Outdark (H8)

营业中

休息中

Outdark開業多年，至今人氣仲係滿滿今日我呢個老顧客又黎幫襯啦😙喺旺角行街就去食旺角分店喺尖沙咀行街就食尖沙咀分店每次都無令我失望，水準依然keep到😌之前好鍾意食佢既韓式豬腳，今次黎見到新出既烤牛肉就試試佢牛肉以蜜糖、醬油、芥末、蒜頭、芝麻碎⋯醃到好入味，配上金菇同年糕一齊以烤盤烤熟，仲有酸甜既青瓜做拌碟份量超級多，好惹味！今日同媽媽兩個人share真係食唔得幾多如果多d朋友黎我地實叫多碗白飯撈肉汁黎食🤣🤣黎outdark每次都期待食既韓式炸雞🍗兩個人點半份醬油炸雞炸雞熱辣辣一上枱我就忍唔住即刻食😌炸得很剛好的脆，裡面依然保留肉汁配上醬油～～～係食韓式炸雞既幸福🥰+$28就有sweet potato cheese stick本身炸雞都配有好多薯條薯格，兩個人食半份都好多，但見到芝士條又忍唔住🤣🤣每次去outdark都覺得好relax，室內環境好靚下次再黎食就寄翻封信比一年後既我啦😙

😈呢間韓國野食過好幾次，呢一日約朋友食飯話想食韓國野，一於就去呢間扮下飛左轉韓國。🐷芝士炒雞 $328配左泡菜，菠蘿粒粒，紫菜飯同埋雞蛋卷係爐既側邊；中間係芝士同埋雞；侍應會幫我地撈炒埋唔洗自己整；醬汁有少少辣好惹味，中間除左雞仲有年糕，芝士岩岩煮好有拉絲，但凍左就會變硬，所以呢個一定要趁熱食；同埋好多芝士食得多會好漏，所以建議多幾個人叫黎share; 但整體係好味既👍🏻🐷海鮮煎餅 $138呢個煎餅有蝦，八爪魚，青椒紅椒仲有香蔥，煎得好香脆，但又唔會話好油膩，點埋佢果個醬汁好夾而且已經剪好晒一舊舊，一啖一舊，好岩叫黎share👍🏻👍🏻🐷烤牛肉飯捲 $88每一舊飯捲都大大舊，一啖食唔到一舊，要分幾啖食；外層紫菜飯包住醃黃瓜，青瓜，紅蘿蔔絲，雞蛋同烤牛肉；烤牛肉好香口，其他材料好爽口，好清新好開胃👍🏻

呢間Outdark真係一間好有氣氛嘅韓式餐廳！佢嘅暗色調燈光，令到整個環境都好舒服，好適合嚟呢度慢慢嘆食同埋放鬆心情。😌嚟到呢度一定要試試佢哋嘅炸醬麵同埋香蒜蜜糖炸雞！😍 炸醬麵個麵條好有彈性，配埋濃郁嘅醬汁，味道好正，真係唔會膩口嘅！而炸雞就更加唔得了，外脆內嫩，香蒜味加上蜜糖嘅甜味，味道好平衡，真係一定要試下！👍最令人驚喜嘅係，佢嘅份量真係好足料！食完一份炸醬麵同一份炸雞，真係十分滿足！🤤總括而言，Outdark係一間非常值得嚟嘆食嘅韓式餐廳，除咗環境好氣氛之外，食物味道好又份量足，真係一流！👌

夜空的亮⭐⭐係室內都可以👀到，鐘意食韓國菜既你可以來尖嘴outdark 賞星⭐品味！呢度環境舒適有情調，燈光柔和。韓式烤牛肉有牛肉，金菇,洋蔥，青瓜，仲有年糕，牛肉烤得好香滑。泡菜海鮮煎餅有蝦肉，蔥，魷魚等，薄度控制得恰到好處,外層微脆,內層鬆軟不油膩。蕃薯芝士條無叫到炸雞，叫左炸番薯。芝士微微拉絲,外層炸得香脆, 甜甜的，淡淡番薯香。姜茶熱烘烘，辣度足，健康好喝整體而言，食物美味，環境舒適，高CP之選！

