Pause It

营业中

休息中

放工好攰想食café 遠離煩擾一下，就黎左pause it。餐廳免加一，環境舒適好有一種俾人抖抖氣休息既感覺。 牛肉芝士漢堡配薯條，份量好大，擺盤漢堡既包裝紙仲有句pause it and drink coffee，好有小心思。塊牛肉超厚又夠juicy，加上好fresh既沙律菜同蕃茄，我地2人share 岩岩好，唔會太heavy太膩。紅酒汁慢煮西班牙豚肉碎長通粉，個醬調得好味，火箭菜下有香濃既芝士，再有好多肉碎，每條通粉都有肉醬沾上，非常美味。我地拎左漢堡既脆薯條沾上肉醬食，完全冇浪費，非常開心。紫薯Latte，拉花係一盤心型既花花，加埋紫薯既粉紫色，好有少女心。轉左燕麥奶，有好香既燕麥味道，又有香甜既紫薯味，幾正! Pineapple fizz，菠蘿特飲，甜甜既菠蘿汁加上梳打，少少檸檬既酸味，又fresh又清爽。餐廳仲有咖啡拉花班同手沖咖啡班，見到有咖啡師仲係拉花比賽入圍者，見到好多海洋系列既圖案，好創新。

剛昨日到旺角上堂， 附近原來開了一間極有水準的拉花Cafe！除了咖啡☕️外，我好鍾意黑芝麻Latte㗎，呢間cafe 的芝麻鮮奶我覺得真心好飲☺️ 濃濃芝麻味同鮮奶簡直一拍即合！另外仲點了egg Benedict ,自家麵包好有口感，加上poached eggs一切開蛋黃流哂岀黎，賣相極吸引！原來餐廳仲有咖啡☕️課程，有咖啡拉花同埋手沖咖啡班，好想學呢！🤩Pause It Add: The forest 地下G11鋪

Pause It (旺角) -又來到旺角嘅飯堂啦！因為呢度坐得又舒服，而且價錢都好親民，平時約朋友食飯最鍾意喺度食飯吹水🧡🔍 芝士黑松露薯條 🍟 $68 🌟🌟 大力推介超邪惡薯條！薯條份量超多唔再講，仲要有海量嘅芝士 🧀️ 勁多黑松露醬係上面，每條薯條都係勁多芝士同黑松露，芝士味勁重，可以話係超級邪惡，打卡一流，完全食到停唔到口😍 食完望返就會覺得好有罪惡感了🫣 🔍 紅酒汁慢煮西班牙豚肉碎長通粉 $88呢個紅酒汁豚肉長通粉，識落有啲似肉醬意粉嘅味道，因為都加咗茄醬同埋蕃茄仔整出嚟，而且上面再加左芝士同埋火箭菜，感覺幾清新🔍 科布沙律 🥗 $68 (慢煮雞胸肉 +$20）食返個健康啲嘅沙律！沙律菜好新鮮同埋清新，特別加埋個醬酸酸甜甜好開胃。極力推介個慢煮雞胸肉😍 雖然係雞胸肉，但絕對唔會嚡口或者乾身，食落好嫩滑，同埋好有水份，食落去係水份鎖住嘅感覺。🔍 焙茶拿鐵 $42🔍 紫薯拿鐵 $42去Cafe當然要靚靚 latte 打卡😍 焙茶latte有好香嘅焙茶味；紫薯latte就係淡淡嘅紫薯味，粉紫色咁好夢幻💜-📍Pause It (旺角)旺角奶路臣街17號THE FOREST地下G11號舖

❥ 牛油果慢煮雞胸義大利飯($88) 雞胸調味類似美式煙燻BBQ，肉質唔算好柴意大利飯都加入咗幾多牛油果，所以口感比起一般口味嘅意大利飯更加豐腴，但調味比較淡，好似硬係爭咁幾粒鹽🤣食到最後好容易味蕾麻木同膩 ❥ 牛肉芝士漢堡配薯條 ($108)牛肉漢堡外表好焦香，勁鍾意呢D有燶邊嘅物體😈不過肉扒稍為鬆散，食嘅時候會係咁跌啲肉粒粒出嚟🤣同埋都會冇甘有口感❥炸魷魚配塔塔醬（$68) 掂吖呢個💛外皮炸到超香脆，脆皮嘅味道好有台式炸物Feel，而且每一舊魷魚都好大舊，肉質鮮嫩又有彈性，完全係食到停唔到口🥲另外仲配有塔塔醬，微酸嘅醬汁令件事又再高分左!

