Poke Go (大南街)

营业中

休息中

已經第二次嚟食 係我最喜愛嘅Poke Bowl !!夠份量 夠質素 夠colourful 餐牌其實有幾款signature bowl可以就咁揀唔洗諗配搭但我就比較麻煩 所以揀咗自選😀可以任揀一款protein+一款base+三款topping+一款dressing+任揀seasoning!🤍𝗕𝘂𝗶𝗹𝗱 𝗬𝗼𝘂𝗿 𝗢𝘄𝗻 𝗕𝗼𝘄𝗹($𝟵𝟴) | 𝗥𝗮𝘁𝗶𝗻𝗴: 𝟴.𝟴/𝟭𝟬試過嘅食材有: 三文魚 青瓜 蟹籽 豆腐 青蔥 雞蛋絲 蟹棒沙律(+$12)我哋兩個都鍾意食三文魚所以食兩次 四碗都係三文魚😂魚肉新鮮 脂香喺咁多配料下一齊食都仲食到size啱啱好的 唔會太碎食唔到魚生嘅口感Topping試過嘅都唔錯 淨係雞蛋絲食起嚟會比較冇存在感我得出一個結論❗️就係記住揀三款topping至少有一款係要有咬口的 我嗰碗係三文魚豆腐青蔥蟹肉沙律 全部都係軟稔稔🤦🏼‍♀️食起上嚟口感層次好差….好快就會食濟咗試過嘅醬汁有:果仁醬 辛味蛋黃醬 鰹魚醬油辛味蛋黃自己最鍾意 因為微辣比較惹味 (真係唔肥唔愛🥲)果仁醬食落有少少似日式芝麻醬 而鰹魚醬油係最清爽輕盈嘅選擇/Seasoning 推薦要加果仁碎同脆蒜!

深水埗最近開咗好多小型嘅Cafe，有好多都好有自己嘅特色，於是就發現野間Cafe叫做Poke Go, 佢嘅招牌菜係魚生飯,可以按照自己嘅喜好而選擇配料我們就㨂左「808」的魚生飯，裡面有吞拿魚，三文魚子，枝豆，味道好清新同豐富，魚生好新鮮，份量可以促夠2個人吃。除咗魚生飯之外，我們還叫了一個黃金蟹卷，入口香脆可口，每一口都係滿滿的蟹肉另外我哋還嗌左兩杯飲品，一杯係紅棗桂圓茶，令一杯係蘋果汁店主仲話蘋果汁裏面嘅蘋果肉係可以食嘅，味道好特別嘅蘋果茶不得不讚嘅係紅棗桂圓茶，味道濃郁，食完魚生飯飲一啖茶，成個感覺都好平衡。在廣場內嘅環境都充滿亞熱帶嘅感覺，而且有一啲好可愛嘅魚海鮮嘅擺設，聽店主講呢一啲都係限量版嘅擺設，好難喺出邊舖頭買到的，好值得一去再去嘅Cafe。

深水埗除咗新開左好多文青cafe 都有好多特色鋪頭！近年香港都開始興起食Poke bowl 源於夏威夷 一碗內會有切粒魚生、蔬菜 好豐富！今日經過SSP先發現新開左呢間Poke go! Poke進駐SSP! 餐廳12月初已經deco 緊聖誕🎅🏻 原來鋪入面既裝修同擺設都相當有童真！相映成趣！ 餐廳有預設既poke bowl 或者客人可以按自己喜好隨意配搭 menu 上都有好多選擇😍我就唔想諗！叫左個餐廳預設既 ONA $98😋🍚再追加左蟹籽$8， 一碗相當豐富！份量好足夠，入面有三文魚、壽司飯、雞蛋絲、皇帝蟹棒etc. 一個女仔食都真係會食唔晒！😆😆我呢個配搭好好食！因為本人都好鐘意食三文魚 再配上角切青瓜 感覺上食完健康d 🙈🙈仲有碗飯既亮點係炸蓮藕🙉 好脆好香口～～ 唔夠喉既 仲可以當小食叫Tim !! 另外，見到人推薦黃金蟹卷$68🧡🦀 於是都叫左份試試！第一次食呢個小食 炸卷內面係蟹鉗 咬落去脆卜卜😍 配埋個芥末醬？（因為唔係好食得出咩醬🙉）但沾完醬食係好味到期食唔停呀！高質小食～(˶‾᷄ ⁻̫ ‾᷅˵)同場加映鋪內裝飾好靚 又有好多小玩具裝置🙉🙉 令自己變返個小朋友一樣 哈哈！

