Poke Go (大南街)

营业中

休息中

放工約朋友到深水步買雜貨, 行過人流冇咁旺嘅大南街, 發現咗呢間主打夏威夷魚生飯嘅小小餐廳, 吸引我地入去試試。餐廳簡約企理, MENU提供了幾款已預先組合好嘅Poke Bowl, 可以額外追加更多配料,更有自選OWN BOWL, 由BASE、配料, 以至醬汁、配菜都可以由自己選擇, 岩哂大眾唔同人口味。我揀咗預設款嘅ONO包括有三文魚、溫室青瓜、雞蛋絲、皇帝蟹棒、果仁醬、芝麻再+$12追加牛油果; +$12追加雜菌香菇; +$8追加櫻桃蕃茄Poke Bowl上檯時, 令我地嘩咗聲, 所有配料不單止併得整齊吸引, 份量竟然堆到滿滿的,原本打算撈起食, 但初頭真係要食咗面層部分果D配料先有位我撈,超欣賞佢嘅微暖壽司飯, 食落唔會太凍、又唔會壓得太實, 如果飯太熱又會影響刺身, 所以溫度上係值得一讚。另外就係飯同配料嘅比例係1:3, 所以啖啖都係豐富又有層次嘅配料。首先, 三文魚刺身切成粒狀, 都幾大粒, 有魚鮮味, 魚質有少少彈性; 其中溫室青瓜、雜菌香菇、櫻桃蕃茄, 三款配菜屬爽脆口感, 特別係櫻桃蕃茄, 皮爽, 清甜多汁。牛油果林身, 而呢個果仁醬甜甜地, 味道近似蛋黃醬咁, 但沒有

呢間我覺得好多料！尤其係Main Protein 好多吞拿魚🤩btw今次我發現加海帶會成碗野冇咁好食🤣但口感會差啲 中意有俾青檸同蓮藕脆片！🌈ONO $981️⃣Main Protein: 三文魚2️⃣Base: 壽司飯3️⃣Toppings: 溫室青瓜+雞蛋絲4️⃣Top up: 皇帝蟹棒4️⃣Dressing: 果仁醬5️⃣Seasoning: 芝麻🌈Build your own Bowl $981️⃣Main Protein: 吞拿魚2️⃣Base: 壽司飯+沙律菜3️⃣Toppings: 芝麻海帶+麻醬豆腐+醃酸薑4️⃣Dressing: 山葵乳酪醬5️⃣Seasoning: 果仁+辣椒碎+木魚絲+岩鹽+紫菜絲+脆蒜———————————————整體評分👅好味🧡🧡🧡🧡🧡抵食💜💜💜💜💜再戰率💛💛💛💛💛

建議：A2出口，大概行10分鐘入到餐廳一大幅牆畫，真係好靚。最勁係全人手用Marker筆上色💪🏻 作為食客就睇得開心打下卡，食下Poke Bowl❤️ 仲有得見下桃大乳 (右下角)🤣 今次試左：▫️ONO (HK$98)▪️自由選Poke (HK$98)🐙 八爪魚、珍珠糙飯、蜜糖芥末🥬麻醬豆腐、蟹籽 同芝麻海帶講番間餐廳先，舖頭位於深水埗大南街，主打近年比較熱門既夏威夷丼飯。5️⃣款Singature Bowl (HK$98起)，已經配好哂主食 同配料，岩哂 #選擇困難 人士🙈 包括：808 (吞拿魚 X壽司飯)、OHANA (三文魚X沙律菜)、NALU (八爪魚X壽司飯)、SHOYU AHI (吞拿魚X壽司飯) 同今次試左既 ONO(三文魚X壽司飯)另一碗Poke Bowl就「自由選」，先揀主食(四選一)：三文魚、呑拿魚、八爪魚(HK$98@) 同雜菌香菇 (HK$78@) 🍄 之後再揀Base 同 Toppings。Base最多可以揀兩款 (壽司飯、珍珠糙飯 或沙律菜) 如果唔係太好飯既朋友仔，可以考慮單選沙律菜 或者 飯X沙律菜又得 🥗❤️ 而配料選擇都好多，有超過1️⃣0️⃣款🤤。仲有醬汁可以揀😌

