Peko Peko Eatery (勝利道) (已結業)

見屋企附近開咗新餐廳，就一家大細去試下~我地嗌咗共五樣野，包括辣蕃茄大蝦意粉~少少辣好醒胃，連本身近來無咩胃口的我都清哂成碟~日式炒飯~屋企人話對佢地來講有少少咸但都好好味~竹炭牛扒~呢個係最令人驚喜的，起初見到碟牛扒上檯時有點擔心，未食過牛扒係咁樣煮的，都唔知好唔好食㗎…但老公一試就話好好食，層黑色脆皮包住嫩口juicy的牛扒，點埋伴碟的橙色南瓜汁，一流！（仲忍唔住問侍應拎多一小碟南瓜汁）另外仲嗌咗個兒童餐同炸雞，但掛住食無影相😅臨尾餐廳送上跟兒童餐的雪糕，大大球，一食就知道係自家製，𢳂落去好軟滑，一問之下原來係餐廳自製的玫塊雪糕，佢地話當晚有大紅袍茶香雪糕同玫瑰雪糕，見係小朋友食就比玫瑰雪糕~好香玫瑰花味，轉眼小朋友就食哂啦（所以都係冇影相）總括嚟講，呢餐喺何文田區算合理價錢，最緊要係好食得來服務又好好，職員們的態度都好親切，又會主動問我地對食物的意見，好有誠意。值得試完再去的餐廳！p.s.如果食物份量可以增加會更好，女士就無問題，但男士只食一碟的話就未必夠飽了

食物有五星級酒店既水準，環境清新舒適。又唔會趕客走！新派日本西餐，幾特別！同幾個好姐妹都食得好開心同滿意！食物同咖啡好有heart ！待應不停同我地加水同花茶！服務好貼心👍🏻性價比高會再次光顧！支持年輕人創業！

跟本不是做餐廳，食品：一般差分量：少態度：正常效率：過低上菜時間需時50分鐘以上，如肚餓千萬不要過來。開業已兩個月，諗住試下，牛扒等了55分鐘，確實花了很長時間，來熟很難食的牛扒，能夠整難食的牛扒，確實很好的廚藝。其實轉做 coffee shop可能會好d。

同朋友經過勝利道，見到一間新開嘅餐廳，感覺好清新，而且舖外我就已經聞到一陣好香嘅咖啡味！見舖裏面都幾多人嘅，大約有九成滿啦，多人幫襯即係代表味道都唔差啦，所以就決定同朋友喺度食晚餐啦！咁睇咗餐牌見到有個幾特別嘅健怡套餐，入面有慢煮雞胸、牛油果沙律同蕎麥麵，我立刻覺得好啱我食，唔會太肥又夠飽肚，所以就叫咗呢個啦，而我朋友呢就叫咗個海鮮炒飯！個健怡餐一送到嚟，就覺得好靚，啲蔬菜同沙律嘅顏色配搭得好好，立刻令到我食慾大增，而且個慢煮雞胸真係好juicy好好味，同蕎麥麵簡直係絕配，成個餐好味得嚟又冇罪惡感，超正！朋友嗰個海鮮炒飯，我都偷食咗兩啖，個炒飯裏面充滿咗三文魚肉同魷魚，所以食落好鮮味，明顯都好足料嘅而且都幾好味！不過好可惜因為食嘅係晚餐，我就冇點咖啡嚟飲，因為夜晚飲咖啡會瞓唔着，所以我都係諗住搵日中午過嚟食個lunch順便試埋杯咖啡！

