Rakuraku 樂拉麵 (MegaBox)

营业中

休息中

晚上八點多到Megabox，但到到都仲好多人排隊等位，想快食一餐，見拉麵應該會快等到，結果前面有6個人，等了唔洗5分鐘就有位。由於唔太餓，所以一人一碗拉麵再加一個沙律便夠。沙律：感覺新鮮，另外隻烚蛋應該是日本蛋，蛋有蛋味😂我點了最普通的豚骨拉面，覺得第一次食應該就要食招牌吧！份量對女生剛好，一上枱，就見到碗面凝固了一片膜，感覺湯底好有骨膠原甘。有兩片豚腩叉燒（可以選豚肩叉燒），第一啖入口已食到一口燒過的味，雖然第一層是肥肉，但唔會覺得肥膩，有豬肉香味，不錯！拉面是幼面，令我諗起一蘭拉麵。同行朋友點了櫻花蝦龍蝦湯拉麵，好多櫻花蝦，試了一啖都幾有蝦的鹹香味，但龍蝦味唔覺，基本配料是與我碗豚骨拉面一樣的。臨走前，聽到廚房傳一把男人講日文聲，唔知係未真係日本人打理？整體感覺良好，見隔離男士食石頭飯，都貌似幾好食！只是整間店好開放式，好多人路過，適合快食快走，唔適合傾計，但以味道黎講，這間店可以Encore😊

去左九龍灣Mega Box行街，見到間新開嘅拉麵鋪，門口幾靚，所以試試入到去，都系要自己圈紙仔，寫番自己喜好嘅野食我地一共叫左個2個拉麵（黑蒜油拉麵/豚肉拉麵）1個沙律（配芝麻醬，感覺唔錯）1份餃子（皮脆，較重胡椒粉味）整體感覺唔錯，果度仲有其他唔同嘅野食如石鍋飯等...

今晚去左MegaBox 行街睇戲食飯，揀左間拉麵店 【らくらく 楽拉麵】，門外有人排隊等左一陣就可以入內。拉麵店分成兩邊，一邊是拉麵吧枱式座位，另一邊的則是開放式設計，店內佈置但充滿日本味道。從點餐紙上看到7款拉麵，同時有豚骨湯底、雞湯底及蝦湯底三款拉麵口味……正宗日本的拉麵店非常專注不會同時會有三款湯底。莫非【らくらく 楽拉麵】是一間香港人開設的日式拉麵店?又想食炸雞又想食叉燒的話，就要點這個【大盛炸雞叉燒拉麵 $89】拉麵配料有炸蓮藕片，原本炸蓮藕片香脆甘甜，但結果卻是淡而無味而且完全不香脆，失望。當然先品嚐湯頭，湯頭的質感較稠身是筆者杯茶。湯頭的豚味不太鹹比較適合港人口味，雖然豚骨肉香未夠濃厚但已經比不少日式拉麵店吸引。麵條沒有明顯的鹼水味，可以自由選擇硬度，不過麵質彈性一般。糖心蛋夠入味，但部份蛋黃稍為過熟，沒有流心效果。豚肉可以選豚腩或豚肩，筆者揀了豚腩。豚腩表面燒過，豚腩有層脂肪賣相吸引。肉質不未至於又乾又硬，但卻未夠鬆軟腍滑，只是一件中規中矩的日式叉燒。這個炸雞叉燒拉麵……最初只有叉燒拉麵，過了一陣炸雞終於送上，一齊送上比較合宜。炸雞味道淡味而且沒有肉汁，有些失望。

行行下見列有間拉麵開係溜冰場附近，覺得幾特別所以試下，點知都叫有驚喜，拉麵份量十足，味道麵唔算差，對比起個價錢有咁既份量其實都唔錯既，希望作黎緊都會保持住呢個份量同價錢。

