OPPA韓國燒肉店 (已結業)

早前吃過A級和牛火鍋後，一直都心思思想試一下吃和牛烤肉，直到我看Facebook發現到有這家oppa韓燒，等便跟我的朋友組團去「享受」一下。難得一班朋友路途遠遠的入到大埔，當然要吃一個最豪華的oppa江南海鮮燒肉放題（$368）！高級食材和飲品都是任點任吃的。先上五花豬腩肉，放在熱烘烘的鐵板上只聽得美妙的「炸炸」聲，也為鐵板開啟了美食的序幕。至於一般的韓燒，都會預先為食客準備了幾款烤肉醬和調味料，這裡也不例外。頭盤小吃有芽菜，海帶和泡菜，其中我最喜歡泡菜，醃得入味之愈又不會太生或太老，放到和生菜與烤肉一起吃也非常好吃。香噴噴的法國代表鵝肝，食客可一嚐當廚師的滋味自已炮製一下，遺憾的是在餐單上沒帶鵝肝可以追加。接著上的是誇張海鮮盤，誇張在於它有大大隻的大螺，誇張的鮮美彈牙，還有爽口大魷魚，鮮甜大蝦，蜆和多春魚，把這些都放在鐵板上，即時垂涎三尺。海鮮盤當中的明星，我認為是這個帶子，簡單的煎烤幾下，兩邊金黃，入口鮮嫩甘甜之餘，更多了一份香氣，遺憾是不在追加之列。而我這晚則是為了這個而來，A4級和牛！鬆化油香入口即溶的和牛，放到鐵板上燒，聽著已經垂涎，吃過後更會欲罷不能的追加，油香入口即化的牛

今日開始轉涼 最好就係燒野食 雖然聽日放假 無理由真係去架 韓燒正係不二選一係唔食 一食梗係試個貴(尤其任食) 試左398江南海鮮燒肉放提地方大 枱與枱有一定距離 食得舒服 店員快手快腳 唔會浪費食野時間 一黎到盤肉 未燒已經贏晒觀感 欣賞分門別類 好清晰 知燒緊邊個部位 當然到最後如果要講返每一樣有咩特別梗係唔記得喇 每樣油脂分布平均 肉味重 質素高 個人推介 牛脷同牛排骨 牛脷新鮮無so味（特別喜好）牛排骨味道最濃最野味另外配送海鮮盤 有大蝦 鮑魚 帶子 尤魚 全部都新鮮 最欣賞蝦 爽口有蝦味 淨係食呢2盤野已經7 8成飽 出面仲有得拎小食 自己推介炒年糕 煙煙unun 好味

同老公結婚周年，親愛的話今晚帶我食好野，難得撐枱腳唔洗帶仔，食得舒服又安樂~環境好熱鬧，全場爆滿，服務一流，見我地燒得有d迷茫會幫我地，讚!燒豬腩肉，豬膏爽爽，肉淋淋，雖然無醃但無豬腥~包生菜落辣醬，正! 有蒸蛋，甜甜蛋香又滑，老公勁愛添多轉添~油花好靚既日本和牛，燒到半生熟最正，入口香濃牛既油脂味，牛味重，完全唔洗點醬食，原汁原味，如果包生菜我覺得有d晒所以無咁樣食~老公話難得亞仔唔係度要試下手工啤，飲完一枝又一枝，仲話韓燒梗係配啤酒（乜唔係燒酒咩？）我酒精敏感無試，但睇佢飲得都好開心好盡興~

