PAUL LAFAYET (創紀之城五期(apm))

营业中

休息中

食過 Pierre Herme 嘅馬卡龍 , 總會對其他牌子的 馬卡龍 有些要求 .我嘅要求係 :味道方面 要能夠恰如其份的表達出嚟 .但味道的重要性唔及 texture 咁重要 .今天 我在 Paul Lafayet 試了 Rose、Raspberry、Vanilla 3種味道的 馬卡龍 .得出的結論係 ....味道方面 :Raspberry 的甜味太強 , 唔飲水的話 , 之後食乜都冇味 , 口中只有甜到化不開的甜 加小小酸.Rose 的味道 ok , 不過 要飲過玫瑰花茶嘅人 先至明白 這種味道 , 否則未必會接受.Vanilla 味道 唔係好特出 .texture 方面 (與 Pierre Herme 嘅 level 作 standard 嚟加以比較) :外層 : 脆得嚟 ...唔夠幼嫩 , 略嫌脆層較厚 , 咬落去係 "塊狀" 斷裂開 , 而不能 公整地留下牙齒印 .內層 : 軟韌度 ok , 只係略嫌有 d 啫喱 (膠質) 感 , 唔似正宗嘅蛋白霜 .

今日同肥髀一齊行完山！食完壽司！我同肥髀都喜歡食甜品！可能我投射比阿女！因為我覺得食埋甜品嗰一餐先圓滿！呢間法式甜品店好靚！行過幾次都好想食！今日特登留肚去呢度！仲咁啱有位坐（店內只有兩張枱共四個位，超難得！）叫肥髀坐低之後就行去櫃檯買餅！我對馬卡龍真係好一般！實在甜得過份！完全超出我接受範圍！其他甜品都好多選擇！樣子全部好精緻！不過名稱全部都係法文！真是估估下！所以我揀了：焦糖燉蛋：在雪櫃時係未烤焦糖面！之後店員烤好就試碟，焦糖面好脆，但又唔會好甜！下面蛋凍好滑，蛋味唔重，反而好香呍尼拿味，亦見到蛋凍中間夾雜好多呍尼拿籽！好正！雜莓檸檬撻：呢件係最後一件！上面奶油好滑，紅桑子新鮮，檸檬蛋糕中間有雜莓醬，味道清新但偏酸！食完飯解膩一流！叫完就坐埋位等！可以八達通比錢！店員係兩個後生女仔！服務正常！講真$45兩件唔平！不過又真係同平時食開嘅甜品唔同！nice try!

中秋佳節公司早放，同咗高妹同事去咗觀唐買嘢。買完之後時間尚早，離晚飯時間仲有兩個鐘，所以係Paul Lafayet 度坐底阧一阧食件 cake。到達果時大概五點半，玻璃櫃內仲有約十款蛋糕。全部都排得好整齊，好精緻。我哋order 咗berries & macaron tart 同 lychee strawberry cake 一齊share。兩個外形都好靚，尤其個 tart, 七彩繽紛，面頭嘅材料好豐富，有個大macaron，非常吸引！好可惜，佢內餡不及外觀討好。雖然中間啲custard 甜度適中、生果算新鮮，不過撻皮淡而無味。一"吉"落去就散曬添。高妹同事食咗個macaron，係熱情果味，不過佢就話甜咗啲。另一個相對好食。味道好鮮明，食到曬兩種果味。面頭係士多啤梨，中間係荔枝慕斯，底部係朱古力脆脆。鐘意係用脆脆做餅㡳，咁樣令到整個蛋糕有返口感同層次感！最後，想讚一讚佢哋嘅服務！當曰高妹同事訂咗生日蛋糕過兩日攞，點知佢拎蛋糕果曰有急事攞唔到。老佛爺好understanding 亦都好體貼，話遲啲可以補另一個比佢，非常好！好欣賞佢哋著重同顧客長遠嘅關係而唔係眼前嘅得失！

