PARKSIDE@NINA

营业中

休息中

終於黎食到呢間，絕對係打卡一流嘅地方🤩樓底勁高，比人感覺好舒服，地方好大，空間感十足👍🏻 黎到呢度鍾意點影都得📸除左環境靚，食物既性價比都好高。食物質素仲好有水準😽▫️意式牛肉薄片生牛肉沙律🥗，係香港好少食到，薄薄的牛肉好嫩滑，配埋火箭菜好好味😋▪️煙三文魚菠菜薄餅薄餅餅底超脆口，烤到岩岩好，一份共有8塊，份量非常足夠👍🏻▫️原隻烤雞性價比非常之高，雞皮烤得香脆可口，雞肉仲可以保留到肉汁，配埋燒烤醬汁食一流👏🏻配菜都好多，擺盤都好用心💛▪️特色木化石朱古力餅蛋糕整得非常Creamy，入口即溶既感覺，朱古力甜度與濃度啱啱好😋，好食到停唔到口。

好得意呀 ！ 這是以木化石為主題的餐廳，設計獨特，充滿藝術氛圍。大地色系的裝潢讓人感受到大自然的氣息，搭配教堂式圓拱形的天花設計，營造出舒適而迷人的用餐環境。紅酒糟虎蝦捲意粉真是一道必點的美味！新鮮的虎蝦彈牙，搭配濃郁的紅酒糟香氣，層次分明。獨特的捲意粉每一口都吸滿醬汁，口感Juicy又煙韌，讓人忍不住想再來一份！意式生牛肉薄片每片都帶有濃郁的黑胡椒與煙燻香味，搭配火箭菜沙律與香濃的蛋黃醬，口感層次豐富，既清新又滿足。沙嗲雞肉串燒外焦內嫩，醬汁香濃，帶有微微的甜味和香料的層次感。每一口都充滿風味，搭配花生醬更添美味

餐廳特高樓底，空間感十足，設計好靚。圓拱型天花設計，有少少教堂的感覺。是一間食物質素和環境都不錯的餐廳～原隻烤豬手　$218推薦!!份量多，豬手好大隻，切開一件件，方便食用～豬手烤到脆卜卜，肉質鹹香。伴碟有甘筍、西蘭花、車厘茄、粟米，薯條香脆，好薯～風乾火腿蘑菇薄餅 $158薄餅餅底是以酸種麵包，食落有韌度同香氣。外層香脆，內裹有少少濕潤，不會焗到乾。放有芝士、火箭菜、帕瑪火腿、松子、松露油，火腿好鹹香，不錯～燴牛腩粗大管粉 $148意粉彈牙有口感，份量適中，牛腩燉煮得軟爛入味，入口即化。粗大管粉好索汁。特色木化石朱古力蛋糕 $78有驚喜!!!朱古力控必食!!朱古力蛋糕味道香濃，質地偏濃稠。朱古力味好濃，但不會好甜。Yuzu Lemonade $55:清爽解渴

打卡餐廳不過不失，性價比唔高食物質素一般，服務態度也唔得叫咗好多次餐廳侍應都冇嚟 可能真係打卡嘅人太多叫咗個大蝦蕃茄意粉，普普通通咁，屋企煮嘅味道另外一個All day Breakfast 兩杯嘢飲買返$458

荃灣都是經常出沒的地方，如心廣場更是經常開飯熱點，是夜到了parkside@nina 開餐，一間環境優美的西餐廳。以大自然🍃作主題，整體感覺悠然舒適。點了牛油果三文魚沙律 🥗$118賣相精美，牛油果🥑夠熟，做醬一流。加上喜愛的三文魚，合口味，大愛！主食是紅酒糟虎蝦捲意粉 $168捲意粉保留微硬的口感，意大利味道十足！大蝦🍤爽口，味道不錯👌甜品是特色木化石朱古力餅 $78木碎造型的朱古力碎片，有美感又好食。朱古力蛋糕🍰香軟美味，全晚最愛😍

一踏入荃灣如心廣場的【PARKSIDE】，被其的空間感吸引著，一個以林化石為主題的餐廳，設計相當獨特，尤其是窗邊的圓拱形用餐區，不僅私隱度高，還超級適合打卡📸！每一個角落都充滿了藝術氣息，讓人忍不住多拍幾張照片。⭐Oven-roasted Whole Chicken with Rosemary & Garlic 🍗原隻香蒜迷迭香烤雞這道烤雞真的是讓人驚艷！外皮烤得金黃酥脆，內裡卻依然保持著多汁嫩滑。迷迭香和大蒜的香氣完美融合，每一口都是滿滿的幸福感😋。⭐Tiger Prawn Casarecce紅酒糟虎蝦捲意粉，虎蝦新鮮彈牙，紅酒糟的香氣讓整道菜層次感十足。意粉的口感恰到好處，絕對是必點之選！⭐Love Pink (Strawberry Latte)這杯草莓拿鐵不僅顏值高，味道也是一級棒！草莓的香甜與牛奶的醇厚完美結合，喝一口就讓人心情愉悅💖。⭐Orange Tonic Espresso橙香與咖啡的結合，清新又提神。這杯飲品絕對是咖啡愛好者的新寵，值得一試！總的來說，PARKSIDE不僅環境獨特，食物和飲品也都不錯。無論是約會還是朋友聚會，這裡都是一個絕佳的選擇。

