Pokka Cafe (荃灣千色匯II)

营业中

休息中

昨夜，晴天霹靂，只在電影才會發生的戲劇性橋段，居然會不幸地發生在自己身上。自命AQ及EQ高者者如我，也一時難以招架。一枝香檳，一覺醒來，仍得要面對工作。今天，諷刺地還要當開導者角色。天啊！那誰人來開導我呢？工作完成，被開導者知我好咖啡，拉我到此品嘗下午茶，繼續訴說她的不幸。要了個下午茶餐，法式燉蛋配雪糕，加杯咖啡。只想用甜品中和一下自己內心的苦。都算中用，燉蛋跟雪糕，大口大口的吞，加上咖啡的鎮痛作用，似是美沙酮般，「痛」加「苦」，得以暫時舒緩。是次病情不淺，要藥到病除，想要整個月不停的高質日菜加數以打計的有年份香檳不可。

在荃灣做完運動, 想搵個好地方食tea, 又選了Pokka.這間的tea set 選擇不多, 只得四款, 芝士蛋糕、薄餅、炒年糕及湯拉麵...都不是心水食物, 唯有點了豬軟骨燒雞串麵(蕃茄湯底)。粉橙色湯蓋過麵及餸料, 面層很油, 賣相不吸引。先嚐點湯, 有點點蕃茄味, 很甜, 甜味不是蕃茄的清甜, 只是用糖調出的甜味, 但味道尚可啦。但雞串便很難吃, 雞粒間著大蒽燒, 雞味道很怪, 有點腥, 奇怪, 吃了兩粒便放棄了。豬軟骨很腍, 肉質有點枚。尤幸拉麵質尚算彈牙, 加點湯一起吃味道也不錯。整碗拉麵只吃了一半左右便沒興趣再吃。幸好有杯香醇味濃的熱咖啡補償一下...這裏環境比軟嘈吵, 還是沙田好一點。

三個人開dinner 飯. 近朋友屋企, 咁就揀咗呢間啦！兩個朋友揀的set din 就冇咩特別，清晒！我就特別喇！特別…難食因自己平日已成日食快餐、扒同焗飯之類, 咁唯有揀咗個日式魚生飯.飯就唔好提喇！好似屋企隔夜飯由雪櫃拎出嚟咁…魚生就切頭切尾嗰啲 ( 呢樣預咗，我冇理由嚟呢度食搵魚一丁嗰啲嚟比架嘛！)不過個飯唔知係咪啲壽司醋問題定洗生菜的水質問題, 食落口有陣洗腳水o既味！( 想反胃>.< )食咗兩啖就無謂再勉強自己食落去. ( 我只但求唔好肚痛)都見夜, 廢事搵經理講. 又唔見得會唔收我錢, 亦唔見得佢再整我會食.咁今次都純粹算係一個意外. 呢間嘢其他分店都食過好多次, 咁係未試過覺得難食. 除咗味道, 其餘俾返間嘢合格有3 分係因為朋友們啲飯事實冇我所講的問題.

呢間係唯一一間會令我食野食到講粗口既餐廳, 四五年前,呢間餐廳俾我既印象都唔錯, 野食ok, 環境幽雅, 但係自從我係今年再重臨呢間pokka, 簡直係食到條氣唔順, 野食唔新鮮, 就連基本既意粉都煮得唔好食, 唯一叫好既係杯野飲, 咁既食物連茶餐廳到比唔上, 學咩人收咁既價錢, 快啲執笠啦!

上個月我跟同事在這兒共膳，中午也要排隊，認真誇張！但食物質素與售價我覺得不成正比，食物也是普通日式餐廳所能提供的，可是售價真是偏高，另外環境方面也未不是使售價偏高的原因，那麼顧客惠顧之因為何呢？

哇,果日同女朋友去荃灣pokka cafe啦,見到門口有d tea set $30幾蚊,咪入去囉,入到去,咩都冇既,想死!果陣已經後悔入去架啦,d野食又懶正,其實得個樣,好似上年去西九龍pokka cafe,哇!!見到門口有d廿幾蚊,咪入去囉,入到去,冇人招呼既,坐左幾分鐘先比menu同水,2杯水仲係要夾埋黎既!!之後有個呀嬸好似好唔耐煩咁幫我地落單啦!我叫左個牛柳絲意粉!!哇,完全唔知做咩既,碟野好似放左好耐咁!!我女友就叫左杯咩咩甜酒曲奇咖啡冇味的!!!之後我女友都同我講千其唔好再去啦!!!!

