Peko Peko Eatery (勝利道) (已結業)

第三次光顧，之前自己食過覺得食物不錯，今次帶家人來午餐。等位期間，見到門口的SET LUNCH同埋A LA CARTE Menu，媽咪覺得單點的價錢雖然較高，但選擇更多及從圖片看來更豐富好食，所以當坐低想ORDER 時，再問侍應索取A LA CARTE MENU（本身枱上得SET LUNCH餐牌），打算叫2個午餐再另外單點。 意想像不到的情況是，侍應用很惡劣及不耐煩的語氣話： "LUNCH TIME 梗係冇得散叫啦！！叫午餐啦！！" 我地當堂呆咗，我地做咗幾十年人，差不多餐餐出街食，都真係第一次有人話俾我聽LUNCH TIME "梗係"冇得單點餐牌上的食物！ （A LA CARTE餐牌亦冇寫明祇限何時提供）雖然被不禮貌對待，但確實是肚餓了，點了質素不過不失的午餐，填飽肚是可以的，但下次應該不會再去受氣了。

之前黎呢間餐廳食過晚餐,感覺幾好,咁岩今日番工係附近,就黎左呢度試一試佢個午餐。午市$68 - 1飯/烏冬 + 1主食 + 2小食 + 1湯 + １飲品, 咁既質素,抵食啦。我叫左烏冬+牛面頗+superfood沙律+蛋卷*份量唔算多,女士既話應該ok,大食既男士應該唔夠,可以注意一下。

旺角勝利道是我經常到訪覓食的地方，幾乎這裡每家餐廳都吃過了。PEKO PEKO是這條食街較偏愛的餐廳，店的陳設裝修是走簡約木系，空間感夠，給人很舒服自在的環境，加上最重要的是食物質素有保證、健康清新，所以今次要為這間餐廳寫食評，鼓勵一下。今次中午獨個兒來餐廳，試試他們午市自選套餐，最後我點了1)前菜一: 和風吞拿魚卷2)前菜二: SUPERFOOD 沙津3)主菜: 慢煮燴牛面頰4)主食: 麻醬烏冬5)餐湯: 玉米忌簾湯6)甜品: 加$20點了千層蛋糕7)餐飲: 以半價轉了甘筍萍果汁就午市價錢$68套餐來說，值回勝價比，加上食物質素有保證，大家可以來一試。最近知道他們在荃灣區開了分店，希望他們可以保持水準，有時間多推出新菜式，我便有口福了。

疫情期間限聚令稍為放寬，一到星期五放工梗係去搵吃。想搵個闊落又乾淨嘅餐廳同朋友邊吃邊吹水，或者同同事搵個輕鬆環境又舒服嘅地方繼續傾工作，依度的確係好首選。（雖然今日我一個人黎獨吃晚餐）係勝利道一眼就搵到，因為個黃色鋪面好易認。甫入餐廳，樓底高之餘座位又闊落，侍應都幾有禮貌，環境都好乾淨企理。睇餐牌已經有好多選擇，dinner set 酒水 飲品都樣樣俱全，有點花多眼亂。由於一個人吃，又唔可以點太多，最後簡左份雞肉沙律。新鮮食材一吃就吃得出，一碟沙律有齊三款醬，我過侍應佢話有黑醋，檸檬醋 同莎莎醬，配搭新鮮沙律菜，雞肉，牛油果非常ok。再加埋份冷蕎麥面，份量夠哂足。飲品叫點左杯熱檸檬生薑茶，聞落都幾香，但就淡左d，薑味同茶味和諧嘅味道反而顯得失色喇。我估唔知係咪因為茶泡得唔夠耐所以咁，有待改善。邊吃嘅時候個場越黎越full ，人越黎越多。後廚飄散一陣陣食物嘅香氣，我最後都係點左個甜品心太軟以滿足下自己，流心嘅內陷goood。總結食材係新鮮，服務都滿意，基本嘢都會做齊，又肯回應食客嘅問題，唔係hea覆。吃完今次我諗我會約多幾位朋友試下佢嘅肉類（吃肉獸一名），再點下wine ，試下其他菜式，

昨晩2人聚會pre birthday 🍰 先讃湯放旁邊法飽焗芝士好好味，有心思⋯正！因為多數放湯伴碟多數一件cookie或蒜飽，今次焗芝士蒜飽，order 左兩款意粉、我哋都話夠夠牙、好有口感好満意、唯一蜆仔肉就少了少少～hehe 甜品cake,都幾好啦！不太甜👍服務生態度及環境算可以•