🫧最近見到啲人係如心廣場一間cafe入面打卡，所以就放工同男朋友去咗，🤣🤣仲發現食物質素都唔錯，性價比算係好高😋😜✨紅酒糟虎蝦捲意粉 $168呢款意粉煮得剛好🍝，虎蝦大隻鮮甜🦐，紅酒糟醬汁濃郁🍷，味道非常出色，每一口都充滿驚喜，真係好滿足🥰✨洋蔥德國腸薄餅 $138薄餅底薄脆🍕，洋蔥🧅同德國腸🇩🇪嘅搭配令味道更加豐富，香氣四溢，食落去口感好好😋✨泰式奶茶焦糖燉蛋 $88呢個甜品清新又香滑，泰式奶茶味🇹🇭道濃郁，焦糖燉蛋滑順🍮，甜而不膩，完美收尾🥰

在這裏吃過兩次午餐，味道不錯，價錢合理，環境舒適有特色，服務態度也好，本想終於有一間理想餐廳在荃灣。 午餐規定用餐時間90分鐘，如果沒有人等位的話，可以繼續坐, 這是很合理的條件。星期六下午帶朋友四個人來喝咖啡，順道介紹給朋友點贊，可惜餐廳要求每人消費HK$100, 剛剛吃完午餐，實在不太可能每人喝兩杯飲品或叫食物。明白生意難做，但最低消費加時限下，人頭費一佰元在荃灣區有些高標準。如果最低消費時要求每人叫一樣東西比較合理。如果餐廳附屬酒店的話，顯得不夠大氣。

我諗大家同我一樣都係首先俾餐廳嘅裝修吸引咗過唻喺呢間餐廳真係可以不停影好多張相唔厭喺教堂風格嘅環境用餐好有情調好多謝店員好細心見我地打卡打得咁入迷卡座一有位就幫我地安排咗卡座等我地坐得舒服啲又影多啲靚相服務好好另外就係餐牌非常吸引而且食物味道好有驚喜我地好隨意咁嗌咗四樣嘢食抱住好奇嘅心態專揀啲特別啲嘅食物居然每款都好好味鹹蛋卡邦尼意粉上碟嘅熱度令人好感動!意粉就係要咁熱先正一咬就覺得：Al dente!彈牙又掛汁絕對值$138有餘洋蔥德國腸薄餅好難得係連個餅皮邊都烘得咁脆咁好食我為我以前淨係識食dxxxx bxx感到好慚愧最後就係真係好希望佢地可以出多幾款甜品我地嗌嘅呢兩款都做得超好尤其係最平嘅呢款特色木化石朱古力餅$78朱古力咁濃嘅味道嘅甜品佢都做得咁有層次比好多酒店餅房都做得好然後呢個泰式奶茶焦糖燉蛋$88雖然佢貴$10但我完全明點解首先佢豐富又窩夫又雪糕又焦糖燉蛋第二佢配搭好泰式奶茶 而雪糕係椰子雪糕即刻有個連貫嘅感覺最後就係味道奶茶燉蛋焦糖脆 茶味香濃 燉蛋綿滑以為只係唻打卡 點知質素有驚喜 餐牌又特別 可以一試再試！

Bookmark咗呢間位於荃灣如心嘅Parkside好耐，一直都想去打吓卡🥰佢嘅歐洲式教堂設計，加上木化石主題，令人恍如置身歐洲一樣❣️🪵瑞士式薯仔薄餅好特別嘅一個Pizza，出面好少見到呢個組合🍕外層好香脆，而中間嘅薯仔軟綿綿，配搭埋芝士，好好食！🪵紅酒虎蝦捲意粉呢個係餐廳推介嘅款式，捲意粉有特色，咬落口好煙靭，吸晒啲醬汁，虎蝦彈牙爽口，Good~~🪵Strawberry Smoothie士多啤梨味好濃郁，好清新，好夠凍！

