Picoso

营业中

休息中

某日同舊同學傾開過去在加國食taco bell的事，大家都挺懷念那味道，上網找找香港那裏有墨西哥菜食，找到了Picoso，見食評同相片不錯，一於黎食下佢。店內有墨西哥裝飾，但感覺不強烈。作為工厦而言，冷氣算頗涼。坐位有點迫，同鄰座基本上無空間。枱上有辣椒仔同辣茄汁，可自行加辣。墨西哥脆片伴上牛油果醬同咸豬手肉，看似輕盈但其實好大盤，一盤有一整包脆片嘅份量呢，三至四人share食更好。牛油果醬綿滑，加上鮮甜蕃茄碎，墨西哥肉醬豆，仲有已撕成條狀的豬手，口感味道都好豐富，作為吹水小食不錯。炸蟹餅，一客有兩大件，即炸的好熱好脆呀～內裏有一絲絲蟹肉，雜菜，薯仔等，味道鮮甜，蟹餅本身並不辣，所以加了辣茄子同食，更惹味。蘑菇墨西哥卷，一客兩大條，十分飽滿。切開裏面係粟米，雜菇，肉沫，洋蔥，什豆等餡料，加上芝士，沙律醬，茄汁，這一卷十分飽肚，一客兩條可以四個人食呢。味道甜酸辣香料樣樣有，好懷念的味道，不錯吃。還點了一客牛肉飯，配以脆片，炒飯，同一盤混醬牛肉，口感有點像五香肉丁，看似小小但同樣十分飽，個牛肉都幾膩㗎。叫得太多食唔哂，打包左一半，呢個價錢有呢個份量，加上味道不錯，實在抵吃，都係個句，真係要

話說中同想食墨西哥野，就同佢去試左間位於荔枝角工廈入面細細間既墨西哥菜！Chicken Quesadilla ($78)大愛Quesadilla呢種墨西哥薄餅，上枱既時間熱辣辣，芝士份量都好多，同烤雞肉好夾，配埋上埋牛油果茄蕃，食落都唔會覺得好滯！Smoked pulled pork sliders ($42)做bbq sauce 調味過既手撕豬肉，唔肥且乾身，辣椒沙律醬更加左成個包既層次，但如果豬肉可以juicy多啲就更加好了！Chili nachos ($78)香辣牛肉既nachos, 牛肉未算好辣，但墨西哥辣椒增加左整體既辣味，豆蓉打得都幾細滑，同牛肉融入埋，所以就算只係nacho都好飽，份量好大啊！總括黎講，估唔到荔枝角工廈有特色墨西哥菜，質素仲要唔錯！唯一美中不足係飲品選擇唔夠，如果有啲酒飲下，配埋墨西哥小食就真心一流！

墨西哥菜我諗香港都無乜幾間。估唔到其中一間係荔枝角既工廈內！個仙人掌好有墨西哥feel座位唔多，最好book 枱先黎。 好在朋友book 左枱，7點半已經全場full 晒。仲見到有鬼佬黎食tim香辣炸雞翼英文係Wings of fire, 但絕對無好似個名講到甘辣。反而我覺得係香口，唔會比辣味蓋過。味道有少少似係孜然粉。炸得夠乾身，入面好juicy墨西哥名物Nachos相信香港人食墨西哥野，接觸得最多就係nachos. 我地叫左呢個係煙燻手撕豬肉。底部就係nachos, 之後鋪左一大層手撕豬肉同芝士，再有牛油果同蕃茄粒。呢個真係會一食停唔到口！一塊nacho 配甘多材料，就好似食緊pizza 甘， 牛油果同蕃茄真係好refreshing! 好鐘意呢個配搭！玉米餅皮卷呢個係見到隔離枱鬼佬order 左之後我地跟風order 的. 餡料有牛肉，豬肉，菇，我地叫左雞肉。入面另外有包住粟米，洋蔥等，外面就鋪左層cheese, 牛油果，蕃茄等。睇見已經流晒口水， 我太中意cheese la! 望落好似好漏，但其實一d 都唔會！超級想encore!crab cake炸得夠脆，入面食到啖啖蟹肉，