前天的考試如無意外應該可以過關，只要月中考的最後一科也合格的話，那我就可以順順利利的畢業。說真的，上班之餘要兼顧讀書實在令人很累，我在這最後衝刺溫習的路途上，「吃」是我停一停、歇一歇的最佳方法。突然想吃西餐，但又要兼顧爸媽的選擇，因此來了這裡。我點了是日晚餐，先來一小個胡麻籽麵包，熱烘烘的，配火腿磨菇蓉忌廉湯，可惜湯淡了一點; 主菜大蝦伴牛扒，牛扒八成熟，肉質很嫩，煎得不錯，可惜一小塊連骨都只有滑鼠那麼大，男士吃一定吃不飽; 大蝦其實是中蝦，開邊煎，有些乾，唯有蘸牛扒的獻汁來吃; 配菜小露荀有根，煎薯仔味道可以，雜菌卻是冷的; 甜品是凍豆腐南瓜蓉，豆腐是兩小粒正方形，南瓜蓉混了些椰子味，味道還可以，只是搭配有些奇怪; 連餐茶九十八元再加一，差不多是在尖沙咀吃的價錢呢。

12月25日下午, 行完千色店, 父親話去pokka食野, 佢要左個tea set, 而我就覺得tea set 唔合口味, 於是就叫份三文治, 但點知waitress 話聖誕節暫停供應三文治, 壽司, 仲有咩咩…(聽唔到), 最後就叫左綠茶海鮮意粉, 另外仲有一張coupon可以送綠茶tiramisu, 但點知又係因為聖誕節, 而暫停使用! 唉…早知去第二間食!個綠茶海鮮意粉, 見到意粉同d汁係綠色, 好似溶左既蜜瓜雪糕既顏色, 但味道就一點綠茶味道都冇, 海鮮份量當然唔多, 整碟意粉既份量絕對唔值七十幾蚊, 快餐店既份量都多過佢, 仲要計埋加一, 佢都相當好賺!

約了老友拎手信，為就大家方便揀了荃灣，星期二的lunch time竟然唔駛等位，set lunch唔食，決定散叫。三文魚蟹子意粉﹐加了28蚊有沙律及餐茶。其實意粉味道唔差，可惜D白汁太”杰”。三文魚牛油果三文治- 牛油果唔熟、好硬，好似食緊鮮油包塊硬牛油似的，麵包又似預早烘定，唔脆幾諗。紅豆配綠茶雪榚waffle - 紅豆配綠茶雪榚是完美配合，加埋熱辣辣的waffle簡直天下無敵。

絕對是一個惡夢冇人帶位冇人幫忙執野搬檯要自行搬菜單禮貌一般場內音響過大及常斷線食品不太得

沒有太大的特色的一間店，此分店服務水準尤其不太穩定，再幫趁只因地方尚算好坐．不大肚餓，和妹妹只order了石頭飯，另加$28加一個ceasar sald+drink set，再多加一個綠茶雪糕紅豆夾餅．夠熱是石頭飯最impressive的地方，雞和牛肉都好吃，飯焦硬度尚可．只是妹妹吃ceasar salad，生菜看來不太新鮮．綠茶雪糕紅豆夾餅只是雪糕和紅豆好吃，夾餅太硬兼太"燶"．服務一般，有位侍應姐姐面口比炭還黑，叫甜品時對答很"悔氣"．

第一次去左呢間分店食野,我係同一個fd 去食dinner,d野幾好味,亦都坐得幾舒服,呢間野d選擇都唔少,岩晒唔同口味既人...唔錯的一間餐廳...

三層心形既夾餅, 中間夾左吉士同士多啤梨片, 伴碟有士多啤梨醬, 好細粒既士多啤梨肉同奇異果肉, 夾餅我估唔係即叫即整, 應該係預先已經整好, 然後翻熱過, 所以都有少少脆脆地, 唔會冧左, 至於吉士都算滑, 但就未夠香甜, 而士多啤梨片就切得好薄, 份量又唔多! 整體而言, 唔算美味, 亦覺得唔太抵食! 我覺得士多啤梨吉士蜜嘜多士伴雪糕較為抵食!

形狀成一個正方體既麵包, 上面有三片士多啤梨和一球vanilla 雪糕, 個多士外面好香好脆, 裡面好軟又有少少牛油香, 伴埋個vanilla雪糕, 一冷一熱, 好正! 另外仲有一個杯仔裝住一d 士多啤梨既醬, 但唔係jam 黎架, 係好似d 溶左既士多啤梨雪糕, 或者奶昔咁, 但唔係好甜喎, 好滑好好味架!

鴨胸肉幾好味~~~ 但係d野食太大分量~~~但都抵的~但如果將個分量減d,價錢又減d, 就可以叫多款野食~