深水埗多Cafe人人都知啦唔知大家係米都有印象見過呢碗魚生飯呢？我就成日係ig story見朋友post, 所以一直都有留意開,想黎食啦今次同細佬經開深水埗就即刻入嚟食，我地3點零鐘呢個時間就唔需要排隊。佢個lunch set 係壽司飯+飲品 $100內Toppings 就逐個加錢 推薦crab salad🔸ONO我強烈推薦ONO!!!!!唔知揀咩好就揀呢個啦，佢嗰醬係果仁醬，食落有少少似沙律醬，overall 個搭配好好好清新又甜甜地好好食🔸Shoyu AHI主打吞拿魚嘅壽司飯 吞拿魚好新鮮但同ono比我會鍾意Ono多d 因為shoyu ahi 嘅配菜有好多生洋蔥🧅個人覺得多得濟 適合返啲鍾意洋蔥味嘅人另外佢個鰹魚豉油冇果仁醬撈飯咁開胃，但最後都比我細佬食晒另外佢有得自由配搭！咁我下次就可以揀到想食嘅吞拿魚又可以走洋蔥揀番個甜嘅醬，咁就食到自己全部想食嘢推薦推薦

依間餐廳主打夏威夷poke，可以揀自選沙律菜🥗/壽司飯🍚/half half，自選主食，配菜同醬料，如果唔想諗可以揀佢既signature bowl(有5款選擇)✨Build Your Own Bowl 💰98 🐟: 三文魚 (仲有八爪魚🐙/吞拿魚🍣 /雜錦香菇🍄)底: 壽司飯🍙 & 沙律菜🥗 (仲有珍珠糙飯，可選1/2款)配料: 蟹籽 & 胡麻豆腐 & 雞蛋絲 (仲有~10款配料 e.g.枝豆仁/芝麻海帶/青瓜，第4款起+💰8/款)Top-up：+💰12/款: 牛油果🥑/鮮蟹肉+💰16/款: 三文魚籽醬汁: 辛味蛋黃醬&蜜糖芥辣醬 (辛味蛋黃醬好有特色，配三文魚好入味，有啲似變咗辣味三文魚，必點呢個醬😍!)調味料: 紫菜絲 & 芝麻 & 木魚絲 & 脆蒜 & 果仁 & 岩鹽(可以揀哂全部唔洗額外加錢!)ℙ𝕠𝕜𝕖 𝔾𝕠📍深水埗大南街211號地舖(深水埗🚇A2出口行6分鐘就到)💫評分: 7.9/10💬同朋友share所以叫咗啲唔同嘅令到再豐富啲，豐富到好似就滿瀉🤣佢仲有得其他炸物，不過其實就咁食嗰個bowl都好夠飽，小店用嘅材料新鮮加有自家製醬汁，深水埗終於開咗一間poke bowl

係疫情前成日係美國食類似西式魚生飯Peek A Bowl, 呢家搭唔到飛機, 於是上網搵到呢家又想試吓。我嗌左個808 ($108): 有吞拿魚、壽司飯、沙律菜、和式青蔥、枝仁豆、三文魚籽、雜菌香菇、山葵乳酪醬、芝麻、木魚絲。一上菜超多三文魚籽，咬落去bok bok聲，超治癒。再撈埋其他食材一齊食，真係好多層次感，而且吞拿魚每粒都係角切，亦好新鮮！但未必個個朋友都岩食，因為佢有別於正宗嘅日式魚生飯，因為加左啲沙律菜，同埋沙律醬，外國人普遍都中意咁食，所以間餐廳落嘅材料要形合返外國人嘅口味，而我就覺得好好食！完全係美國食到嘅味道同回憶呀！之後嗌左個黃金蟹柳($68): 呢個炸得好香脆！而且隔離個醬汁係山葵乳酪醬，將岩岩炸好嘅蟹柳點落去啲醬汁到，可以輕輕中和一下熱氣！而且入面啲蟹柳都啖啖肉，唔係普通打邊爐個啲急凍蟹柳～總括然而，完全係拍得住係外國食個種風味，size亦都好大，食材都好新鮮