屈指一數, 已有一段時間沒有吃過墨西哥菜, 亦有一段時間沒有走進工業大廈覓食, 今晚就一次過做齊, 來到億利工業中心品嚐一頓美味的墨西哥菜。還記得對上一次潛入大坑吃墨西哥菜, 已對它留下深刻印象, 可惜此菜式較為偏門, 所以不知有那些店子值得一試, 難得有朋友推介, 當然馬上應邀出席, 讓我重拾它的味道。一出升降機門已看到一個店子的易拉架, 那就知必定沒有找錯地方。左轉右轉之下, 終於找到小店的踪影。門口放了一張紅色的高枱, 還有掛上一個大太陽、放了兩張油桶櫈和一個戴上墨西哥帽子正向客人招手的的仙人掌擺設, 頓突好像走到墨西哥沙漠裏, 這晚熱辣辣。店子小小, 一眼已望晒, 分左右兩邊座位, 共有六張四人枱, 擺放得整齊企理。兩邊牆上均貼滿菜式相片, 款款都相當吸引, 還未吃已令我垂涎三尺。其實這些相片除了作為裝飾外, 它們還有很大的用途, 就是……協助我點菜, 只要我指着它問問店員, 便可知它是餐牌上那一項, 然後再細閱餐單上所註明的用料, 咁就一定揀到合心水的菜式啦!牆上除貼了相片外, 還有不少有關墨西哥的擺設, 如墨西哥帽子、辣椒串、火艷的大太陽、墨西哥沙漠油畫等, 很具代表性。走

第一次到荔枝角的工廈餐廳吃飯，一向都是去工廈餐廳集中地-觀塘區，初次來到這裡，人生路不熟，問問路人就知道餐廳的地點，香港人是熱情有禮的。墨西哥菜中，我最愛是玉米餅湯。熱熱的玉米餅湯，酸甜清新，內裡有玉米粒、牛油果和雞絲等，味道清香不膩，酸甜開胃。香燒粟米。燒得焦香滿滿的粟米，入口香甜爽脆，伴上大量的芝士和沙律醬，味道非常滋味。沙律醬和芝士是精華所在，增添不少味道和分數。紫椰菜牛肉卷。香甜爽脆的紫椰菜，味道清甜得很，入口爽口清新，牛肉粒入口有咬口，頗是軟腍香口，薄餅加入蕃茄搓成，味道清香，沾上旁邊的紅蕃茄醬，味道更是天然惹味。薯仔加上辣粉烤得香脆，入口薯香滿滿，粉粉的薯仔入口非常滋味。

位於走廊盡頭的這家墨西哥菜，門外有棵戴著草帽的仙人掌，門面比人頭湧湧的程班長有心思。墨西哥菜在香港並不常見，對我來說，比程班長吸引得多。想起幾年前到美國旅行，除夕夜在酒吧狂歡後，1月1日近下午才起牀，宿醉的我們拖著搖下搖下的身軀去找吃的，最近的是連鎖快餐店Taco Bell。那3個taco便成了那年的第一個午餐。牆上掛著辣椒，貼上菜式的照片，一頂草帽，佈置簡單卻洋溢著南美風情。餐牌有湯、沙律、頭盤、主菜和甜品。墨西哥菜少不了nacho, taco, burrito, quesadilla, fajita, enchilada，應有盡有。餡料選擇有牛肉、雞肉、手撕豬肉和雜蘑菇。另有西班牙炒飯、豬仔骨、燒雞、燴牛肉，保證找到合心的。11:30-5:30還有10款特價菜式供選擇。是日餐湯＋車打芝士麵包特價餐牌配飲品，加＄12有餐湯和麵包，加＄15有迷你凱撒沙律。加了這＄12絕對值得。可愛的小麵包烘得暖暖的，乾身又十分鬆軟，充滿麥香。中間只塗上少量芝士，但吃下去麥香混雜牛油香和淡淡的芝士香，絲毫無改變麵包原有的口感，只簡單地作調味。湯亦不遑多讓，夠濃稠又厚滑，帶豆蓉和香料味。作開胃之用的餐湯麵

