Pokka Cafe (已結業)

該餐廳的食物水準十分之差劣, 份量極少, 味道過咸, 所有hot dishes都不夠熱, 實在強差人意! 所謂"regular" Celsar Salad既份量($7X), 只不過係足夠一位小朋友既份量, 而curry rice, 只試了少許已經食不落口, 最後還要求職員取消order, 最可笑的就是連該職員自己都試過味道, 她亦都對我們反映curry真的過咸！服務亦只係一般! 今次之後, 已沒打算再次光顧了。

d 人做野又糊塗, 摧叫佢去俾杯熱水,十年都唔拎黎, d野食又出得慢

星期五晚和朋友來到銅鑼灣,想找間傾到計的地方食飯,大家便一致地想起這裏,真的合拍,七點來到,雖說不算多人,但好坐的位置要等等才有,不夠十分鐘,便可以入坐,地方,環境都不錯,但我們坐的位置,經常有些小蟲飛過,我們要求轉位,待應亦樂意的配合.服務是很好的,兩人叫了以下.咖喱奄烈牛肉+$28配麵豉湯,飯和飲品---麵豉湯,清晒!都不錯,不會太濃的味精味,主菜便不是十分的出色,但牛肉入味和夠淋,飲品轉了朱古力咖啡雪糕球(加一半價錢),很好,朱古力雪糕好吃,飲品有小小苦,我就喜歡這樣的味道滑旦炸豬扒+$28配麵豉湯,飯和飲品---感覺很平汎,但是出奇的好吃,試了一小舊,d汁都很好另外,覺得冷氣太凍了,本人已加了外套,應適當的調低便會更加好.有八折咭total $154,是抵吃的一餐

昨晚去左食飯，兩個人叫左一個肉碎釀茄子，一人半條茄子打橫切，上面淋d醬咁，好似三十蚊，都不錯。仲有鮮茄海鮮意粉，有少少失望，我以為鮮茄至少見到小小蕃茄肉，因為我好鍾意食番茄，點知只係有茄汁，都幾酸。另外叫左三文魚蟹子八爪魚壽司飯，撈暈左好好食喎，好香！最後叫左甜品香蕉船，有三球雪糕。講左要朱古力呍厘拿同士多啤利三種味，點知黎到食左兩o炎先發覺冇士多啤利變左兩球朱古力，侍應小姐已經擰返球士多啤利雪糕另上啦，咁先係做野o家嘛，服務唔錯，有笑容，不過吸煙及非吸煙區中間一檯之隔好似太埋

黃昏時段行經此地，同太座入去食番個tea 先。叫左蜜糖厚多士同雞肉拉麵。想講下個多士，外層整得脆脆金黃而沒有，熱力滲透裡層的白白麵包，加上糖漿一齊食，真係冇得頂！好味！唔應該叫多士，應該是麵包磚才對。雞肉拉麵屬一般，略嫌不夠雞肉味。這裡跟太古城Jusco 的分店，有著天壤之別，無論環境同食物，都比太古城的好得多，如果唔好好控制下，好的店分分鐘給差的店拖累聲譽。

銅鑼灣第二站去百佳. 因為之前虞家媽媽太難食, 食唔飽, 咪諗住食個tea.兩點半未有tea食, 一個同事趕住走, 剩番兩個就叫個set lunch share. 我地個artist係堂堂男子漢, 梗係要叫有份量share啦! 肉醬意粉係四個sets入面最能飽肚一個, 就佢! 我地仲以特價加個前菜--豆腐沙律! 湯同麵包先上, 趕住走同事食先. 豆腐沙律等一陣先, 只係一磚豆腐加幾塊燒磨菇同生菜, 雖然我唔知加幾多錢食呢碟, 但保證唔抵食! 豆腐仲一點都唔滑, 有渣!肉醬意粉賣相幾得, 肉醬尚算香甜, 但意粉唔夠爽口彈牙, 真係唔al dente 喇.飲品係凍咖啡, 同事話好難飲, 飲兩啖就放低.服務麻麻, 要叫先識做. 食物亦好一般, 所以我不嬲都唔鍾意.

飲品：基本上我唔太鐘意飲咖啡，唔鐘意D苦味，但係個個都叫咖啡，我咪又叫囉，我個FRIEND提議我飲朱古力咖啡，會比較甜，冇咁苦，不過飲落都冇乜朱古力味(我FRIEND飲左一啖都話麻麻地)，所以飲淨半杯。食品：(唔係我點餸，都唔係好知D菜名)薯蓉焗蠔：D蠔都幾滑，OK串燒豬柳(三串)：普通，週街都食到XX墨魚麵：D麵好甜，味道怪怪的XX年榚：一塊塊長方形白色年糕(好以麻雀咁大塊)，我諗係日式年糕，唔似中式咁黏口，不過唔太咁我口味，一般。海鮮焗飯：味道幾好，不俗。甜品拼盤：有幾樣不同款式的，綠茶蛋糕、雪糕、好像布甸的東西，都很好味。主菜普通，但甜品不俗。環境不錯，但冷氣實在凍得不像話，令舒適程度大打折扣。(出席人數：6位，因為有八折咭，所以慳唔少)

同幾個朋友食晚飯，我就揀三文魚八爪魚蟹子飯，加28蚊轉埋做set。湯就一般，不過跟湯麵包就幾好食，個飯都幾唔錯，當然新鮮桯度唔算十分之高，但以咁價錢真係超水準，而且全部配料切晒粒，撈埋飯落肚口感真係夠晒豐富。整體來講成餐都算滿意！