嗰日風雲變色，眼看就快落雨之際與友人衝入咖啡店內避雨，發現店舖光線明亮，四四方方的環境位置與位置之間稍微狹窄，卻不失有自己的空間與朋友聊天及簡單而隆重慶祝生日。我們分別點了兩杯意式咖啡，及兩個小食。小食點了一個炸魷魚以及一道鹹蛋黃炸雞翼，炸魷魚看下去炸得有點過火，表面也看到稍微變黑了，不過吃下去很香脆，魷魚圈尚算新鮮，我比較喜歡另一道鹹蛋黃炸雞翼，鹹蛋黃份量落得好夠，雞翼入口香嫩多汁，形成層次的對比，份量大概有4隻開邊。咖啡味道還可，有一半的簡單拉花處理，咖啡豆沒有讓我覺得很驚喜，是一般的咖啡店的咖啡味道。

呢間cafe未搬之前應該都好多人去過，小編們亦唔例外，所以佢哋搬咗之後都係第一次嚟xd 同舊鋪唔同嘅係呢到環境真係好大，樓底夠高，因為有落地玻璃所以光線都會更加開陽同光好多，所以整體感覺係幾舒服的~除左旺角分店之外，北角都有一間，港島區嘅朋友驚遠可以去北角分店都可以。小編們星期日去到walk in下午茶時段都排左一陣隊先有位，所以如果想weekend嚟記得預鬆少少時間la🤓

星期日因為要一早出旺角上堂，打開app一睇發現PauseIt 星期日開九點，把心一橫就去食個靚早。行到餐廳已經好肚餓，睇完menu，毫不猶豫點選All day breakfast. 上餐時間非常快，落單後不消三分鐘便上菜，而且是熱辣辣。煙肉煎得香脆，是我喜歡的質地，沙律菜的醬汁清新，而且沒有我不喜歡的火箭菜，蕃茄有先煎一下，加分！一片多士是誠意之作，食得出香味。其餘包括香腸及焗豆則正常發揮

大家都知旺角有好多咖啡店，但如果想搵一間咖啡同食物一樣高質的話，絕對唔容易。環境闊落，仲有落地玻璃，夠晒光猛。今日點咗麻辣大蜆意粉，完全估佢唔到，夠香夠辣，意粉偏硬，好好好食😋。香脆魷魚鬚，本身冇調味，但夠脆冇油溢味，要靠沙律醬搭夠。另外點埋水牛雞亦，一份6隻，雞亦偏大隻，夠入味。我重點咗一杯咖啡同一杯果汁，買單四百幾蚊，晚餐嚟好抵食。當然要同大家分享一下，pause it細舖轉大舖，一定不會太差。

《以夢為馬💖》係呢到能感受到，咖啡師對咖啡嘅熱誠💫正在喜愛、熱衷，做著這件事！他們是有成就感的！年輕有夢真好！若不麻木氣餒做著同一件事是幸福的。之前都來過幾次，食物各方面都正常發揮！個人都推薦來一試！👍-慢煮雞胸香草麵包配薯條$84- Earl Grey Latte $42-煙三文魚班尼迪克蛋$84 +加配牛油果片$20- Latte $40📍Pause It 旺角奶路臣街17號THE FOREST地下G11號舖

呢間cafe由旺角細鋪果時開始幫襯，到而家搬左大鋪lunch都成日會黎食。呢間木系cafe有好大既落地玻璃窗透自然光入黎，好光猛好舒服。🐷All day breakfast $98有豬肉香腸，煙肉，雜菌，番茄，沙律菜，麥包，茄汁豆同埋蛋；蛋可以隨自己喜好揀煎或者炒；望落去唔係好大碟，但食落好豐富好飽。每樣食物都食得出用心製作，炒蛋好香滑，豬肉腸大大條煎得好香，烤番落亦好juicy!🐷Chicken avocado risotto $98牛油果滲入左每一粒飯，每啖都係好濃既牛油果味，好creamy。雞胸大大塊但又好嫩滑。呢類creamy既飯食多左難免會有炒少少膩既感覺，面頭有一舊檸檬就係神來之筆，吱落去飯度就可以減膩既應覺

