Poking

营业中

休息中

有個熱愛做gym既老公，食嘢一定要high protein，有時食厭咗大快活雞胸飯，就同佢搵protein bowl食，咁就符合佢健康高蛋白要求🤭-今次搵到嚟呢間Poking，貪佢舖面大啲，坐得舒服又有得打卡🥰-Protein bowl 最正就係三文魚，我就揀咗salmon the classic，有三文魚、牛油果同埋青瓜。三文魚好大粒，食落好香魚油味，食得出好新鮮，配埋super food牛油果，味道好夾👍🏻-另外OctoPoke 就仲多料，除咗八爪魚，仲有海帶芽同豆腐，我哋再on top加慢煮雞胸同雞蛋絲，成碗都係蛋白質🤣八爪魚好爽口彈牙，慢煮雞胸最正，肉質夠滑又juicy，平時唔鍾意食雞胸嘅人都一定啱食🤣-推薦做gym一族或者想減脂啲嘅人嚟試吓，份量夠大，一定食得飽，而且食材選擇多，鍾意海鮮可以揀三文魚/吞拿魚，鍾意肉類可以揀雞肉同牛肉😋佢pre-set嘅組合唔啱，仲可以自選添😍

成日都出街食，又油又肥，真係幾唔健康😐但今次經過銅鑼灣，見到一間食poke bowl嘅餐廳😍佢除咗有poke bowl食外，仲有健身人士最愛嘅乳清蛋白飲😍同希臘乳酪特飲❤️紅火龍果希臘乳酪特飲｜$48｜跟餐$38keep緊fit嘅朋友，我相信飲呢杯希臘乳酪可能都已經夠飽，都真係幾大杯紅火龍果仲可以滋潤肌膚、抗氧化同降低膽固醇I am Greedy｜$158｜451 cal黎呢到當然要試下主打嘅poke bowl🥗真係好大碗，食材又夠晒足料😵同新鮮🌿分別有三文魚🐟｜吞拿魚🐟｜蟹柳沙律｜蟹籽🟠｜枝豆🫛真係滿滿嘅蛋白質🥚仲可以揀飯底/沙律菜🥗Tuna the classic｜$118｜323 cal牛油果🥑｜芒果🥭｜吞拿魚🐟牛油果🥑個個都知非常健康❤️｜有助於維持心臟健康和降低膽固醇😍呢款真係減肥人士首選🤸‍♀️牛油果軟豆腐🥑｜$38佢仲有幾款低卡小食😀價錢仲要唔算貴豆腐非常滑仲富有豐富蛋白質😍呢到最貼心嘅係menu有齊每款餐點嘅卡路里🥰食幾多都唔怕❤️如果你係關注健康、keep fit同健身人士，十分推薦你黎呢到❤️

回頭指數：⭐️⭐️⭐️食物質素：🌮🌮🌮服務質素：☺️☺️☺️消費指數：💰（TTL $354，人均消費＄177）環境質素：☘️☘️☘️近期想食得簡單健康，因為想睇到勤力健身既效果。經過見到呢間 Poking唔止食材選擇好多元化，最緊要係份量夠大，好飽肚，真係健身一族减脂必選! 最正係有部份酒HH係買一送一😍。I Am Greedy - 451cal ($158)有三文魚、吞拿魚、鮮蝦、蟹柳沙律、蟹籽等等...食材好豐富，份量好多。剌身粒好大好新鮮，而且可以自己選擇飯類、飯份量、醬汁偏好，整體口感都層次分明，好fresh而豐富，即使食哂都冇好滯既感覺。Spicy Ahi Tuna - 245cal ($108)有吞拿魚做主、新鮮芒果、蔬果等等...因為有指天椒碎 + 辣醬油，所以整體都幾辣，但好鮮味!。Prosecco (Chiaro) ($88)買一送一同類餐廳 #cocofood_多國菜同區餐廳 #cocofood_銅鑼灣如果你鍾意我既分享，按右上角🔔，就可以睇到我所有既 update

Pokebowl 而家越黎越多，啱晒鐘意做gym跑步嘅健康人士！銅鑼灣依間舖仲好大坐得好舒服叫左I am greedy ($158)，係壽司蓋飯，入面有油脂分布平均嘅三文魚，魚味重嘅吞拿魚，開胃嘅蟹籽沙律，鮮甜嘅蝦，仲有蛋絲、青瓜等等撈埋一齊食，口感味道都豐富仲試左Big Mac Chicken ($136)，呢個絕對係做gym既first choice , 有成300g慢煮雞胸，食落一d都唔乾，好juicy！配合埋其他酸酸地嘅生果配菜，飽肚之餘又好味！仲有成75g 蛋白質飲品試左牛油果希臘乳酪特飲 (+$48)，希臘乳酪本身就係減肥健康嘅首選，配合埋有健康脂肪既牛油果，滑溜又好味仲叫左芒果希臘乳酪特飲 (+$38)，呢杯冇加額外嘅糖，酸酸甜甜都開胃瘦身減肥嘅人可以試吓呢間

