OPPA韓國燒肉店 (已結業)

窩夫與蝦子餅很久沒有吃過韓式燒肉，想起OPPA的和牛頭盤，便去大吃一頓。星期日下午五時半左右入座，食客不多，可以欣賞牆上的壁畫。 點了弘大燒肉放題，星期日七時半前成人每位收費238元。 最令人期待的和牛頭盤來了，九項牛肉放在牛型木盤上，比上次的大圓盤更具特色。 五花腩是另一推介。 窩夫喜歡加點海鹽調味。蝦子餅愛吃的泡菜。 韓式前菜還有芽菜和海帶。生菜很新鮮，洗得很乾淨。 開始燒肉，先燒A4黑毛和牛肩肉，肉味夠濃，肉質彈牙，很好吃呢。 A4黑毛和牛三角腩充滿油香。 封門柳平日很少吃到，肉味超濃。 燒五花腩需時，邊燒邊喝碗人參雞湯。 爐邊有兩格可放牛油粟米和芝士燒。吃過和牛頭盤和五花腩後，加了豬頸肉和午餐肉，以及可無限添加的牛柳粒。 烤肉以外，還有多款韓式料理，真露蜆湯的材料豐富，有蜆、豬腸、蘿蔔和粉絲，胡椒味較重。 豐富的晚餐以一杯Haagen Dazs士多啤梨味雪糕作結，很滿足呢！

本身不是很愛食韓式燒肉的人,但朋友極力推介之下,說一生人也要試試看,心想偶爾轉轉新口味,就答應友人,齊齊去這間韓式燒肉。離太和地鐵站太約行十分鐘,就已經在巷仔入面看到這餐廳,看到門口和牛任食,更已經勾起我的興趣。坐下來已經有預熱了的盤子,還有調味料及一些前菜。同時,待應也很耐心解答我的問題。幸好我朋友記得預約,其實都幾多人來食,現場的環境熱鬧,但又不會太吵鬧,和朋友都傾計都唔會話太嘈,而聽不到。前菜都幾大碟,而且也是無限添加,果然很有韓式的感覺。今次點了這個每人$368的海鮮燒肉放題。看到餐單都幾多選擇,唔夠就可以再添加。頭盤選擇眾多,甚至連羊,雞都有得揀。先來這個全牛的頭盤,好可愛的牛牛,將牛的各個部位一一呈現出來,可以一次過食晒所有牛的各個部位。每款肉都有3片左右,唔夠的話,當然可以再添加。除此之外,還有這條大大條的鯖魚,開初仲諗住會好細條,誰知送上來的時候,真的整整半條,份量之多,真的啖啖肉。再來就是飽魚及帶子,扇貝等。全部都好新鮮,燒起來,看到海鮮的慢慢收縮之餘,也能鎖緊鮮味。仲有海蝦,都是好大隻,而且是已經切開了,所以就這樣放下去燒,更容易熟透。一邊看著燒肉,滋滋聲作響,油脂

本人係一隻食肉獸 無肉不歡 所以勁鍾意食韓燒 食過好多地方嘅韓燒 都唔及呢間位於大埔嘅oppa韓國燒烤 已經係第二次食 一直對呢度嘅a4黑毛和牛三角腩念念不忘 所以一定要返嚟再幫襯 星期日嘅六點鐘嚟到 人數唔太多 不過都陸續入座 唔到7點已經全院滿座 好誇張 牆身有好多塗鴉 勁繽紛夠特別 坐位坐得幾舒服 我哋係食$368嘅套餐 有和牛同海鮮任食 仲有各種唔同嘅韓國料理都係全部任食 一坐低侍應哥哥已經拎一盤包羅萬有嘅牛肉頭盤上嚟 有醬醃牛仔骨 牛小排 牛肩肉 牛舌 和牛等等 全部都夠新鮮 油份十足 個人最愛醬醃牛小排 因為非常惹味 而且牛味十足 仲有泡菜爐邊蛋都係任食 記得點埋芝士燒 可以放喺個爐邊 芝士一溶咗 就可以用啲肉去點芝士醬 可以做到勁長拉絲效果 極度邪惡 食完頭盤之後 就梗係瘋狂追加和牛啦 有m6澳洲和牛黑毛 和牛三角腩 澳洲和牛牛舌等等 個人最愛黑毛和牛三角腩 因為油脂真係超多 而且牛味極濃 七成熟就最佳食用時間啦 一啲都唔韌食到飽飽 連加一埋單都係$405一位 真係超值 食黑毛和牛喎 呢個價邊度搵到