聽朋友介紹何文田新開的餐廳不錯，假日下午便和另外兩位朋友去試下～當日餐廳仲係試業中，但入座率都有8成以上！一入餐廳裝潢幾開揚簡潔，而且環境比想像中寬闊，幾舒服～午餐前菜同主菜都可以自由配搭，食物的骰賣相同味道都唔錯，麵豉湯唔會太咸牛肉幾軟熟唔「硬」，玉子同三文魚梅子沙律開胃，吉列蠔熱辣辣幾好味！吉列豬扒油左少少，但味道都不錯。試左三款雪糕：椰子超級薦豔！大紅袍茶味幾濃，玫瑰香但唔係香精味，好食！！不過可能試業中，遇著咖啡機壞了，試唔到朋友推薦的海鹽咖啡同我想試既紫薯拿鐵，希望下次再黎可以飲到啦～

同朋友們搵地方吹水聚一聚，見到呢間新開既日式西餐廳，裝修好和風，全站傢私以木為主，決定去試下。叫左兩個沙律兩個主食加橋麥麵，超飽。梅子沙律啲蕃茄仔味道好特別，應該係調劑過，酸酸甜甜，菲達沙律堅有大大舊無花果，抵食，反而蛋卷無咩驚喜。主食叫左三文魚同牛面頰，三文魚又唔腥bor,牛面頰夠林又入味，唔錯。朋友叫左德國腸松露薯蓉，薯蓉好味，好香黑松露味。飯後叫左幾隻雪糕做甜品，有玫瑰，竹炭同大紅袍，玫瑰好香于玫瑰味但甜左小小，竹炭有椰子味，我最愛茶味雪糕，夠清新！

今日放假就約下朋友食飯吹下水，知道係朋友公司附近開左間餐廳，就去睇下有乜好食去到見環境闊落，舒適。就滿心期待入去試下特式泡沫：紫薯淡而無味Fruit punch朋友點左fruit punch 諗住應該無死啦，點知酸到爆，勁似西柚汁多D蘑菇意大利飯蘑菇幾香口，可惜D飯真係好硬，D飯好像未熟咁，份量勁少香焗西蘭花呢個算係唔差，正常反D，Ok既63度卡邦尼卡邦尼都幾好味，好香，夠creamy 竹炭牛柳呢個係最失望，無乜味，黎到一點都不吸引，加上咬落去個啖已經覺得唔ok。係失望，呢個價錢完全唔值！試左一次就算。

收工見屋企樓下開左新餐廳就入去試下嗌左2樣野一個4籽意粉一個炭燒牛先唔評論d野好唔好食喇單單依2樣野我等左足足45分鐘先一齊黎到d野食黎到我發現個牛無左d薯角咁就問下個侍應點知佢態度勁差咁話無丫然後我就show個餐牌出黎比佢睇寫住有佢先死死地氣拎返入廚房點知出到黎佢比左烚薯我究竟知唔知乜嘢叫薯角白雪雪咁既薯角我都第一次食好喇到個4籽意粉果3粒乾到柴皮咁又勁咸既帶子出曬事不過都費事再同返個侍應講唯有求其食完就黑住面咁走講真如果個廚房未ready就唔好開門做生意住食果2樣野等足45分鐘真係唔會再幫襯我眼見都有2枱人等唔到走左人咁樣落去真係唔會再有回頭客

勝利道越黎越多餐廳選擇，食得多日本野見到呢間餐廳新開，其實未正式開張見佢寫仲係試業中，見環境幾舒服咁同朋友都走入去試下個dinner我地邊等朋友黎就叫住冰滴咖啡飲住等等埋個朋友黎到先叫野食侍應都無催我地仲有求必應，服務態度幾好我地order左個松露磨菇忌廉湯、凱撒沙律、扒大蝦海鮮意粉（辣既）、法式燴牛面其實本來想叫牛柳食，但可惜試業中未有侍應推介左我地食牛面牛面食落又覺得有驚喜！唔錯喎夠淋！唔洗成日去邊食牛柳咁悶可以試下牛面！👍🏻松露磨菇忌廉湯送左個蒜容包🤤真係無得輸！唯一想講既係隻湯匙好似細左D🤣🤣🤣所以最後我地都無扮斯文攞住飲🤣🤣扒大蝦海鮮意粉留意返係辣架都算幾辣！好在我地都鍾意食辣野😆有青口、大蝦、三文魚扒（好味）食完個辣意粉好開胃...🤣結果我地仲加單叫左個日式海鮮炒飯因為比menu個圖片吸引左🤭真係炒得幾好味！有水準！食埋個炒飯就真係夠晒飽！最後仲送左雪糕比我地食🤭我地本來都睇過menu想講如果呢間野有甜品就好喇⋯雪糕好特別，有椰子味、玫瑰味同大紅袍味我自己就最鍾意大紅袍味😆仲有士多啤梨同奇異果乾配埋一齊食好特別無限時食飯真係好開心👍🏻木系裝修坐得又舒服食飽坐下傾下計先走都唔

