Panash Cafe (iSQUARE國際廣場)

营业中

休息中

不過不失，環境都幾舒適，服務都幾好，但食物質素就麻麻地。叫咗滑蛋吉列豬扒飯，優點係好夠熱，唔錯。缺點係好咸，過咗位，而且豬扒有雪藏味，雖然唔係好嚴重，但係就唔係咁好食。咖啡幾好飲，有啲似UCC個隻，可以再嚟飲，不過下次唔會再食豬扒飯。😂

行過口痕痕，見啲包好吸引就買左兩個麵包過下口癮。買左個三重芝士法國包。一啖咬落去先係牛油香，再黎就係濃郁芝士味😋，都幾好味。不過麵包質感有點硬同煙煙unun, 唔知係擺得耐定係因為係法包跟住就係成日見到既粟米包，但一直都無試過。雖然個樣幾可愛，但味道唔太岩我口味。個面有啲似菠蘿包個皮，但唔脆同有陣假假地既粟米甜味，內裏有煙un 粟米粒😵。不過個包既質地都係唔多鬆軟，唔知係擺得耐定係咁？但我買果時都係下午兩點幾😳

OT完，諗住搵朋友食餐好嘅，去到 isquare,行咗一陣就係Panash坐低.但係我同朋友都好出奇點解冇客人嘅（當時正值晚飯時候-七點半，只有一枱客人） 我哋乜都唔理，繼續點餐。晚餐居然要成二百蚊。心諗，唔怪得冇人啦，咁貴,款式又唔多。 散叫加埋飲品的價錢同套餐差唔多價錢，但係就冇咗餐湯同甜品，所以唯有選擇套餐。好難得先揀到一個三文魚扒餐 餐湯有一貫的水準，三文魚扒冇乜味（自己係屋企煮都好食過佢） 甜品係一個果凍。最後嘅咖啡就保持一貫水準。最後發現冇人嘅原因應該有三個：1）價錢貴左好多 2) 食物質素只是一般3) 服務員嘅服務態度有待改善

尖沙咀isquare的餐廳眾多，但主要都是上層的偏高級食店，坐擁大靚景，價位也是中上游的。位於3樓的Panash Bakery & Cafe在自家麵包外賣店的附近，行過已傳來陣陣的麵包香氣，兩店同時分享到香味的引力，吸引力大增。這裡有最低消費的，個人$50或一杯飲品。是次只叫了煙三文魚忌廉天使麵和cafe latte，連加一已經索價近$150，來尖沙咀覓食真的不便宜。煙三文魚忌廉天使麵的份量比想像中多，胃口較少的女士可以share。煙三文魚比一般的厚切，而且脂肪不多，約有6，7片，魚味不會太濃。天使麵煮得比較軟身，若煮食時間縮短1分鐘，效果會更佳。忌廉汁很掛天使麵，入口順滑，味道亦夠。Cafe latte有簡單的心型拉花，沒有要求extra hot下，咖啡熱度十足，但奶味不太濃，以cafe來說可以更好。Panash的定價算是比較高，食物水平不俗，總算是歇腳的好地方

今天想食麵包當午飯。是曰選了朱古力忌廉號角同藍苺忌廉芝士包。朱古力號角： 吉士軟滑有旦香，質地是忌廉狀，口感滑溜，完完全全的填滿了麵包。牛角形麵包質地軟熟，充滿氣孔，口感少少煙韌。當吉士忌廉配上麵包，味道甜美，加上朱古力外皮，又加多左朱古力的甘香味道，令甜味多左另一種層次，無咁單調。肥就肥吧！藍莓忌廉芝士包： 麵包質地煙韌，同樣充滿氣孔；麵包帶白麵粉香，口感豐富：麵包內有黑朱古力粒粒，仲有朱古力味的忌廉芝士饀，質感絲滑，好像奶油忌廉一樣，但又沒有它的膩口感覺。粒粒香甜朱古力帶醇厚帶甘的甜味，又有忌亷芝士的軟滑同酸酸地的味道，整體味道平衡又有囗感，可是份量偏小，僅有手心大小，真的想食多個，非常不錯！推介！

一路都奇怪麵包部做得出色，但餐廳部人流咁稀疏？今日就要去拆解！內部環境舒服，感覺良好。價格中中，不太貴。侍應數目奇少，有時需要千呼萬喚。食物質素真係... ... 唔係唔好味囉！先上白湯，依依依，無落鹽好健康啵。再唻蛋包飯，算係有啲醬汁味卦。白酒蜆肉意粉，蜆肉都有蜆肉味，但意粉就淡而無味。最後熱檸茶結尾。