每次光顧Paul Lafayet，我必定會點其招牌甜品Crème Brûlée ($45)。在玻璃餅櫃是未經處理過的燉蛋，淡黃色外表光滑；當有客人下單，店員才會用高溫噴熗把燉蛋的表面焦糖燒至金黃色。脆脆的焦糖略有點甜，帶有點黏牙質感；下面的燉蛋冰涼幼滑，蛋味香燶，甜度適中，百吃不厭。除了Crème Brûlée外，作為一個朱古力控，Chocolate Mousse ($45) 也是我另一最愛。表面是一整片厚厚光滑的黑朱古力。下層的朱古力慕絲香濃豐厚，甜而不膩，細細杯份量剛好。每次吃完這2款甜品便有個問題會出現，盛載甜品的器皿雖然設計精緻，但家𥚃已經存了多個，而且其容量很少，棄掉感覺十分浪費， 但保存用途又不大，進退兩難。

其實之前已經幫襯過PAUL LAFAYET好幾次, 起初都是被 CHOCOLATE MOUSSE 或 TIRAMISU 的砵仔先吸引了, 當然甜品本身都很不錯啦! 是晚跟朋友歡聚後準備離開, 落電梯之際...急剎停腳步!!!因為見到久違的PAUL LAFAYET! um...好似好耐無食飯後甜品喇...心情好買兩個返去分享分享先! 基本上見到有BAILEYS 的字眼都會有興趣, 所以今次終於無買砵仔, 試試 BAILEYS DOME HK$40! 店員其實包得很好, 不過我拎得不太好, 返到屋企旁邊的朱古力片移位了! 但都無阻我興奮的程度~~BAILEYS DOME 上面有粒小小的MACARONS, 買的時候還以為是紅莓仔, 經常覺得MACARONS很甜, 這粒仔又OK喎! 當然 BAILEYS 味好香濃, 質感好滑的慕絲! 就好似用食的方式飲BAILEYS~~餅底都很不錯, 整體不會太甜!揀完BAILEYS DOME之後, 其實想試EARL GREY INFUSION, 可惜已售罄....就揀款朱古力的甜點, 但又不想太甜太實的, 店員就細心逐一推介, 最後揀選了這外型幾得意的 CH

那天和友人經過此地，便被它們的甜品深深吸引着……它們的甜品怖滿櫥窗，最吸引我的是用一個貌似小木碗裝的甜品。此甜品最表層是需要烤焦的，當然是有人買才烤啦！它表層是脆的，內裡是幼滑的布甸，布甸軟軟的，滑滑的，且甜甜的……配搭非常原美！使我齒頰留香！唯獨價錢我認為略貴……一客要$40……但真的很美味，有機會一定再食。

今日行過呢間甜品店，凍櫃放滿彩色macaroon，賣相好吸引。雖然靚，但我都係鍾意食蛋糕/甜品多過餅類食物。我點的是creme brûlée，個焦糖面係即做，大約等左4分鐘左右。面個層焦糖好脆，入面好滑，唔會太老有氣孔個啲（試過食過其他店的creme brulee好難食）,呢個真係好滑，如果要講缺點，應該是可以減甜。但嚐甜的朋友應該是沒有問題的。有機會會再試其他甜品

前陣子, 見其他網友用The Entertainer 呢個apps, 說有很多不同餐廳買一送一的優惠所以小妹都唔執輸, download 黎睇睇啦~只需花三百多元, 就可以有過百間餐廳的優惠, 其實都幾抵喎~小妹第一次試用呢個apps 嘅餐廳, 就係佢啦 -- Paul Lafayet!!Paul Lafayet 的macaron向來都係我心水之一款式多, 而且價錢便宜~所以第一個要用的買一送一優惠, 當然係Two Piecec Macaron Gift Bag啦!!Ginger 一向係我嘅至愛, 今次亦無令我失望! 薑味突出, 外脆內chewy~Raspberry 微酸而且有果味!Sesame 味濃, 啖啖芝麻香氣, 正!!Oolong 就有少少失望啦... 茶味很淡很淡, 幾乎食唔出茶味... 如果可以茶味濃一點就好啦!!

