Pickabowl (D2 Place ONE)

营业中

休息中

呢日出去深水埗買皮料整吓啲小手工，買完就約埋亞女收工一齊食返，亞女話佢公司附近有間食夏威夷蓋飯(即魚生飯)嘅餐廳帶我去試吓，日本魚生飯就食得多，夏威夷魚生飯就真喺未試過餐牌分兩種，一種喺DIY自選，另一種喺已經配搭好嘅另外可以加錢配健康飲品或花茶食物分兩個凍櫃擺放整齊，一個放配料，一個放主食，方便客人揀選香草芥末大蝦拼加州三文魚/蛋黃/白飯(DIY自選)大蝦軟滑鮮甜帶少許芥末味唔嗆喉;而三文魚肥美甘香配搭西式蛋黃醬味道好夾配料揀咗蛋黃，有青瓜、菠蘿同蟹籽，菠蘿是新鮮的不是罐頭貨，非常鮮甜煙燻辣味三文魚含芫荽拼香草芥末大蝦/蛋黃/黃薑椰菜花加糙米飯(DIY自選)煙燻加上辣味的三文魚非常惹味，啱好辣一族黃薑椰菜花口感很特別，切碎的椰菜花與小米很相似，入口爽脆，與糙米飯混和一起食味道唔錯加＄25可以升級為套餐，有溫泉蛋，昆布湯及甜品蘋果菠蘿石榴羽衣甘藍加配咗鮮榨果汁，見佢配搭幾特別，而且有我喜歡的菠蘿同石榴，味道酸酸甜甜，非常開胃，況且加埋羽衣甘藍就更健康啦

今日黎到長沙灣荔枝角呢邊搵食以前係呢頭返工 而家就小左黎呢邊啦今日要試一間特別啲既-Pickabowl係食夏威夷魚生蓋飯，係香港唔係到到都食到架見到menu 有好多選擇有啲係set好左既 岩哂啲選擇困難症嘅人🤣如果set好左既唔岩心水？下面都有啲可以DIY自由配搭架我同男朋友兩個人，一共叫左兩份我既係F 加洲三文魚我係屬於選擇困難症人士，所以佢配搭哂比我就最岩啦！三文魚既份量都唔少，又唔會切到好細粒配上無限既青瓜粒同菠蘿，加埋飯一齊食 口感不錯呢個係加洲風味， 所以用左蛋黃醬撈我好鍾意食蛋黃醬架😍撈埋三文魚食又幾夾喎我揀左配白飯底，成個飯食落感覺清新又覺飽肚 唔會滯而男朋友果個揀左自選先揀個主菜，慢煮雞胸配自家淡醬油其實可以揀2款，但我地2款都揀左雞胸配菜部分揀左和風，即係有玉子，烤南瓜，毛豆，紫洋蔥，炸豆腐，四季豆配料豐富但男朋友都係唔夠喉，再加錢就可以再加配料啦☺️我地加左泡菜，菠蘿，車厘茄同埋中華沙律 勁豐富！個底都係揀左配白飯七彩繽紛超吸晴菠蘿超甜 推介推介！加25蚊就可以變套餐套餐包括有個豆腐昆布湯，溫泉蛋同埋甜品今次個甜品係焦糖布甸呀布甸超滑，配埋焦糖食，好好味😋細細杯做飯後

大胃自從疫情好啲之後，就報復式係咁食好嘢食，開始feel到個人唔係好balance，睇嚟大胃要停一停，食返啲健康啲嘅嘢先得呢度可以堪稱為健康版嘅車仔麵，外國好興㗎，大胃當然要站在舌頭尖端食佢啦唔加嘢飲嘅，可以斟吓佢地啲蔬果水飲住等位，部機好快響起提你取餐呢碗胃民揀咗沙律base，泰式調味清新而唔會太刺激，大蝦又真係好大吓大胃作為魚生控，就揀咗集齊三文魚同吞拿魚嘅呢碗，好有口感，蔬菜多得嚟又唔會厭，因為個配搭好好，加$14仲有牛油果𠻹加$25可以變做set湯清清地暖吓胃一流仲有溫泉蛋，好滑呀黑糖味布甸令人欲罷不能，食唔停口吉士味一樣，食到至盡方休

