Pancake Colours Cafe & Bar (已結業)

裝修前後都有光顧過，多數食意粉類午餐。食過一般lunch set，普通極了，質素只是地道普通茶室一樣。唯獨意式飯/粉麵類與眾不同！廚師一定在用汁調配方面有下功夫，絕對不會淡而無味，亦不會過於重手過咸，而且烹製時已經把意粉跟汁弄得非常均勻，每一啖飯香或每一啖意粉香，都充滿濃濃的忌廉汁及香料調味。食到最後一羮都依然會發現有三文魚肉或煙肉，還有汁可送最後一羮飯/意粉。食店不會吝嗇食材，每次都以普通價錢，食到高級質素，令客人食得滿足又飽暖，非常值得！會繼續光顧他們的意粉，希望能夠一直令味道及質素保持下去！

中學畢業後很久沒有見這群預科的好友，早前因緣際會聯絡上，就相約飯聚，由於晚飯約得頗急，又是在星期六的晚上，而朋友又想地點選在銅鑼灣，在沒太多選擇下就選了這間咖啡館。雖然之前也到過其他分店，知道這咖啡館食物質素真是一般，只是勝在坐得都算舒適，和不會趕人，晚飯食物其次，聚舊為實，所以也不打緊。蟹柳軟殼蟹炒飯入面除了有蟹柳和軟殼蟹，還有青豆和炒蛋，炒飯不夠乾身，口感偏腍，不過調味適中，以這咖啡館的質素個人覺得算不錯了。BBQ醬豬肋骨這個豬肋骨可算是超水準，豬肋骨醃得非常入味，而且肉質軟嫩，一點也不韌口。伴碟的薯條雖說不上非常香脆，但粗粗的，蠻有肉感，味道也不會過咸。煙三文魚薄餅薄餅是比較薄身的，但不夠香脆，還有點韌口。煙三文魚帶點咸味，不錯。小食拼盤內有薯條、雞翼和脆皮腸，脆皮腸皮都算脆，雞翼只有表皮有味道，入面的肉都沒有味道的。左面是焦糖朱古力，朱古力味和焦糖味都很淡，味道一般。右面的是朋友點的奇異果沙冰。

以前都有食開pancake colours，今次係裝修之後第一次去，間野不單只外表大改，連味道都改曬，好後悔無去隔離 我地叫左個芝士白汁牛脷同肉醬海鮮千層麵，餐牌既然無變，我就expect個味道差唔多嫁啦，點知中伏了!!一黎見到成碟大乜樂焗野咁款，令我十分驚訝，不過由於太餓，開動左先算。食食下覺得唔對路，都係忍唔住影張相做證比劣評。圖中焗飯已經食左一半，但相信我，牛脷係未食，果寥寥可數既小薄片已經係成碟飯既所有牛脷。碟飯入面係超級多洋蔥條，d汁同芝士又小，完全冇焗飯感覺，似碟頭。至於牛脷，似乎係現成咸牛脷，好咸、好羶，明明以前係厚切味美既牛脷條，點解宜家會咁？呢碟正常d，至少有焗野感覺，但好醜(雖然有食過，但我地係順住食，同黎既時候差唔多樣嫁)，而海鮮就小小腥但可接受。裝修之前整整齊齊，好靚嫁，仲有香好好食，宜家真係令人汗顏。餐飲凍奶茶，茶還茶、奶還奶、冰還冰，好難飲。唔知你地明唔明我講乜，如果唔信，可以試下。我諗下次黎銅鑼灣真係要搵新架步，大家有冇好推介？

呢間餐廳間直就係童年回憶而家裝修過 唔再係公主feel 變得比較清爽肥妹同朋友仔經過想食甜品坐低叫左個芒果拿破侖我超鐘意佢個賣相芒果雪糕味道唔錯 個拿破侖都夠酥唔會話啲芒果好酸而且服務都夠快 舉手就有反應唔係好洗等

