Pancake Colours Cafe & Bar (已結業)

其實我一直都不知道在銅鑼灣有一間這樣的餐廳。第一次光顧，這餐廳彌漫一陣陣陰沉氣息，雖然不是萬聖節，但這餐廳顯然是長年也是萬聖節中……當晚餐廳滿多人，等了大約五分鐘就可以進去了。被安排到兩人座位， 是挺好的， 不過隔了一張台距離有群中學生（十多人）講話太大聲。那笑聲是整個餐廳的人都必定聽得到，更何況是我們相隔好近的，這群中學生令不少人側目。必須一說，時下年輕人為什麼就不會顧及其他人的感受？好了，說回食物。我跟男朋友點了兩個餐。我點了一個海鮮意大利燴飯。飯量很多，料也是很足。不過請看一下照片，實在不甚美觀。水太多又不是creamy，菜一條一條的散在飯上，看上去好似水泡飯……可是，味道是還不錯的。男朋友點了一個德國雜腸餐，配有酸菜和薯條。酸菜和薯條好吃，兩個一起吃，想不到也很搭。不過說到腸呢就一般，有些甚至難吃，我都不記得是哪幾條可以吃哪幾條難吃了。吃到一半，連食量很大的人都停了手不再吃。這盤腸到底是有多膩呀！？另外必須一說，是每個餐都有跟一碗不知所謂的餐湯， 水都比它好喝，這麼沒誠意，倒不如不連餐不要送！

去Pancake Colours梗係要食佢地既Pancake啦 我一打開個餐牌就更加肯定我呢個諗法，因為餐牌上面既相真係好靚好吸引 影到個個甜品都好好食，但我都係跟番原本既計劃——食Pancake佢Pancake分左兩類——美法同法式班戟。我今次揀左食美式班戟。我不嬲鍾情於抹茶味既野，所以見到有宇治抹茶紅豆班戟就即刻心心眼 另外，都好中意類似oreo既野，所以叫左個朱古力曲奇脆米美式班㦸。前者幾好食，不過對於中意濃D茶味既我尼講，佢既抹茶味可以濃D  紅豆既份量都可以多D 後者都好食，係正常朱古力味，好中意佢有加脆米，有野咬下就更加中意 個pancake本身都幾好味，唔會好有麵粉味，厚度都適中。下次尼試其他甜品！

煎雞扒 雞肉腸配飯低糖綠茶lunch set有湯有嘢飲，份量十足。雞扒煎得幾香口，係有啲硬，但有汁所以唔難入口。飯嘅份量好夠，雞肉腸夠軟夠雞肉味，不失係一個唔錯嘅全雞餐。低糖綠茶唔會好甜，有淡淡嘅茶香。餐廳環境比好多同價位嘅餐廳好，幾舒服，非繁忙時間可以慢慢坐下

一人想寫作品兼醫肚就上去比較坐得舒適的pancake coloours,點了豬仔骨飯跟羅宋湯，熱咖啡，坐近窗邊好寫作，但始終要食落肚，先飲湯，有點辣同鹹，豬仔骨冇咩味，再食真一點只有蕃茄醬味，肉味完全冇，不過只係想坐下都ok嘅，下次不會再光顧了

入到餐廳見得果2-3枱客，已覺得間餐廳1定麻麻地或者唔掂。否則7点幾應該頗多客人。食物超難食，沙律熱的，好奇怪。因為係其他餐廳食ge沙律全部都是冷盤。第2,西冷牛排甜的，而不是鹹。牛排正係得甜味冇肉味。如果5係自己落單實5知果塊就係牛排，同埋落單時要7成熟，上菜時竟變成9成熟.。 要杯檸茶不但冇檸檬味，而且連茶味都冇，似杯水多d 。

同個friend去銅鑼灣食飯，見有間cafe就去試下食物方面叫咩冇咩。個日既精選晚餐可以同我係7點個陣冇曬！甜品就冇美式。中式！食物質素方面叫個意粉。d菜可以佔一半。但就要我俾$68！好吾值囉！！！之後叫個和風牛肉飯！d肉好硬！d飯係凍！！佢收我$88！！服務方面安排左個角落座！叫極都冇人理問個waiter d菜點解！佢可以吾識同做叫個經理過黎答！我都算！我走個時多謝都冇聲！但好多waiter係門口好火重要收我+1環境方面叫佢俾個窗口座！但就坐左係d紙箱隔離！冇境睇

