PAN de PAIN Pancake & Sweets (K11購物藝術館)

营业中

休息中

今日小妹黎到k11見到呢間餐廳無咩人排隊,就入左去同朋友一齊食下甜品,平時都見到餐廳好多人,所以今次偶爾見到佢少人排就入黎坐一陣😋呢間餐廳既梳乎里一向都好出名,亦都係女孩子既打卡性地,當然小妹都唔係第一次黎啦☺️今次可能太早,所以唔係好肚餓,叫左杯綠茶latte,朋友叫左個waffle,一路傾計一路食,估唔到今次杯野飲有拉花公仔,好cute既🐸,搞到小妹唔捨得飲😚朋友都話個waffle好好食,話我無介紹錯,下次再叫佢唔同野飲試下先😋

因為今日係平日六點，相信好多人未收工趕到黎，考完車肥佬左要食野平伏下心情，所以見無咩人排隊於是又同男朋友坐低試下。叫左杯蘋果奶蓋綠茶，個個奶蓋唔企身，亦無咩奶味。所有野好少女心，caramel apple soffle係唔錯，但個strawberry pancakes就比預期失望，凍食但唔凍，士多啤梨酸既，加上可能我個人唔中意食太多cream既野，所以還可以啦，但如果見到多人排隊未必會專程黎等咁耐先食。

呢間位於K11既Pancake店真係好適合行到攰入去坐下食下呀🤤重點係佢唔洗排好耐 好快食得而且上枱速度都快的.試左原味Soufflé 同🍓士多啤梨Pancake Soufflé完勝呀 佢蛋味重但我就覺得空氣感可以多返啲同埋佢個cream麻麻好食雖然HKD78 算係平 但得2件Flipper’s就有3件 而且好食啲 但就貴返HKD20計返條數都係Flipper’s抵食👍🏻.朋友表示Pan de Pain 好食過Gram呀🙈不過我就覺得人人口味唔同。.至於士多啤梨Pancake太重cream我就唔中意食 就算下次再食都會食返Soufflé算了😁

Ordered at 12:28, souffle pancake delivered at 13:18. Be prepared for the wait, and the rude response towards customers' enquiry!

食過好多Pancake店，都係Pan de Pain既原味Pancake最好味。平日放假去食唔洗排隊，實在太開心皆因星期六、日黎到食都要排長龍架。新鮮做起，熱騰騰又鬆軟既Pancake，就好似食緊棉花糖，入口融化。加埋楓糖漿，食完好想再食。士多啤梨味都唔錯，Pancake伴碟做得很美，美中不足是士多啤梨有點酸，相比之下原味Pancake較為好食拉花Latte味道亦唔錯，豬豬拉花好可愛好靚，實在唔捨得飲左佢。

難得約左好姊妹食飯吹水。我們又真係唔係好肚餓而係想見見面，傾訴下！我就諗起想食pancakes 終於有人肯陪我食啦所以收工立刻走去，因為平時真係勁勁勁多人！好彩可能剛收工時間，未算太多人！店內Detox water味道無乜特別，有點酸酸地，甜甜地！Strawberry pancake賣相勁吸引見到都開心幾層既pancake夾著一層一層cream同Strawberry,唔會太甜和太膩，勁好味！重點是個我本身勁鍾意食士多啤梨梳乎厘pancake厚身班戟，好鬆軟又充滿蛋香味，而且配上香滑既忌廉，香得黎又鬆軟呢個pancake仲要係即叫即整，要預返等30mins,仲可以同朋友傾下計唔洗食得咁趕自從係日本食完之後，返到香港就好難揾到一間咁有水準的pancake

Chocolate dorayaki $88放學同朋友黎到k11，其實呢間野紅咗好耐，因為要排隊所以一直都唔試佢。但朋友好想食，三點幾咁岩唔使排隊，即刻就衝入去試。其實個人對呢種睇得食唔飽嘅嘢冇乜興趣，呢個Chocolate dorayaki朱古力醬香濃，食落唔會太甜，都幾好味。香蕉香脆，朋友二話不說食曬，如果中意食pancake既少女會好中意，士多啤梨、朱古力呢啲大眾化嘅口味。不過都係覺得呢類型pancake食完唔夠飽。

很久不見的好朋友說想聚一聚，她在尖沙咀放工，說想去K11 的PAN de PAIN，吃個tea，閒聊一下。這家來自沖繩的班戟店，我很早就想試了。今次有幸一試，當然要試試招牌菜 - Original Soufle ($78)Pancake 的質地鬆軟，入口有種吃雲的感覺，而且在口內立即溶化，造到店家聲稱的空氣感覺！幼滑忌廉一併入口，pancake 的感覺又有另一種體會！蛋香、牛油香濃郁，加入糖漿這位最佳拍檔，三味紛層，果然是最佳食法。是一個人吃得下的份量，solo 也不會覺得漏。朋友選了Cream brûlée pancake ($88)。這個的味道挺特別，pancake 表皮被烤過，外表香脆，塑造了一陣焦味，而且表面有一層焦糖，兩種焦味的配搭很特別，拼上隨碟的雪糕球，一冷一熱真的很過癮。

