらく 楽拉麵」。拉麵店被商場的走廊分成左右兩邊，其實，應該反過來說，是拉麵店佔據了商場迥廊左右兩邊的兩間舖位。一邊是開放式廚房，並且設有拉麵吧枱式座位，再加上一個個掛起的燈籠，很有博多屋台風味。另一邊的舖位則是開放式設計，但同樣充滿東瀛居酒屋風味。拉麵店另一個吸引客人的賣點，當然是東瀛武士造型的代言人「鼻鼻」貓武士。除了「鼻鼻」之外，還有其餘五隻貓貓，全部造型皆非常可愛、又帶著幕府時代的冷酷 ⋯⋯ 總之，整間拉麵店給人的感覺非常日本，引導客人聯想又是另一間日本過江龍拉麵店。打開餐牌細看，就覺得有點奇怪。竟然同時有豚骨湯底、雞湯底及蝦湯底三款拉麵口味，還有石頭鍋飯及鰻魚飯；如果是正宗來自日本的拉麵店，冇可能同時會有三款湯底，更冇可能會有石頭鍋飯。即刻上日本飲食網站 tab

晚上八點多到Megabox，但到到都仲好多人排隊等位，想快食一餐，見拉麵應該會快等到，結果前面有6個人，等了唔洗5分鐘就有位。由於唔太餓，所以一人一碗拉麵再加一個沙律便夠。沙律：感覺新鮮，另外隻烚蛋應該是日本蛋，蛋有蛋味😂我點了最普通的豚骨拉面，覺得第一次食應該就要食招牌吧！份量對女生剛好，一上枱，就見到碗面凝固了一片膜，感覺湯底好有骨膠原甘。有兩片豚腩叉燒（可以選豚肩叉燒），第一啖入口已食到一口燒過的味，雖然第一層是肥肉，但唔會覺得肥膩，有豬肉香味，不錯！拉面是幼面，令我諗起一蘭拉麵。同行朋友點了櫻花蝦龍蝦湯拉麵，好多櫻花蝦，試了一啖都幾有蝦的鹹香味，但龍蝦味唔覺，基本配料是與我碗豚骨拉面一樣的。臨走前，聽到廚房傳一把男人講日文聲，唔知係未真係日本人打理？整體感覺良好，見隔離男士食石頭飯，都貌似幾好食！只是整間店好開放式，好多人路過，適合快食快走，唔適合傾計，但以味道黎講，這間店可以Encore😊

去左九龍灣Mega Box行街，見到間新開嘅拉麵鋪，門口幾靚，所以試試入到去，都系要自己圈紙仔，寫番自己喜好嘅野食我地一共叫左個2個拉麵（黑蒜油拉麵/豚肉拉麵）1個沙律（配芝麻醬，感覺唔錯）1份餃子（皮脆，較重胡椒粉味）整體感覺唔錯，果度仲有其他唔同嘅野食如石鍋飯等...

今晚去左MegaBox 行街睇戲食飯，揀左間拉麵店 【らくらく 楽拉麵】，門外有人排隊等左一陣就可以入內。拉麵店分成兩邊，一邊是拉麵吧枱式座位，另一邊的則是開放式設計，店內佈置但充滿日本味道。從點餐紙上看到7款拉麵，同時有豚骨湯底、雞湯底及蝦湯底三款拉麵口味……正宗日本的拉麵店非常專注不會同時會有三款湯底。莫非【らくらく 楽拉麵】是一間香港人開設的日式拉麵店?又想食炸雞又想食叉燒的話，就要點這個【大盛炸雞叉燒拉麵 $89】拉麵配料有炸蓮藕片，原本炸蓮藕片香脆甘甜，但結果卻是淡而無味而且完全不香脆，失望。當然先品嚐湯頭，湯頭的質感較稠身是筆者杯茶。湯頭的豚味不太鹹比較適合港人口味，雖然豚骨肉香未夠濃厚但已經比不少日式拉麵店吸引。麵條沒有明顯的鹼水味，可以自由選擇硬度，不過麵質彈性一般。糖心蛋夠入味，但部份蛋黃稍為過熟，沒有流心效果。豚肉可以選豚腩或豚肩，筆者揀了豚腩。豚腩表面燒過，豚腩有層脂肪賣相吸引。肉質不未至於又乾又硬，但卻未夠鬆軟腍滑，只是一件中規中矩的日式叉燒。這個炸雞叉燒拉麵……最初只有叉燒拉麵，過了一陣炸雞終於送上，一齊送上比較合宜。炸雞味道淡味而且沒有肉汁，有些失望。