今日食夏威夷蓋飯，係香港比較少見，幸運地在住所附近搵到有一間，於是決定去試下，店舖有預設餐單都有自選餐單，有選擇困難症既我，果斷揀咗預設餐單✌NALU整體好食，我第一次食呢個飯，感覺好新奇，一開始唔撈勻食覺得每一啖都唔同味，有驚喜；食咗一半開始撈勻，發現原來最好食係撈勻。材料好新鮮同食得出質素好好。好欣賞蓋飯上面既炸藕片，好脆好似食薯片咁。杯橙汁見到好多果肉😃好飲。座位分室內同室外，店舖整體環境舒適。

要係深水埗搵個地方hea下同醫肚🌟係網上面搵左陣 見到好多人推介食poke呢種夏威夷食物 岩晒我哋唔想食熱氣野 同想扮下健康咁🤣🌟去到揀左Build Your Own Bowl因為我份人比較揀飲擇食 覺得佢design個D總係有小小唔岩口味咁🌟蛋白質：揀左三文魚🌟Main：揀左壽司飯🌟醬汁：揀左芥末乳酪醬🌟Toppings：揀三款免費 之後每款加$8 揀左青瓜+酸蘿蔔+蕃茄🌟Seasoning：可以任加 除左木魚絲其他都加左🌟另外再加左一杯牛油果奶昔可能本身都中意食三文魚 同埋由自己揀料🌟覺得成個飯都好岩口味🌟最驚喜係個芥末乳酪醬 light得黎又有creamy嘅感覺 加上同D三文魚都好夾 成個感覺好清爽🌟三文魚質素都唔錯 唔會覺得佢係平價三文魚 當然你唔好要求超高質啦🌟牛油果奶昔個味係好天然好creamy 睇住個staff係水吧整 好香牛油果 但重口味人士就未必中意———————————————🌟間餐廳裝修都係去muji簡約木系風格🌟但枱面唔知點解有兩隻貓模型做裝飾睇D人 comment話係佢地合作嘅供應商logo但我就睇唔明啦———————————————🌟總括嚟講係中意食嘅令我想

夏威夷魚生飯最近好似越黎越興，多左好多唔同既鋪頭賣。今次黎左深水埗食呢間poke go。鋪頭細細間，晏就時間黎都幾full。呢度既魚生飯有幾個預設既set，另外都可以跟自己口味自選poke😋我同朋友都各自揀左唔同既搭配。Overall覺得呢度既poke都幾好食，醬料都調得唔錯，好食得黎感覺又健康🌱 1️⃣三文魚 + 蟹籽 + 麻醬豆腐 + 芝麻海帶 配沙律菜（$98）揀左要山葵乳酪醬，好正啊🤤食落好creamy而且帶wasabi既嗆勁。三文魚切得一粒粒厚厚地，都幾多😲蟹籽食落脆卜卜，麻醬豆腐好滑，芝麻海帶份量唔少，而且最後既調味可以任選，好滿足👍有果仁、辣椒碎、木魚絲、脆蒜、紫菜絲，我就緊系要曬😍味道同口感都好豐富。  另外面頭有一片脆蓮藕片，食落薄脆。個base 揀左沙律菜，沙律菜好新鮮好fresh。整體個poke都唔錯。  2⃣️三文魚 +  蟹籽 + 麻醬豆腐 +溫室青瓜 配壽司飯/珍珠糙飯 （$98）基本配菜同上面果款差唔多，唔同既係呢款配料揀左溫室青瓜，青瓜爽脆新鮮，同啲醬汁一齊食帶來更多清爽感😌另外呢款揀既醬都唔同，揀左辛味蛋黃醬，味道少辣，更加可以帶出魚既鮮味！另外配飯食可以撈混