銅鑼灣都有好食既夏威夷蓋飯，呢間食材選擇多元化! 就算好似我咁唔太食魚生，都簡到岩食既料!! 原來呢到仲有drink menu ，如果叫左poke bowl ，再簡bubbly 系列就會有優惠價! 今次同朋友都係簡左自選夏威夷蓋飯，唔想簡就可以直接叫佢地signature bowl 。蛋白質類我就簡左鮮蝦同埋帶子剌身，配料可簡3款， 簡左雞蛋絲 , 金平牛蒡 同埋蟹柳沙律。牛蒡切成細絲，保有爽脆既口感之餘，都容易入口，鹹甜鹹甜既調味好開胃! 配料呢到都好多野簡，仲可以加錢叫埋牛油果! 上到台都見到勁大份， 完全係食極都仲有既感覺。呢一碗好似已經有齊曬所需既營養咁，好健康! 帶子剌身好厚肉，份量又多，鮮蝦彈牙! 個醬有驚喜，我簡左芥未乳酪沙律醬，有少少攻鼻感覺，又唔會太膩，配埋蕎麥麵都好夾。朋友係有健身，佢既選擇係 沙律菜配三文魚同埋 慢煮雞胸，雞胸可以簡辣/唔辣! 配料就叫左 蟹柳 ,雞蛋絲同埋 泡菜 。佢個碗同樣係見到都好有食慾，好多顏色! 朋友話好難得食到D雞胸係好食!

之前食過上環果間, 原來依加銅鑼灣都開左poking呢間🥹呢間原來有埋alcohol menu,都幾多選擇 今日渣車黎所以冇試🤣睇menu 佢既食材選擇真係多元化, 有三文魚,吞拿魚,八爪魚,鮮蝦等等今次我地分別叫左octo poke同埋moo-moo onsen bowl我地見佢原來menu都寫埋每個poke既cal ,對於要身材管理既人好方便🤣唔洗自己計一黎到兩個poke bowl 都比佢賣相吸引moo-moo onsen bowl牛腱肉既分量好多 配埋蕃茄洋蔥莎莎一齊食好fresh另外D芒果都好甜,溫泉蛋整得岩岩好我自己好鐘意呢個bowl!!!octo poke呢一款八爪魚又係好多 好爽口好新鮮配埋佢既海帶芽好match 仲有豆腐 青瓜 枝豆等等就算簡左半飯半沙律菜個份量都係超多下次應該簡番少飯🤣野飲佢既選擇又係好多 我地簡左京都焙茶高蛋白飲品 呢個飲落似珍珠奶茶咁好好飲 又唔會太甜又多protein 另外一個就係桂花玄米茶呢個好清甜,好重桂花味!下次都一定會再黎, 又健康又好味 减脂必選!

喺銅鑼灣返工嘅朋友仔話要食得健康啲，咁今次就試吓禮頓道新開既Poking老闆話新推出happy hour , 如果叫poke bowl 可以特價叫特飲試左杯sparkling sake, 覺得自己似飲緊rosé 多過sake, 幾好飲選poke 個陣超多選擇，由醬汁多少到飯底菜底份量都有得選，岩哂我呢啲勁多要求既人。Poke bowl - Tuna the classic Tuna 好鮮味，連牛油果配日式淡醬汁，入口滑溜又完全冇罪惡感，好味Poke bowl - Creamy baby三文魚配雞蛋絲同豆腐既配搭，留意既話會試出有少少檸檬汁，成個creamy 特黎其實入口完全唔膩京都焙茶高蛋白飲- 需要飲蛋白飲但怕蛋白粉味假既，呢個會有驚喜，好似飲緊冷焙茶又冇粉感，中午一杯可以做代餐。門口係正希雲道小街既對面，老闆話星期三至六都會收半夜12點，可以又食又飲又坐得耐既餐廳，下次會再番黎

