Peko Peko Eatery (勝利道) (已結業)

伴碟很精緻，好睇又好味，尤其黑松露薯蓉。Rainbow bowl 7色足夠一日既所需食物顏色，健康食物首選。Carbonara整得好正宗，意粉夠dente 連埋溫泉蛋撈埋芝土汁，感覺滿足。忌廉蘑菇湯必試，忌廉打起好鬆加埋蘑菇香，好似享受緊咖啡既感覺。

今日黎左一間係疫情下見到佢開張既餐廳食午餐😍一直都無機會試門外望入去餐廳裝修得幾有品味，雖然簡單以白色同木色為主，但係令人勁舒服，仲有好細聲既音樂陪伴我午餐，感覺都幾舒服😍Order:午市套餐A $72（小食任選2款+主菜1款+湯+珍珠飯/湯烏冬+1杯泡伯爵茶）一個人嚟食叫一個餐套都可以有幾款唔同既食物，我覺得甘幾好，起碼唔會限制左一個人只可以依一款食物甘悶🤣我覺得和風蟹子沙律同埋呢個韓式泡菜餃子都唔錯，餃子外皮夠脆👍🏽今日湯係粟米湯，味道好濃既粟米味🌽不過我覺得牛面頰就比較唔入味，味道好淡呀，牛頰唔夠軟身可能因為用慢煮既方法，不過整體來講都可以接受而家餐廳做緊優惠晚市喺OpenRice訂位有八八折另外星期一至星期五唔洗加一服務環境：👍🏻👍🏻👍🏻👍🏻食物：👍🏻👍🏻👍🏻服務：👍🏻👍🏻👍🏻👍🏻Peko Peko Eatery📍Peko Peko Eatery (勝利道) (何文田)何文田勝利道1-3號地舖

星期五嘅夜晚揀咗食呢間位於何文田餐廳，雖然佢寫話何文田但其實比較近旺角，由旺角地鐵站行大約8分鐘就到。第一次嚟呢頭原來附近都有好多嘢食，下次會繼續睇吓仲有咩好食嘅餐廳。今餐飯用咗OpenRice訂位有88折，好抵食😋我哋三個人分別嗌左一個二人set同埋一份小食。值得一題侍應嘅服務態度好好，知道我哋三個女仔食嘅份量，亦會推介我地餐廳出名嘅食物👍首先前菜係招牌蘑菇湯同埋三文魚沙律🥗蘑菇湯啲蘑菇切得大大粒，都幾有口感，不過個感覺就比較杰身，有啲糊仔嘅感覺😅個人就唔太鍾意杰嘅湯，不過旁邊嘅蒜蓉包好好食😋上面加咗啲芝士去焗，送湯一流😋煙三文魚沙律🥗同埋叫咗個烘焙芝麻雞🐥沙律大大份好抵食👍而芝麻雞原來就係日式嘅塘揚炸雞😂上面加咗啲胡麻醬，炸雞係新鮮嘅熱辣辣主菜就叫咗明太子意粉同埋牛扒明太子意粉好好食😋上面嘅汁好夠味，仲有兩隻帶子同埋幾粒魷魚🦑，同埋都好creamy，鍾意食明太子嘅人應該都會鍾意呢個意粉牛扒牛扒叫咗五成熟但感覺佢遲七成多啲😅牛肉都夠啦不過肉味就唔夠出，可以再改善下🤣配菜有驚喜係薯角，熱辣辣脆卜卜好新鮮

放低狗狗抽血，同屋企人行近幾步揀吓午餐食然後就食左呢間好一般，其實有啲想差評🤭今次分別叫左午巿套餐我：和風蟹籽沙律＋青蘋果華都夫沙律＋鹽燒鯖魚媽：鮮蝦藍莓蜜桃沙律＋和風咖哩雜菜餅＋鹽燒鯖魚配飯跟餐湯個人認為鯖魚同和風蟹籽沙律最好食😋成個set好似去左日本食早餐不過如果小朋友或老人家食要小心，鯖魚排有小小骨咖哩餅都好香口青蘋果華都夫沙律就不過不失，可能係因為多醬好似好肥🤣最差係個餐湯，飲落口係罐頭羅宋湯😟羅宋湯已經同個餐啱夾，仲要好似係罐頭味即刻減晒全部分如果係面豉湯，正正常常就冇咩既🥲飲品方便唔錯，叫咗即磨咖啡同Cappuccino好香，詳細啲就唔識飲啦😆總之唔澀啦不過不失，但個湯好差🤔食物普普通通可能係賣環境？唔明白點解會禁多人食🤭

我成日都約埋幾個朋友黎食飯 呢到坐得又舒服同埋啲嘢食好抵食😋仲好記得我地次次黎都會問佢地既員工 今日有無鯖魚因為之前個幾次Menu上面張圖有鯖魚但下面就無佢地每次都好好禮貌咁答我 「唔好意思啊 暫時無鯖魚提供比大家🙏🏻」仲會介紹其他選擇俾我！ 幾日前再次去幫襯佢地 終於俾我等到有鯖魚！咁個個後生仔 就主動行過黎同我講 「我地轉左個Menu啦,以前嗰個漢堡扒就無啦轉咗做鯖魚。可以慢慢睇吓」我覺得有鋪頭既員工會記得個客食咩仲會主動埋嚟同你傾偈係好有人情味，再者我每次黎都問一次有無鯖魚佢地都無好唔耐煩咁答我 相反仲介紹我食其他嘢。我覺得不得不讚佢地咁多位員工既服務態度！👍🏻👍🏻