係megabox搵到一間拉麵店就想試下一坐底就聽到好多好親切既日文歌餐單有免加一服務費有好多選擇我叫左個香蔥鹽味清雞湯拉麵白桃果汁汽酒同埋雞翼首先一讚佢既溏心蛋 真係好好食 $79豚肉都唔錯 湯底都ok本身唔係飲開酒但係中意飲白桃汽水見酒精濃度得3%就想試下果然唔係飲開酒就好快臉紅心跳好彩有水可以飲$28雪碧係高身 $18所有配件一應俱全環境方面都算唔錯有日文歌仔可以聽服務方面都ok 職員有友善大家可以一試

放工去開megabox,路過時聽到職員介紹送汽水免加一，考慮了一下便進去。麵館時是開放形式，位置還好，多人時有點迫，點了大盛叉燒炸雞拉麵，石鍋龍蝦湯叉燒泡飯和黑胡椒自家制炸雞。大盛拉麵忘了拍照，份量很大，炸雞非常可口，推介，湯底是我喜愛的濃濃豬骨湯味，帶有奶香味。配菜有三件炸雞和一舊叉燒，很夠飽肚，同時可試兩種餸。石鍋龍蝦湯泡飯，從表面很像小小一碗，但吃下來也很飽肚，配料有兩舊叉燒，湯已被飯全數吸收，試不到剩湯味道，但還是不錯的。黑胡椒自家炸雞與跟拉麵上的炸雞同出一撤，都時啖啖肉，可口美味。平日晚飯送汽水，覺得抵食。

連續2日去MegaBox揾食。尋日已經想食拉麵，但見倒要排隊，所以放棄食第二間，今日係專登返嚟試佢嘅，當然都係要排隊排左20mins終於有位叫咗兩款唔同嘅拉麵，再加多個雞翼雞翼漏咗單，食晒個麵先黎辛辣豚骨拉麵豚肉可以揀腩或肩，我地揀咗腩，肥美到呢留心溫泉蛋好好味，其他配菜都OK話明係辛辣味，但係我就嫌佢唔夠辣，如果個味再濃啲辣啲就好啦最後嚟嘅雞翼，外層有芝麻包住，其實又唔係好食到芝麻味正常嘅拉麵質素後傳: 我坐嘅位置係近門口，即排隊位附近，有少少壓力好似要盡量食快啲咁😂😂

MEGA BOX 真係一個美食既沙漠每一次去食野都覺得係伏既最好食個間已經係IKEA 今日咁ARM要去MEGA BOX 買野到8點幾已經好餓迫於無奈咁揀左哩間年輕人既人氣拉面店純粹係見到食既人都好年輕同埋8點幾都仲有人排隊咁好啦 試試佢啦龍蝦湯拉面個龍蝦湯係OK既都有龍蝦味就咁飲係唔差似罐頭個龍蝦湯但加埋D麵就好古怪D面又唔係難食 似街買得到急凍拉面餅但夾埋唔好食囉隻旦都好一般豬骨湯拉面嗯都係好一般算唔上係難食 但係由個面到個湯同埋旦都唔覺得係好食個叉燒真頭係難食好耐無食過又鞋又無味既叉燒我諗姐姐都係麻麻地哩D拉面

同朋友試咗兩碗拉麵，我個碗係蝦湯底，上面有勁多櫻花蝦，淡淡都係蝦味，不過我都係覺得一半，因為佢冇咗一種香味，只係有一種蝦的味道。之前食過冇連鎖店的蝦味拉麵的，可能我印象太深了。朋友的豬骨麵，不過不失，就是最普遍那種豬骨味道。但係價錢算係咁，已經有蛋喺上面

第二次黎megabox呢間餐廳食。唔需要等位，一上到去服務員已經直接安排座位。睇咗Menu一陣我哋決定今次食一碗拉麵、一碗鰻魚飯同埋雞球🎈老公係一個拉麵怪，係一位對拉麵有獨特執著既人，湯底同麵既質感其實唔差，唯一比較遺憾嘅事唔係好夠熱。鰻魚飯既鰻魚好好味， 不過略嫌飯太多同埋都係唔夠熱。雞球就已經第二次order，比第一次黎時候大份左，肉質好味左。雖然今次食物既熱道差左少少，但係服務員友善既service 都係值得一讚

