Pici

营业中

休息中

今日黎到一間意大利粉很出名的西餐廳 ，這間西餐廳專吃意大利粉的。第一次嚟叫了一個肉醬意大利粉和他的最著名黑松露意大利粉 ， 他的意大利粉比較有咬口，不太適合我的喜好。

星期六想食好少少就試下呢間嘢，睇佢單價好似好有諗法咁，以為對食物出品都有啲要求，但係難食到嬲啊喂！三款意粉賣相都算數，最緊要味道啊嘛，喂放落口冇味嘅卜街！淡到好似冇落鹽咁，自己要入廚房拎兜鹽同basil oil出嚟調味，最後食緊鹽味意粉咁樣，意粉好似撈出嚟冇煮過咁，只有千層麵因為有芝士，所以有啲奶香味。嬲到我想打去佢餐廳問佢點解要出啲咁嘅食物俾人食。另外 cold cut係最正常，份量都算好夠，但係個Burrata冇落蕃茄仔，咁你點樣可以叫自己做蕃茄配布拉塔水牛芝士呢？睇返原來呢間餐廳仲要係連鎖，唔明白咁難食嘅嘢點樣可以開到連鎖，想食嘅朋友自己睇路，已經提咗你好伏😒好嬲啊啊啊，還返個想食好西嘅心情俾我

Well, it’s not my first experience here in pici . One of the best pasta in the town I would say Not only the food , friendly staffs , nice place ,, they all make it one of the best restaurants what I would think So anyways , that day I ordered beef ragu papadelle and that blowed my mind , rich beef flavour and the perfect egg pasta is what I would die for .

一直很鍾情煮得al dente 的意大利麵，而pici 正正符合我的口味，所以不時都會回訪。隨着分店越開越多，更方便我去回味😋店內裝潢有格調，燈光、座椅、掛畫等配合之下，讓人有到訪外國餐廳的錯覺。吞拿魚牛油果他他 （$120）吞拿魚份量頗多，但不算肥美，幸好有牛油果搭救。配上酸味醬汁，是一道不錯的開胃菜。秘製肉丸 （$90）肉丸由豬肉和牛肉混製而成，份量頗大，中間夾有芝士，外面再配上濃稠蕃茄汁，味道非常濃郁，但有點過鹹。鮮刨黑松露細條麵 （$180）黑松露下得非常慷慨，但白松露醬汁的口味有點淡，而細條麵亦容易煮得較淋，未必適合喜歡有嚼口的朋友。意式辣肉貓耳朵 （$130）貓耳朵的麵糰有一定的厚度，因此容易煮得有咬口，是我喜歡的結實程度。辣味我認為調得剛好，有後勁和很惹味，但不吃辣的朋友就覺得有點過辣。Tiramisu ($60)Panna cotta ($60)Tiramisu 的忌廉很香滑，配上浸滿咖啡的瑪利餅，令人食指大動。Panna cotta 的奶味布甸也很香滑，但有點過甜，最好跟面層酸酸的raspberry 醬一起吃。

幾適合同朋友小聚嘅good vibe pasta place 裝修幾雅致 空間闊落坐得舒服食lunch set最扺食！cp值最高或者dinner 6個人食tasting menu就可以試到最多野手工pasta嚟講pici係值得一試

Went here lunch time to have something to eat . 4th,5th time that I come here already Pastas are nice and fresh . I prefer the egg pasta it s really different from the others Staffs were friendly and helpful as well . Would come here again for sure.

Pastas, made fresh. The options are a bit more eccentric than your typical Italian resto, but relatively simple: signatures include the eponymous pici in a cacio e pepe or Amatriciana combo. Orecchiette, ravioli and other beautiful-sounding Italian strands can also be had. The menu is beefed up with starters like burrata and homemade meatballs. Italian wines and aperitifs like Negronis and Aperol Spritz are the highlights on the drinks side.