寒冷天食燒肉原本約左同事食西餐但天氣突然轉涼所以一經過呢間就即刻決定食一睇menu見到有全牛頭盤好吸引 坐低一陣全牛頭盤已經送到枱上真係忍唔住即刻食！頭盤包括A4黑毛和牛肩肉A4黑毛和牛三角腩仲有黎自唔同地方嘅美味牛澳洲加拿大鹿兒島美國等等唔同牛嘅部位一放落去燒就聽到炸炸聲仲聞到一陣陣嘅肉香味真係流晒口水特別係A4黑毛和牛肩肉肥瘦適中不會太肥但入口即融鹿兒島牛柳粒好林食落去啲肉汁一下子就爆出黎成個口都充滿食牛肉味無骨牛肋肉美國牛小排肉味濃得黎味道很甜加上醃過肉質唔只好嫩而且醃料令肉味更突出都差唔多一半先諗起啲醬汁因為每樣食物嘅味道都已經好濃所以都無特別點醬點左醬味道更加濃郁不過如果唔需要食得太濃嘅直接食會更加原汁原味同埋已經好好食另外亦都有叫到其他野雞翼豬肉雞肉菇類當然唔少得而且熟食選擇亦好多我就試左個shake飯同炸雞等等份量好多最後仲有埋movenpick 同 haagen-dazs雪糕雖然外面天氣好凍不過個肚食左咁多好野暖哂

當我地一入到店內，就已經聽到流行既K-pop系店內播放，同時檯面已經擺放左三樣前菜，分別系海帶，泡菜同芽菜。呢度既泡菜酸味比較重，辣味就比較輕，所以對想食泡菜又怕辣既朋友來講系一個唔錯既選擇，最重要既系前菜食完可以叫店員添加。同時每台都有附送生菜，怕食得太多肉會滯既朋友可以包住燒肉來食。今次肉食方面，我就分別點左加拿大無骨牛肋肉同韓牛肩胛。強烈推薦加拿大無骨牛肋肉200g 都係$138，脂肪同肉既比例大概系1：1，肉質比較嫩，所以燒完食落口，口感會比較淋，同時牛騷味都幾特出，所以如果中意騷味既朋友可以試下食，都幾抵食！！！另外韓牛肩胛 200g原價$138,但係為左慶祝三週年所以優惠價$108就可以食到啦！呢碟既肉質就比較實，牛肉味都重，但係牛騷味就無甘濃烈，唔中意牛騷味既就比較推薦食呢款。系湯方面我就叫做豬肉大醬湯，裡面主要既材料系豆腐同豬肉，比較驚喜既系豆腐好滑，豬肉就一般，一碗大醬湯我唸都夠3～4個人每人一碗，價錢都係$78。系麵食方面我就點做部隊湯麵$58，呢碗拉麵系辛辣湯底，裡面配菜有芽菜，泡菜，太陽蛋同午餐肉，湯底既感覺似系辛辣面果種感覺，不過辛味就無甘重，唔會太過刺激，唔

今日同屋企人一齊去左大埔玩，晚餐就喺大埔附近搵下食。行過呢間韓式放題燒肉店，比佢門面吸引去睇，見價錢又低食。入去裏面環境寬敞舒適，座位係一個鐵桶改裝而成嘅，裏面又可以存放手袋雜物。燒烤盤邊有幾個小格可放泡菜蛋同牛油栗米，等一陣肉食就嚟到！見店主好有心思用一個牛型嘅盤放上新鮮肥美嘅牛肉，見到即刻急不及待夾起來燒，配埋由店提供嘅醬汁加埋肉質鮮嫩，簡直係美味！點埋個五花腩燒配埋醬汁加片生菜夾起一齊食，正！感覺係絕配又點左個泡菜豆腐湯宮廷炒年榚同埋牛肉石鍋伴飯每款菜式都十分美味，簡直係值得再去食！

今日家庭日，同左小朋友去左火車博物館，再去搵下好野食，行到見到門口見到間放題餐廳好吸引我，因成裝修好特別，用左塗鴉風格裝修既餐廳，於是我就入左去食放題我地選擇左弘大放題我地入去座低後，店員服務友善，上菜都好快，首先黎左個頭盤，有A4黑毛和牛，澳洲和牛，牛柳粒和美國牛小排，最正緊係五花腩，因為加埋辣醬包生菜好好食，仲有A4和牛都好味，油脂分布均勻,以韓燒黎講$268可以食到有質素既牛同五花腩，絕對超值最貼心果塊係鐵板，仲要一路燒一路流左多既油落碟仔👍讚 因為大部份韓燒都用網，個泡菜多半生熟最正，蛋味濃👍小朋友最愛就緊係牛油栗米，一定要試，因為大人細路仔都食唔停口🤭🤭這個韓式年糕也不錯👍👍總結今晚呢餐韓燒有驚喜，食到飽飽，服務態度好👍上菜快👍下次出開去會再去😂😂