同朋友食飯，蟹棒沙津冇蟹棒，88蚊叫我食雜草，沙津汁又唔夠，叫佢比多啲又話未必有，最基本既野都冇，最後比得兩滴黎，好貴乜啲汁？菜又唔新鮮！嗌杯藍冰洋同巴黎草莓，好似飲咳藥水甘，都50幾60蚊1杯，墨汁意粉又咸，叫人點食，有冇心煮野架，好似比人呃左甘，愈黎愈差！千其唔好黎！

今晚因為行街行得夜，所以上左Pancake食晚飯，結果就遇到非常不愉快嘅經歷。我同女朋友一人一個set dinner，因為已經差唔多晚上11點，只係想快點食完回家，隨便就揀左2樣，未上齊所有野食就叫埋單，我並唔介意，事實的確太夜。但係食完飯離開時我女朋友留低左袋新買的Swarovski手鐲的包裝盒及保用卡 ，落樓發現立即返去諗住攞番，但係2個疑似印尼籍女員工正在收拾枱面，個袋已經唔喺枱面或者椅上，但從我們離開餐廳開始計算回到餐廳也不足3分鐘時間，2個印尼籍女員工都話無見過 ，後來質問下其中一個員工才在旁邊的手推車底攞出全盒拆散哂嘅包裝盒，明顯源於貪心想睇入面是否有首飾 ，正常情況都唔會在短短3分鐘內可以拆完多重包裝的首飾盒，理應即時完好無缺交給經理處理，並且不會在客人希望取回失物時回應不知道。 奉勸各位到該店用餐必須加倍小心自己財物，免人有機可乘據為己有。

時間為晚上六時，店內沒有什麼客人，諗住靜靜地食個晚飯，點知就中伏啦，下圖既海鮮什錦鍋仔烏冬就係我叫既野，睇落好多野食....點知黎到係咁既...你無睇錯....成煲就係得烏冬，兩隻冬菇，椰菜，一隻青口同埋日本魚蛋幾片....問侍應係咪仲有配料未黎，佢話黎齊啦....果刻真係 O 爆嘴....成百蚊買個烏冬，椰菜，冬菇同埋幾片日本魚蛋? 雖然我知銅鑼灣租貴，但日本魚蛋極其量都只係什錦既一種.....咁海鮮去左邊?唔通就係果隻青口?...咁不如改名叫錦鍋仔烏冬拼青口啦...同埋所有配料都係熟上既，我諗佢地唔明咩叫火鍋...唔係有個火比我就叫火鍋架....再者呢個鍋係煮到2046都唔滾既...我諗個侍應見到廚房出D咁既野都知衰....就話叫師父比多D配料我....咁好啦...你知衰既我都算...點知佢只係比多"幾粒"墨魚仔同埋一隻蝦仔....呢度就係所有既配料....幾十蚊既餐店邊爐都多野食過佢幾倍唔係話一百幾十比唔起....足料既收貴D我都無所謂....但你都唔好咁呃我呀...

今日同老公去銅鑼灣辦完銀行事務, 本來想去台式新CAFE茶木試一試, 點知太多人啦, 老公又不斷叫肚餓, 唯有搵過另一間食。記得半年前同朋友去過pancake cafe食晚餐唔錯, 今次試下午餐。午餐選擇都幾多, 價錢唔算好貴, 平均一個餐連餐湯冷熱飲品都只係$55。午餐都未選擇好, 我已同老公講定食邊款甜品, 因為甜品餐牌上既相片實在太吸引啦。餐湯只有一款選擇, 只有忌廉的忌廉湯, 我同老公撈咗好耐, 終於發現一片極小的磨菇, 飲咗兩啖已經唔想再飲落去。凍檸茶大大杯, 可惜一點茶味都無老公個飯最早到, 貌相好似茶餐廳d大碗飯。貌相都唔係最緊要, 味道搭救吧。可惜老公食咗幾啖後既feedback係勁難食。聽完老公咁講, 我對個焗飯已經無太大期望, 味道普通, 毫無驚喜。本來說好飯後想試既甜品, 最終打消念頭, 唔想係到繼續side錢

The spareribs came with a portion so big that it was shocking. Very tasty indeed. And the meat was tender and easy to chew. However, please remember to order and share if you intend to try more from the menu. The mango and soft-shelled crab rice roll is very tasty and it felt healthy as it was not oily at all. The pancakes were soft and coupled with the ice cream, was quite worth the amount of 29hkd. and fortunately, the size of this dish was normal portion for one. on the overall, quite a nice

尋晚同個friend去CWB 行街!行到Sogo 附近搵食,入到去唔洗等,好lucky呀!!Risotto 好colorful, 好大碟!Risotto有多料, 差唔多啖啖都有菇同海鮮, 而菇同海鮮煮得岩岩好, 爽身又入味!加左芝士令到成個飯更creamy! 食落去好香cheese味但又唔太膩!(不過對女仔黎講可能太大碟,share 就差唔多!)香腸薯條, 呢個set岩晒想試好多唔同味道但又唔食得咁多肉既女仔!兩種香腸口感係偏爽口, 唔會太淋而且一咬落去有肉汁流出黎, 值得推介!另外個芥末醬唔太嗆鼻, 加埋去唔算太辣口!最驚喜係酸菜, 用黎配香腸就會減底好膩既感覺!

