PAUL LAFAYET (創紀之城五期(apm))

营业中

休息中

前幾日經過呢間店舖，見到佢啲蛋糕幾靚，而且又臨近聖誕，所以買咗兩件聖誕節款既蛋糕仔。原本以為幾好食，但一試咗第一啖，我就覺得甜到一個點... 等我介紹一下...Yuzu Mango Cake 望落個樣幾靚，特別係出面黃色部分。誰不知最甜既部分就係呢一part...呢個蛋糕係有好濃郁既柚子味，不過就好少芒果味，有啲令人失望。入面有啲 cream cheese, 海綿蛋糕同埋芒果柚子mousse，個人認為cream cheese係不錯的，可惜既係太甜。如果呢個蛋糕冇咁甜，會好食好多。Raspberry Cake呢個蛋糕好match 聖誕🎄，同埋本身自己都鐘意食raspberry。一樣，食落第一啖都一樣係咁甜。出面啲mousse甜之餘，口感都麻麻地。雖然佢入面有啲酸酸地既jam, 不過由於佢實在太甜，所以都冇太大改變。原本都幾期待呢個蛋糕，但係真係實在太甜...

店舖小小，店內大部分地方都用作放甜品的凍櫃。可外帶亦可坐下吃，其旁邊就有2張小圓枱可作堂食之用。櫃中有很多款式的甜品，有馬卡龍，各式蛋糕等其中此店的成名之作，亦是熱賣的當然是法式焦糖燉蛋，每個法式焦糖燉蛋都精心用小圓瓷砵盛住，需冷藏，是凍吃的。當你購買後，員工才會即場在燉蛋面層灑上糖及用火槍令其糖焦化，形成薄薄一層脆卜卜的焦糖薄脆。和軟滑的燉蛋一起吃，滑中帶爽脆，且燉蛋本身不太甜，所以多了焦糖碎混和吃，糖度剛好。招牌甜品品質不變。

Creme Brulee法式焦糖烤布蕾 HKD50 必食!!!勁香滑嘅焦糖燉蛋店員會在燉蛋上加糖～然後用火槍燒約20s 形成焦糖脆皮！！好脆嘅焦糖！而燉蛋係非常香 非常軟滑～蛋味極濃～非常推介！真的好好吃 超推薦

Paul Lafayet嘅creme brulee🍮真係好好味😭！個燉蛋超creamy，加上薄薄嘅焦糖😋，簡直係絕配🌟！外賣返屋企嘅話，仲可以拎走埋個兜💜🤩。可惜佢真係幾貴🥺。

好好味！朱古力堅特濃！我買咗四舊特濃朱古力，五十蚊一舊，全部加埋二百蚊，無優惠coupon之類，送了一粒馬卡龍，我選了桂花味。果舊特濃朱古力，真係好足料好結實！好好味！喜歡吃甜野的人會特別啱食！佢足料唔似得其他地方d蛋糕輕飄飄淋芝芝，而係一舊結實的朱古力蛋糕！而且個蛋糕下面塊托個底有少少似擦膠質地，啜住個盒，我遙遠搭地鐵回家也不會使蛋糕訓底倒下，呢個設計好好！至於送果粒馬卡龍，桂花味，味道十分人工，可能我本身又麻麻馬卡龍，不過送嘅就算啦，當試吓囉。

阿妹前排中左奬，有得拎兩個焦糖燉蛋，平時都知Paul lafayat有法式焦糖燉蛋好出名，不過平時嫌貴唔捨得試，今次終於有機會試到啦去到店員即整，話最好半個鐘內食，不過我返到屋企已經夜晚8-9點，媽媽一早幫我雪左落雪櫃；又真係幾好食，不過雪完之後表面既脆脆冇左 

之前買咗啲coupon，見就快到期，今日去開觀塘，就去apm諗住用埋最後一張券啦！嚟到店員竟然話俾我知creme brûlée 要預訂先有好好彩店員見到我失望嘅樣子，就問我係咪只係要一個，然後就將佢碩果僅存嘅燉蛋俾埋我，當堂開心返晒其實我今次都係第一次親眼睇到店員即整焦糖面嘅場面，佢哋嘅糖好特別，我估係法式brown sugar之類，店員用火槍慢慢將面層薄薄嘅糖燒成脆糖，就大功告成喇！平時我都係買外賣返屋企食，今次係第一次堂食，原來完全係兩回事，即刻食嘅脆糖面就好似一塊薄薄嘅玻璃一樣，面層少少暖，下層凍凍哋，雖然甜咗啲啲，不過真係好好食下次再有promotion的話一定要再買過！

今日有朋友生日， 除咗買禮物，我都仲想去買蛋糕同佢哋慶祝。 但係其實香港有好多專係買西餅嘅舖頭， 而家間都真係好好食嘅，根本唔知選擇邊一間好。  跟住去商場行下，見到有間專門賣西餅嘅舖頭，好多人排隊，我就走去睇下。見到d餅好吸引， 跟住我就選擇咗一個佢地出名既特濃朱古力蛋糕一磅裝。其實， 呢個蛋糕唔大個，所以我開頭有啲擔心唔夠食，我地仲將個餅切到細細粒咁樣， 一人一啖。 至於個蛋糕好精緻、好靚，但係實在太甜。 如果切得太大嚿， 會好飽同好漏。