好耐冇食日本野，今日同同事黎左Pickabowl叫外賣返公司食!朋友揀左夏威夷四重奏$106，我自己就點左經典雙拼三文魚吞拿魚$82，大家都加左烤雞同溫泉蛋!薑黃椰菜花+糙米飯，非常高韱有益😋椰菜花碎上睇落又真係好似米飯，入口爽甜夠清新！而且每個飯都有唔同既蔬菜配搭，菠蘿、車厘茄、豆角、中華沙律等，夠哂營養均衡，非常健康😌刺身方面，三文魚吞拿魚既份量都算多，味道新鮮，而且每一啖飯都食到唔同既配菜四重奏仲有泡茶三文魚，夠哂香辣! 加埋流心既溫泉蛋真係一流，最緊要係佢蛋香十足!

D2 Place真是一個好地方，動物也可以到場，非常寵物友善！而且除了不同活動，文化之外，也有一些特色的餐廳。由於疫情關係，最近都主要在家中吃為主，但是常常吃家中煮的，也會覺得厭，今次就選擇了搭電梯上去直行就會好快見到嘅一間餐廳「Pickabowl」Set好的套餐選擇非常多，適合選擇困難症的朋友們，有一些是配搭好的，但是也可以選擇1款base，e.g. 飯、糙米飯、烏冬、沙律、黃薑椰菜花等等，選擇多多。後頁也有DIY的，自行選擇食材、醬汁等。在打包前先拍一拍給大家看一看原本的樣貌～D：慢煮天多利烤雞$70黃薑椰菜花+白飯F：加州三文魚$78黃薑椰菜花+糙米飯H：經典雙拼三文魚、吞拿魚$82 +$8蟹籽 白飯+糙米飯三款均是非常健康的，烤雞、三文魚及吞拿魚都非常清新，新鮮。黃薑椰菜花🥦感覺非常清新，爽口，間中食少啲飯食多啲菜也很不錯。加州三文魚及慢煮天多利烤雞醬汁感覺上比較rich，經典雙拼三文魚、吞拿魚用上的自家製醬汁也是非常獨特好吃，不會太鹹，健康又美味。加少少錢可以選擇自己喜好的配料，加上爽口鮮味的蟹籽，晚餐健康又有滿足感

小妹同男友都係第一次食POKE BOWL所以都覺得好新奇有趣我地兩個都係貪心小朋友所以簡左ＤＩＹ自選＄８４ＳＴＥＰ１先選２款魚生／熟肉ＳＴＥＰ２選１款配菜ＳＴＥＰ３選主食之後可以額外加配料～餐廳探取自助形式大家可以先找座位出去點餐　再等點餐器閃燈就可以出外取餐～１／經典三文魚＆蜜糖芥末蝦＋Rainbow＋白飯＆糙米飯＋蟹子＆溫泉蛋本身飯上已經加入少量豉油再加上配料上既醬汁　味道已經好夠醬汁份量拿捏得剛剛好食落感覺食材都好新鮮大蝦食落都爽身　唔會好雪味雪藏蝦都唔會太多要求小妹呢個配搭味道就比較清爽因為有三色椒　爽口食材食到最尾再加埋隻溫泉蛋落去好正２／煙燻辣味三文魚＆慢煮烤雞＋泡菜＋薑黃椰菜＆白飯男友既配搭就比較濃味因為有泡菜　食落非常惹味～慢煮烤雞食落嫩口就算不上但都唔柴唔乾身　味道都十分唔錯總結：小妹最喜歡係POKE BOWL好色彩繽紛唔經唔覺原來都食左好多唔同種類蔬菜絕對係會encore之選

行街嘅話好少諗起荔枝角不過原來開咗戲院睇天能所以就行吓d2 place原來都幾多餐廳而且好就好在唔係連鎖餐廳感覺好似可以不斷試新嘢清新少少食魚生飯其實魚生飯成日有不過可以自選配料同飯就正得多同埋都幾闊落同簡潔乾淨朋友就揀咗個松板豬加三文魚配羽衣甘藍汁我就吞拿魚加蒜味三文魚配中華沙律配黃薑飯同白飯黃薑飯有大量生蒜生蒜嘅酵素幾有營養的加$25跟餐有海帶湯溫泉蛋同布甸論味道配料幾抵食的好豐富每啖都食到唔同材料沙律菜亦都好新鮮Shopping完揀呢間食都幾好 洗完錢 呢間食極都有限數