買了六粒，玫瑰Ｘ2荔枝，紅莓，熱情果，還有一款忘了，見她家好評幾多，一於試試她的macaroon,不過非常失望，應有味道是有，但甜得厲害，食到第三粒己經想投降，初試macaroon的人真的會被這個甜度嚇怕。我想我不會再買她的macaroon了。

Apple rhubarb crumblerhubarb(大黃) 甜 中 帶 酸它非常適合加糖燉煮，當成塔皮的內餡大黃的葉子有毒架Anyways...我覺得陣cinnamon(玉桂)味太重啦!!!遮咗D apple 味...咁咪喧賓奪主囉?D crumble係 nicely crispyyum yum係有 apple slicesbut I prefer to have them more hardapple好似腍咗D...可能熱會好食D掛?

近年香港人對飲食越來越講究, 引得世界各地不少著名的餐廳連鎖店都紛紛進駐香港, 其中甜品店好像特別多, 而這家由法籍商人所經營的Paul Lafayet開業巳有2年多, 主打各款新穎口味的馬卡龍和甜點蛋糕, 風評一直不錯. 而踏入九月份來到中秋節, 這個中式節日本來就好像跟法國甜品扯不上什麼關係, 但Paul Lafayet也居然應應節, 推出了一個馬卡龍中秋禮盒, 給不愛吃傳統月餅的朋友, 更多了一個選擇用來賞月!這個馬卡龍中秋節禮盒以穩重又帶點煙霧迷漫的包裝示人, 看上去高貴得來又帶點溫暖感, 感覺非常切合中秋的主題. 盒面寫著法文, 其實就是中秋節快樂的意思. 不過不知怎的看到有法文伴著就總會覺得帶點浪漫感~(笑). 而透明窗框透出7個馬卡龍跟一個巨型馬卡龍, 做出七星伴月的主題, 看上去真的有點像在宇宙中7個星球圍著月亮在轉呢!馬卡龍中秋禮盒 (HKD$220)7個普通體型的馬卡龍是可以自選口味的, 而中間非常巨大的馬卡龍口味就巳經是設定好. 所以宅女就要來了7種不同口味的馬卡龍, 放上去色彩鮮艷十分醒神!先來試試普通SIZE的馬卡龍, 看看外型也算是不錯, 中間的餡做得非常適

是晚，留在家看衝上雲霄大結局邊看邊吃着Paul Lafayet推出的中秋禮盒包裝是彷照傳統「七星伴月」一樣，一大伴七細不同的，是用上招牌的馬卡龍取代月餅大粒的像黃金明月，實在相當應節切開再細味，是用芒果與熱情果作餡，有點像奶黃月餅熱情果的酸，配以芒果適度的甜香，味道十分匹配眾所周知，Paul Lafayet推出的口味頗多，而且也很貼近港人口味由茶味,生果,到花味酒味等等，款式多得令人目不暇給基於每人的喜好不同，除了中間大粒的金黃明月，店方亦很細心的讓客人自由選擇其餘七款味道有留意我們食評的朋友也許對我們的喜好也會略知一二愛吃馬卡龍的我倆也定期到各店試試新口味因此，差不多櫥窗內的款式也吃過不止一次喇  今次就選擇了荔枝,抹茶,百利甜酒,茉莉花,玫瑰花,芝麻及新推出的柚子幾款馬卡龍的甜度適中，所以可推介給身邊的non-甜魔朋友!馬卡龍的質地外層鬆脆，內裡帶點嚼勁，很不錯的幾款口味中，我倆最欣賞的是兩款水果味道 - 荔枝與柚子前者香甜，荔枝味突出;後者甜中帶點酸，味道十分像真中秋節快到，身邊的朋友也紛紛忙著訂月餅每年訂的不是奶皇便是傳統剛有粉絲問起，有沒有一些新潮的月餅來應節呢?這個馬卡龍