最近夏威夷蓋飯Poke Bowl非常流行，首先五颜六色的食物非常吸引，另外低卡低脂都是大家追求健康又飽肚的美食。今次就來到深水埗的Poke Go。蓋飯選擇方面，有5款指定款式，由飯底、魚類、配料、醬汁、調味都已經設計好， $98-$108，非常適合有選擇困難症的朋友。另外也可以自由配搭自己喜愛的食物製作出心水蓋飯，就像車仔麵一樣。主食有不同的魚類選擇，又可以要醋飯、珍珠糙飯或沙律菜，非常適合不食飯的朋友。NALU指定款式就選了NALU，食材有八爪魚、櫻桃番茄、甜粟米、和式青葱、皇帝蟹棒、辛味蛋黃醬、芝麻和辣椒碎。原本我是要求走辣椒碎，但餐廳忘記了，幸好又不是太辣，反而有點惹味。八爪魚爽口，皇帝蟹棒拆成絲方便進食，櫻桃番茄和甜粟米甜甜的，中和辣味，炸蓮藕片又夠脆口。因為有不同口感和味道的食材，口感非常豐富。而重點是份量超多，看似是一碗沙律，但其實是份量大足，連男士都會覺得足夠。另一款自選是以吞拿魚、青瓜、枝豆、櫻桃番茄、三文魚籽和果仁醬。這款相對是比較清淡的。吞拿魚肉質嫩滑，而整體所有食材都非常新鮮。不過自選的等候時間太長，另一碗都差不多吃完就到，希望可以改善一下。冷壓菠蘿汁菠蘿汁原汁原

原來而家都幾多地方有得食夏威夷蓋飯，仲一間比一間大碗！呢間位於深水埗嘅餐廳，除左有夏威夷蓋飯，鋪頭仲好多特色飲品同果乾！私心想佢賣埋果乾🤤🤤🤤┄┅┄┅┄┅┄┅┄𖣒 自選𝑷𝒐𝒌𝒆 𝑩𝒐𝒘𝒍¸.·´¯❧ 𝑴𝒂𝒊𝒏 𝑷𝒓𝒐𝒕𝒆𝒊𝒏: 三文魚 $98¸.·´¯❧ 𝑩𝒂𝒔𝒆: 沙律菜¸.·´¯❧ 𝑻𝒐𝒑𝒑𝒊𝒏𝒈𝒔: 雞蛋絲 // 溫室青瓜 // 甜粟米¸.·´¯❧ 𝑻𝒐𝒑-𝒖𝒑: 蟹棒沙律 +$12¸.·´¯❧ 𝑫𝒓𝒆𝒔𝒔𝒊𝒏𝒈𝒔: 辛味蛋黃醬¸.·´¯❧ 𝑺𝒆𝒂𝒔𝒐𝒏𝒊𝒏𝒈: 果仁 // 辣椒碎 // 岩鹽 // 木魚絲 // 脆蒜 // 紫菜絲真係超大碗，就算唔加top up都夠哂飽🤣🤣 三文魚大大粒仲有油脂香，加埋蟹棒沙律真。堆到成座山咁高！沙律菜撈左辛味蛋黃醬辣辣地咁幾滋味。上面插左一塊炸蓮藕片，好香好好味，想食可以另叫一碟🤤🤤評分：🌕🌕🌕🌕🌑-𖣒 自選𝑷𝒐𝒌𝒆 𝑩𝒐𝒘𝒍¸.·´¯❧ 𝑴𝒂𝒊𝒏 𝑷𝒓𝒐𝒕𝒆𝒊𝒏: 吞拿魚 $98¸.·´¯❧ 𝑩𝒂𝒔𝒆: 珍珠糙飯¸.·´¯❧ 𝑻𝒐𝒑𝒑𝒊𝒏𝒈𝒔: 雞蛋絲 // 和式青蔥 // 甜粟米 // 麻醬豆腐 +$8¸.·´¯❧ 𝑻𝒐𝒑-𝒖𝒑: 三文魚