當湯粉麵同茶記果d食得多既時候，有時就會想食d唔同d既外賣。所以，今日就去買左呢間餐廳既lunchset外賣黎食。佢既lunchset係幾個main揀一個，再喺五六個小食度揀兩個。對於鐘意食夠tender既煮牛肉既我，Main就果斷揀慢煮牛臉頰肉。小食原本想揀個沙律，不過咁岩冇哂，所以就揀左玉子燒同炸芝士年糕。牛肉既份量幾夠，兩三舊都算大舊。肉既口感，確實唔錯。牛臉頰本身係比較多膠質既部位，所以煮完之後林得黎，又有番果種帶少少煙韌同黏黏地口感。調味就同想像中有d唔同，雖然食到佢有香料味，但味道上就係咸，唔係用紅酒炆，帶d酸甜果d味。小食就普普通通，份量就唔算多。餐跟湯同凍Earl grey，或者價錢係比湯粉麵同茶記貴d，又好似冇外賣既折頭，但間中轉下口味食下都唔錯丫。

之前試過堂食，食物擺得好精緻，食都食得開心D, 因為經常要排隊，所以要好彩先有得食！而家被迫要買外賣食，所以幾時都食到啦！但估唔到外賣都裝到堂食咁精緻，分好一格格，另外又有紙盒裝住，咁D食物味道咁Keep得設好好，而且十分美觀！呢個已經係我最愛既組合，有芝士年糕，上面特登加左少少糖，食落無咁油膩；日式蛋卷，中間有少少紫菜卷住，甜甜幾好味；主菜係牛面頰，又夠淋又好味，；我通常都配麻醬烏冬，唔會太多醬浸住哂，仲加左D粟米粒，好正架！蝦餅係加$20叫既主菜，呢個都幾好食，但相比牛面頰做主菜就好似太細份。係個湯比較麻麻地，太稀啦！

喺限聚令下每枱只可坐2人，加上晚上又唔俾堂食，結果搞到午間嘅食肆反而更逼人，今次好彩遇着間有位，我哋4位仲可以預到兩張相鄰嘅枱俾我哋。環境嚟講間真係算寬敞舒適，而且光線明亮，亦可上網，坐低傾計睇書都好舒服。食物方面午餐同下午茶嘅選擇都唔錯，是日食咗份牛臉頰，其中尤其欣賞個芝士年糕前菜，怕太飽可以揀食甜品蛋糕配咖啡。店員嘅服務都好好，本蟲特別欣賞佢哋播放嘅音樂，唔係一般嘅罐頭音樂，令人有一種悠閒嘅感覺。

喺旺角行咗一日諗住去搵啲新嘅Cafe打下卡但係因為太多人又太熱啦。所以就入咗呢一間Cafe諗住食個下午茶呢度環境舒本身諗住飲杯野但係見到下午茶個Menu又幾吸引所以就叫埋個千層蛋糕配玫瑰花雪糕個雪糕超級好食！好有驚喜！有濃濃玫瑰花茶味道又唔假既味！千層蛋糕係士多啤梨味。配搭買一杯凍既伯爵茶。簡直係非常寫意同非常消暑另外仲叫咗一杯雜莓乳酪❤️下次要試埋啲鹹嘅嘢因為見到佢有好多鹹嘅食物！都好吸引！經過可以去hea 下。

行行吓見到呢間餐廳幾吸引 環境好舒服同幾個朋友食下飯傾吓計都唔錯一坐低叫左幾杯野飲 Mixed Berries Smoothie好味 酸酸味味咁好解渴個沙律都相當大份 牛油果好新鮮田螺薯蓉同吉列蠔都唔錯值得一提既係個黑松露蘑菇湯好香好濃其他菜都正既 米粒麵就非常有驚喜可惜有人唔食牛 如果唔係本身加牛面頰會更香不過個慢煮三文魚略嫌太冧 肉質比較散整體黎講 啲staff服務好好 座位好闊落 啲野食又好味 係三五知己飯聚嘅好地方

呢間餐廳開左一段時間，在最近先有時間去試！第一次食係同朋友去食堂食，69蚊有個lunch set，有主食、有前菜、有湯、有嘢飲，難怪坐無虛席。第二次食係叫外賣，用外賣apps叫，好快就送到，不過食完先發現原本加左12蚊的即磨咖啡漏送左，即時打返落去餐廳，負責人好有禮貌咁話唔好意思送漏左，估唔到10分鐘後就送返杯咖啡上嚟，真係抵讚！極力推薦，一定要試！慢煮牛面頰，煮到好林，好入味，試意推介！會再幫襯！