𝓘 𝓵𝓸𝓿𝓮 𝓽𝓱𝓮 𝓮𝔁𝓽𝓻𝓪𝓸𝓻𝓭𝓲𝓷𝓪𝓻𝔂 𝓯𝓵𝓪𝓿𝓸𝓻𝓼 𝓽𝓱𝓪𝓽 𝓘 𝓰𝓮𝓽 𝓯𝓻𝓸𝓶 𝓮𝓪𝓽𝓲𝓷𝓰 𝓚𝓸𝓻𝓮𝓪𝓷 𝓯𝓸𝓸𝓭蒜蓉蜜糖炸雞無骨炸雞非常酥脆,嫩滑的口感。蒜蓉的香氣和蜜糖的甜味 根本停不了口海鮮炒年糕（stir fried rice cake, fish cake, vegetable, clam, corn mozzarella cheddar cheese, pineapple and kimchi)原隻炸魷魚係年糕鍋上面, 魷魚炸得香脆 粉漿唔會太厚 爽口彈牙。半熔狀態嘅水牛車打芝士混合粟米太好味

和朋友到尖沙咀逛街順道食飯。尖沙咀多韓國餐廳而今次選了Outdark。很久沒有去韓國了，很想食炸雞。店舖裝修很有氣氛好適合朋友聚會聊天。今次點了雙拼炸雞和韓式烤牛肉。⭐️雙拼炸雞（全份）$208雙拼炸雞可以選兩種口味，我們選了醬油味和香蒜蜜糖味，炸雞全份很大一份， 炸雞酥脆、肉質嫩滑，以及醬汁的調味剛好，讓人感受到韓國的感覺。炸雞有薯條、薯塊、薯格，面頭灑了甜甜的芝士粉，薯塊炸到很脆，一塊接一塊。⭐️韓式烤牛肉韓式烤牛肉配料牛肉、年糕、金菇、酸青瓜、青辣椒、韭菜、紅辣椒、洋蔥。調味美味，很適合配飯食。烤牛肉的口感軟熟不柴。年糕則略為硬不夠Q彈。️⭐️Outdark yogurt -Strawberry $45草莓乳酪很開胃，可以喝到濃稠的乳酪味道，味道偏甜。

Outdark 係我覺得香港最好食既韓式炸雞❤❤每次都因為人數唔多所以只能係炸雞 或 🧀芝士豬肋骨 簡因為普遍食物都係大份今次簡香蒜蜜糖炸雞(半份) $118每次都會熱辣辣食落脆卜卜 蜜糖味好重😋😋每次必點 自製飯團 $45好玩又好食但呢個真係小心辣親手呀串串魚糕湯 $198天氣凍緊係想食熱湯類食完成身暖哂唔會好重味精 好咬口既魚板 魚糕仲有粉絲一定會飽飽每枱都會必出現既 米酒 我簡左芒果蘋果味 $135水果味唔會苦無咩酒味真係好好飲 好飲飲緊水果奶咁#foodie_aki#yum_yum

尖沙咀好多韓國餐廳，而Outdark系我最喜愛嘅其中之一。佢啲韓國菜好正宗，而且環境令人感到好chill，絕對系約朋友嘅好地方。餐廳門口有鎖牆，室內專登校暗燈光，星星燈十分浪漫，韓國味道濃郁。炸醬麵，必食推薦！以黑豆整成嘅炸醬，香濃開胃，有非常多五花肉同蔬菜，尤其喜歡佢加入粟米粒同鵪鶉蛋，口感豐富有層次。麵夠Q彈，而份量好足夠。海鮮煎餅 ，勁多韭菜，香味非常誘人，成塊煎餅都係海鮮 ，有大量魷魚同蝦仁 。煎餅外脆內軟嘅口感仲非常焦香，賣相亦都係一流，點埋佢個醬汁仲正。半份雞，我哋揀咗香蒜蜜糖味，用炸薯條同薯角砌起，賣相吸引且份量滿足。新鮮熱辣的無骨雞肉食起黎非常方便，雞肉肉質嫩滑。冇酒精嘅Mojito有好新鮮的薄荷、青檸汁和梳打調成。口感清爽宜人，帶有淡淡的薄荷香氣，梳打爽口。