叫咗個下午茶，窩夫配自製雪糕、熱latte。窩夫賣相好靚，但食落有點失望。一咬落去係脆的，但入面鬆pout pout好唔充實，好似落唔夠蛋漿咁。唔通佢係特登落少啲蛋漿想營造一個鬆脆效果⋯？奈何蛋漿冇蛋香，好淡。個忌廉亦失望，打得幾靚但唔香唔甜，冇味道，係奶嘅問題。生果係新鮮的，個雪糕未算滑但亦食得出點點伯爵茶味。Latte的咖啡味唔算好香，但咖啡師沖得好好手勢，温度得宜，奶泡好棉密拉花又靚，仲好大杯，補番少少窩夫嘅失分啦！

2個前菜俾錯灑，冇樣係我想食，又冇俾餐具。冇餐都唔知點食。唔對單就俾人，攞咗個外賣都唔會再花10分鐘出去換過啦！唔該下次對灑單先俾人。食物係冇問，但係外賣好差。幫親幾次今次係最差。

12月25日聖誕夜，唔想煮又想食西餐，近近地係屋企附近pekopeko去問吓有無聖誕（半）set可以俾我買！本身佢嘅聖誕set係6個人食. 店員很好, 俾我order半set仲介紹我要選擇乜嘢好食! 食物準時預備好, 仲有一枝細香檳可以慶祝一下！食物如下：*意大利風乾火腿配蜜瓜，仲有沙律*炸水牛雞翼*大蝦茄汁意粉* BBQ汁燒排骨*日式抹茶紅豆千層蛋糕兩件所有食物都好食！好味道！本身之前有幫襯佢地lunch都食物水準唔錯的！可以再幫襯！

🍰ᴅᴇssᴇʀᴛ· 窩夫配自家製雪糕 $62﹟個窩夫係我至愛既焙茶味😍食落茶味都夠出, 熱辣辣食, 外層還是脆脆的, 中間都唔會話好重粉既感覺, 個人認為少少偏甜😳旁邊仲配有一球雪糕都係焙茶味架😛🍴ᴍᴀɪɴ· 香辣茄意大利麵 $68 ﹟雖然係下午茶menu, 都有諗過d份量會相對地少左, 但係出到黎都唔算太少, 食落意粉質感剛好, 唔會太腍或太硬, 簡單配上蕃茄, 酸酸辣辣咁, 幾開胃🥰🥤ᴅʀɪɴᴋ· Hojicha Latte套餐轉配加$23﹟原本套餐有跟普通茶e.g. 冷泡伯爵茶, 轉餐飲就正價減$15💁🏻‍♀️果然無叫錯, 拉花係勁cute既貓貓🐱飲落奶同茶平衡恰當, 不失焙茶味之餘, 口感十分幼滑, 飲到底仲要係0粉末‼️好難得🤩🤩🤩🥤ᴅʀɪɴᴋ· Latte 套餐轉配加$21﹟依杯係朋友叫既, 有好可愛既狗狗拉花, 朋友話飲落都係好順滑, 咖啡味都夠香濃～

日頭食午餐價錢合理食物也OK，第一次外賣自取，沙律都唔錯，不過食物凍冰冰，啲飯好硬食到胃痛。午餐同晚餐的食物一樣，但是晚上的價錢比午餐更加貴，但是質素下降，十分唔抵。😓

午餐諗著食得健康啲，於是就搵下啲份量唔大同埋清淡啲嘅餐廳，行過見間餐廳果名幾得意，叫Peko Peko，見呢道嘅午餐HKD 68可以選兩個前菜，一個主菜同一杯野飲，仲可以揀食飯或者烏冬，好似幾吸引。甘我就揀左個吞拿魚蛋捲，superfood沙律🥗，照燒雞扒🐥配烏冬同埋伯爵茶🥃。黎到見面份量真係小，不過成set擺得幾靚，好精緻。啲野都幾好食。個蛋捲好軟，有啲吞拿魚，好味呀～Superfood沙律有啲牛油果🥑，加埋個醬係開胃嘅~個雞煎得幾香，不過份量偏小，我食晒成個餐都仲肚餓🙈