何文田勝利道有一間正在試業的cafe 《Peko peko 》,今晚可以搵個地方睇下書、嘆杯咖啡及吃晚飯，飯前點了一杯cappuccino($34), 不過都冇所謂啦，奶泡份量都適中，咖啡味道尚算不錯頭盤先來菲達沙律(fig,feta cheese,cherry tomato)($78)，還有加了一些火箭菜及什沙律菜，沙律加了海鹽，整體沙律都好新鮮，無花果及車厘茄帶出了清甜的味道，再加軟滑feta cheese 點綴，整體都過不失。😊主菜方面選擇了西班牙穀飼豬鞍架($188)，餐牌上說明豬隻是食chestnut,份量都算大，豬肉味尚算濃郁，肉質鬆化帶甜，再加上了迷迭香煮成的汁，散發出香草味，美中不足個豬鞍有點過熟，油脂香就一般，肉質都晤太juicy帶點乾,始終不是西班牙黑毛豬，都要煮到全熟，所以都不可煮太生，這點我都明白。碟旁的蘋果醬可以減豬肉的油膩感。欣然地店員請了我食了一個幾特別的甜品，兩球雪糕味道分別是玫瑰花味及竹炭椰子味，雪糕奶味晤會過重，味道都非常突出，特別是介紹雪糕上的freeze dried fruit ,用了來自美國的機器在負47度制作，又不會似平時食的乾果般乾身，都

Peko Peko離地鐵站同火車站都好近，係勝利道又好易泊到車，好方便! 入到去令人感覺好乾淨，地方好光猛好大，又寬敞坐得好舒服😊另外，如果帶bb都有埋bb凳，超級貼心。不過最緊要係食物真係超水準，所有食物都拍得住五星級酒店，食材試得出係好新鮮同用心挑選，主菜試咗日式西餐set lunch，頭盤可以揀兩款，再加一個主菜，有湯，可以跟珍珠飯/喬麥麵，仲有綠茶送，選擇好多。另外，tea既甜品都好好味，coffee/cappuccino都好掂👍Servers服務態度都好好，好關心客人需要。👍 真心推介❤️

今晚同家人去幫襯呢間新開的餐廳，其實大家都知勝利道有好多餐廳，食物的水準都係中規中距，有的好D，有的差D。但係呢間Peko Peko成為我的勝利道最愛。一來他的餐單食物有我鍾意的意粉類、肉類、海鮮，仲有「健怡餐單」。選擇夠多，我估都要花點時間才可試均。食晚我同太太和兩位小朋友（5歳和7歳）叫了：四子意粉、63度卡邦尼、日式海鮮炒飯、明太子雞翼。食物有水準，我個女唔鍾意食意粉，但係食咗一啖四子意粉就不停追食。餐廳待應自動不停為你加清涼的淡淡檸檬味的清水，坐位唔逼，環境乾淨舒適，碗碟講究。厠所略嫌細，但算ok乾淨。唯一是每碟的份量都不算大，男仕齋食一碟可能唔夠飽。不過總的來說是很不錯的勝利道新選擇。