其實一個set dinner around 80-100, 又有湯, 又有飲品, 我都無乜要求, 只是自己想豪下, 加$48 去食自助salad bar and enjoy desert, 竟然為此衰左在甜品中先講主菜, 點了很霸氣的C餐, 無菌溫泉蛋和風牛柳粒石鍋飯 和 金牌咖喱牛坑腩蛋包飯石鍋飯的調味, 自己很喜歡, 咸味適中, 牛柳粒不''UN" 也算入味, 送和飯的份量都夠咖喱辣味很低,也並非日式帶甜的咖喱, 蛋包飯的蛋, 切開後, 並非流沙蛋汁, 確實是用蛋塊包著飯, 牛腩是淋身的當然是小小一個salar bar , 菜和其他配料, 都新鮮嫁, 又有小食, 而且會轉款唯獨, 超失敗在desert , 藍莓Pancake, 根本只是一Pat 醬汁, 完全無甜酸味, 就只有顏色而已, 被這個甜品拖低了評分

見佢新裝修，就來試一試。裝修得比較普通，但座位都坐得舒適。我朋友鍾意食牛扒，叫了個安格斯牛扒，味道都唔錯，唔un 。雞翼夠晒大隻，都脆口。鰻魚炒飯味道都ok，但唔夠乾身。雞卷個皮就濃咗少少，好在我哋都唔食皮。飲品都有好多選擇，夠大杯。甜品個千層酥，好鬆脆，連雪糕一齊食，酸酸甜甜，好好味。整體來講，價錢適中唔貴，味道都唔錯，嘢飲夠大杯，同朋友坐喺度慢慢傾， 真係唔錯嘅選擇。

好耐冇落銅鑼灣，今日逛開就順便搵個地方醫肚。去金百利掃一掃，諗住一個人食西餐set dinner比較易點餐，於是㨂咗呢間。結果，後悔囉！一坐低，請服務員畀杯清水。嚟到，得三分一杯，幾乎以為制水，個心已經一沉。點咗$98紐西蘭肉眼扒餐，加$38自助沙律吧。嚟到，忌廉磨菇湯杰撻撻，冇菌香。個扒係大字快餐店扒餐賣相，薄切兩塊，唔係好大，再加一劈汁，個樣好頹。食落，都係快餐質素，過火兼冇乜味，食到我冇晒心機。全程只有最basic嘅沙律吧同麵包冇乜出事。以一個埋單$150嘅set dinner嚟講，我會喺100分之中畀35分，唔合格。比起我上次喺旺角另一餐廳食嘅半自助扒餐，前者係天堂，今次係地獄。性價比太低，唔推介。

黎到Pancake Colour就當然係要食Pancake啦，本身係朱古力愛好者，所以就快快手揀左個朱古力法式pancake。 一上菜，Pancake既賣相真係好吸引，成碟充滿朱古力碎，感覺好豐富，pancake加上朱古力碎係幾好味，加重左口感。但pancake就無咩特別，同一般食開既沒有太大分別，比唔到驚喜客人！ 真係好睇唔好食，值得留意既一點係Pancake有分美同法式！不過Pancake Colour仲有其他菜式，可以再一試！

10幾個人喺銅鑼灣搵野食從來都唔係一件容易既事, 而pancake colours係我地呢啲學生哥既好聚腳點果日我地為左慳錢叫左幾個set dinner去食食過幾次其實對呢度野食既質素不嬲都唔會有好大既期望但係今次難得會有啲好食個周打湯啲料十足啲味都唔差而我叫左果個豬手個分量好大, 平時會食到乾乾淨淨既我今次都要做一次大sai鬼而杯益力多芒果沙冰都有好多芒果粒唔知係米因為老闆心情好所以甘樣呢(笑)講真與其話pancake colours係一間餐廳, 佢似係樓上cafe既style 多啲又有得食又有card games借, 比一班人hehe haha過幾個中真係唔錯