月頭去咗鹿兒島既我，咁岩表妹月尾就出發鹿兒島，就傾下旅行好去點，住係大埔既表妹見到咁我鍾意食肉，就叫我入來呢間食下！我地揀左中價既弘大燒肉放題因為我地比較早，所以第一枱，可以影到佢店內環境！一坐底就送頭盤頭盤包含多款靚肉：A4黑毛和牛肩肉， A4黑毛和牛三角腩，澳洲和牛下腹腩,，澳洲和牛脷，封門柳，鹿兒島牛柳粒，加拿大牛排骨，無骨牛肋肉，美國牛小排另外我地點左 ，醬醃牛肉，豬頸肉，五花腩所有牛肩肉，三角腩，下腹腩，牛肋肉全部薄切燒一陣就可以入口～肉質比較淋，也差不多做到入囗即溶，脂肪比例剛剛好～鹿兒島牛柳粒是追加的這個牛柳粒大粒之如脂肪比例完美，以為燒完縮細，錯～燒耐左大細都係差唔多，而肉身keep住比較淋～我地追加左兩次無骨牛肋肉，鹿兒島牛柳粒其實除左肉類仲有好多熟食，包括牛肉石鍋拌飯，雞肉石鍋拌飯，部隊shake shak飯，炸醬麵，海鮮餅，泡菜餅，炸雞，湯類等等～我地又點左個部隊shake shak飯，有太陽 蛋，泡菜，午餐肉，芽菜，份量比較適中～最後甜品每人一份，三種都係我最愛當食住甜品既時候，表妹發現，原來三個女仔可以食到咁多肉～表妹真係冇介紹錯，價錢合理，選擇又多，所以我已

去完韓國返嚟，都仲係念念不忘韓燒今日嚟到呢間好正宗嘅oppa韓燒甫坐低店員就端上前菜三碟：海帶，泡菜同芽菜，三款都好啱口味附送嘅牛肉頭盤好豐富好靚每一款肉都切好，放係唔同嘅位置，見到全部啲雪花都好靚，脂肪同肉嘅比例好均勻忍唔住好想快啲食呀接近個頭嘅係牛舌，切成條狀，燒兩燒都熟，肉質爽口其他肉都好特別，係A4黑毛和牛同澳洲和牛嘅靚肉沾埋佢俾嘅醬汁(淺橙色，有啲甜)一齊食都幾夾我好中意下腹腩，因為較多油脂好香中間嘅醬醃牛肉好特別，痴住舊骨應該係牛肋肉，醬醃到橙色，又有啲似港式叉燒不過燒嘅時候真係要留意，因為啲醬都幾甜所以會容易燶，都係要睇住個火1++韓牛有兩塊，切得有一定厚度重頭戲嚟啦，一燒呢兩塊正嘢，即刻好小心翼翼，驚嘥咗兩塊靚肉果然不失所望，兩塊肉嘅肉質好嫩，入口即溶，個心都跟住融化一路燒豬肉又一路燒牛肉，發現個燒盤有個好特別嘅design就係佢向左傾斜，左邊會有個位幫手排走多餘嘅油份，唔會肥淋淋，亦都唔使驚太多油會俾油彈到平時食安格斯牛柳比較多，鹿兒島牛柳粒較少見，啲肉都好重牛味朋友最中意佢嘅三角腩肉，油脂多，食落有好軟熟因為有太多肉，所以我哋驚唔記得咗邊塊打邊塊，所以都好有次序咁排

