Panash Cafe (iSQUARE國際廣場)

营业中

休息中

一班朋友臨急臨忙搵餐廳食生日飯，想靚靚地環境又舒服，最主要唔想多人因為星期日晚，友人提議去isquare食就黎左，屬於中高價位既西式餐廳，意粉同鋸扒都係百幾至二百幾左右，全部食物都幾好食，我好中意食佢個黑松露雞肉闊條麵，黑松露醬夠多，而且好香黑松露味，夠creamy，一啲都唔dry，雞肉份量都幾多下，闊條麵煙韌度恰好，煙三文魚忌廉意粉都好食，可以走曬啲配菜因為我自己唔中意食，就算走曬配菜意粉都煮得夠入味呢個我先中意，男仔朋友叫鋸扒，大推牛扒5成熟，真係好好味好juicy，薯條又好味

下午茶時分，isquare好多餐廳都只賣tea，我又未食飯，見到呢間餐廳有個下午茶時段牛扒特價，賣一百鬆d蚊，被幅海報中的靚牛扒吸引左入去，點知出事。首先，貨不對板，相片同實物差好遠，一塊街市凍肉檔，醃好的平價扒奉上，賣相已唔開胃，食落醃得重衰過街市。好大陣梳打粉味，成塊扒醃到鬆晒，無哂肉味，只剩平價醃料的味道。伴碟的薯條外韌內冧，好難食。舊粟米都係咁衰，硬綁綁，好難食。杯汽水，自己睇下幅相，一杯黑色無汽的糖水，點飲呀？好耐無食過咁難食的東西，唔寫下唔安落。裝修又殘又舊，執左佢啦。唯一可讚就係呀姐侍應，有笑容，又nice。

呢個商場不嬲都少人加上係平日基本唔使排隊就可以直接入去食咁岩去食個時做緊個優惠平日八折Payme 比仲平$20講真，味道好一般雪藏為主雜扒分量大食到嘔朋友仲要食唔哂由於當日係平日樓面得2個人佢地忙到.....你要比少少耐性等佢地Anyway, 侍應服務態度很好

係尖沙咀返工咁多年都未試過呢間聽同事講話好好食搞到自己期望好高叫左個燒豬手薯菜首先上咗個餐包，熱辣辣呢間做既麵包的確幾出色但主食就出事份量係好大，皮都燒得脆，但點有硬肉就過林，同埋太肥了😅味道認真麻麻

這裡的英式下午茶套餐很化算，不用100蚊就有了。這個套餐包括了一個泡芙，cheese cake，曲奇餅，咖哩角，牛角包配三文魚及菜，法包配煙三文魚及蜜瓜，提子包配蝦及蕃茄。還有一口沙律。全部食物都是一兩口可以吃掉的。這只是味覺上的享受。如要飽肚，去酒店吧。味道及口感方面，是很棒的。全部食物都很足料，只是細件了一點。性價比方面，我覺得是一般。雖然價錢是酒店的三分一左右，但所提供的都只是三分一。不過，突然想食英式下午茶套餐又不想花數百元吃的話，這裡絕對適合你。這個英式下午茶餐贈送飲品的，這次我選了蘋果紅茶，但感覺上味道淡了一點。這個西冷牛扒是我男友點的，我試了一口，不過不失。點了三成熟，來到是大約5成熟。厚度亦較薄。但是又不用100元的。性價比都是一般。不過如果想廉價食個西冷牛扒，有其他性價比更高的選擇。

