PAUL LAFAYET (創紀之城五期(apm))

营业中

休息中

早前完成了問卷，可取得Paul Lafayet的優惠券所以可免費換領Crème brûlée聽朋友介紹，Crème brûlée要於換領後即吃會比較好味！APM這分店的店面好細，只得兩張桌子唯有外賣帶走到附近food court享用啊！燉蛋是直接從凍櫃內取出客人落單後，店員才於燉蛋面上灑上焦糖即時用火槍烘成焦糖面！焦糖好脆又不會過甜，甜度適中，不會遮蓋燉蛋的味道！燉蛋帶點呍呢嗱的香味，卻又不會奶味過重，而且好滑溜！！整個Crème brûlée的味道搭配得很好！會有想再吃的衝動～～終於真正感受到好吃的Crème brûlée是有多好吃

食完飯想食下甜野就見到呢間的招牌甜品： 焦糖燉蛋好滑！ 但講真個焦糖好麻麻好硬個人比較中意燒到硬軟適中，帶點juicy 感覺的焦糖但個蛋 甜度同滑度都好正奶味都好濃Size岩岩好 ，唔會食到你覺得漏Apm呢間分店得兩個枱真係十級細...整體黎講 唔錯！都算有性價比

綠茶cream burlee即日食唔到擺左一日先食(同影相) 所以個焦糖面唔脆 個色都冇咁靚喇 不過都無減興奮! 綠茶味好濃 texture有d似cheesecake咁好rich 相信即燒完焦糖面即食會係另一個層次

每次揀生日蛋糕都唔會諗起Paul Lafayet，感覺上無咩signature cake可以揀得落手，但係觀塘可以揀到稍為精緻少少嘅cake好似唔多，食過靚cake又返唔到轉頭食大型連鎖店嘅蛋糕，所以今次聚會人少少揀咗幾件cut cake每款小試牛刀。結果蛋糕每款都好驚喜，要知道市面上咁pigmented嘅蛋糕九成好難食，【STRAWBERRY HEART】意想唔到地fresh，內層係strawberry & vanilla mousse filled，士多啤梨味好真實甜味唔假，食完唔會好膩。不過我最鍾意都係【BERRIES & MACARON TART】，通常食撻最怕就係好飽好銀胃，不過呢舍撻底好鬆軟，配合埋吉士饀都唔會好濟，Macaron係Paul Lafayet嘅主打，質素自然唔會差。建議買咗【BERRIES & MACARON TART】就唔好再叫【STRAWBERRY TART】，因為味道老實說差不多。

之前係K11買過幾次Cream brûlée，味道都唔錯。今晚係APM食，食左幾啖已經覺得苦苦地。原來佢個底，全部都黑色一點點嘢，有D燶左嘅野係個底部。我初時仲以為面頭燒得燶得濟。點知係入面全部都係燶左嘅野！呢個品牌，我唔會再幫襯啦！質素非常參差！除左甜品質素，個服務員姐姐都真係夠hea。一款甜品賣$40-$50，就算有位坐又點？完全唔值呢個價錢！真係令人好失望！😑😑😑😑😑😑😑😑😑

之前食過一次覺得好好味😋，今次決定買兩個，一個俾我最敬愛的媽媽試食，記得上次佢話45分鐘內要食，如果唔係會影響口感，剛好帶到返屋企45分，第一時間叫媽媽品嚐，我同佢都覺得好好味，不過我覺得佢比匙羹我哋食會更好，因為始終用木嘅叉食得冇咁好。

焦糖燉蛋之前食過藍莓芝士蛋糕都幾好食，同事食過燉蛋話好好味，今次終於輪到我試喇😋，本身對焦糖麻麻地，每次食都會拎走塊硬的焦糖，但呢個我竟然食哂，一入口😀😋呢個係我食過最好食嘅焦糖燉蛋口感幼滑，可惜甜左少少，唔係我可以食十個😂。一個字。

同媽咪喺APM食完飯，就直落食甜品。見到呢間鋪頭嘅甜品櫃有好多款式嘅甜品，望落好吸引， 就坐低食甜品啦，叫咗個焦糖燉蛋同朱古力慕絲 。賣相好吸引，朱古力慕絲味道勁濃郁，朱古力味唔會好甜，係偏向dark chocolate 嘅味道。 而焦糖燉蛋嘅好香蛋味，上面啲焦糖脆博博，夾埋一齊食好好味

paul lafayet 嘅甜品，喜愛嘅會勁喜愛，以前都好鍾意它每一款出品，但今時今日，口味會隨著年紀而變更😌😌好似早幾日食呢個「chocolate craquelin」，由於近年對朱古力嘅鍾愛程度大減，所以對呢個甜點可能有點不公。它最點綴之處，係角落頭果片金泊，無味道的，加咗只係靚dd，高貴dd咁....朱古力濃厚的！頂層果浸朱古力好重，底下嘅蛋糕層嘅朱古力味好濃，而且整件蛋糕soooooo sweet sweet sweet，係朱古力迷必選！但相對我嘅味雷，sweet得有點過多😅😅不過，它內層除左蛋糕，仲食到脆脆夾層，真係酒店或高級甜品店先食到😬😬

今日, 有位老細上黎公司搵我竟然買埋Paul Lafayet當手信上比我地為食既我見到..兩眼發光...我地5個人...就SHARE 呢8款甜點大家一人食D.. 好似開心D原味焦糖燉蛋薄薄既焦糖係面奶味重, 加上微微既雲妮拿籽, 好香味道唔會偏甜而榛子味焦糖燉蛋榛子味濃2者質感細滑Apple Crumble 以麵包焗既面, 非常脆口底層滿湖既蘋果肉 再加上玉桂味超讚Tiramisu 質感香軟幼滑, 再帶有濃濃既咖啡香而其他甜品味道亦好有水準另外, 值得一提...佢地既器皿係可以重用又靚又環保超讚..

數碼通送嘅生日禮物，今日去左攞，拎返屋企先至食，一開個盒，好香焦糖味，面頭嘅焦糖仲有少少脆，入口旦味吾太濃但好'傑'身，因為系迷你版的関係，所以食左2、3啖就食完。

有時會同老公去觀塘揾食，食完正餐多數都會食個甜品，而 Paul Lafayet 的焦糖布丁亦都係我們其中一個好選擇。焦糖布丁的表面是一層薄薄的脆皮焦糖，混合埋布丁一齊食，是涼涼地帶有點點的甜味，而且食落都幾滑，好味道~

Paul Lafayet! 佢黎香港開左好幾間店啦已經，開左咁耐 我終於試到出哂名嘅法式焦糖燉蛋啦有驚喜，色香味價全，個燉蛋好滑溜，好smooth ，甜得黎唔溜，仲有vanilla籽同香味，so happy. 價錢都合理.

In love with their rose chocolate ! 😍Rich chocolate taste and enjoy the smell of rose ! 🌹Got cakes as dessert ✨😋Not really like the strawberry mousse cake but totally recommend to have the hazelnut Mille feuille‼️‼️‼️

但對於學生個價ok啦，成日去唔同地方食黎間野，❤💙💜💚💛好好味啊!幾大個，上次外賣拿翻學校，都無塌，又上環，大概11:30，到12:15到啦，都無事，幾好。