又到星期六啦，緊係要約朋友去尖沙咀行下街啦。朋友係韓迷，約左係厚福街的 Outdark ，話拎過OpenRice 開飯熱店，所以記住book位，我地走時已經要等位。朋友極力推薦呢個 DIY 飯團，又幾好玩，自己搓飯團，而且好好味，紫菜又多，抵食過牛x飯。之後就簡左signature dish 半份蒜蓉蜜糖炸雞。大大份，仲好多薯條，我地2個都食唔晒。sauce 甜甜地好好味，同係韓國食既一樣咁好味，而且炸得黎雞肉仲好滑好juicy。Outdark 原來係韓國好多分店，埋單個位都係韓國人，夠晒正宗👍我地仲點左忌廉海鮮，份量好大，炸魷魚就咁食好正，包爐邊既芝士粟米食又好正，就咁點忌廉汁食都得，三種食法。飲品方面我地叫左水蜜桃同芒果梳打，2杯梳打都好fresh，好解渴，配炸雞一流。

科學館又有科學節，帶小朋友去參觀之前緊係醫左肚先啦。一致投票去厚福街的 Outdark 。半份蒜蓉蜜糖炸雞。炸雞的外皮炸得非常酥脆，而雞肉本身則保持了嫩滑的口感。醬汁的味道非常獨特，蒜蓉的香氣和蜜糖的甜味啱晒小朋友。忌廉海鮮的份量十分大，裡面包含了大大隻既炸魷魚，仲有蝦仁同蜆。忌廉汁非常濃郁，點炸魷魚食一絕。sides仲有小朋友鍾意既紫菜飯同菠蘿，仲有芝士粟米。至於飲品方面，藍莓乳酪和芒果梳打也都非常好喝。藍莓乳酪非常幼滑，而且藍莓的甜酸味道非常適中。芒果梳打則是非常fresh，最啱食完煎炸野飲。#香港美食#outdark #outdarkhk #koreanfood #koreanstyle #korea #chicken #H8 #厚福街 #炸雞 #cheese #韓國 #韓國菜 #過江龍 #旺角美食 #尖沙咀美食

🐝 Outdark (厚福街) 🐝#bee11foodie尖沙咀༶ ༶ ༶ ༶ ༶ ༶ ༶ ༶ ༶ ༶ ༶ ༶ ☾ ༶ ༶ ༶ ༶ ༶ ༶ ༶ ༶ ༶ ༶ ༶ ༶今日朋友約咗我去尖沙咀食韓國菜💗，唔係第一次食outdark lu，每次都好有驚喜🤓✨烤牛肉粉絲味道香濃，牛肉肉質鮮嫩，同爽口嘅粉絲搭配非常好食，非常適合作為主餐🤣❤️✨炸蝦飯卷呢款小食口感酥脆，鮮甜可口，🦐外層炸得金黃酥脆，配上醬汁更加美味😍😍✨香蒜蜜糖炸雞呢款係我最鍾意嘅之一，雞肉香脆多汁，蒜味同蜜糖嘅調味非常恰到好處，好好味🤤🤤✨blue lemon呢款飲品好清新，結合咗檸檬嘅風味，味道酸甜可口，非常適合解渴👍🏻🤓🤎✨柚子梳打呢款飲品口感爽口，柚子嘅酸甜味道同氣泡水嘅氣息完美融合，😋係一款好適合喺炎炎夏日飲用嘅飲品😆😆