放假搵食，呢個商場一向靜啲，可以唔使等位直接入座。大概坐到50人，但係無坐滿。提供偏西餐，有套餐亦可散點，加錢升級套餐都可以。餐牌有相參考，不過有啲排版亂。點咗客哥倫布豬扒拼煙肉德國薯仔沙律套餐，跟雜菜湯。先送上杯裝雜菜湯同餐包，烘焙法包片加一個提子餐包。法包片脆硬身，提子餐包可能翻烘，面頭有少許燶，但食落口脆外層內裡軟軟，有咬勁，配埋提子，甜甜哋。雜菜湯其實都是港式羅宋湯，偏稠身，重蕃茄味，帶點微酸，ok的。主菜上到嚟，看似想整好擺盤，但感覺怪怪的，可能轉用白碟好啲。 個哥倫布豬扒正常吉列豬炸法，但係偏燶咗，無鮮炸起嘅樣。幸好咬入口，豬扒唔算太乾身，但厚身關係有少計韌及結實。芝士都尚算小小地溢出，唔係爆漿感，整體都尚可以至於個沙律，薯仔蓉夠綿身，小小咸咸淡淡酸味，啖啖有煙肉碎粒，口感唔錯。餐飲點咗普通咖啡，調配師意喺客人面前展示虹吸壺倒出咖啡，營造新鮮沖出的樣。攤咗一陣倒入小小熱奶，入口滑，啡味偏苦，個人可接受的味道.總括而言，食物不過不失但無甚大驚喜。可以一試，但並非會入選常食餐廳名單。

個湯用個熱杯盛比我，份量極少！然後蟹肉意粉得兩粒蟹柳通粉仲要極硬極難食仲要收百幾蚊條蟹柳入面仲要係粉嚟嘅，仲要一整碟只得兩件半條既份量！味道極鹹....一坐低點左3杯餐茶，等到埋單都未黎到！環境方面，冷氣不足又焗....性價比極低，味道又差！

行完街累累地就好隨便咁行左入間餐廳坐低。見到無咩人，唔使等位，又好鬼肚餓就二話不說行左入去坐低了。食呢間餐廳d味道好似以前細個食o個d陽光午餐飯盒。可能90後d既你唔知咩係陽光午餐，80後應該都會有d共嗚。真心講真係麻麻地好食。或者咁講餐廳既裝修同佢既味道係有落差既。比茶餐廳既水準仲要差少少。除左味道差d外，其實野都係ok既，location，坐得都舒服，服務都幾好等等。仲唔係好需要等位。睇大家需求啦。

Friday lunch，１人食！減少聚餐，近來比較多１個人食午餐。抗疫時期，措施加強！客人進餐廳前要量體温；餐廳要為客人提供酒精搓手液；食肆只能接待相關牌照上所載人數的一半；餐桌要距離1.5米。以上幾點，Panash大部份做到，除了1.5米iSquare 6樓的幾家餐廳，生意都不太好！目測 Panash Cafe是最多人的！午市有Set lunch，亦有Today's Special，我選了Today's Special中的芝士焗鮮茄菠蘿豬扒飯，定價118元加10%，配餐飲但不配餐湯和麵包。#芝士焗鮮茄菠蘿豬扒飯，芝士很多，豬扒厚切，肉質juicy不柴，好吃！#即磨咖啡，餐後上，夠濃，好喝！

呢排封關. 少左好多人黎香港. 成個尖沙嘴好多商鋪都唔開. 只有食肆.莎莎卓悅等店係有開.去到食肆都係好疏落. 今日係紀念日所以都出去揾下野食. 首先去左THE ONE. 成個二樓化妝品都無開.去到四樓食肆都幾多人. 尤其日式牛鍋個間. 我地揾唔到野想食就行去I-Square.I-Square一樣水盡鵝飛. Log-on都無開.去到三樓D食肆完全無咩人. 見到Panash有特別餐-牛扒餐$88就入去試下. 入面只有一檯客. (好過隔離意大利PIZZA鋪一個客都無).$88有湯.麵包同牛扒.如果要野飲另加$10. 另外叫多個黑松露雞胸意大利飯套餐.呢個無特價要$138但包野飲.牛扒上到黎係唔太夠厚. 味道OK. 薯條炸得都OK. 意大利飯反而有驚喜.通常意大利飯都係做到好淋. 不過呢度可能就番香港人口味唔太淋身. 好多磨菇好香. 另加$10要左個橙汁都OK.起碼係鮮搾. 考慮到而家大家樂食牛扒都要$70.茶餐廳要$98.我覺得係I-Square$88食到牛扒餐係超值. 服務方面.可能係太少客所以都好好.