其實我很喜歡吃甜品的,特別是現在很出名的日式班戟一直都想試，可惜我男友一直對這些食物沒有興趣，所以一直都沒機會試男友不陪我來吃，所以今天下午我便找了我的閨蜜來這裡陪我吃班戟我們叫了3款甜品，分別是【Original Souffle】，【Signature Strawberry Pancakes(Cold)】和新推出的【Royal French Toast】，至於飲品方面我當然叫了我至愛的【Caffe Latte(Hot)】，我閨蜜則叫了夏日特飲~【夕燒x空】，侍應說這杯是【芝士奶蓋蘋果汁烏龍茶】好了，現在先介紹一下食物的味道~No.1【Original Souffle】個人覺得3款甜品中最美味的便是它了 梳乎厘班戟只有2塊，2塊都【漲卜卜】的，空氣感十足，非常漂亮味道方面，拍照的時候已經聞到很香的蛋香味，很想立即享用梳乎厘班戟好像空氣般輕盈，口感十分軟綿綿的，很軟熟，入口後立即溶化 梳乎厘有淡淡的蛋香味，又完全不甜，十分美味我最喜歡的吃法便是不添加任何調味醬汁，這才能嚐到食物的原汁原味不過我朋友加了糖漿和牛油後，味道都不錯糖漿甜而不膩，牛油亦和班戟的味道十分相配，甜甜的同時又有很香的奶

自從近期大熱的人氣西式甜品「梳乎厘班㦸」在香港出現之後，香港坊間越來越多西式甜品餐廳，都開始有推出跟「梳乎厘班㦸」有關的西式甜品，我亦差不多快要試了六間左右的「梳乎厘班㦸」甜品店。例如曾經掀起排隊熱潮，但是每日供應「梳乎厘班㦸」份量偏少的尖沙咀「GXXms Pancake & Cafe」、在油麻地以廉價跟無限量供應「梳乎厘班㦸」，因而受大眾歡迎的「黃巴士食店」「AX.PX」。至於位於食店雲集旺角美食區，價錢同樣便宜，但是「梳乎厘班㦸」無論是味道，還是款式都比「AX.PX」來得更多元化的「梳乎厘班㦸」專門店「I Love YXX Dessert Bar」，我到現在還未試得完所有口味。另外銅鑼灣有同樣推出限量版本「梳乎厘班㦸」，但是店舖位置地段更勝「GXXms Pancake & Cafe」的梳乎厘班㦸食店「FLIXXER'S」，還有今次要講的，位於尖沙咀商場「K11」開在韓國雪糕店「百X堂」對面的「Pan de Pain Pancake & Sweets」。「Pan de Pain Pancake & Sweets」跟尖沙咀「GXXms Pancake & Cafe」本來都一樣，「梳乎厘

經過呢間店有人龍，就排埋一份試下~試左原味Orginal PAN de PAIN, 好鬆軟，配埋cream，牛油，同糖漿食好滋味~Matcha Latte有豬樣既拉花，抹茶味夠濃

我知道依間要排隊等好耐先有得食, 所以揀佐係非繁忙時間食, 甘就唔洗等位叫佐個original pan de pain, 見到78 都有少少唔捨得叫,不過無計喇, 最出名都要試下.果然, 蛋味非常濃郁, 非常軟, 加埋糖漿一流, 但係食完好似無食到野甘另外,叫佐個多士, 不過好甜好濟.如果唔洗等位下次經過應該都會再黎!!!

同大家一樣，次次經過都好長龍就留下印象。又係今日巧遇大把位的lunch前少少時間，懷著少女心衝入去試。服務員態度好好又細心介紹，綠茶豬拉花既靚且好味。可惜個pancake🙈⋯⋯呢D叫做無質感、D粉生生地，定係叫空氣感已經攪不清。ummmmm, 可能同其他客戶一樣，pancake 應該不是這間排長龍的首選。

係 TST 食完飯，一定要搵下甜品啦，行下行下，行到 K11, 記得 lee 到有 Pan de Pains, 成日想食但都好多人，今次都唔例外，但星期五就唔緊要啦，等下啦！ Tiramisu pancake 好好味呀，不枉我地等了又等！

第一次黎PAN de PAIN食，之前已經一直想試，怕新開張排太多人。夜晚九點左右去排，等了15分鐘左右兩三張枱就有，太開心有得試啦！每人最低消費 叫一款甜品/飲品。Strawberry  Pancake  有分凍熱，去到凍已經賣哂，唯有揀熱。熱的士多啤梨醬會帶甜，pancake不太甜，味道ok，整體不算太甜，唔錯！最好呢款，soufflé pancake 鬆化，咬落去唔會太實，仲意呢種口感！又不太甜，蘋果味 夾得非常好，又有焦糖合桃，非常好吃啊！😋作為法式多士都很好味，正常期望。不過只可以揀一樣甜品，我會揀Apple  Soufflé  ！可能係最後一樣食，已經太飽了，有D失色。本身不太仲意實心pancake，咬感內面似cupcake texture ，不過佢用焦糖牛油煎 都幾特別，可以一試。已經太飽了，其實飲品都相當吸引，唯有下次再試！