辛苦得來至在食，禮拜五同個fd放工行完H&M之後都已經8點半，超肚餓但係又唔知食乜好，就去左cwb間pancake colours度食野啦。呢間野之前同舊同學gathering都泥過，但係2個人就第一次。入面裝修都幾靚！ 我地揀左坐落地玻璃位，有得睇下街境！好肚餓，唔理咁多，叫左個煙三文魚芒果柚子沙律+磨菇湯。個沙律落左好多三文魚！再泥就叫左個黑松露卡邦尼煙肉意粉 + 義式香草牛油燴野菇食完都仲覺得好餓，再加多左個黑椒蜜糖雞翼成完之後就好滿足咁返屋企啦 ~~咁就過左一個Happy Friday

好耐冇同女友去拍拖, 今日決定地去放左工一齊去銅鑼灣行街,食個飯我地放8點,買左幾本書之後,快快搵間餐廳食野我地係商務買完書,於是就揀左銅鑼灣呢間café食野喇,中鐘夠近就腳。快快依肚^^芝士鵝肝汁焗軟殼蟹雞扒飯澳洲厚切牛肩配黑椒汁 ( 7成熟)蜜糖芥醬雞軟骨魔鬼焦糖美式班戟入到去環境暗暗的,好有情調我地咁岩坐低個角位, 有個千秋位,好得意入正題野食,我叫左芝士鵝肝汁焗軟殼蟹飯覺得個賣相一般蘿蔔絲放得太多,遮住隻蟹身但係味道份量加分,隻軟殼蟹炸得好香好脆, 蟹嘅肉身有微微的膏味。真係要一讚隻軟殼蟹, 絕冇偷工減料, 入口唔會覺得食緊粉。至於雞扒,中規中舉。由於餐廳冷氣好大, 個飯食左大半已經凍左, 芝士已經凝固變硬。女友叫的澳洲厚切牛肩配黑椒汁 ( 7成熟)一大舊肉好正, 睇見食慾大增。肉後面係薯蓉厚切!! 雖然用iphone影, 但係見到牛肩由外到內, 肉的熟透程度層次分明。好易切, 切完有少許血絲係碟到,如圖。7成熟, 入口肉質夠鬆軟, 嫩滑多汁。 完全冇腥味, 唔痴牙。女友話見到有少少血,食左兩塊就比哂我食喇^^我自己非常鐘意呢道菜。一口氣有左7成,完全吾覺膩。蜜糖芥醬雞軟骨女友

放左工，突然間收到朋友電話約我去銅鑼灣食飯。我見搭過去都唔係用好多時間，就應承左佢去食。去到之後問朋友想食咩，佢話想搵個地方舒服既，傾計食飯都開心D。最後決定左去呢度。上到去唔洗等就好快入到去坐低，之後就即刻拎個餐牌睇下有咩好食。睇完一大輪，最後揀左兩個小食，兩個意粉，兩杯飲品同一個甜品。等左一陣，兩個小食到左，有得食。一個係芝士肉醬焗薯條，另一個係辣味水牛雞翼。芝士肉醬焗薯條既芝士好多，和肉醬混埋一齊味道岩岩好，唔會太咸。薯條夠粗夠脆，好有口感。而且份量好大，岩哂一班朋友食，不過今次我地得兩個人，所以食唔哂。到辣味水牛雞翼啦，辣味適中，芝士唔會太多，岩岩好。份量適中，岩哂兩個人食，如果多人食就要叫多D先夠分。之後到兩個意粉，我地叫左香辣蜆肉墨魚仔意粉同埋招牌卡邦尼蛋汁煙肉意粉。首先講下個香辣蜆肉墨魚仔意粉，辣味很夠，蜆肉同墨魚仔咬落爽口，意粉夠彈牙，唔會太淋同太爛。而招牌卡邦尼蛋汁煙肉意粉既汁很香很濃，煙肉唔會太咸，芝士味很濃，意粉都係一樣彈牙。到講下飲品啦，我地叫左一杯巨峰葡萄蜜瓜粒梳打同埋一杯草莓粒蘋果醋綠茶。兩杯飲品既味道唔會太甜，而且又夠大杯，一路傾住計慢慢飲就岩哂。如果D生