見佢喺條街度派宣傳單張 又好似幾抵食 就去咗試 首先有個餐湯叫咗個羅宋湯 好難飲 完全冇酸甜味 得個鹹味 餐湯已經搞到咁樣 我都冇乜期望 由於佢係一個餐所以陪埋餐包 餐包兩個人有三舊 配埋牛油冇咩特別 之後叫咗個照燒雞扒配薯條 塊雞好大塊 但係唔好食嘅 加埋一每人平均只係$100多啲 雖然好平但係真係好難食唔會再試

Panash 除了意粉，薄餅，扒類同日式定食做得出色外，芳香即煲即煮咖啡更加令你回味無窮！特別是其漢堡包更是做得非常吸引，一點也不馬虎，材料及外型不是一般呀！最喜歡其自家製麵包西餅絕不輕如風，之前亦有頗多分店售賣麵包西餅，但可能舖租成本根本抵不上，現時店舖倘餘不多！ 於現在的香港餐廳經營上有此熱情的已買少見少， 但 Panash 在香港仍努力堅持，價錢非常合理，員工有禮親切， 上下一心，作為香港人真的要多多支持。

看完電影等下場還有幾小時來High個Tea點個High Tea Set飲杯榛子咖啡超級的香濃撲鼻急不可耐要倒進口裡滑滑的輕輕地經過舌頭舌根不留情地溜入食道卻沿途留下餘溫和濃厚香醇的味道一直在體內翻旋每口都是回味重溫然後就是單點的蘇皮雜菜湯依舊香濃不膩的奶油味繼續侵佔在下的臭覺不停地豐盛著味蕾發出的慾望垂涎欲滴情難自控地把它吞噬埋於胃裡更不只是臭覺與味覺得到滿足就連視覺也被顧及到簡單的薯餅加上幾條青菜一塊香脆烤麵包淋上汁醬和灑下的香草讓簡單的一切變得無人能及的出色不止層次更是細心地安排好進食的次序最後就是當時謹謹只有兩位的服務生一眼關七態度優越是很難得的好員工辛苦了❤️

Book o左差唔多4:00 喺 I-square 睇戲，所以諗住求其近近地揀間餐廳食d 野先入去。遠睇見到依間餐廳有我至愛既❤️滴漏咖啡❤️，所以就揀左依間入去坐低，完全唔駛等位。之後嗌咗個carbonara, 滴漏咖啡同埋一個tea set加一杯cappuccino。 ☕️☕️☕️個carbonara超好味，勁有蒜味👍🏻 杯滴漏咖啡拍得住UCC! 😋😋😋唯一美中不足係個tea set。————————————

唔經過都唔知Panash有開cafe，只係試過佢地既麵包味道都唔錯，見價錢都唔算貴就俾次機會佢下午茶除左pasta、cake外仲有輕食類既沙律，份量幾細，女士都勉強夠食。無乜柚子味，沙律菜類尚算新鮮，蟹肉鹹鹹地幾吊味。Tea Set份量都係偏少，通常會每款有兩件，但甜點類每隻味得一件，好難分三文魚軟法麵包幾鬆軟，餡料大件，口感幾豐富；其他中規中矩，係春卷感覺唔太夾曲奇擺淋左，唔脆tiramisu無層次，似mousse多啲；果凍幾重士多啤梨味，朋友話唔錯。反而果撻幾好食，鮮果幾多，令裡面填充既吉士食落唔會漏，撻皮幾香脆入口好香蘋果味，紅茶底香醇濃郁，飲哂仲有得加熱水。值得一讚係店員服務態度幾好，仲會記得我地邊個飲咩茶，加完水都仲記得