到達勝利道，選了這家裝修清新的西餐小店吃晚餐。門面不大但原來店裏非常寬敞。三人行，點了二人晚餐，再點了一個小食，湯及主菜，剛好。先來的是煙三文魚凱撒沙律（沒拍照）。蔬菜很新鮮，咬下很爽脆，醬汁也剛剛好不咸。蘑菇湯非常濃郁配上忌廉更加香滑。配搭著的蒜蓉包看上去不錯但不太脆口。家人點的是法式洋蔥湯，芝士厚濃，配上甜甜洋蔥湯，不錯小食白汁煙肉莧菜焗蠔，有驚喜。莧菜配蠔軟軟滑滑的感覺，加上有𡁻口的煙肉，不咸又滑的白汁，整個感覺都很柔和舒服。蒜香白酒蜆肉意粉，最欣賞是意大利粉的質感，剛剛好不太軟不太硬，唯獨蜆肉味道不明顯，蒜香及白酒味道較為突出。主菜是西班牙豬架，普普通通，是可想像的味道是晚最喜歡的是這個焗釀鵝肝雞卷，雞肉烹調得剛剛好，皮脆肉嫩，鵝肝份量也是計算在內，不太濃但有淡淡的鵝肝香滑。是日甜品綠茶千層餅配雪糕（忘了是什麼口味），由於不好甜故由家人吃掉另外點了冰滴咖啡，草莓香蕉乳酪奶昔，混合果汁，大家一致好評，記得試試他的飲品囉。總結而言裝修：走日式清新風格，座位非常闊落，枱之間空間感十足，是嘆下午茶或聚會的好地方。食物：味道及上碟也是用心規劃過，比一般的Cafe小店看得出付出的心思。服務

今年情人節唔想特登book餐廳，所以行咗一陣街後，見到上次去食過嘅呢間餐廳，就走去望下個餐牌，睇下有冇情人節套餐！見佢真係有套餐，睇落都唔錯，就決定呢間！前菜有兩度，迷你蕃茄水牛城芝士沙律同煙薰三文魚，沙律入面芝士和蕃茄多樣的配搭令口感同層次都豐富，而三文魚配青蘋果啫喱配搭新鮮又有驚喜！之後個海龍皇湯勁足料，但略嫌不夠熱，不過勝在海鮮新鮮而且味濃不咸！主菜就4選2，我哋揀咗羊架同紙包香焗盲鰽，羊架唔蘇而且生熟適中，佢哋仲話羊架係限量提供嘅，而焗盲鰽魚清清地又唔會焗過火，味道唔錯！最後係我最期待嘅甜品，藍莓香蕉Crumble配雪榚，佢哋個雪糕係自家製嘅，夾埋一齊食簡直係絕配，好好味！

又係一個人搵食時間難得黎到何文田附近，試下呢度嘅餐廳揀左間日西料理因為見到佢個menu超豐富！前菜可以揀6選2主菜都有6款可以揀我揀左個鮮蝦芒果沙律同和風吞拿魚卷蛋主食就要左慢煮牛面頰配蕃茄濃湯烏冬芒果沙律，細細份芒果汁未夠均勻，不過沙律菜尚算爽甜和風吞拿魚卷蛋屬凍食味道不錯，有甜蛋味牛面頰都幾淋不過味道唔夠濃，唔係唔入味而係調味不夠蕃茄湯烏冬唔夠蕃茄味感覺一般仲有個忌廉海鮮湯材料豐富，忌廉湯唔會太膩食物還可啦不過重點係呢間餐廳店員服務好好我到店時手機差不多無電問店員有無得叉電😅店員提議我將電話放櫃台叉電我都好滿意點知後來店員直頭俾左個私人嘅portable charger俾我太感動大感激！

同小朋友黎食最皆大歡喜！有卡邦尼意粉或兒童餐可以滿足佢🥰大人有美味脆皮薯片口感嘅豬手！日式海鮮鍋鮮甜到停唔到口！仲有杯中物點綴一下，令味覺更為精緻！小店有酒店式服務質素亦不失溫馨，介紹到位亦無硬銷感覺，已成為御用飯堂！