PAUL LAFAYET (創紀之城五期(apm))

营业中

休息中

行過APM既paul lafayet, 諗住買兩件cake 食，於是買左一件特濃朱古力脆餅同埋一個tiramisu先講特濃朱古力脆餅味道尚可，朱古力味夠濃，不過食唔到脆餅，只有淋哂既餅。有人話，去Paul Lafayet一定要食Tiramisu,但係試過之後，我就覺得佢既tiramisu非常普通，咖啡味唔特出，食落又唔軟滑，所以我一定唔會再買黎食...我諗如果要去paul lafayet都係買返燉蛋好喇...

Paul Lafayet出名焦糖燉蛋就係人都知依家仲有限定玫瑰🌹味🤤不過佢係細果款呢個價錢 食2啖就無左了😩唔係好夠食過下口癮都仲ok.我係拎走食既店員都好好提示話半小時內食咁佢個焦糖面先脆卜卜👍🏻當然 新鮮滾熱辣緊係現場食好啲❤️玫瑰味唔會好假果啲淡淡的 都幾清香不過我就覺得試過就算下次都係買返原味大款燉蛋先夠食‼️💙

D staff 冇禮貌，間公司一句道歉都冇. 寫email去希望佢地會改善， customer service 又係一句sorry都冇！ extremely disappointed to this company!

吃過了這裏的燉蛋很多次，今天經過見到有玫瑰味，便蠢蠢欲動，買了兩件蛋糕和一杯咖啡。這裏有提供四至五個座位，供客人在這裏慢慢休息一下。燉蛋依舊是即場燒，面頭的糖非常薄，燒得很脆，絲毫沒有燒焦，實在是技術高超。而下面的燉蛋依舊非常滑，有點接近吉士的口感，隱約還可以看到有不少雲呢拿籽，實在是不惜工本，玫瑰味非常自然，玫瑰味和蛋味可以互相配合。士多啤梨撻是在外觀上取勝，底下是杏仁撻，撻皮非常香脆，沒有受潮，而中間夾有了吉士和忌廉，奶香豐富，只是士多啤梨有一點兒酸，但是質素已經比其他士多啤梨撻更勝一籌了。

係觀塘amp 食完飯想食甜品，見到有呢間食焦糖燉蛋出名嘅Paul Lafayet 就決定係你啦落完單，即刻落糖，用火槍燒到脆一脆，就完成啦！店員問我地要外賣定而家食，我地選擇左外賣，他們好細心咁提我地要係9個字之內要食不愧係即燒焦糖，真係好脆，燉蛋好香好滑，入面有少少雲尼拿子，所以都特別香，好正

我跟朋友的話題真的淵淵不絕，加上剛剛晚餐沒吃甜品，我們更加想找間甜品店邊吃邊聊天。不過處處都是人，只有paul lafayet沒有人，而且它的撻甜品素來有水準，我們最後決定一人點一個果撻吃。朋友點了士多啤梨撻，至於我則選吃馬卡龍雜莓撻。兩款果撻賣相都相當吸引吧，朋友那火紅的士多啤梨撻多麼嬌艷，非常迷人，入口鮮甜，作為飯後甜品可謂一絕。我的馬卡龍雜莓撻也不遜色，馬卡龍鬆脆之餘也不死甜，青綠色在撻上搶眼極了。士多啤梨，藍莓及紅莓同樣香甜，跟撻裡的吉士忌廉十分搭配，也不甜膩，鬆化的餅底完美地作結。

飯後想來點甜品，選擇了這家法式焦糖燉蛋，點完店員便即時在眼前燒焦糖，並叮囑45分鐘內吃最佳。燉蛋size不大，但是剛好滿足了嗜甜品的心。焦糖脆脆的，配上很滑creamy的蛋，真是絕配。器皿還可以用來放小物或種點東西，很喜歡。他們還有不少蛋糕及甜點選擇，店裡也有位置可以安坐（雖然只是小小的空間），即場吃也可以，就在吃飽正餐後來這裡作個美好的結束吧

好味的法式焦糖燉蛋Creme Brulee大家會想起…Gastrobo?!大會堂美心餐廳?! 如要方便D呢?! Paul Lafayet 都係超水準  而且最重要係好handy，拎走慢慢品嚐話咁易。就算出面食到好好好飽，打個包，到家食埋呢個燉蛋就正晒!由2016年就開始支持了! 保到水準: 即叫即燒焦糖糖衣=香脆! 有雲喱拿籽在燉蛋中=口感creamy好”豐盈”! 不過現在看到佢地有超細的，原來是禮品來的! 