同女友叫左2碟意粉Pappardelle Beef CheekHand-Cut Pappardelle Pork Ragu先講麵條:i) 太硬, 完全係煮唔夠感覺, 唔夠淋, 食完頂住係個食道ii) 呢D手工麵好重要因素係個蛋, 一般黎講 係猜麵團個陣會落蛋 再猜, 但明顯係唔夠蛋香再講入面配菜Pappardelle Beef Cheeki) 肉都冇乜味, 除左知道係冰鮮之外, 都明顯舊肉放左好耐/唔係靚牛Hand-Cut Pappardelle Pork Ragui) 中文係辣肉醬寬條麵ii) 完全食唔到辣感覺, 全部都係蕃茄味iii) d 肉正常味道2個人食埋單 $297但呢D質素, 不如出去食 茶記好過6-7年前去過灣仔星街食 覺得好好食估唔到而加質素差左咁多唔會再去

朋友提早幫我慶祝生日，想食西餐就揀左食過幾次既Pici, 餐廳必須齊人先可以入座，朋友留左名，人齊即時入得！每次都係叫Tasting Menu $290 per person 由於3個人所以可以選3個starter, 4個main & 3 dessertstarter:Tuna Tartare吞拿魚好新鮮，酸酸地既調味好開胃meatballs有3大粒加埋parmesan cheese係面，配蕃茄醬汁，homemade meatball唔會乾 啖啖肉好滿足cold cuts每次都會叫既cold cuts, 最鐘意ham, cheese就還好pasta:Lasagna都係每次黎必點既，熱辣辣焗起上枱，超多芝士同肉醬，三個人分啱啱好唔會溜！Tagliolini Truffle基本上每枱都會叫，pasta唔會煮得太稔，面頭刨左一堆Truffle，醬汁creamy好食。Hand-Cut Pappardelle Pork Ragu呢個寬條麵好味，可以掛到好多醬汁Pasta of the day當日係蜆肉pasta 蜆肉新鮮tiramisu 三個都選tiramisu為甜品，唔會太甜芝士好滑，略嫌個餅

要留電話先可以堂食？唔想留就俾面色你睇，反眼講句“咁下次你要留囉“。明明仲有半間餐廳都有位，就要你企等5分鐘，再講只能用餐75分鐘。未坐底已經咁嘅態度，以後也不會幫襯！

星期五第三次去 Pici。荔枝角個間好好食，見尖沙咀有分店，之前去過一次唔錯，今日就嚟左第二次。可惜，尖沙咀分店強差人意🫣🫣叫左tasting menu, starter 唔錯，幾fresh 幾好食。意粉呢，叫左3個，真係唔得。啲麵超級硬，調味又錯哂，失望！😵‍💫😪意粉分別叫左: 🍝海鮮意大利戒指麵- 急凍海鮮粒，得幾粒縮到好細既calamari同灰灰地色既蜆，有沙既。。。完全無鮮味可言，食到雪味，啲麵好硬，好油，唔夠garlic chilli 😷,愈食愈🐟，唉。🍝Beef cheek 闊帶麵- 依個啲麵又係好硬，好難咬，好似唔熟咁，啲beef cheek 好少，仲要全部都係碎碎肉絲，無乜味，好難食🍝黑胡椒芝士手工圓麵- 依個係三款麵入面最最最硬既一款，咬唔開咁制，好似生咁🤦🏻‍♀️🤦🏻‍♀️完全無黑胡椒，得好多好多既芝士但完全無其他材料中和，真係唔得唯一可取既係甜品，tiramisu 同奶凍都幾好。尖沙咀pici令我對pici大失所望，我諗以後都好難再幫襯🤦🏻‍♀️

📍Pici（尖沙咀店）save咗咁耐終於食到喇～新年期間唔算太多人，唔洗排隊🤪店員都好nice好energetic😂食完嘢仲比多杯茶啡我哋～環境唔係寬敞但舒適，氣氛都不錯✨兩個人都係揀lunch set：▫️前菜x2［蟹肉沙律］好多蟹肉😍調味偏清淡；［Parmaham］都好食，但就冇咩特別▫️主菜x3揀咗黑松露意粉、卡邦尼意粉同慢煮牛肉意粉。卡邦尼係最推薦，煙肉好多，而且有啲係特別脆🤩，卡邦尼醬汁都濃郁creamy，整體口感幾豐富🥰；另外兩個就一般，黑松露聞嘅時候係好香，但食落就還好同埋有啲油；牛肉就偏膩🥲▫️甜品x2Tiramisu係抵食啲嘅，但兩款都試下啦😌Tiramisu偏多creamy，咖啡味亦都唔係好好濃，啱晒唔係好飲咖啡嘅人（aka me😂）；紅梅奶凍偏重奶味，食幾啖會有啲膩，但紅梅唔係好藥水味個啲，所以鍾意紅梅嘅可以試下～～▫️飲品（另加錢）Sparkling wineItalian passion - 幾好飲，唔會太酸，好香百香果味，解膩一流👍🏻💰：$683（已加一）