依間係我第三間試嘅poke店，人氣都幾勁😝🤭Ps 深水埗太多嘢食，食極都食唔完😂.ONO $98(三文魚 溫室青瓜 雞蛋絲 皇帝蟹棒 壽司飯 果仁醬)賣相好靚仔，份量都好多！三魚文切得都幾大粒，食落新鮮。佢啲三文魚同埋青瓜粒都撈好咗醬，重要幾均勻添😂算幾多醬。不過佢話係果仁醬我就唔係好食得出，感覺同普通芝麻醬一樣😂🤣整體足料又幾好味，lunch set重會跟杯嘢飲，難怪咁多人推介！.🧚🏼推介指數：🟤🟤🟤🟤/5

今日天氣有啲悶熱 想食啲比較light嘅野喺深水埗行行下見到呢間食店幾特別 就決定食呢間喇Bowl可以自行配搭唔同嘅食材同埋調味醬Base除咗飯之外仲可以揀沙律菜每一項都有好多唔同選擇 啱曬乜都想食少少嘅我地但如果係有選擇困難症嘅人呢 佢都有啲已經preset咗嘅bowl可以選擇 唔使諗到頭都大埋😆等左大概五分鐘到就有得食啦 睇個樣都感覺到有幾精彩啦下嗎塊蓮藕脆脆片非常好食😛每樣 toppings 嘅份量都好多 潷嚟食嘅時候都要好小心😆我揀咗山葵乳酪醬 酸酸地但又帶少少辣味配刺身同埋三文魚籽蟹籽都好夾嘅不過試埋朋友個碗呢 又好似鰹魚醬油配壽司飯比較合適 因為我個碗食到尾尾嘅時候有少少膩 不過總括而言都係唔錯嘅

大南街相信係呢幾年文青最熱愛嘅地點，呢到有唔少打卡Cafe。不過今次我地就黎呢到呢間Poke Go食佢嘅魚生飯！🥰餐廳裝修企理，樓底高，好有空間感，座位闊落，坐得舒適。主打自選poke bowl，build your own bowl,無論飯定餸定醬料都可以簡自己鐘意嘅口味，自行配搭👍🏻👏🏻我點左三文魚壽司飯，材料簡左雞蛋絲🥚、溫室青瓜🥒、甜粟米🌽，醬料簡左果仁醬，再加上果仁 、木魚絲、岩鹽、脆蒜、紫菜絲。壽司飯足料大碗，飯帶有酸酸地嘅醋味，三文魚新鮮好味，加上青瓜，清新爽脆，粟米好甜，材料豐富，口感十足🤪😛果仁醬味道似麻醬，估唔到撈魚生飯又幾夾😝😋😳另一碗都係叫左三文魚壽司飯，材料簡左雞蛋絲🥚、甜粟米🌽、蟹籽、海帶，醬料簡左山葵乳酪醬，再加上果仁 、木魚絲、岩鹽、脆蒜、紫菜絲。擺盤非常精緻，顏色七彩繽紛，鮮豔奪目，賣相吸引。鐘意打卡嘅朋友可以相機食先🤣🤣🤣至於飲品就叫左杯熱四季春果茶🍵🍍🍋，茶底係四季春，茶味唔會太濃烈，落左菠蘿、青檸，飲落有香濃嘅水果香味，幾好飲😊