中秋節快到, 大家除了送贈傳統的月餅給親友之外, 又有沒有想到, 也可以送上Paul Lafayet的馬卡龍中秋節禮盒, 分享馬卡龍八種甜味呢!謝謝市務部朋友邀請, 讓我試試這款中秋節禮盒, 在此先要說聲謝謝. 這個禮盒, 就像我們的七星伴月, 包括中間的一件超大件的芒果熱情果馬卡龍, 是為月. 另外, 就是有七件正常版本的馬卡龍, 是為星. 大家可以根據自己的口味, 挑選任何7種味道的馬卡龍. 我當然選擇不同的顏色, 把這個中秋節禮盒幻化成星球跟宇宙的感覺.馬卡龍中秋節禮盒 $220: 8分, 其實Le Festival de la Lune的意思就是中秋節快樂, 過一個帶有法國色彩的中秋節, 倍感浪漫呢. 在正中位置的月亮是芒果熱情果馬卡龍, 直徑達到8厘米, 吃的時候就像在吃漢堡包一般, 帶層次感. 芒果的甜美跟熱情果帶微酸的味道是很匹配的, 加上馬卡龍質感夠香脆, 甜度合宜, 實在是好看又好吃的甜點.至於自選的七款味道, 我分別揀了抹茶, 伯爵茶, 百利甜酒, 焦糖, 柚子, 荔枝以及玫瑰, 七款味道, 帶來七個不同的層次, 由淡到濃, 我最喜歡的還是焦糖, 沒辦法, 是情意結

好耐之前開始興macarons嘅時候我因為macarons靚，見呢間價錢幾相宜，買過兩粒散裝黎試，記得係粉紅色嘅（因為果時我都係因為樣而買，所以pick左自己鐘意嘅色），隱約記得係rose同raspberry，果時都覺得好甜，真係純粹因為個樣！到之後食過Pierre Herme嘅macarons之後，食過真心覺得好味嘅macarons，見對macarons改觀左之後諗住比多次機會之前試過但覺得似砂糖嘅Paul Lafayet，睇下會唔會改觀而且食過PH之後就會覺得Paul Lafayet嗁macarons真係好平（前者$210/box of 7，後者$110/box of 6），所以今次係見佢價錢相宜，就比多次機會佢啦！同埋係觀塘食完放題好掛住PH macarons但太遠，所以買呢個頂住鋪癮先 同朋友兩個share one box of 6，係店坐低左食，環境其實OK1. Passion Fruit (酸酸地OK，5.5分) (5分係market average)2. Lychee (幾清，而且個樣幾靚，一邊粉紅一邊白，6分)3. Raspberry (同第一次食嘅feelings一

某天經過這裡，被餅櫃中的Éclair吸引着，可惜當時並沒有即時行動。這天再來打算進行攻略，怎料由於時間不早，所有Éclair經已售罄，不過幸好仍有攻略目標。雖然設有雅座，但是卻已滿座，只好打包回家。Berries And Macaron Tart (HKD40)Macaron是玫瑰味，雖然外皮的脆度遠遜於單買的，可能亦因受潮所致，不過味道依然迷人，蛋白脆的濃甜與玫瑰忌廉的淡香仍舊令人上癮。莓類是最常見的三款，分別是草莓、藍莓和紅桑子，伴上其下的雲呢拿吉士忌廉根本絕配。雲呢拿吉士蛋奶香並重，柔滑軟口，雲呢拿味更是無法忽視。朱古力撻皮仍能保持香脆，帶着濃郁的純可可味，甜度自然稍低，全靠吉士甜滑補足。朱古力撻皮內又有薄薄的一層的紅彤彤的撻皮，口味卻不明顯，視覺效果較佳。Bailey's Dome (HKD40)這塊Macaron是朱古力味，外皮亦較軟腍，甜度較玫瑰味的稍低，ganache夾心的可可濃甜香而柔滑。內層的是朱古力蛋糕，風格像是Brownies，不軟綿卻fudgy濕潤，夾點點核桃碎，層次帶驚喜，與滲出溫和的百利甜酒味的忌廉層相當搭配，配搭上奶脂味厚重的Bavarios更是叫人難忘，