第一次去食，8點幾，朋友見唔洗等位，就入去幫襯，點知就中哂伏，以後唔會再幫襯。我同一個朋友後到，叫左個鐵板雜扒同埋煎魚食，落order個時，我唔知係佢係唔夠人手，定係d員工全部偷懶，要特登行出門口先可以take order。之後d野食呢，等左半個鐘先到。未到之前，我就同男侍應講，未黎既野食幫我取消佢，我等左好耐，順便埋單。之後佢先走入廚房幫我跟，再拎碟魚出黎，見到條魚，仲有d生粉係面，點食？(最衰無影低佢就拎走左)之後我要求退左佢，男侍應態度差到爆，佢同我講煮野食要用生粉，先會係咁。我話，煮完係唔應該見到d生粉，我見到已經無胃口，食唔落。講完佢黑哂面，先肯退。之後再上埋個鐵板雜扒，男侍應大大聲話要成本，唔退得，好，我照食。點知d野食凍既，同個menu幅圖出入好大。後尾埋單，計多左個切餅費，原本諗住切埋蛋糕先走，但已經唔想再留係個到。同女侍應講，佢嬲爆爆拎走左張單，然後再拎返張新單出黎，順勢好大力"dum"個蛋糕落枱。。。Sorry,呢到既侍應態度真係好差，食物水準都麻麻，所以真係唔會再幫襯。有圖有真相：塊扒好似未熟咁。

嗰日小編同朋友一齊行開銅鑼灣，行到攰攰地就諗住食下嘢。自問對銅鑼灣食肆唔太熟悉嘅小編問左朋友，知道喺金百利廣場有間Pancake Colours，抵食又好味，就決定去試下。Pancake Colours位於廣場嘅四樓，算係一間樓上Cafe。我地到左4樓，一開𨋢門就係間餐廳，顯而易見。小編嗰次去食係唔需要等位嘅，直接就有位。入到去發覺裝潢黎講其實唔錯，真心覺得舒服，暗暗地，但唔會話睇野唔清咁。最後小編同朋友係坐沙發位嘅。愛食扒嘅小編最後嗌左份西冷肉眼配飯同凍檸茶，好快就有得食。份量方面真心唔差，扒大大份，飯嘅份量亦okay。至於質素黎講，小編見到$45呢個價錢並冇抱太大期望，以呢個心態去睇其實份扒都幾抵食！

和大爺做完岩盤浴後, 在銅鑼灣東逛西逛, 就在金百利廣場選了在Pancake Colours吃晚餐.本來對這一頓沒什麼要求的, 但晚餐後的想法是這家適合和朋友打發時間, 但下次我還是到隔壁的"花園"吃就好.我們點了套餐, 有湯、一份小吃、兩份主菜、飲料和甜品.先送上的湯該說是羅宋湯, 還是蔬菜湯呢?只能說口味偏淡.個人比較喜歡這香濃朱古力, 有比較濃.算不錯. 這小吃黑椒蜜糖雞翼也不錯, 外皮脆肉夠嫩, 配上蜜糖口味和口感都算不錯.這黑松露什菌燴飯嘛, 我只是吃到什菌偏酸的感覺, 和一點點的黑松露味, 而且最後吃到有點膩, 整個燴飯就只是單調的菇菌味, 還因為午菌太多而偏酸, 後來剩三分一就沒再吃.本來是有點期待豬肋排充滿肉汁的口感, 雖然豬肋排上桌後看起來份量很足, 但切下去就覺得很難切, 很難去骨, 吃第一口就覺得口感很柴, 肉比較瘦沒有什麼肉汁, 才第一口印象就不太好, 我吃一兩口就放棄了, 其他叫大爺負責處理.大爺邊吃邊抱怨.最後兩人決定是趕快吃完甜品就回家吧! 濃情芝士餅, 一般口味, 不過不失就是.這頭才吃完蛋糕, 就迫不及待的結帳.離開時才發現這家店有提供卡牌遊戲等等,適