是日慶祝母親生日，一向食開同區的首爾，係OpenRice見呢間新餐廳評語唔錯，打算試下呢間新野轉下口味。可能有點期待，所以食完覺得有點失望。有d唔記得影相，總括一下食過d咩。因為怕中伏，所以都點一d大家都覺得好評的。（除左牛仔骨純粹家人喜歡食先叫）海鮮煎餅，唔錯吞拿魚紫菜飯卷，未食過吞拿魚呢款口味，新嘗試都唔錯豆腐鍋，不過不失蜜糖炸雞薯條，略甜，而且凍左變得好硬。牛仔骨，家人表達好似食緊紙皮，無汁無味又老。綜合家人意見，都係首爾比較好食，尤其牛仔骨。

帶點玩味的裝修，有別於一般的韓燒風格，圓桶櫈貼心的內藏暗格，可放自攜物品，大可安心用膳。點了弘大燒肉放題，可一次過品嚐多款和牛唔同部位，感覺良好 😁😁 弘大燒肉放題 （$238+$30飲品）A4 黑毛和牛三角腩 - 入口即溶，滑喉的 💖A4 黑毛和牛肩肉 - 牛味重一點，腍滑 💖封門柳 - 牛味超香，口感適中，大愛 😍😍鹿兒島牛柳粒 - 雖然厚切，熟透仍一點不靭 ，一口一粒，good take👍加拿大牛排骨 - 醃過，相對有咬口，唔靭 。M6 澳洲和牛胸牛 - 較有嚼勁，有點筋，略遜除了主打靚牛外，還點了雞翼午餐肉。午餐肉較港式淡口彈牙，雞翼本身沒特別，但雞翼會令你會發現，牛肉軟滑過雞，牛勝🤗🎉🎉還附上一藍生菜，夾烤肉一起食，解熱氣。五花腩是件活豬油，用到尾剛好變成去油五花腩🙄 正最後來多客至愛的 haagen dazs 士多啤梨雪糕 🍦💖，完美 🤗🤗

女朋友住大埔，今日入得大埔做野，就搵埋佢食飯，佢咁岩話想食燒肉，我半年前食過呢間覺得唔錯，最後決定黎食，半年後今次食，質素都keep 得唔錯，又有d新意內裏環境一樣咁闊落，坐得好舒服我地叫左個海鮮韓燒放題，雖然比燒肉放題貴少許，但海鮮可以任點任燒，就唔諗叫埋，都係比多少少姐~好搞笑今次用隻牛黎上碟😂😂不過都幾好，成日食燒肉都唔知邊個部位好食，今次話哂你知有咩部位有咩食野飲今次好似多左好多而且有韓國、港產等等唔同啤酒，岩哂燒肉配料同以前一樣都係咁齊全！海鮮既種類唔算多，而鮑魚就冇得任點，蝦肉結實，都算新鮮，點左好多隻黎食😋真露煮蜆，酒味不算太濃，料非常足，加上蜆肉吸哂精華，幾好味人參雞湯味道不錯，雞肉唔多

忙左一日 做完野特別肚餓 決定要搵燒肉任食一入到鋪覺得空間感幾夠 唔會好迫我地食既係弘大燒肉放題 頭盤有和牛拼盤 好正!!每個部分都好食 特別鐘意食牛舌 好有咬口啲前菜 生菜同蛋都係任添! 另外燒原條五花腩都好好食 唔會有好肥膩既感覺 用啲生菜同泡菜包住一齊食都有另一種風味 隨左食 餐廳都有好多飲品選擇！有好多手工啤同韓國燒酒 一路食燒肉一路飲返杯真係一流 一解返工既不快 最後仲有雪糕食 有我最鐘意既開心果味dreyers雪條 完美要讚一讚哩度既服務員幾好 會主動留意我地食哂啲生菜 主動refill

每隔某一段時間就口痕好想食韓燒，熱氣下，同朋友吹下水。咁岩大家果日都唔使翻學，於是想去一間近近地既，Openrice 一下就唔難發現到呢一間oppa，之前係mk開既時間已經想試，今次就有機會。我地6點9先入座，發現餐牌有早割四人餐，時間到1900，其實都唔算早，可以以一個平啲既價錢去食晚餐，真係好好，只係3百幾蚊。肉都有5款，又有湯，又有飯，不過就無飲品，可以自助去拎水飲。爐既設計好好，會斜斜地，本身以為果野壞左，原來係特登比油滴。