Poke bowl起源於夏威夷一種涼菜，醬汁醃過小珊瑚魚和章魚加點石栗和海藻放在米飯上，低脂健康又容易烹調，經過日本移民改良用料都大大改變。 香港近幾年都興起，但大多開在香港區，前排俾我係深水埗搵到呢間poke go，裝修光猛簡潔，坐得都唔算太迫，去到啱啱有位於是就試下先。 由於餐牌花多眼亂，最後都決定叫店主安排好既signature bowl，如果唔夠仲可以加錢揀多幾個餸。最後揀咗shoyu ahi比較日式既配搭，吞拿魚新鮮唔會腥，出手大方一碗都有十幾粒吞拿魚，加12蚊有埋半個牛油果，牛油果夾住任何食物放入口都有種幼滑既口感，食完飽到上心口。 另外朋友唔係好肚餓就揀咗火山炸雞，辣到噴火之後又有返啲酸酸甜甜既感覺，雞肉中間有少少薯蓉，外層香脆裡面又軟綿綿。 菠椰菠蘿me酸酸甜甜，如其名菠蘿椰子香味都好平均。 無論環境衛生服務同埋食物質數都係會再幫襯之列，希望下次嚟會有得揀椰菜花米，係唔想食沙律既同時又可以食少啲澱粉質嘛！

又去朝聖，今次去咗好多Foodies介紹嘅poke go😗前後都食過三間唔同嘅poke，所以今次真係點都會有少少比較😌八爪魚+蟹籽+甜粟米+麻醬豆腐+堅魚醬油+壽司飯+沙律菜 $98八爪魚同蟹籽都無咩特別，似係平時食既冷盤，甜粟米都係冇乜特別，同普通食嘅粟米冇乜分別😂😂😂麻醬豆腐基本上次次食poke都會食，但唔知點解佢依個麻醬個味唔係好出，豆腐亦都唔係好有豆味🤔🤔🤔堅魚醬汁基本上係我次次食poke都會揀嘅醬汁，坦白講，算係我食過最唔好食嘅一間😂因為佢嘅醬汁完全冇食到堅魚味，而且連鹹味都唔係好覺，感覺唔似有落到醬汁咁🤔🤔沙律菜真心一般，因為有啲黃黃啡啡，食落有啲苦味，明顯唔太新鮮🥲🥲三文魚+雞蛋絲+溫室青瓜+蟹籽+山葵乳酪醬+壽司飯+沙律菜 $98大同小異都係果幾樣，整體份量都好大兜，又係食好耐都未食到飯同菜🤣🤣三文魚食落都新鮮，但魚味唔算重，還可以啦😁雞蛋絲基本上係冇得輸嘅配搭🤣好似第一次食poke跟青瓜都幾有驚喜，好爽口同好fresh👍🏼👍🏼蟹籽就真係無咩特別，味道一般😂我每一次都一定係簡山葵乳酪醬，wasbi香味唔突出，食過其他好似都比呢間香沙律菜真係見到好多黃黃啡啡，有小小失望🤦

餐廳有多款丼飯選擇，預設組合同自選組合都有。當日我叫左一個預設組合嘅同埋一個自選組合嘅。再叫多左個春卷。自選組合主菜有三文魚/八爪魚/吞拿魚/雜菌香菇。飯呢就有壽司飯/珍珠糙飯/沙律菜。12種toppings, 6種top up, 5種dressing比你揀。我揀左三文魚＋壽司飯＋ 紫洋蔥＋麻醬豆腐＋ 溫室青瓜＋鮮蟹肉＋蜜糖芥末醬。食材全部切到正正方方， 分量好多，質素幾高。三文魚大粒新鮮肥美。加十五蚊嘅蟹肉幾出色，鮮甜有蟹肉味，性價比高。豆腐滑， 加埋麻醬一齊食好惹味。 溫室青瓜都好爽脆新鮮。Soyu Ahi （呢個係預設組合）有吞拿魚/壽司飯/芝麻海帶/和式青葱/紫洋蔥/鯉魚醬汁/芝麻木魚絲。壽司飯軟熟，吞拿魚大粒份量多。和式青葱＋芝麻海帶＋紫洋蔥＝好清新嘅組合。變左唔會啖啖都係肉。