墨西哥，睇戲成日都聽到，d美國人犯左事都會走去墨西哥！今晚約左中學時既老友一齊去工廈試下墨西哥菜，唔知墨西哥菜即係咩呢？餐廳係一樓，一入去周圍都係即影即有相，仲有d墨西哥既裝飾品~餐廳唔算大，只有幾張枱，見到好多外國人黎開飯，的確有d置身墨西哥既感覺！特色蟹餅: 蟹餅係炸的，$52有兩塊，雖然係油炸，但油唔多！一切開就見到豐富既餡料，蟹肉有dd咸，一絲絲的，連埋洋蔥，青椒一齊煮，有腐皮卷既感覺！另外我仲食到少少牛油果味！煙燻手撕豬肉迷你漢堡: 一碟有三件，豬肉都係一絲絲的，好似手撕雞咁，好juicy，漢堡里面除左豬肉仲有好多洋蔥，中和左濃濃的汁，唯獨漢堡包好un，好難切開(我地Share)，如果用d軟熟d既包就好啦！煙燻手撕豬肉玉米薄脆: 賣相好靚，五顏六色，玉米薄脆好似加大版既粟米片，但硬身好多，唔易斷開。碟上有薄脆，手撕豬肉，芝士，大量牛油果醬等等。我地個個用手食，將玉米薄脆拿起，加d豬肉，由於係手撕同埋整到好似蓉咁，所以好似醬咁，再加d牛油果醬，好惹味，少少酸加上豬肉既喊，令薄脆生色不少(薄脆本身無味)一邊食一邊覺得好有墨西哥風味！墨式西班牙炒飯點可以唔點？主菜黎架！炒飯聞落已經

最近工廈食肆潮流十分的火熱，小弟當然亦受此影響多光顧了這方面的店子。比較常去的是觀塘一帶的舖，另外在長沙灣荔枝角區內工廈數目如雨後春筍的多，裡頭食店之多當然也是不可說笑了....既然食店之數量如此多，店子所做的菜系種類自然也是各有不同。今夜和太太來到訪的，便是坊間相對較為少有供應的墨西哥菜....店子是明符其實的小店一間，空間說實在是甚為狹窄不太好坐。不過看看菜牌，上面的菜式的而且確是蠻墨西哥風格的，除了基本的Tacos、Burritos及Nachos之外，還有個人較少接觸的薄餅Quesadilla及玉米餅皮卷Enchilada....兩個人只得兩張口，當然未能盡試嚐以上提過的種種。此時唯有只精選兩三款自己想吃的來試....看到這裡之前不少的評論都大讚她們的炸蟹餅。一向愛此味的太太，當然要為她服務一下叫一碟讓她爽爽....外皮金黃酥脆沒料想中油膩的它，內裡全都塞滿了一絲絲的鮮甜不腥的蟹肉。醮點墨式的，味帶酸咪咪的煙椒青檸醬以及有牛油果沙律相伴，就不會害怕嘴巴變得肥肥膩膩了....再來一大份卷餅Burritos....將厚厚的玉米卷皮包著煙燻手撕豬肉，豬肉絲除了有薄薄的smoky tas

墨西哥有一句名言：「Barriga llena, corazón contento」（吃飽了才能擁有快樂的心）。聽說荔枝角開了一間專營墨西哥菜的小食店，特意來朝聖一番，希望在美洲杯熱潮剛過後品嚐一下以番茄和辣椒聞名的墨西哥菜。坐落於聞名的程班長台灣美食旁邊，Picoso看起來顯得低調，甚至不太顯眼。穿過程班長等候的人龍，座落在走廊盡頭的Picoso門外掛著傳統的墨西哥毯子(Mexican Blanket)，上面貼著一張張食物相，盡顯誠意。既然是香港少見的墨西哥菜，店內自然掛滿富墨西哥特色的寬邊帽和宛如國家標記的辣椒，讓人仿如置身於墨西哥城一樣，充滿異國情懷。來到異國特色餐廳，點餐的原則當然就是要盡量選擇當地菜。墨式玉米薄脆沙律似乎是店內的招牌菜，與我們同時在場的幾檯食客都選擇了這道菜式。超巨型的玉米薄脆爽脆之餘又有玉米甜味，配合盛著的蔬菜沙津、碎芝士和蕃茄粒和一大個牛油果，相當開胃。這個相信是北京填鴨朋友的鐵板燒鮮大蝦，同埋夾起預早醃好、微辣的鮮大蝦和洋蔥，放到粟米薄餅，然後胡亂蘸上紅蕃茄醬、酸忌廉和牛油果醬，吃下去的味道勉強可用「五味雜陳」來形容（從本意而言應該不算用錯成語吧），非常