餐廳裝潢好有特色，牆上大大幅噴畫、黑色嘅抽油煙管、金屬枱、油桶櫈，感覺有工業風格，好似喺間工廠食韓燒咁。仲有金仔陪你食，以為去咗北韓。燒烤板係特別設計，唔係張枱斜，係塊板有少少傾斜，啲油就可以順住側邊條坑流出去，咁就唔駛燒極都係舊油。我地叫咗弘大燒肉放題$238，星期五至日同埋假日就要$268。有一大盤牛，再加放題紙內任食，時限係120分鐘。飲品就要另加$30任飲，加$40就任飲朝日啤酒，加$50就任飲紅、白酒，另有半價手工啤酒、沙冰。任食選都幾多，如果想再食多啲肉都可以任叫。另外比較特別嘅有韓式料理，有飯、麵、煎餅、湯。而家睇返原來仲有韓式炸雞，當時眼大睇過龍唔記得叫添⋯如果唔飲嘢，就可以自己斟茶飲。普通飲料有汽水、韓國果汁；手工啤都幾多選擇，幾個雪櫃都係。牛肉係擺喺一個牛形狀嘅木板上，幾有特色。根據Menu係有A4黑毛和牛肩肉、A4黑毛和牛三角腩、澳洲和牛脷、澳洲和牛下腩、封門柳、鹿身島牛柳粒、加拿大牛排骨、無骨牛肋肉、美國牛小排。全部一望就知油脂幾豐富。當中澳洲和牛脷最爽；牛肩肉就油脂同牛肉平衡；三角腩、牛下腩就食落爆晒油香。事實係冇寫明係咩部位，又冇講解，都唔肯定自己食緊乜。五

天氣咁凍，我個朋友就約左我去食晚飯，佢就話咁凍就係食燒肉啦！佢就帶左我去一間韓式燒肉放題到食！環境好有韓國feel，空間夠大，可以容納好多人，裝飾都幾靚，牆上全部都係噴畫！平日都好多人食，最好book定位！我地就選擇左弘大燒肉放題（$238），加錢仲可以任飲韓國飲品、汽水、酒精飲品、燒酒⋯都好多選擇😋先上左個頭盤🥩睇個賣相都唔錯，分門別類，當中仲有和牛😋有A4黑毛和牛肩肉、鹿兒島牛柳粒、澳洲和牛脷⋯等等，肉質唔錯，都好鮮嫩，好有口感！食韓燒點可以冇五花腩架😂五花腩好夠厚，食落口仲好爽口，仲可以任點真係好抵跟著我地仲點左一d小食去燒，推薦大家燒韓式香腸，好好食，好夠味！燒雞脾菇都唔錯，好爽口！牛油粟米都一定要食，好香牛油味，粟米好甜😊我地仲叫左宮廷炒年糕，夠曬辣，年糕好有咬口，魚肉都好入味👍🏻估唔到仲有韓式炸雞，好正，炸雞外層好脆，肉質好滑😋D配菜係無限添加，我都叫左幾碟😂其實食完個頭盤都已經好飽😂食得曬個頭盤都已經抵返曬😂下次我都會再黎食😬

天朗氣清萬里無雲嘅日子，最啱就係燒嘢食。一早已經約好曬成班有大有細入大尾督，諗住由晏晝燒到夜晚，仲可以係個大空地旁邊親親大自然。點知今日一家有流感，另一家又話突然有急事去唔到。所以期待已久嘅BBQ就臨時取消咗啦。剩返小貓三四隻，入去又無癮，唔入又掃興，企左係大埔唔知點好。既然一場嚟到就決定大埔一日遊，首先掃左大埔街市食亞婆豆腐花，然後去大埔鐵路博物館，再去埋大埔農墟，最後去咗大埔直街搵食，因為今日本來plan 左燒嘢食，為咗唔想令大家咁失望，所以我哋都係揀咗韓燒， 都係燒啫。全場都係而家最興的韓式圓形燒烤枱＋油桶櫈。我地由於早入場仲可以坐到卡位，好大好舒服。牆壁以街頭塗鴉藝術作為裝飾，好特別。韓烤任食兩小時 $238，小童同長者半價，唔貴噃。响我地仲硏究緊 order 紙的同時，侍應已經上左一隻牛俾我地。冇錯！ 真係成隻牛上！原來果個係佢附送的頭盤已經包左九款牛， 有A4 黑毛和牛肩肉、A4 黑毛和牛三角腩、澳洲和牛下腹腩、澳洲和牛脷、封門柳、鹿兒島牛柳粒、加拿大牛排骨、無骨牛肋肉同埋美國牛小排。即係一盤入面有齊唔同國藉唔同部位的靚牛俾你試，仲要每塊都油脂閃閃，未燒就知正！果然D牛好有