環境佈置到好夏威夷風🌴，感覺好似係沙灘。雖然鋪頭都幾細，但樓底夠高，唔會覺得好壓逼。食物方面，有好多夏威夷飯選擇，如果唔想諗咩配料可以揀餐廳配好嘅combinations🤣我叫左兩碗自選Hawaii bowl，之前以為食尼啲只係打卡唔飽肚，但我食左一半已經覺得好飽！吞拿魚 $98 + 牛油果 $12 + 蟹肉 $12 + 三文魚籽 $16好多配料叠到好高，除左有已選嘅配料，仲額外有塊炸蓮藕片。個base最多可以揀兩款，我揀左糙米飯&沙律菜，兩樣一半一半平均分配。toppings揀左雞蛋絲+麻醬豆腐+櫻桃番茄，配芥末乳酪醬，啲醬好重wasabi味，有啲啲攻鼻。最尾可以無限加調味，份量唔會因為免費任加而少左。額外加錢點左牛油果、蟹肉同三文魚籽，牛油果好靚，啱啱好唔會太熟或太生。三文魚 $98另一碗叫左三文魚為主菜，珍珠糙米做底，配粟米+和式青葱+麻醬豆腐，揀左果仁醬。和式青葱真係比一般葱好食，令成碗飯更加香，啲醬食落似芝麻醬，base揀左全部都係飯真係好飽！

今日，我同朋友喺深水埗行街，行行吓喺近太子交界附近見到一間主打以健康為主題嘅Poke，入去碰吓運氣睇吓好唔好食！呢間舖頭果然冇令我哋失望，實在係平民健康之選！❤️❤️❤️一入到去，裝修非常文青，另外有好多可愛嘅裝飾，打卡一流🥰🥰佢嘅嘢飲絕對係另外一個賣點，有好多出面都搵唔到嘅特飲。我哋嗌左佢比較出名嘅Hawaii fruit punch，飲落酸酸甜甜，仲有啲熱情果嘅肉，非常開胃！😍😍Poke bowl 配料選擇非常之多，而且舖頭大膽嘗試唔同食材，真係每一樣都咁吸引！之後我哋一人嗌咗一個poke bowl！蟹肉、雜菌、牛油果、木魚絲、沙律，再加上辣嘅蛋黃醬，口感非常之特別又出奇地夾，係喜出望外之選！而且佢嘅poke bowl分量非常之大，係大件夾抵食！服務質素方面，店員都非常之細心為我哋解釋點餐嘅流程同介紹佢哋舖頭嘅signature dish，感覺非常細心， 100分！🥳🥳呢間舖頭下次一定會再嚟！❤️🧡💛💚💙💜🖤🤍🤎

想帶主子出街，好難搵好食嘅餐廳。今次係ssp 就有依間都新新地嘅餐廳，食夏威夷海鮮飯。ig 見到有朋友仔去完，仲帶左主子打卡，所以早左放工帶佢出去試試佢。主子黎到就坐出面。天氣唔熱，十分舒服。係ssp,文青cafe,街果頭。門口有得泊車。主子坐得幾舒服。有lunch menu, 唔洗煩。佢幫你稔好點配。808 + 牛油果好fresh, 勁多菜，好健康，食完又飽肚。好多魚生，個wasabi 醬好開胃。夏天食一流。日日食都唔會厭。主子陪食得幾開心。下次帶女朋友仔黎食先。跟餐嘅菠蘿cold press 好fresh, 菠蘿fans 最愛。

📍深水埗 𝚂𝚑𝚊𝚖 𝚂𝚑𝚞𝚒 𝙿𝚘❝直上心中no1🥇足料新鮮醬汁又正既Poke Bowl🥣😋❞我好中意poke bowl😋本身心中最愛有港島區既兩間人氣poke店🤣(估唔到估到邊兩間?)聽朋友講呢度既poke最正 果然可以直上心中第一🥇🥰環境又舒服!!✨🐟三文魚自選𝐏𝐨𝐤𝐞 𝐁𝐨𝐰𝐥 $98呢度既poke bowl好足料 醬汁好夠同好好味!💗食材新鮮!😋我覺得可以變成我心中no.1!🥇(男友都認同) 我叫三文魚🍣base係糙飯+salad mixed🍚🥗toppings揀左青瓜🥒麻醬豆腐🤍同雞蛋絲🍳(my all-time combo✌🏻)揀左nutty sauce🌰淡淡果仁香好好味!!😚(食完發現同pre-set既ONO好似🤣佢仲要有蟹柳肉添!🥲下次會直接叫佢!)꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍Poke Go深水埗大南街211號地舖