Paul lafayet #觀塘一直都知道一間嘅creme brûlée 同埋馬卡龍好出名，嗰日咁啱經過觀塘嗰間店舖有得堂食，仲做緊下午茶優惠，決心試一試，睇吓係咪真係咁正，果然冇講錯！Creme brûlée (原價$50) + creme brûlée cappuccino (原價$33) 下午茶時段$60有一件cake + 一杯$33以下嘅咖啡本身係喺個雪櫃度雪住，叫嘅時候店員先加上砂糖再即刻用火槍燒成焦糖，層焦糖真係世界級，用個匙羹一敲就裂，超級脆卜卜，入口嘅時候仲要食到少少砂糖嘅口感，好正。至於個燉蛋亦非常細滑，仲好香蛋味，食到底會見到一粒粒雲呢拿籽，成個燉蛋甜度恰到好處，果然貴得有道理！另外佢係用咗個瓷器裝住個燉蛋，瓷器造型非常精細，上面刻着咗Paul lafayet ，儲夠三個攞返返去店舖仲可以換取一粒馬卡龍，五個仲可以換兩粒添！另外杯咖啡亦都好好味，面頭有層薄薄嘅焦糖，亦都係會食到少少砂糖嘅口感，咖啡一啲都唔酸，亦唔會太苦，非常細滑，連平時唔特別好咖啡嘅我都覺得好飲。味道: 4.7/5性價比: 3.5/5

係APM同朋友食完晚飯有點意猶未盡想食個甜品但其實APM食甜品既地方唔太多，我又唔想食雪糕於是就醒起Paul Lafayet佢地既甜品其實一向都幾出色，奈何價錢的確有點貴，而且都頗為細件，所以都好少會光顧不過今日食甜品既慾望好強烈，一於去睇睇有無啱心水既蛋糕先今日門市都有大約六款蛋糕選擇不過大部份我都試過，而當中既熱情果口味蛋糕又唔係我飛佛所以最後就選擇左未食過既榛子脆餅，盛惠$50大元榛子脆餅呈長方條形狀，面層同左右兩邊以榛子朱古力既脆皮包住，仲有少少脆粒面層仲吱左榛子味忌廉，甜度適中之餘都幾幼滑內餡分為三層，第一層係微甜既榛子果蓉，第二層係焦糖脆餅，第三層係薄薄既海綿蛋糕榛子果蓉好厚好濃郁既榛子香味，調味只係加左好少量既甜味，質地好滑好濃厚焦糖脆餅好鬆脆香甜，應該有加少少海鹽，食落唔膩，為成件Cake增加左口感總括呢件榛子脆餅表現唔錯，只係包裹外層既榛子朱古力脆皮甜度有少少Over

食完Dinner就去apm食甜品，Paul Lafayet嘅焦糖燉蛋係必食之選。店員會喺你叫左燉蛋之後，即時加焦糖，佢會建議你45分鐘要食。我覺得即食係最好食，因為面個層焦糖係脆嘅。燉蛋入面仲有啲雲呢嗱籽，幾女食。

到 觀塘-APM 行街 , 見到 Paul Lafayet, 就入去幫襯 , 飲杯咖啡食件 cake, hea 一 hea ~ Salted Caramel Macchiato 海鹽焦糖咖啡 : 奶泡打得豐厚堅挺 , 焦糖糖漿飲到底依然可以攤在泡面，咖啡的味道芳香 , 與焦糖攪拌後略嫌比較甜，總算是一杯香濃的好啡 ~Earl Grey CheeseCake 伯爵紅茶芝士蛋糕 : 蛋糕有伯爵茶的香味亦有芝士蛋糕的乳甜，蛋糕體濕潤，口感柔軟，味道輕甜，最後把蛋糕面上的招牌馬卡龍也一口吞下，招牌真是招牌，馬卡龍很好吃 ~本篇完 ~

其實一直都好想試，但見到$50/個，唔知點解又會打消念頭🤣🤣 之前有promotion做買一送一，光然要藉呢個機會試下。拎外賣番屋企慢慢嘆，店員會先用火槍燒表面，令上層形成一層焦糖，達致外脆內軟滑口感！！整體蛋味非常濃厚，就算有一層焦糖包住，但食落都唔會太甜，加上口感綿密，的確有高級甜品既層，非常好味。如果平日$50/個或者會覺唔值，因為份量的確唔多，但如果鍾意食燉蛋既，有時買黎獎勵自己都唔錯👍🏻

之前做promotion，買一送一嗰陣，買咗好多張coupon，係時候要清下喇買一送一計落每個都要25蚊，同出面連鎖餅舖嘅西餅差不多價錢。Creme brulee係好味嘅，不過價錢抵唔抵就見仁見智喇。耐唔耐食一次都ok嘅

有同事話新公司成立買啲蛋糕去慶祝揀咗呢間品牌叫我去買嘩，我一睇個價錢真係覺得好貴呀😨不過有經理請算啦🤣我哋16個人所以買16件甘啱有八款蛋糕，每款就攞咗兩件基本上佢嘅味道係唔錯嘅不過我就覺得甜左多多，老實說講真係好多我覺得甜到有啲頭痛🙈食完半件蛋糕之後即刻要飲一杯大水😅😅如果佢可以將個甜度減半就好啦不過服務來講都唔錯嘅佢嗰日做緊promotion，夠$300就可以送一包朱古力，咁服務員就幫我分左兩張單所以我有兩包朱古力😎