-🦄PEKO PEKO EATERY @pekopeko.eatery-自選午市定食套餐 Hkd68Rating🌕🌕🌕🌗🌑紅柚鮮蝦沙律Rating🌕🌕🌕🌗🌑SUPERFOOD沙律Rating🌕🌕🌕🌑🌑日本帆立貝泡菜Rating🌕🌕🌕🌕🌑-雖然 @pekopeko.eatery 近排係荃灣開左新分店🤭但係我都係去左何文田分店嘆我個午餐🤣真心覺得68蚊嘅呢個自選午餐幾抵食🥰而且我有學生價優惠就變咗61蚊🤩仲要免加一👍🏻-自選午市定食套餐🍱🔻首先可以簡食烏冬🥢又或者食珍珠白飯🍚因為好耐冇食過烏冬喇🙈所以最後簡左食烏冬另外我仲要求走醬😌因為唔係咁想食胡麻醬👋🏻本身仲以為個烏冬係熱嘅 點知原來係冷烏冬😯不過都唔緊要 因為冷烏冬比熱嘅會更彈牙🤪我自己走咗胡麻醬 所以烏冬會比較乾身😗不過烏冬都算煙韌 加上我撈咗啲泡菜汁食😋所以係好夾好惹味🥰份量偏少但我已經覺得好足夠🔻前菜方面 我簡咗嘅兩款沙律都唔錯🥗👍🏻紅柚鮮蝦沙律嘅鮮蝦🦐都算大隻🥰又彈牙🥳配上少少柚子 微微嘅酸甜 幾清新開胃👻SUPERFOOD沙律就係有齊晒牛油果🥑同藜麥仲有我好鍾意食嘅煙三文魚🍣全部都係健康嘅食材味道都唔錯👍🏻我特別鍾意佢面頭啲

之前去完勝利道睇狗狗後，同男朋友一齊去咗呢間餐廳到食飯，估唔到都好味同埋店員服務好好💕上網睇返，原來係由5星級酒店大廚坐鎮⭐️👨🏻‍🍳🔸粟米湯粟米湯好湯，食到粒粒粟米🤤配湯嘅餐包好好食！好脆，上面釀咗芝士😚🍝63度卡邦尼($112 𝑤𝑖𝑡ℎ 𝑆𝑜𝑢𝑝 & 𝐷𝑟𝑖𝑛𝑘)雖然係偏港式，好多𝑐𝑟𝑒𝑎𝑚嘅𝐶𝑎𝑟𝑏𝑜𝑛𝑎𝑟𝑎，但係好食嘅～意粉質地彈牙，好creamy，蛋香芝士同火腿嘅咸香混合埋一齊，同出面其他Carbonara比較，佢係中上嘅😋🍝冬陰蟹肉三文魚意粉($128 𝑤𝑖𝑡ℎ 𝑆𝑜𝑢𝑝 & 𝐷𝑟𝑖𝑛𝑘)第一次食冬陰公意粉，味道好刺激，酸酸辣辣好醒胃！意粉彈牙，蟹肉碎喺意粉入面唔係咁明顯，相反三文魚煎得好嫩，索哂冬陰公嘅汁😋另外有兩條茄子仔，加埋D香菜同冬陰公泰式𝑠𝑡𝑦𝑙𝑒好夾～🍹桂花火焙烏龍茶冷泡🧊桂花清香，茶味唔算好濃，不過解渴可口。🔸心太軟(𝐷𝑖𝑛𝑛𝑒𝑟 𝑠𝑒𝑡+$25)𝐿𝑎𝑣𝑎嘅效果係有嘅，但可惜俾面頭嚿cream遮著咗。食落外層口感濕潤，唔係有焦脆口感嗰種，朱古力味濃🍫加$25就有都係真係抵食！可能位置比較入，餐廳唔算多人，不過個女店員好熱情好𝑤𝑎𝑟𝑚，環境亦都好舒適，餐枱之間好闊

係新既海之戀商場插旗既新餐廳Peko Peko主打輕盈健康 日式西餐廳店內裝修亦充滿日式木系既小清新風格.自選午餐 $78 淨係前菜沙律都可以揀兩款+一個主菜+羅宋湯 + 跟飯/胡麻烏冬餐飲冷泡伯爵茶/ 咖啡.🍗蝦沙律+ superfood 沙律+香烤雞扒雞扒烤得幾入味 肉質細嫩Superfood沙律就比較少salad dressing 反而蝦沙律有驚喜 蝦肉亦有彈性.🐟菠蘿雞肉沙律+superfood沙律+鹽燒鯖魚鯖魚燒得剛剛好 外皮香脆 但唔係幾夠鹽味感覺少咗個點魚加蘿蔔蓉既sauce胡麻烏冬都幾彈牙 我唔介意胡麻醬可以再多啲😋以健康既日式便當黎講係幾豐富

何文田勝利道輕鬆寫意，高質素的隱世親子餐廳😍每個星期日都係我地出街食既日子，因為工人姐姐放假😂😂😂係屋企附近，有一間內部裝潢簡約寬敞時尚，木傢俱令人感覺悠閒，滿足到一家大細的胃和心靈餐廳服務員的態度好好，食物睇得又食得，指定動作打卡📸食物的質素係勁過酒店，西式創意菜式，睇得食得，包你有驚喜。兒童餐有小朋友喜愛車車做型，炸雞香口，小兒至愛意粉，可以自己食曬👍🏻 冬陰功蟹肉意粉，出奇地好味。日式炒飯，飯粒粒分明。餐廳提供兒童椅和專用餐具，推介給各位想食到美味又付出不多的一間餐廳❤️