放工同埋班女同事去左附近食飯揀左間主打夏威夷魚生飯嘅餐廳貪佢健康得嚟又啱打卡煙薰辣味吞拿魚/西班牙蒜油三文魚/泡菜/黃薑椰菜花+糙米飯吞拿魚肉質感柔嫩鮮甜同時香辣刺激；西班牙蒜油三文魚油潤肥美而且蒜香味濃泡菜配菜組合除左泡菜同埋韓式辣醬仲有青瓜以及蒟蒻酸辣醒胃得黎口感都好豐富糙米飯膳食纖維相較白飯豐富促進腸道健康同時增加飽足感配搭黃薑椰菜花抗氧化之餘有助控制體重女仕必點西班牙蒜油八爪魚/加洲三文魚/蛋黃/黃薑椰菜花+糙米飯八爪魚肉質感柔韌鮮嫩配搭麵包糠粒酥脆惹味；加洲三文魚油脂豐腴撈埋蛋黃醬滑嫩甘香蛋黃配菜組合包括菠蘿青瓜以及蟹籽同蛋黃醬清新爽脆堅魚昆布湯/溫泉蛋/甜品晚餐可以加廿五蚊升級套餐有齊湯水甜品夠哂滿足蘋果紅菜頭檸檬西柚汁蘋果同紅菜頭清甜而且高纖維低熱量消脂排毒同時養顏美肌配搭檸檬同西柚汁酸甜清爽

朋友話呢排食得比較heavy，所以想食健康啲，我就醒起係附近食過嘅夏威夷蓋飯（Poke），應該會幾啱佢要求：餐廳點餐形式似快餐店，俾錢點餐後會獲得一個pager，當pager響起就可到櫃檯取餐，好方便👍🏻食物一盤盤的整齊分類，感覺整潔衛生👍🏻餐廳亦提供清新嘅香橙羽衣甘藍開水俾食客自由斟，非常抵讚👍🏻🥣煙燻辣味雙拼套餐（$82 + $25配套餐）三文魚及泡菜都係朋友鍾意，所以佢二話不說揀咗呢款，飯底就揀咗黃薑椰菜花+白飯😆 飯底真係幾特別，椰菜花切碎混和白飯，增添咗口感😋配料份量都幾多，除咗有泡菜、三文魚及吞拿魚外，仲有青瓜、梅乾、蒟蒻、洋蔥及生菜等，所有配料都好新鮮，味道清爽之餘又辣辣地，幾惹味開胃，感覺似韓式拌飯👍🏻套餐多了溫泉蛋、堅魚昆布湯及甜品，堅魚昆布湯內有昆布及豆腐，味道清清地幾好飲，而甜品係柚子味奶凍，奶凍真係有清香嘅柚子味，味道酸甜幾好食😋🥣泰式青檸大蝦套餐（$82 + $25配套餐） 追加配料：經典三文魚（+$18）追加配料：西班牙蒜油八爪魚（+$18）我揀咗既清新又有泰式味道嘅青檸大蝦，另追加咗三文魚及八爪魚，所以我嘅蓋飯相比下更大碗😆我要咗黃薑椰菜花+糙米飯底，但食

想食得健康少少就揀左D2 Place既哩間Pickabowl，好多選擇同款式，可以揀自己鍾意嘅食物。.我揀左經典三文魚+慢煮雞肉，紅菜頭配椰菜花+糙米飯，感覺好健康。個bowl入面仲有中華沙律，菠蘿等既配菜，好豐富，好多款式同埋都好好味，特別推介佢地既三文魚，新鮮得黎加上佢哋配製既調味料，好入味！.Staff都好有禮貌，不過係性價比一般，食沙律始終唔算好多飽，但哩個bowl都要$84，個人認為都略貴。

今日去D2 place行街，經過見到門口有好多人排緊隊，主打poke好似好鬼正🤤餐廳本身就已經有啲set好左嘅poke bowl，但係我地兩個想試多啲味，所以一人叫左一個DIY自選，一份係慢煮烤雞加經典三六魚，配蛋黃沙律同白飯，另一份就叫左辣味吞拿魚、加州三文魚，配山藥沙律同椰菜花併白飯，另外仲加左半份蒜味八爪魚🤣個慢煮烤雞雖然係雞胸肉，但係因為係慢煮所以食落去一啲都吾會鞋，個蛋黃沙律入面有青瓜、菠蘿、牛油果同蟹籽，口感好清爽，酸酸甜甜勁開胃！辣味吞拿魚夠曬入味，好好食😋八爪魚嘅蒜油都十分之香。最特別係佢個薑黃椰菜花！完全可以代替澱粉質，而且個口感特別味道又好，最岩減肥人士🤣Poke嘅價錢可以話平，不過勝在份量大性價比高！細食嘅女仔兩個人share一份都得，真心推薦大家試佢嘅辣味吞拿魚同薑花椰菜花👍🏻👍🏻