呢一日愛麗絲同媽咪去左Panash呢間餐廳食Afternoon Tea☕️ 之前都有食過Panash既麵包，知道質素都有番咁上下👍🏻 咁今次就泥試食下Afternoon Tea。我地分別叫左個Pizza同Blueberry Cheesecake。個Pizza主要以辣肉腸為主，煎得脆既唔錯。而且有大量芝士蓋住成個Pizza，加埋洋蔥點綴，十分香口，係好典型既Pizza Style🍕 愛麗絲其實中意食厚批多啲😬 不過呢到就只提供薄批～ 而個Blueberry Cheesecake都好食，身為Cheesecake Fans既愛麗絲，十分讚賞😂 因為芝士好香，配藍苺可以Balance芝士個種漏既感覺👍🏻最後我地叫左熱奶茶做餐飲，十分Pro呀客人可以自己沖茶焗茶咖😛其實Panash算係High Class既Bakery同餐廳，所以個Afternoon Tea平均都要約$80，係好食既，不過個人覺得就貴左啲，始終份量唔多🙈🙈

今日係2015年最後一日,約左朋友去西九倒數,去之前當然要食飽飽。唔知七點半算係早定係多數人已經去左霸靚位睇煙花,見無咩人等位,於是就試下呢間啦!因為得兩個人,所以決定order一個pasta,一份沙律同一個set C (麵包籃+湯)。上菜依次序如下:揀了白湯,忌廉甘筍湯,甘筍打成幼滑的甘筍蓉,但唔會好傑,偏淡同時送上麵包籃(欠相) - 麵包鬆軟,送來時是已焗熱,牛油可融化於麵包內跟住就係 煙三文魚忌廉蘑菇天使麵 ($98)賣相唔錯,煙三文魚有心機咁切成一個玫瑰花形,對比之前其他食評的賣相似乎有進步。仲有幾粒酸豆,我諗係用黎中和下。望落份量好似唔多,但原來食落都幾飽下,當中亦有唔少蘑菇,呢個唔錯而最後就係 凱撒沙律(around$5x)另加鷄胸($25)最後先上呢個,次序比較奇怪,入面另有荷蘭茄,芝士,菜都幾爽口。鷄胸唔乾,但係麵包粒就燶左,同埋得好少沙律醬...待應亦都幾好笑容,亦有不時加水。上餐次序係有D怪,但食物味道不過不失。總括整體尚可,可以再試。 

星期六同男朋仔去街街，去食個早午餐先，跟住就去睇戲，所以就係isquare食一陣唔洗咁趕點左兩個dishes意大利香草包公司三文治？三文冶？食過之後，我都係鐘意茶記version嘅公司，其實美心都好過佢，包唔夠軟，餡就好似只係得蛋同番茄咁，都幾失望香辣蜆肉意粉，個人認為唔夠辣，不過意粉韌度剛好，但份量真係小得可憐，得隻碟大

趕住做野隨便買個包同奶做午餐算，12元一個，炸薯豬肉薯餅，個薯餅得薯碎，食唔到有豬或其他配料 加埋凍左有陣千年油味，但最慘吉列唔可以翻叮，叮左唔脆，只但係放耐左我食時都唔脆啦。用包，大片生菜同沙律醬一齊，食落有d悶，不過又薯仔又包多澱粉質好夠飽。

天B女2O個月大約埋同月同日生的BB去playhouse玩, 中途有D肚餓於是去個下午茶。在i square 想食個簡單的下午都不太容易, 最後揀左這間地方寛敞的"Panash bakery & cafe"。平日四、五點客人不太多, 坐得幾舒服。當日有5款下午茶餐, 但價錢真係唔太平。這間普通得很的cafe, 一件普通的 pancake加杯飲品都要八、九十蚊, 唔知食過晚餐要幾$?Chocolate, banana, vanilla ice cream pancake $88食物擺放有技巧又有層次, 賣相吸引。pancake煎得剛好, 口感軟身。pancake本身味道不太豐富, 只有蛋及麵粉味。要配上朱古力醬汁才令平凡的pancake充滿生命力, 如果再加上旁邊的vanilla 雪糕, pancake的暖踫上雪糕的凍在口腔內產生微妙的變化。難怪小B女愛吃任何跟雪糕有關的甜品。説真的, 這甜品製作簡單, 材料不是上乘, 加一後要九十多元, 不值!