放工行咗去大南街附近搵嘢食見到這間店舖好似cafe咁,又有飯食就入去試下店舖外面都有啲位坐，但係我哋怕熱就坐咗喺入面店舖入面都覺得好舒服， 主要以木裝飾，有家的感覺， 枱面仲有啲海洋公仔都幾得意五款signature bowl各有特色又想叫E一款嘅這個，又想要哪一款的這個，最後就兩個人叫咗兩個唔同嘅另外再加 配料朋友揀咗shout ahi 吞拿魚加 洋蔥嘅配搭 ,因為佢勁鍾意食蔥, 另外加咗份鮮蟹肉， 汁嘅份量足夠而且有好多蔬菜，仲有一啲昆布，朋友形容食完一陣過後仍然有強烈洋蔥味， 大滿足我就揀ONO 三文魚, 配料另加 牛油果同新鮮蟹肉， 我覺得12蚊加咗半個牛油果真係抵到爛裏面有好多青瓜， 個醬有啲似芝麻醬 ，感覺食完呢個飯係好健康兩碗嘢外貌都非常之精緻，真係打卡一流原本覺得個飯好細，但係食落覺得都幾大兜，係差啲食唔曬咁濟下次再食埋其他嗰幾款式signature

今日去深水埗買嘢，經過見到呢間門面好靚，好悠閒風，所以就入去試下~岩岩踏入12月，係聖誕月，餐廳已經做好哂應節佈置，好有氣氛~餐廳有個大大嘅開放式廚房，除咗聖誕佈置外，仲有4把ukelele，原來餐廳名poke go係源自一種夏威夷美食poke bowl，所以就配合返散發海島風情啦第一次食唔知揀咩，呢到有配好嘅選擇~我就揀咗ono，另加枝仁豆~食物好快送上嚟，色彩好繽紛好靚，令人心情大好~配料有：三文魚、壽司飯、青瓜、雞蛋絲、皇帝蟹棒、果仁醬同芝麻，都係好健康同我鍾意嘅食物~夾埋一齊食，滋味之餘又唔會有罪疚感！！而我追加嘅枝仁豆都好新鮮，因為大粒又較硬身，為ono增添咗口感~嘢飲嗌咗冷壓橙汁~冷壓又唔同鮮榨，一般比較貴~因為鮮榨有可能會令水果嘅營養流失，而冷壓就唔會，可以保留返維他命、纖維素之類，所以係更加健康！呢杯橙汁仲有啲橙肉喺裏面，好清甜有口感，感覺係滿滿的維他命C！！！另外可自選配料，自由揀~仲有其他嘢飲選擇~

呢幾年Poke Bowl(夏威夷魚生飯）大hit🔥🔥因為低卡低脂健康又好味😋😋今次我就嚟到深水埗大南街嘅「🐟Poke Go」會一會佢地嘅Poke Bowl！去到門口好想大叫一聲「ALOHA🌈」，好多🐠魚型嘅裝飾見到就已經好開心～入面色彩繽紛嘅🖼壁畫牆更加不得了，就咁坐喺度都已經感受到夏威夷嘅熱情❤️仲有一大堆可愛小Figure係枱頭歡迎你，未食先興奮😝「🐠Poke Bowl(夏威夷魚生飯）」話說佢嘅topping 選擇真係超多！大大小小計埋超過20款～如果有選擇困難症嘅朋友仔，我建議你可以揀返set好曬嘅Signature Bowl 😝至於我就當然自己揀喇，我嘅配搭係⬇️⬇️🐙八爪魚+🍚珍珠糙飯+🥚雞蛋絲+🌽甜粟米+🤍麻醬豆腐+🥑牛油果+🦀鮮蟹肉+🥄山葵乳酪醬+🧂調味料全要「😲嘩」！個Bowl嚟到我真係嘩左出嚟！擺得好靚，好有層次，好豐盛呀🤩🤩味道口感各方面都配合得好好👍🏻酸甜鹹辣、脆軟滑彈全齊😋😋調味料樣樣都食嘅話，記得一定要全落，咁先係最正！至於醬汁我揀嘅山葵乳酪醬係好特別，唔太辣但好有山葵香，乳酪亦都令到成個飯好開胃，推薦🌟🌟「🍃Bilibala Mojito & 💛Pika Pika