除左日本菜我就好喜歡韓國菜，今次同老公再黎韓國餐廳outdark，亞女返左學，我緊係叫有辣嘅菜式啦🤣🤣芝士豬肋骨 $338一上枱見到一大個爐，真係食指大動。份量大足，一邊係水牛車打芝士，一邊係辣醬豬肋骨，爐邊仲有菠蘿、泡菜、紫菜飯，隔左一陣，店員會主動幫我地炒溶芝士，再將芝士淋上豬肋骨上面，豬肋骨連帶芝士一齊夾起時，芝士有拉絲效果，芝士仲好香濃，勁正！豬肋骨肉質好軟腍，很易就可以離骨，辣辣的好惹味，邪惡😈永遠最好食。烤牛肉飯卷 $88每次去outdark一定會叫佢地嘅韓式飯卷，多餸少飯，有牛肉碎、蛋條、紅蘿蔔絲、青瓜條、醃蘿蔔同埋芝麻，包到實的的，將飯卷沾上芝士豬肋骨嘅辣醬都好好食。西柚梳打 $38大大柸，微微甜，岩哂食完辣野中和番

同朋友黎尖沙咀行街， 想食韓國野第一下反應又係黎outdark🤣☑️炸醬麵 $108炸醬好香濃，麵既軟硬程度適中， 每一條麵都裏滿左炸醬， 除左有好多五花肉之外🐷仲有我最鍾意既鵪鶉蛋🥚☑️辣豆腐湯烏冬 $198用石鍋上既烏冬熱辣辣，烏冬輕輕煮一煮就可以閂左火先😗入面有好多唔同既配料， 八爪魚🐙蜆🐚豆腐，金針菇， 冬菇🍄八爪魚仔有好多隻大大隻， 爽口彈牙😍 湯底唔會太辣， 食開小辣既人都一定食到😎☑️海鮮煎餅 $138海鮮煎餅切成岩岩好一口既size， 煎餅外脆內軟， 配料方面都好足， 有大大件魷魚🦑 蝦🦐韭菜， 點埋佢地個秘製醬汁👍🏻☑️Green Apple Ade / Grapefruit Ade $38大大杯既梳打外型好吸精，梳打唔係個種人造味道，亦唔會太甜，食左甘多辣野飲返杯梳打中和下就岩哂啦🤤

尖沙咀厚福街H8成幢樓都好多嘢食，今次食咗韓國餐廳outdark。韓式雙拼無骨炸雞拼盤一次過可以滿足兩個願望，叫咗香蒜蜜糖🍯同甜辣🌶️味炸雞。2款炸雞味道香甜可口，配上餐廳特製韓式醬料甜度適中，而甜辣炸雞唔會太辣，啱晒唔食得辣嘅人。拼盤配埋炸薯條🍟同薯格，份量十足。另外，我哋叫咗個烤年糕小食。年糕煙韌易入口，有辣同唔辣2款，辣嘅韓式年糕味道入口香濃。至於韓式煎餅，野菜同海鮮🦑味道香甜，食落香脆可口，配上微辣、鹹香同醋嘅煎餅🥞，心心眼😍。食炸雞同辣嘢配埋藍莓🫐同酸甜嘅士多啤梨🍓乳酪，yumyum😋꧁☬小編食左咩☬꧂✅雙拼炸雞（全份）-甜辣、香蒜蜜糖炸雞 （$208）✅烤年糕 （加$20）✅海鮮煎餅 （$138）✅藍莓乳酪 （$48）✅士多啤梨乳酪 （$48）(◔◡◔) ♥️ 人均傷害💰：~ $250♥️

不錯的食物而且不平凡嘅味道。以為係一般韓國餐廳但係味道絕對驚喜炸醬麵，加入洋蔥粒但係熟咗嘅洋蔥沒有辣味，反而增加清爽口感，也唔會好鹹。炸雞外脆肉嫩，炸完仲好滑，不同凡響。配菜有不同形狀的薯角，薯條，薯塊，不沉悶飯卷有水準嘅不會散開，外觀好看，味道合期望飲品mohito 冇酒精成份清爽，希望可以有不加甜嘅選擇，柚子蜜足料合預期，如果可以要求加熱水refill 更好服務人員態度非常友善良好，希望可以保持落去