🍝🍝🍝有時去到旺角唔知想食咩，都會諗起依度，可以話係旺角既飯堂位置位於The Forest ，有落地大玻璃，非常光猛、寬敞舒適雖然無做set lunch & set dinner，但一樣好吸引All Day Breakfast ($98)全日早餐豐富大大份、有麥包、炒蛋、法蘭克福腸、茄汁豆、炒雜菌、沙律菜、烤蕃茄、煙肉（因喜好skip左），炒蛋香滑，法蘭克福腸大大條，炒雜菌用上了幾款菇類，加埋多汁烤蕃茄，每款食物都感覺到有俾足心機烹調 ，感到好滿足牛油果慢煮雞胸意大利飯($98)一碟大大份，比平時食到既意大利飯多1.5倍左右，目測估計都有2碗飯，每粒意大利飯都有牛油果味之餘，仲有少少微辣，增加每啖飯既層次感，慢煮雞胸唔會太乾太Un，反而非常鮮嫩

｛Pause it｝旺角回訪n次簡約Café .如果喺旺角想搵間Cafe坐吓又想嘆吓高質咖啡☕️同唔錯嘅食嘢@pause__it 絕對係我嘅寶藏餐廳(๑´`๑)♡.✎  Purple Potato Latte & Hojicha Latte @HK$42 兔年限定兔仔拉花ฅ•ﻌ•ฅ 太可愛了吧（可試吓有禮貌地問吓整唔整到）夢幻紫薯拿鐵💜紫薯香偏甜✽好味指數：★★★★☆/5香濃焙茶拿鐵🤎超濃茶香味     #推介.ᐟ .ᐟ✽好味指數：★★★★☆/5.✎  Salmon Egg Benedict HK$78以Sourdough 做底 唔會太硬 加分！上面粒蛋係流心嘅～ 一切開馬上流出嚟建議用刀係中間篤個窿等啲蛋汁滲入麵包🥯(ง •̀_•́)ง✽好味指數：★★★☆/5.✎ Lobster Bisuqe Risotto w/ Grilled Scallops HK$118熱辣辣上碟嘅意大利飯🤍 偏軟身嘅飯粒 配合濃郁嘅龍蝦汁🦞Yummy唯一扣分嘅係粒凡立貝 好韌…✽好味指數：★★★☆/5.⚐ Pause It  @pause__it 地址：旺角奶路臣街17號THE FOREST地下G11號舖人均消費

Did you think a ham and cheese sandwich was easy to make? Think again.This was possibly the worst I have ever had. Two slices of what looked to be like Kraft singles slightly overlapped each other. The top was torched hard and fast - as in slightly burnt but not melted. It tasted like nothing.It sat on some awful tasting ham, salad, and 2 half slices of tomato on top of 1 slice of small, uninspiring sourdough. Was it toasted? Maybe 4 hours ago??? No mozzarella to be found. $84.Decor is fine. Cle

Pause It 係為數不多我會食過番尋味嘅Cafe之一。環境算寬敞，落地玻璃，光線充足，影相打卡一流咖啡唔錯，食物好食，沙律菜好新鮮 雖然份量好似少咗d，都夠飽嘅。初次幫襯煙三文魚班尼迪克蛋。唔單止賣相吸引，味道都唔錯，鍾意呢個荷蘭醬上面燒過更加香同增添咗口感 本人好怕凍美式咖啡又苦又澀，而呢間可以做到又香又濃，一啲苦澀都冇，大讚！再次幫襯係食水波蛋牛油果多士。多士上有半個熟得恰到好處嘅牛油果之餘，表面仲搽咗新鮮牛油果醬，好鍾意個調味，帶有新鮮嘅檸檬汁，酸酸地好開胃。食咗兩次都感覺良好，好想試曬餐牌上所有餐。

今日約咗個朋友傾啲嘢，因為一陣間都要去旺角做其他嘢所以就約喺旺角呢間Cafe等。上網見到採光唔錯，空間感足夠傾偈唔會太侷促。本身想坐窗邊位，但係朝早去到太曬🌞🌞所以坐咗喺角落頭。自己叫咗一個all day breakfast ，朋友就叫咗個牛蛋沙律牛角包。食物味道唔錯，以旺角區可以任坐來講其實都好抵食。咖啡拉花都幾靚，但係唔記得影低。店員亦都好有禮貌，唔會係咁走來要執嘢催你走，令人感覺緊張。如果要喺度同人傾得耐嘢，係一個唔錯嘅選擇😊