依間夏威夷魚生飯餐廳我哋想試好耐喇經常係社交平台見到大家嘅覓食推介最吸引係多到滿瀉嘅配料🤩依度有幾款預先配搭好嘅signature bowl選擇亦都可以自由揀選配搭我哋叫咗兩個bowls一碗main protein係三文魚而另一碗係吞拿魚我哋一致認為三文魚比較出色喔雖然吞拿魚咬落好肥美 不過油香唔算重 建議配返濃味啲嘅醬會好食啲而配料方面我地係超級滿意🥺❤️枝豆同海帶係偏淡口味啲可以配返洋蔥呀三文魚籽呀粟米依幾款食落口感同味道都會豐富好多Seasoning我係全部揀曬🤣唔洗擔心太多因為每款份量都適中而醬汁係好重要嘅靈魂✨主宰成個bowl嘅口味Wasabi yogurt會light啲清新啲Honey mustard就濃郁啲香口啲整體來講我哋係好鐘意依度有咁多選擇俾我哋Mix and match無論想輕盈健康啲定係豐富乜都有嘅朋友都可以揀到岩食嘅野❤️❤️

在深水埗大南街好多文青Coffee shop 既聚集地，可以搵到有Poke Bowl 食真係有D驚喜，我自己好喜歡食日式魚生飯，但夏威夷派既就第一次試💛店舖裝修真係有D似Coffee Shop ，尤其門口好多打咭位，影相好靚，鐘意影相既朋友就一流坐低揀嘢食，Menu好多選撰，Bowl 可以自選食材或者店舖有5款已定好材料選定為最受歡迎，既精選，我哋第一次食，就梗係揀店鋪精選▪️808 $108 加牛油果 $12牛油果，吞拿魚，和式青蔥，枝仁豆，三文魚籽，雜菌香菇，山葵乳酪醬，芝麻，木魚絲，壽司飯，沙律菜，壽司飯▫️材料超級豐富，好多好多沙律菜，吞拿魚新鮮，加埋山葵乳酪醬，這個醬好淸新，撈埋其他食材一齊食，好好食▪️ONO $98三文魚，溫室青瓜，雞蛋絲，皇帝蟹棒，果仁醬，芝麻，壽司飯▫️三文魚同樣新鮮，其他食材份量超多，同808味道完全晤同，果仁醬有D似麻醬，好香濃，所以這個組合是比較濃味的，啱哂我▪️和風炸雞 $68傳統日式炸雞，雞肉嫩滑，炸槳厚薄適中，加上大量既木魚絲和少許沙律醬一齊食，好食▪️紅火龍果汁 $38新鮮即製，非常清甜而且絕冇加糖👍🏻👍🏻▪️檸檬柚子蜜 $38柚子醬加上風乾檸蜜，淡淡

近年香港人比較注重健康，Poke bowl係其中一樣潮流輕食，低卡低脂，材料豐富又飽肚。今日係深水埗買電子野，順道一來食個健康嘅lunch!-808 $108呢個poke bowl係由魚生、沙律菜、多種配料、壽司飯同醬汁組成，材料有吞拿魚、枝豆、三文魚子、雜菌香菇、山葵乳酪醬等等，醬汁比較多，成碗壽司飯同埋材料都撈滿哂，好好味道，食落唔算好飽滯，但如果可以少D醬汁更好。-Nalu $98呢個材料有八爪魚、皇帝蟹棒、辣椒碎同埋辛味蛋黃醬，好好味，微微嘅辣，好開胃，八爪魚好好咬口，個人比較喜歡呢個飯。Lunch set 好抵食，價錢包埋個野飲，可以揀冷壓果汁，或者熱茶消下滯，如果唔夠，仲可以加錢加自己喜歡的食材，健康之餘又飽肚既午餐！