健康主打既Hawaiian poke，又新鮮又多款式，堂食又得，外賣都可以👍🏼，海鮮選擇都多，又可以揀熟食肉類，款款都份量好多，一定飽肚😆。.🦐🐷D.IY💲84 🔸2款 魚生/熟肉：香草芥末大蝦(半份)＋薑汁松板豬(半份) 🔸1款配菜：和風組合🔸1款底層：白飯＋糙米飯芥末大蝦約4隻，沾滿香草芥末醬汁😋，又香又惹味，薑汁松板豬醃得好入味，食落好醒神，配埋日式豆角同糙米飯，食物營養勻衡，價值豐富💯。.🐟Set Q Tapas Orgin 蒜片油浸三文魚💲78蒜香味濃厚，三文魚係厚切粒粒，咬落好有質感好肥美，魚油又足夠👍🏼，配埋青瓜粒粒同三色椒粒粒，感覺超fresh又增加到口感😋，仲有烏冬做墊底，真係又健康又飽肚。

D2 Place 有間幾出名既Pickabowl, 聽聞又健康又好味, 咁岩過開去D頭做野, 一於買返兩個飯返去食!係D2 Place 1樓, 位置都幾方便, 都幾易揾到入到去見到好多野揀, 我有選擇果難症架, 都唔知點揀好, 好彩職員都好有耐性咁慢慢指引我其實睇D張圖都好清楚, 但我都係鐘意人地教我XD最後買左一大堆野返屋企, 顏色都一大堆, 好吸引, 令人胃口更好我係食D個經典三文魚+蒜辣八爪魚飯, 加中華沙律係加八蚊, 記住D個飯係有D辣, 真係幾辣, 唔好睇少佢既辣, 重要的事情要說三次, 我平時都幾食得辣但我都覺得辣, 但佢既辣真係好令人開胃, 越食越想食, 三文魚幾香油香, 而八爪魚好感好好, 我幾鐘意配飯食而男友就叫左個蝦, 豬肉+沾烏東, 都幾特別下, 個豬肉特別令人要讚下, 佢秘製醬汁好好味, 而蝦都好彈牙, 沾烏東都好好味總結黎講又健康又好味, 唔怪得咁出名, 下次可以試下其他配搭!

D2 place好多健康野食，今日就試左鋪頭睇落大少少嘅pickabowl。睇落幾清新同健康，我揀左$82自選，加洲三文魚，煙薰辣味吞拿魚，彩虹(甜椒、蕃茄、青瓜) ，糙米+椰菜花粒，再加多左隻溫泉蛋。我1230到去，等左5分鐘就有，都算快，餐廳哥哥有禮，仲不停講解可以點叫，因為佢有d佢set好。本身會以為會唔夠飽，最後成個食哂，唔會好咸，糙米+椰菜花粒個質感幾好，最緊要係健康又飽肚，係個辣味吞拿魚辣少少。不過整體都唔錯，餐具仲要有包裝，靚靚咁，食得都開心。

最近越來越重視健康, 不單止勤做運動, 而且飲食都傾向多菜少肉。約了朋友到荔枝角D2走走, 卻發現了這裡有一間主打夏威夷的poke bowl, 看到餐牌有很多選擇, 實在沒有藉口不坐下來試試。由於我不太喜歡魚生, 就點了和風薑汁松板豬配白飯+黃薑椰菜花。先說豬肉切成粒狀, 醃得很入味, 濃濃的薑汁, 配上溫熱的碎紫菜白飯, 超好吃的~ 配菜有四季豆, 玉子燒, 炸豆腐, 烤南瓜, 車厘茄, 看到七色的蔬菜, 食慾大增, 每款都整得好好味, 特別喜歡烤南瓜, 很甜很軟。而且和風汁足以令整體提升味道, 碎碎的椰菜花都容易入口, 健康又好味。