講起墨西哥你會諗起乜？仙人掌？墨西哥闊邊帽？辣椒仔？晌開飯網查一查，專賣或兼賣墨西哥菜嘅餐廳大概有40多間，數量唔算少，但睇番小弟嘅足跡，原來都只喺到訪過中環嘅Mr Taco Truck，但都已執笠咗，真可惜。今夜，走訪荔枝角廠廈，程班長實在太多人等位，倒不如試試隔離家墨西哥小店「Picoso」 。小店門面已睇得出佢喺賣墨菜，因為大大樖仙人掌及墨西哥帽，而入到店內裝修都幾骨子，一室木條牆身，掛有唔少墨國嘅相關物品，就連餐紙都用上火辣辣嘅紅色，富中美洲風情又唔講得，但就輕鬆自在。雖然小店，但餐牌製作又幾認真，簡單嚟講，類別方面包括頭盤、主菜、沙律、甜品，但頭盤中，其實有唔少不同口味嘅墨西哥栗米脆片，而主菜裡，有數款墨西哥捲餅，都喺較具墨西哥特色嘅美食 。不過，無圖文並茂就少咗份參考，因為幾款捲餅都好相似，一下子都睇唔到其分別。佢哋唔收加一，抵讚，但年輕嘅店員都招呼得落力，只喺經驗淺啲，有啲細節位就忽略咗。有食物嘅餐牌，卻無飲品餐牌，因為選擇唔多，晌晒餐廳尾嘅雪櫃度，自取後同店員講聲就可以喇。一般汽水$8罐，果汁能量水$12支。朋友要罐玉泉嘅「檸檬+C」（$8），小弟就揀咗支電解質飲品

每逢星期三Aeon百貨公司都會大減價，所以放工後最好就到荔枝角碰碰運氣，就像這天男朋友便買到減價皮鞋了。 買到了心頭好後可以放心放膽去醫肚，離Aeon百貨不遠的億利工業中心就有很多餐廳林立，幾乎任何菜式都有。這晚來到了一樓，這是名叫Picoso的墨西哥餐廳，從門外看進去已見到有近乎滿座情況，多人食即代表冇伏，我跟男朋友便安心試試。墨式玉米薄脆沙律 $62這個巨形容器其實是用粟米整成的薄脆，有點像我們小時候到茶樓食粥那些薄脆一樣。沙律的材料有牛油果、蕃茄、蔬菜等等，面頭加上大量芝士碎，一條條的形狀口感有點似麵條。 粟米薄脆吸收了青檸香醋汁之後帶點酸味就更加開胃醒神。特色蟹餅 $52我見到幾乎每枱客都有點這個蟹餅，應該是特別受歡迎的菜式吧。蟹餅內除了有新鮮蟹肉外，還有洋蔥及青椒碎，為本來已經帶有甜味的蟹肉再加點甜跟惹味，蔬菜亦有效中和炸物的油膩感，口感大增。將蟹餅一分為二就真的看到一絲絲蟹肉，想吃蟹又不用弄髒雙手，難怪這菜式會如此受歡迎。鐵板燒鮮大蝦 $128鐵板大蝦底層墊有大量烤洋蔥，洋蔥索取了鮮蝦味後使得更加鮮甜味美。我跟男友都是第一次試此種菜式，不知道這種夾法是否正宗了~~ 總之三款

收到朋友呼喚，荔枝角有廚具開倉。所以今天到荔枝角，看看能否執到寶。其實不單只廚具，還可看看成衣批發，之後順道在附近食番餐。原本看到對面馬路某餐廳的招牌，被其吸引過去。但到達該樓層，看到這個餐牌的食物照片，最終改變主意了。餐廳門口的仙人掌及佈置，帶點墨西哥風情。今天是夏至，出面三十几度了，汗流浹背，朋友催促盡快就座，她很想嘆冷氣。既然來到墨西哥餐廳，肯定要選擇墨西哥特有的食物：TACOS，QUESADILLA，另外加小食及甜品。　　　就連餐巾都是紅色。墨西哥湯　　　忘了叫什麼名字。這個紅色的湯，有蕃茄的酸，也有微微的辣，辣椒籽清晰可見。而蕃茄溫和的酸味，令到這個湯很清新，很開胃！如在喝熱辣辣版本的蕃茄凍湯。喝過後，也不會流汗呢！ 特色蟹餅MEXI-CALI CRAB CAKES　　本身喜歡蟹，如能預先起出蟹肉，無需剝殼，不需出動五指山，保証有儀態，就是最好不過了。所以看到蟹餅，真是要來一份了！熱辣辣金黃色炸皮，包著絲絲蟹肉，還有餐牌所列的洋蔥，青椒，香草。洋蔥青椒的質感為蟹餅帶來清新的口感，亦消減了炸皮的油膩感。配上這個酸酸的橙色煙椒青檸醬也很好味。伴碟的是蕃茄碎及沙律菜。如果在沙律上的