荃灣竟然有樓底咁高嘅打卡餐廳圓拱形天花設計 仿如置身喺歐洲教堂感覺💗加埋木石化主題嘅裝修 每個位置都係打卡位😌夜晚仲好有情調💕💛意式生牛肉薄片 $138每片生牛肉都帶有黑胡椒,煙燻嘅香味配埋火箭菜沙律 香濃蛋黃醬 豐富口感層次✨絕對係必點頭盤🥰💛川辣西瓜沙律🥗$108每件西瓜🍉都非多汁 每啖都食到川辣既醬汁 非常惹味特別 開胃菜首選 味道令人難忘😋💛紅酒糟虎蝦捲意粉$168特色fusion意粉 捲意粉食落口感煙靭捲意粉獨特嘅形狀每啖都可品嘗到濃濃酒香味絕對推介🫶🏻💛特色木化石朱古力餅$78配合餐廳本身木化石主題既甜品濃郁嘅朱古力味 蛋糕食落口感軟熟share食 份量剛剛好為晚餐畫上完美句號✨💛Baby girl $48💛Strawberry Lemonade$55

早排約frd黎打下卡，呢到最出名一定係佢地個裝修，樓底好高，不過今次黎食晚餐，冇朝早影相咁靚，但以呢個價位黎講環境超晒水準💓▪️辣香腸薄餅$138 餅底偏薄，脆底，略乾，芝士唔係好做到拉絲效果，正正常常冇乜驚喜▪️軟殼蟹香蒜辣椒扁意粉$168 呢個意粉唔錯，軟殼蟹炸得啱啱好，表面鋪滿炸蒜，炒得幾香幾惹味，唔會好辣，亦唔會好油，軟硬度適中▪️三色誘惑$98 見到相就突然想食香蕉船😂上面有啲焦糖爆谷同朱古力威化條，啲雪糕味道就一般般，好奶粉味，98蚊唔太抵環境幾靜幾舒服，初初仲以為喺如心酒店入面，原來係商場餐廳。除左甜品爭啲之外都冇咩挑剔，會為左個意粉encore🤤

這間網上大熱的咖啡店位於荃灣西的如心廣場一期，主打創意的亞洲風西餐。店內環境優美自然，以木化石為裝潢主題，戶外露台能欣賞壯麗日落，又面向如心園，設有獨立包廂，適合商務或慶祝。晚市時段設有豐富五道菜套餐，亦可單點餐牌。招牌牛肉漢堡 - $168外脆內軟的漢堡包很鬆軟濕潤，塗上一層牛油；厚度十足的牛肉漢堡扒軟腍多汁帶微微嚼勁，有濃厚的牛肉味，兩片香脆的煙肉增添油香，半溶化的車打芝士帶點鹹香，又有酸酸甜甜的紅洋蔥果醬、清新的生菜及蕃茄，平衡肉膩感。金黃酥脆的炸粗薯條不油膩，帶皮特別有鹹香，還有清爽的沙律菜。鹹蛋卡邦尼意粉 - $138幼滑細膩的卡邦尼意粉，掛滿忌廉、巴馬臣芝士及鹹蛋黃，有一條條粗切的煙肉增添油香，又有爽滑的蘑菇。特色木化石朱古力蛋糕 - $78選用法國百年品牌Valrhona的朱古力製成，香甜軟熟的朱古力卷蛋夾著豐盈的朱古力忌廉，再撒滿朱古力碎碎，又有香脆的朱古力脆片，有著濃郁的堅果香醇。

原本想同先生慶祝生日嚟食午餐，一入到去不但之冇人招呼仲問係唔係入嚟食嘢，幾多位？有冇訂枱？唔係入嚟食嘢咁可以入嚟做乜嘢？之後坐低叫兩個set lunch ，一嚟個餐湯我老公飲咗一啖已經唔想飲，味道一般之後嚟沙律同前菜，因為我老公唔食三文魚，所以又係唔啱食，但餐牌完全冇寫係啲乜嘢配菜，客人冇得選擇之後上咗個牛扒同意粉味道都正常，但唔係好突出嘅感覺，餐飲嚟講我叫咗一杯開心果鮮奶有問侍應可唔可以少甜？佢話做唔到，咁唔緊要，飲品嚟到都OK我覺得好味嘅，我先生叫咗杯咖啡都係普普通通最後上甜品好似食緊椰撻咁樣，我本身對食物嘅要求都唔算好高，但係呢個甜品咁細舊我都唔想食晒…總結嚟講體驗良好，服務態度完全唔配呢個環境個樓底同裝修係OK嘅呃到人，但唔值得再嚟我從未試過比差評，但今次真係好想分享呢個不愉快經歷，性價比完全唔掂

一直都好想去呢間餐廳打卡🫶餐廳以木化石為生題，採用咗歐陸式教堂設計😍環境同食物質素都不錯👍👍影相好有藝術館feel軟殼蟹香蒜辣椒扁意粉 $168軟殼蟹係好食 好脆又入味 仲要份量多！上面超級多香蒜 可撈意粉食 整體偏乾身 炒意粉個款原隻香赫迷迭香烤雞 $198呢個抵食 食落啖啖肉！外皮香脆～薯條超多！好邪惡加一服務費PARKSIDE@NINA (荃灣)荃灣楊屋道8號如心廣場一期2樓201號舖