剛開業不久的拉麵店，圖片看似好好吃，今天中午在這小店點了一碗$78香蔥鹽味清雞湯叉焼拉麵，選了豚肩，看圖片以為是用滷水煮嘅肩肉，再用火槍焼烤一下；滿有期待的拉麵來到我面前，只看到三片白白的豬肉片，跟menu 上的肩肉圖片一點都不像，問了服務員，她説額外單掂的才會加上焼烤效果，這樣的話，應該在Menu 上說明，吃完碗麵感覺被人欺騙了；再到付款時再問，她説雖然’肩肉‘寫的是同名字，拉麵配上的肩肉是沒有燒烤的也沒有圖片參考，只有單點的肩肉，是有燒烤過的才有圖片參考的，真的不知道客人怎様可以知道這兩者是不同？？？

個面都幾好味，落單後，個面都好快到。唔錯，不過，星期一至五黎，記得叫汽水，因為係送架，店員唔會主動提你，我見到有幾枱都無叫汽水，可能太甜瓜？另外，看清楚圖片既topping, 如果有溫泉蛋的面，又叫左追加溫泉蛋的話，店員都唔會提你架～

星期六熱辣辣，最好行商場。MEGABOX 假期不嬲人多BB車又多午市想搵位好有難度好彩上溜冰場foodcourt行左轉，發現咖哩執左，行返電梯口見到呢間拉麵終於開左！見有位即係坐低試下。要畫紙仔，一人一張。我叫左黑麻油豚肩拉麵湯底ok，唔會好似Apm果間勁油🤦🏻‍♀️豚肩都有三四塊，可以分塊比老公試👍🏻老公叫左個叉燒炸雞豚腩個湯底都好飲，比我果個清d炸雞有三件，新鮮炸卜卜脆，仲有肉汁好嫩兩碗d配料好多隻溏心蛋好入味！又唔會凍冰冰！d木耳好夾拉麵！不過d炸蓮藕淋左，好難咬仲加左$15溫野菜沙律比想像中大碟，乜都有，好抵食可以再食，食完去ikea食D24雪糕，都唔覺口渴唔洗買汽水

我都幾中意食拉麵，差唔多一有日本人氣拉麵黎香港開店都會食。呢間megabox既拉麵店應該唔係開左好耐今日經過見到有位唔洗等就決定一試呢間樂拉麵都有幾間分店朋友就揀左比較人氣既豚骨拉麵，我就揀左黑麻油豚骨拉麵🍜同平時拉麵店一樣，都有得揀麵質，蔥同叉燒部位午餐仲有汽水送！岩曬咁熱既天氣賣相好似幾好溏心蛋幾好味，流心，夠入味麵就還可以，冇驚喜。配菜有點兒小左d叉燒好硬整體黎講，唔好味朋友既豚骨拉麵都不太好，湯底太鹹，好似多粉既湯底。。。價錢唔算貴，唔洗加一但有更好既選擇

星期六有小小雨，所以就去左mega box 行下啦👫到左晚飯時間，行左成個商場都諗唔到食咩好😂mega box 真係冇咩野好食🤔但係唯獨是見到呢間餐廳排隊排到幾乎打曬長龍，於是就諗住試下啦😛叫左個豚骨拉麵同石鍋龍蝦海鮮飯，我會比較鐘龍個拉麵，覺得個飯有小小腥，但個拉麵都算唔錯，佢唔係我最憎個啲食完只食到咸味又會好口渴嘅拉麵，個唐心蛋令我最驚喜😍因爲出邊食到嘅唐心蛋好多都係生生地流曬蛋汁，但其實我唔鐘意呢種口感，而呢間餐蛋嘅唐心蛋我就覺得恰到好處啦