天氣凍冰冰，體感好似得返零度咁，咁凍嘅天氣最好就係食熱辣辣嘅嘢，最近唔想打邊爐，咁就一於食韓燒囉對住個爐暖粒粒，一於去阿媽屋企附近條食街開餐。食飯時間價錢係正價，如果食消夜真係抵到爛，再平多一點點。一眼見到弘大燒肉放題，已經知道一定係你啦！ $238 食到飽一入門口已經有侍應招呼，講咗比佢聽想食弘大放題，一坐低二話不說，已經有韓妹子幫我地整泡菜煎蛋啊！服務唔錯跟住另一位已經將牛牛拼盤奉上這個頭盤真係不得了。好有誠意，有比較少見嘅A4黑毛和牛肩肉 同埋三角腩👍🏻澳洲和牛下腹腩鹿兒島牛柳粒加拿大牛肋肉來自世界各地唔同嘅靚牛淨係賣相已經攞満分，放在爐上燒一下吧，再反一反，七成熟已經夠啦！脂肪分布平均，入口帶一點油脂，牛肉味濃郁，味道挺不錯的，所以很快便被我們吃光了而且仲有不得不提嘅今期推介1++韓牛我覺得肉質尚算肥美，入口軟腍之餘，肉汁也十分豐富，所以在韓國那麼受歡迎如果冇記錯加＄30就可以追加韓式飲品任飲，我最鍾意就係提子汁同埋梨汁，supermarket 買都唔平㗎！其中小食有韓式炸雞，皮脆肉嫩，我都食咗三件其餘任點任食嘅菜式，我鍾意食腸仔、午餐肉、魷魚，其實都仲有好多豬肉雞肉同埋魚，但

太和向來都有很多餐廳食肆提供選擇，早前經過一間韓國餐廳已經見到裏面有很多客人，今天經過決定入去一試。餐廳韓式放題好抵食，每人只係大約240蚊，但係佢啲肉類都非常高質，當中更加有A4和牛。除咗A4和牛之外，仲有澳洲和牛，食落去好有牛味，同埋d肉唔會好肥好多油，唔會蓋過牛肉真正嘅口感。每位客人都會送一板高級肉類，其他普通嘅肉類就任叫，仲有海鮮選擇，例如硯，魷魚，多春魚等等。個硯好值抵讚，佢個湯低帶點辣味，而且似係用豬肚淆過，好香口，個硯好入味，而且孚大隻添!每位客人仲會送雪糕或雪條一份，食完好滿足!餐廳環境寬敞，坐得舒服，服務都好周到!

了左件心事，要入大埔set個靚頭換個新形象，順道食好西！老公帶咗我去一間區內出名的韓燒，我哋揀咗貴嗰個餐來一解內心的鬱悶。$368基本上所有食物都係免費追加。有點surprise原來呢度唔係用網燒，而係用鐵板燒！先來一件豬腩肉，目的當然係利用豬油煎香鑊底啦！和牛拼盤非常精彩，有大概十種牛肉，有幾款都係嘅高級的和牛，油花雪白均勻。海鮮亦甚有看頭。當晚冇鮑魚，店長哥哥特別安排左鵝肝俾我哋補償，好滋味。稍為不足的係鐵板的感覺較為油膩。正正因為咁，我哋都點左一個人蔘雞湯。臨尾再來一碗水冷麵清清味蕾。為咗令到冷麵夠凍，廚師都落咗好多冰，成碗面都係冰涼透心的感覺。成日以為大埔係一個好荒蕪的地方，但其實只要識搵食，其實都有唔少美食在大埔！