今日食左蜜嘜厚多士+凍咖啡厚多士真係好壯觀!面頭脆卜卜,入面軟淋淋,加埋蜜糖真係好好味!!雖然五十幾蚊個餐得一磚麵包同杯咖啡,不過都食得過,呢個餐都好多人叫,見到好多檯都有一磚麵包係度。凍咖啡好香濃,正正正!! 不過下次想試北海道牛奶凍咖啡,見隔離位先生個杯好正咁,但size唔大,可能唔多夠我飲。今日見到一班女仔係度share個超級大杯雪糕,真係好高好大! 面頭有幾片蜜瓜, 兩條蛋卷,仲有生果呀、忌廉呀咁...睇見好正! 搵日call番幾個friends去試! ^_^

岩岩先食完件cheesecake,lunch唔駛食咁滯,所以只要了個細salad,朋友要了牛腩奄列飯,個salad我要了三文魚同牛油果,我覺得幾好味,d 汁唔錯,只是牛油果一般,整體來講都唔錯既,朋友個飯好大,又有配菜,我試了少少,都幾好味喎,下次可以要呢樣~~不過真係幾大份呢~~

琴晚同左個frd去呢到食飯... 我叫左個牛油果三文魚飯+ $28 變set (including casesar salad + tea / coffee), 而我個frd就叫左個set dinner (牛柳). 我覺得我個set最好食就係個salad 唔知點解, 個飯真係好唔好食... 我以前黎親呢到10次有6次都係叫呢個飯~ 但而家真係唔好食左好多. 唔知係唔係轉左個chief呢, 如果係, 咁我真係好掛住以前個廚師勒:<<<而我個frd個個set呢... 湯就fix死左要係忌廉湯(唔知點解可以咁!) 而個牛柳就真係好"別緻"囉.. 如果係我食我諗我都唔夠飽. 何況係一個男人呢... 唉.跟住叫餐茶, 我個frd叫左熱奶茶而我就叫左熱檸茶. 點知佢個杯一黎係凍奶茶, 而我個杯等左15分鐘先黎... -_-... 好唔開心囉..

初二晚,臨睇煙花之前同屋企人去食,媽咪叫個xo醬炒意粉,我食三文魚加蟹子意粉,家姐要咖哩牛飯奄列.每個人都加28蚊要個salad同coffee.我覺得個caeasr salad好普通....不過加28蚊有杯野同沙律就算啦.我個意粉係要slim,真係好少....但媽咪要regular又唔覺多好多.家姐個飯就最豐富囉.味道就一般啦,我0個個都ok0既,冇冇咩料囉入面.媽咪就話佢0個個几好食.我都係覺杯咖啡最好飲

我好鐘意pokka cafe 0既tea set架~價錢合理啦,d野食又好味,好似有三文治0個款呢,我就最鐘意喇,個架又得意,裝住d食物上,見到咁靚都食得開心d~而佢個三文魚意粉都係我0既至愛~而且佢d咖啡好好飲呀!!!凍熱一樣掂~次次去都要飲的~另外佢d環境都唔錯,樓底又夠高,又多窗,0係度食野唔食得都睇得,簡直一種享受,洗乜走到上山頂丫~

上週五晚與舊同學去完銅鑼灣福苑吃過超平大閘蟹後，到維園邊的Pokka Cafe繼續傾計。誰知佢杯凍咖啡未喝過兩口已不小心打翻。攪到週與週地都係。但部長小姐及仕應們很好人，馬上送上毛巾，又安排換檯。完全沒有比面色我地睇之餘，更厲害係，他們免費送回一杯給我的朋友～～。感動。其實一向在同區吃過晚飯後，這裡都是我喝咖啡的其中一處地方。之前沒有特別滿意或甚麼，但今次之後心裡已加了分。

是日有事要落黎cwb，辦妥事宜後又到3點3，路過此地見人少少幾好坐於是就入去食lunch+tea啦~~一黎到個waitress就帶領我到最入的一檯，個area計埋我得3檯人左右，唔知點解正如好多人所講仲係好嘈，可能個background music+d客講野太大聲啦......好彩檯嘈死人客好快就走左，跟住就好dd啦。未食lunch的關係，叫左客馬拉盞炒米線，size細得離奇不特止，成碟野得d米線+幾條通菜/辣椒+肉鬆同蝦醬味，真係不知所謂兼唔抵食($34)!!但要醫肚的關係，只好頂硬上。早知叫客雪糕/甜品好過，事關之前係第二間pokka(唔記得左邊間，隔左太耐了)都嗌過一次士多啤梨新地，雖然甜左d都未至於不知所謂，唉。-_-野飲呢，見呢度既飲品評語好壞參半，加上都不太便宜，本人都不敢亂叫淨叫再普通不過的凍檸茶算數，好在糖水自己落飲落都唔差je，睇黎以後黎得呢度淨食甜品同飲野算了......點都好，雖然野食好唔得，好在野飲都飲得過，咁岩又無乜客都算唔太嘈，一路飲野一路睇下街景都幾歎，服務又唔差，定時定候識幫你斟水收碟，算係咁啦。不過weekend我一定唔黎了，次次行過都滿座唔嘈死先奇。