當身在尖沙咀彌敦道，想吃漢堡飽，選擇不多，原來尖沙咀Outback亦已結束營業，慘慘豬。去到iSquare, 見Panash餐牌有漢堡飽，照殺可也，原以為可加$變set, 原來漢堡飽不在列，那就點一個漢堡飽算吧！質量當然跟預期中的一樣，並沒有太大驚喜，無他，人家的signature dish不是漢堡飽，麵包本身帶甜較為另類，漢堡扒煎得不夠香。點內環境非常舒適，食客大家都很安靜，傾計也是細細聲，我很喜歡在這樣環境的餐廳用膳。

約半年前和JM們去到I square的Panash Bakery & Cafe，貪I square靜和比較易找位置坐。醉翁之意不在食，如果真的追求味道，Panash絕對絕對不會是推介…當然，Panash怎可能少得了餐包？三個人，給了我們包山一個，無奈的是，餐包仿如隔夜一樣，奉上時微暖也沒有，真是十分可惜。朋友的餐湯，兩三啖就KO，賣相有點兒…老實說，這個價錢這個地段，真的不可以再做好一點給人客少許誠意嗎？朋友的煙三文魚忌廉天使麵（$88）不解釋，單憑相片已經覺得不值得這價錢吧？（價錢不包括餐湯和麵包籃的）蜜糖汁燒雞胸，蘋果香梨，合桃野菜沙律（$72）雞肉微甜幾清新的，多了點生果和合桃口感亦不錯。而我自己就點了這個最basic的海撒沙律（$58），其實和另外的那個沙律完全一樣，哈哈，味道也不差，而且都幾大碟的。不過對於沒有芝士，少許失望。餐飲我要了奶茶，要自己沖泡味道總是調較的不好（淚）來到Panash大多數人都會點他們的即磨咖啡吧？朋友說味道都OK。總括而言，在尖沙咀Panash價錢和環境說的上是不俗，只可惜味道不能讓我有回頭光顧的衝動。 

其實以前唔洗等位既話我係會衝入去panash食野。尖咀喎, 唔洗等又過得去就食啦, 諗多兩諗就想食都冇位架啦。不過, 今次中左新年第一伏之後, 可以blacklist佢呢間panash under-staffed 我不嬲都知架啦, 呢2年都黎過2-3次, 次次都有數下佢個幾十個位, 再望望個3個好可憐既樓面, 速度慢少少, 由佢啦。玩左陣個menu, 叫左本來想要豬手但佢話賣晒, 咁唯有要個risotto + 海鮮意粉 (好似係fettuccini)。佢D main course可以跟set abcd, 大約係包湯野飲砌出黎既組合啦。要左包+野飲(招牌咖啡), 燒左$38...話咁快個麵包籃就黎左啦真係好多...(影個陣已經食左2個)一度考慮過要對唔住非洲D小朋友唔食晒D包。但係最後都敵唔過良心, 食晒。呢幾個包仔.......如果係花園餐廳翠華出品, 我會覺得算係咁, 但呢間係panash BAKERY & cafe喎...洗唔洗計到咁盡, 1-2蚊成本造出黎既包都唔比我, 比D幾毫子貨色我? 唉, 好失望。但到後尾先發現, 原來呢籃包係好重要, panash真係好奸好奸......

今日約左寶貝喺呢頭見面~~佢話由我全權發板,咁真係太好了~即時去搵地方啦~~喺呢個商場真係唔知去邊間好~有D舖頭一睇唔會有興趣試~而得兩條友仔上高層的話試唔到多款式,唯有喺底層慢慢睇下~去到3樓,諗住去間食東南亞野的地方,去到門口望望,感到那服務員的不良好態度,就令我改變主意了~最後見到呢間餐牌的甜品,再控制唔到自己~決定入去一試~!喺門口望左陣都冇服務員黎招呼,唯有自己走入去搵位,一行入餐廳,先有個服務員帶住,佢求其點左個位比我,最後我冇理佢,自己揀左個心儀的位置坐一邊睇餐牌諗緊食乜野甜品,寶貝終於黎了~我提議食招牌生果拿破崙,寶貝話要先食主菜,甜品之後再決定~我為左可以有空間食甜品,所以點了西冷扒薯菜西冷扒(3成熟) - 西冷扒上抬感覺好弱,一D大火燒過的惹火感覺都冇,上枱只係有點微暖,幸好切開質感唔會太差,我點了三成熟,最後有點過火,但求佢唔會太熟透就已經足夠,入口咬落唔似落得太多梳打粉~留住有肉的咬口,切的時間都要用點力!保存到西冷扒的風味薯菜 - 配菜真係令人有點失望~薯條係粗薯條,睇落好開心~但係一D都唔熱,上枱時已有點涼意,其他配菜都係,相信係炒過後放得太耐先上枱,入口有