食夏威夷蓋飯係keep file 最方便之選🤩真係可以話係健身一族减脂必揀💪🏻碳水、蛋白質、菜類到汁醬都有好多款選擇，每次食都可以配搭出不同口味我今次就自己配左個八爪魚壽司飯，加左牛油果同溫泉蛋， 而味道想刺激啲，就配搭咗泡菜～一流👍🤭唔食生野嘅朋友，就揀左Moo-Moo Onsen Bowl牛腱肉無乜調味，但好香同好稔，唔錯👍同埋比較少夏威夷蓋飯有得揀牛腱肉難得有非請煎炸嘅蝦餅，但實質唔係蝦餅咁簡單😂😂😂似係巨形嘅無皮蝦餃咁 ～ 超多蝦合成一個球咁🤣🤣好過份呢度仲有alcohol menu, 謹慎飲食之餘，都可以輕鬆下😜

上次去過上環的店Poking,有個朋友喺銅鑼灣返工，今日我帶她去另一間開咗兩個月的新店，估唔到銅鑼灣嘅店再大啲，地方都好闊落！餐廳以橙色為主調，佈置都幾型格，一入門口已經有啲南瓜的充氣球 ，另外仲有蜘蛛網掛在牆上，好迎合Halloween嘅氣氛，呢度打卡啱晒Salmon The Classic (341 cal.) : 係一個壽司飯底上面蓋上三文魚切粒，食落去比較有口感，牛油果份量都好多，應該差唔多有半個，青瓜，蔥花等…再配上自製醬油, 食起嚟好清新！超滿足，三文魚同牛油果都係我至愛😋Nutty Shanghai Chicken (583 cal.) : 呢個揀咗蕎麥麵底，另外配料有手撕雞胸肉，食落去又唔會鞋；香煎雞扒份量都唔少，甘筍絲絲有醋醃過，增加味道層次感；仲有青瓜，芝麻等..，醋香果仁醬比你撈麵食。食落去我覺得有少少似胡麻醬，比較香！再點左個小食,特制莎莎八爪魚:有主角八爪魚之外仲有新鮮青瓜、芫茜、醃青瓜、蕃茄，加埋醋汁。冷泡菠蘿紅茶: 有點點菠蘿香嘅紅茶，少少甜，好清爽。椰青冷萃咖啡:好香咖啡香味，真係好醒神。兩個主食份量都好大，夠飽肚又能補充營養👍🏻而且款式種類都幾多，肉食

去完日本大飲大食之後，都想個腸胃抖吓，食番健康d，減吓脂！銅鑼灣Poking就係最佳選擇喇！呢度仲有好多打卡靚位！The Ultra Omega唯一一個poke配煎三文魚。呢度用既三文魚幾高質，魚質好滑，無落太多油去煎。配菜有西蘭花及流心蛋，吸取蛋白質。Popeye Punch 糙米飯主要有雞胸、豆腐及西蘭花，調味則用照燒汁，唔太濃，亦有日式風味。非油炸手打蝦餅蝦餅有4粒，份量比想像中多。食到新鮮蝦肉，以七味粉及酸辣醬調味，清淡得嚟亦唔會無嚟味道。冷泡桂花烏龍冷泡菠蘿紅茶冷泡茶配poke bowl都唔錯，推薦試菠蘿紅茶，有淡淡菠蘿🍍香。🧸評分：🧸🧸🧸🧸 4/5

為咗拯救我哋嘅罪惡嘅肚腩，我哋決定嚟銅鑼灣新開嘅Poking食返個輕盈啲嘅poke bowl！🥗 呢度唔單止有好多健康又低卡嘅選擇，份量仲好大添！🤩 最正係仲有酒精飲品，可以同朋友chill吓！🥂✨1) Thai Good Day + 京都焙茶高蛋白飲喵仔揀咗個「Thai Good Day」，用糙米飯同沙律菜做底，低卡又飽肚！🍚🥗 上面有香煎雞扒、鮮蝦、新鮮菠蘿🍍、中華沙律、甘筍絲、花生碎等等，配埋泰式沙律醬，酸酸辣辣咁，好開胃！😋 雞扒內嫩，啖啖肉；蝦肉爽口彈牙，好新鮮！🍤 成個bowl嘅配搭好均衡，食完都唔會覺得好heavy！😌 未計飯，390kcal，唔會有罪疚感。京都焙茶高蛋白飲都好好飲，焙茶味好香濃！🍵✨2) Spicy Ahi Tuna + 芒果希臘乳酪特飲無辣不歡嘅喵女就揀咗個「Spicy Ahi Tuna」，用壽司飯同沙律菜做底。🍣🥗 上面有吞拿魚、枝豆、紫洋蔥、新鮮芒果、芝麻、指天椒碎等等，再淋上原辣醬油，味道清新又帶少少辣，好刺激！🌶️ 吞拿魚新鮮，芒果嘅甜味中和咗辣味，真係好夾！🥭 我地仲額外加咗蟹籽，口感更加豐富！ 配埋芒果希臘乳酪特飲，清新又解膩！🍹今日要揸車，