識Pici一定係叫佢嘅Testing Menu最抵食，包括餐包，兩個前菜，三個意粉，同埋兩個甜品。前菜叫咗肉丸同埋吞拿魚他他，肉丸好夠熱辣辣，而且質感好好，會食到啲肉粒，他他都好新鮮，可以試吓加埋麵包一齊食。肉醬千層麵稍嫌有啲油膩，一切落去就浮左成層油起身，但係好夠熱，芝士拉到絲，而且肉醬都好多。我哋加錢叫咗個pasta of the day，係蜆肉意粉，成個意粉偏鹹，唔係好有海鮮嘅鮮味，可以唔使加錢叫。貓耳意粉好好食，唔係度度都有得食，口感好煙韌，嗰張係偏向番茄奶油味，最鍾意呢一個意粉，但係相比其他佢唔算好濃味。甜品就每樣都叫咗一個，一個係果醬牛奶布丁，另外一個係招牌Tiramisu。牛奶布丁上面嘅果醬，對我來講有少少太甜，但係質感幾好，可以食到少少果肉，牛奶布丁好重奶味，好滑。Tiramisu就幾時都咁好食，佢嘅咖啡味剛剛好唔會太苦，但係成個蛋糕都唔會太甜，下次會叫返兩個Tiramisu。

#20221226 🤍📍 Pici @picihk 尖沙咀漆咸道南29-31號地舖 🍽沙田｜灣仔｜中環｜荔枝角｜銅鑼灣｜將軍澳｜西環｜鰂魚涌均有分店——————————————————————————————#吞拿魚牛油果他他 $120💭呢樣係一講菜名就係諗到既味道，牛油果mix埋吞拿魚好熟悉好classic既feel🥑特別在上面配左幾條醃過既生洋蔥🧅作為前菜刺激到味蕾，配埋一坐低店員比果袋包食都好味😋.#意式豬辣肉醬手切寬條麵 $130💭呢度賣點係手工意粉🍝同平時食到啲意粉好唔同，睇落好似得幾塊窗簾布好少咁，其實食落好爽口亦好飽肚，個汁似係肉醬意粉啲肉醬再溝左啲五香肉丁咁既味，辣辣地幾惹味😋.#海鮮慢煮醬粗管麵 $140💭粗管麵個質感同寬條麵一樣，不過將窗簾布變左枱腳套咁既樣😂一樣夾口好味，啲蜆好大隻🤩好鮮好甜，🐷當橡皮糖咁咬左好耐先捨得吞，上面鋪左啲咸火腿咁既野，好咸但係夾到海鮮味既.#凍檸檬茶 $-💭今次想寫既唔係味道，而係服務👍🏼杯檸茶味道其實就正正常常架姐，事緣係店員上錯左碟意粉比🐷，不過都只係一分鐘都無既事就已經尼收返走，然後佢地就送左兩杯飲品尼，🐷頓時覺得加一服務費比得心

同事笑說這是全港吃意大利pasta最好的地方。就今日放飯人少少易揾位去食。離遠見到有堆人在門口，打定輸數，以為無訂枱冇得食，但原來舖仔細細，内裡甚多座位，我們又願意坐counter，因此終於可以試到這裡的正宗意式pasta。不用煩，set lunch最好。分三個價錢。我們二人都選了Set B，頭盤都是沙律，份量不細。我點了卡邦尼，看似平凡，但超好味！香濃的芝士，加上香脆的煙肉片，飽都要食到清碟！同事點了要加$10的牛肉醬寬帶麵，芝士也是毫不吝嗇的份量，以茄醬為主打的汁也好味！超滿足。甜品方面，同事推薦一定要食Tiramisu，果然超好味，真心，其實一杯咖啡加這個Tiramisu 已可以成為我的一餐，單是吃這甜品已值回票價！Set lunch 包一杯紅茶，可熱可凍，但如能配意式咖啡會更滿足！