係平日中午黎到pancake colour食lunch,基本上係唔使點等位既。係銅鑼灣餐廳數量好多，pancake colour算係相對較平既一間，質素亦唔錯。呢到既座位大部份都係梳化凳，坐得好舒服，近窗邊仲有一啲特別既座位，好似南瓜車咁，情侶或者小朋友黎到一定會好浪漫／好開心。但由於呢到既燈光比較暗，所以冇影低到餐廳既環境。午餐既價錢大概係由$50去到$80, 平平地可以食個意粉，貴仲可以食牛扒添。而我就係嗌左個滑蛋洋蔥吉列豬扒飯既。先講個餐湯啦，佢係冇得選擇白湯／紅湯，只有是日餐湯，咁我去當日就係雜菜湯。個湯味道唔算好濃，但辣辣地，幾開胃。到主菜啦，吉列豬扒炸得有啲過左火，硬左少少，但份量都幾多下。滑蛋洋蔥既份量略嫌少左啲，洋蔥味亦唔夠香，因為我就比較鐘意食洋蔥既xd未食哂個飯就已經冇哂啲蛋，食最後嗰幾啖就乾左少少喇。餐飲方面就嗌左凍朱古力，大大杯，朱古力咪亦夠濃夠香，食完一個乾乾地既飯之後飲一啖就好解渴。雖然呢到食物質素唔算好高，但係銅鑼灣用50幾蚊食到西餐就好少餐廳做到，配合埋個靚靚環境，都算係幾抵。但如果你同你個朋友係比較鐘意食好野，唔太重視環境的話就唔建議選擇啦~

作為一個素食者，去Pancake Colours係會無啖好食，因為呢度一款素食都無；但作為一個甜品愛好者，去Pancake Colours又會好開心，因為呢度甜品係超多選擇，主要係班㦸、窩夫、果凍等。星期六下午茶時段，一於同老公上去hea吓。環境：燈光暗暗地，佈置五顏六色，有啲特色座位，最吸引年青人，全場最老應該就係我同老公。服務：之前去過幾次都知道呢度服務差，有哂心理準備。入到去見座位七成滿，無人招呼，自己走去搵侍應，個侍應如常黑口黑面咁帶位。食物：有甜品選擇困難症嘅我經過一番努力，終於揀咗「宇治綠茶紅豆班㦸」。食物係出得幾快，唔洗5分鐘就到，但班㦸層皮硬化咗，應該係整咗一段時間（希望唔係隔夜），紅豆估計落咗不少糖漿，好甜，配上朱古力同綠茶漿，仲有球雲呢嗱雪糕，都算幾抵食。如果純粹鍾意食甜品，無乜特別要求，呢度都可滿足到，但如果對食甜品有研究、有要求，咁呢度係會有點強差人意。總括：食素者不宜（除非純食甜品，但咁不如去甜品店啦），銅鑼灣區來講價錢非常公道，不失為年輕男女hea的好去處。

这是我第二次和男朋友上来金百利楼上用餐，觉得这家装修挺有特色的，椅子很特别，喜欢它年青的氛围.我们这次上来他们换了新餐牌，我们点了个二人套餐，先上个小吃黑椒蜜糖鸡翼，黑椒得来又有点甜甜的，我又加💰点了个日式芝麻酱沙拉，我必须的说，这个沙拉我太喜欢了，大爱：）再来主菜是西冷牛扒配黑椒汁，记得第一次来还是碟上的牛扒，这次换成铁板了，热腾腾的牛扒香加上我最爱的黑椒汁，牛扒七分熟，刚刚好，连我平时小食量的都把牛扒吃光光，最后的甜品是浓情芝士饼，可我不是很喜欢芝士饼，就问他们加💰转了法式焦糖炖蛋，也是很不错的说，这次用餐比上次好很多，他们换的新餐牌和新菜式，值得一试，下次我们还会再来的