已經第無數次喺Paul Lafayet買cake，今次見佢地有新嘢所以就試吓，分別係綠茶千層蛋糕同玫千層蛋糕。以往喺Paul Lafayet食嘅每一件pastry都好好食，但今次就有少少失望，反而最普通最唔花巧嘅千層蛋糕味道做得最一般。先講明佢地嘅千層蛋糕並唔係crepe，而係好多層海綿蛋糕仲有cream etc咁一層層present。我expect千層蛋糕會係好soft，但佢地嘅千層蛋糕比較硬實，千層嘅口感唔夠細緻，一放入口係真係一層層咁分開咗；味道亦比較單一，食多兩啖就濟。佢地嘅berry類pastry做得好好多，酸甜適中，而且味道變化大，今次嘅千層蛋糕似乎就比較失預算了。

本身想買個細生日蛋糕同阿爸慶祝生日，lunch time 去到，睇左一陣同個店員講話要蛋糕，佢眼尾掃1掃我，完全唔出聲，繼續沖咖啡。本身我以為佢一定要serve 左cafe 客先，ok fine,我等。之後佢終於沖完，我後面彈左個女人出黎，又係買蛋糕。個店員完全ignore 我就去serve 果個女人。嘩咩事？！當左我透明，佢隻眼睇我唔到？我好驚囉！定而家買野唔洗排隊？！之後我超嬲走左去crostini 買，好味又抵食😠

最近生活有點不如意，就自己買左幾件餅氹下自己👍🏼👍🏼👍🏼眼闊肚窄，一個人又點食得晒咁多件？！於是返去同屋企人開心share😘由左上開始係macaron tart , mocha sponge layer cake, rose & strawberry cheesecake 同earl grey cheesecake. 屋企人食左macaron tart話好好食，不過自己無食，所以暫時唔評。下次親身食完先再寫。自己就食左兩件，分別係左下既rose & strawberry cheesecake 同右下既earl grey cheesecake 先講左下粉紅色果件啦⋯⋯佢係層士多啤梨mousse, 外面好滑滑，都感受到淡淡玫瑰花香，😋中間就有個玫瑰味既野，質感硬硬地，會似食緊糖玫瑰乾花咁。筆者就覺得中間果野唔係我杯茶🙄但外面係好味架！我就比較like右下個伯爵茶芝士蛋糕，外面係芝士mousse, 又係滑滑既，中心就係伯爵茶味、茶香剛好中和返疍糕既甜，正！👍🏼👍🏼👍🏼或者，係老左既緣故，開始識欣賞茶啦，😅

又係Paul Lafayet嘅蛋糕as birthday cake嘅時間，差不多已經隻隻味都試勻晒，都唔知揀邊款好。Mango Exotic已經變成我地每次必叫嘅pastry，其實上面嘅並唔係芒果片，而係帶有熱情果同檸檬香嘅芒果jelly片，我自己又幾鐘意，味道比單一嘅芒果醬更有層次，酸酸甜甜唔會太膩，甚有東南亞風味；Berries & Macaron Tart亦都係我嘅摯愛，酸酸甜甜，撻底又唔會死固固，而且每次食嘅macaron都唔同口味，今日食就有朱古力同bailey揀，日日唔同可以轉下新口味；今次新試嘅Tiramisu都一買地好食：芝士味唔重，但咖啡味好濃，帶有少少酒香，質感偏向mousse，手指餅都唔會死實實。最正嘅係個杯食晒之後可以拎返走！喺呢啲時候永遠都會師奶上身覺得呢個tiramisu真係好抵食！

Rose layer cakeI didn’t expect it to be sponge layer cake... and of course I should not have ordered this because it is difficult not to compare it with other store. The rose 🌹 flavor is nice but the whole thing is too sweet in my opinion. Should have go for crème brûlée !!!!! next time next time~!

呢到既Creme Brulee不嬲都係世界級，就算食到幾飽都要食埋呢個燉蛋先叫完滿😆即叫即燒既焦糖糖衣夠香脆，混入了新鮮雲喱拿籽既燉蛋又濃又滑，入口超creamy，食落亦好實在，每一啖都好滿足😍 店員知道我想帶走陶瓷容器，好貼心地比左兩個已經洗乾淨亦包好既我👍以前係英國超市，每當買可放入微波爐/焗爐既甜品，我多數都會留起個質量超好既玻璃容器，(扔左覺得好浪費) 用黎放煮餸料頭又得，做豉油碟都得，好萬用🤣

Paul Lafayet慢慢變成每次喺觀塘食生日飯嘅蛋糕選擇！（原因喺觀塘可以揀到靚cake嘅地方真喺無乜）【Mango Exotic】又真喺幾有異國風情，味道唔喺完全甜椰椰嘅芒果味，而喺帶有少少熱情果同檸檬香，酸酸甜甜唔會太膩，甚有東南亞風味，但就唔喺好食得出白朱古力同椰子嘅味道。【Chocolate Craqulin】好濃郁嘅黑朱古力味！帶有mousse口感，香滑得嚟但又唔會特別漿住把口；底層嘅脆脆唔會因為上層嘅蛋糕而變腍咗，依然保持脆口。【Praline Mille-Feuille】千層酥雖然雪凍咗依然好鬆化，每層酥皮中間夾住榛子醬，基本上都無咩人喺唔鍾意榛子醬，再加埋焦糖cream/mousse，同榛子醬好夾！驚喜嘅喺雖然夾住咁多榛子醬同焦糖都唔會甜到令人無晒胃口，可能因為焦糖嘅苦都稍稍中和咗個味道！*題外話，係呢度買咗幾次cut cake， 最近呢次先發現原來每一件嘅蛋糕都喺同價，可能因為咁我就有個感覺Paul Lafayet無一件signature cake，因為pricing令我區別唔到每舊嘅分別（而且售貨員姐姐又唔會主動推介），不過好處就喺比多咗一個藉口自己試多唔同嘅嘢