Poking 地址: 銅鑼灣禮頓道125號地舖電話: 在上環住時，想食清d減肥時都會幫襯呢間食poke bowl ,佢終於衝出上環在銅鑼灣開了分店啦！ 今日都想salad 低卡减脂，食材選擇多元化銅鑼灣新店地方大少少 有打卡位-popeye punch雞胸是高蛋白低脂，減肥一流。組合美味豐富更有蝦同菠蘿肉，可要salad 菜或飯或half half,減肥自然是salad !好食所以覺得不是苦事，更有豆腐 西蘭花菇等，我再加了溫泉蛋同蟹椰更豐富+$12 dunk hot lemon tea跟餐$20 椰子蜆像湯冬天就要開始減磅，迎接夏天 #keto#lchf #生酮 #好去處 #igable #假日好去處 #life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagram #delicious #yummy #foodgasm #foodporn #必食推介

Poke bowl大行其道，岩晒注重健康人士。呢間poking 係我食過最滿意的，真係份量超大，選擇又多。銅鑼灣分店環境更大更舒服，裝修小清新，木系橙色調，臨近萬聖節，放左好多萬聖節裝飾品，打卡一流👻餐廳menu 選擇超多，有廚師推薦波奇碗, 另外都可以自己mix and match😍主食有壽司飯，糙米飯，沙律菜，蕎麥麵選擇，配料仲有高蛋白之選💪🏻真係瘦身健康首選。飲品選擇都係花多眼亂，全部都有減脂增肌功效，真係好岩我😆🍚vegetarian bibimbap 滿滿的蔬菜，有香菇，泡菜，甘筍絲，海帶芽，雞蛋絲，揀左沙律菜做底，新鮮爽脆，纖維爆燈🤩另外加左麻辣慢煮雞胸($20), 份量超多，有6大塊，肉質好嫩，好食👍🏻🍱蒲燒鰻魚拚雞排便當份量充足，照燒鰻魚同照燒雞惹味，另外配左一份野菜同半熟蛋，營養均衡。便當配埋湯/沙律/飲品，揀左南瓜湯，幾香濃😋🍹紅火龍果希臘乳酪特飲紅卜卜😍抗氧化，幫助腸道健康🍵宇治抹茶高蛋白飲有成25g乳清蛋白💪🏻加入左宇治抹茶，好香好飲。🌟餐廳menu 真係好健康，又多款色，仲有卡路里標示，日日黎食都吾會悶😆

襯放假，去左銅鑼灣行街食野☺️Lunch time揀左呢間Poking ,餐廳主打poke飯及定食☺️Creamy Baby $128餐牌選擇幾多最後我揀左Creamy Baby,有三文魚，牛油果，雞蛋絲，豆腐，青瓜,蟹籽,木魚絲，脆炸蒜粒 配芥未乳酪沙律醬，材料勁豐富🤩三文魚食落非常新鮮，加埋其他配料同醬汁，真係愈食愈停唔到口😋蒲燒鰻魚拼雞扒便當另外點左一份自選飯，可以揀菜底，包餐湯/沙律/飲品(香濃南瓜湯)鰻魚食落少少焦香，醬汁惹味😋雞扒軟嫩，帶少少甜味，餸飯一流🤤熱情果菠蘿梳打熱情果同菠蘿都係帶酸酸甜甜嘅味道，飲落非常清新醒神🥰青瓜梳打Espresso一杯幾特別嘅配搭，令人喜出望外😍青瓜同梳打清新，配上香醇咖啡，真係值得一試👍📍Poking (銅鑼灣)銅鑼灣禮頓道125號地舖

刺身飯(I am greedy)包括三文魚、呑拿魚、鮮蝦、蟹柳沙律、蟹籽、雞蛋絲等配菜。成個飯既刺身份量超多，三文魚和吞拿魚新鮮嫩口，鮮蝦彈牙口感搭配蟹柳沙律，好清爽。加埋蟹籽和雞蛋絲增加豐富層次感。自選夏威夷蓋飯係可以自由配搭，我就揀左包括刺身帶子、枝豆、西蘭花、香菇、芥末乳酪沙律醬。 自刺身帶子鮮美，加埋枝豆的清脆口感、健康有營既配菜，絶少餐廳食到。蜜糖藍苺椰子脆片希臘乳酪藍莓酸甜與椰子香脆，搭配濃郁乳酪，酸酸地，幾不錯。