呢間韓式燒肉放題一路都聽到有人讚, 今次終於有機會來食燒肉放題啦~因為我地好早就去到, 所以唔洗等就有位, 一入門口就聽到強勁的Kpop, 裝修仲好有心思好型格, 位置闊落舒適坐好揀好餐後, 店員送上韓式泡菜&一盤靚牛, 好細心寫好晒d牛的部份, 牛味濃郁, 唔洗加醬料都好好食, 個人覺得A4和牛和封門柳最好食! 好滿足爐邊有泡菜蛋, 食完可以再加靚牛食完可以任叫以上預定左的肉~ 飲品就要加$, 我們都加, 只係飲水都OK~其他肉類都好食, 雖然食飯都有d唔抵, 不過最後都有叫白飯和朋友share, 因為食到有d漏, 有白飯可以中和下~食到好滿足, 非常適合食肉獸! 下次必定再來!

今日就係去大埔行山郊遊嘅日子啦 郊遊完見肚餓同埋好攰就搵個地方醫下肚啦一入到餐廳真係不得之了 因為見到疑似金仔嘅壁畫喺個餐廳入面 即刻覺得眼前一亮呀好啦入正題 呢間餐廳有幾個價錢嘅餐可以選擇 我同朋友就揀咗個三百幾蚊嘅餐去食 可以任食澳洲和牛同埋日本牛首先有個海鮮頭盤 入面有兩隻鮑魚幾隻帶子 鮑魚帶子都好新鮮 而且鮮味十足 燒完之後甘香撲鼻 正呀主菜就當然係燒肉啦 呢間燒肉店好貼心咁樣畀咗一個牛肉拼盤 呢個拼盤嘅形狀係一隻牛 所以一眼就知道自己食緊嘅係牛嘅邊一個部分 有封門柳 加拿大牛排骨 無骨牛肋骨 A4黑毛和牛肩肉 鹿兒島牛柳粒 A4黑毛和牛三角腩 M6澳洲和牛下腹腩 個人認為三角腩最好食 油脂均勻而且無筋 而加拿大牛排骨因為醃製過 所以略嫌唔夠原汁原味 食唔出牛味之後就到咗自己點菜嘅時間啦 由於個拼盤最好食嘅都係三角腩 所以我同朋友就係咁追加三角腩 唔知點解自己叫嘅三角腩係比剛才牛肉拼盤嘅三角腩質素為高 油脂更加靚 而且可以話係入口即溶 我極之推介 而其他就叫咗一個澳洲和牛舌 牛舌油脂冇咁多 但係亦都好軟滑 牛肉味清淡 幾爽口彈牙然之後我哋仲叫咗一份羊架 羊架用咗香草去醃製 羊

你太新潮了，可能是自己接受唔到，一邊食只有一邊笑。真心，烤肉可接受的，這般價錢，想怎樣！但湯就，個人感覺—-恐怖！大大話話小弟食了30年韓國菜，奶白色的大醬湯、奶白色的海鮮豆腐湯都是第一次見。問餐廳，新整法加忌廉/奶油，香港人喜歡喎，如大家有興趣，就去試下啦，飲完Oppa呢個，再行過對面馬路水源正宗做法比較一下。其實同都市閒情以前李X鑾師傅有咩分別？真心說，除了裝修韓國feel之外，沒什麼可取，希望貴餐廳啲韓式湯能走回正軌。

唔講唔知以為自己去左間酒吧到 裝修好特別 食飯好有feel <3左邊兩個櫃係無酒精飲品右邊都係酒 中意飲酒既你就岩哂喇 因為真係好多選擇呀~!環境夠哂開揚 唔怕食到成身都油煙味如果人多，仲有個位好似一個小天地咁不過就要打黎問可Book ng book到喇點呀點呀點呀~~~首先我哋今晚叫既係弘大燒肉放題一黎到 首先有個牛拼盤唔同牛既部份都係哂呢個盤睇見都覺得好野味<3成盤都好juicy 好香牛味不過個牛舌我地咁岩食到個牛舌尖所以UN左小小而且仲有小食俾你開下胃個泡菜我最愛呀~!仲有盤茶俾你可以夾住D肉黎食 冇咁濟同油呢個pork belly 好夠肥燒到佢脆卜卜 好香口魷魚好爽口 沙癲魚唔會腥呢個真係不得了我隔離果果食得勁開心 勁滿足呢個我地N CALL左幾次泡菜+蛋 嘩~~~後尾再+ cheese好正呀呀呀~~~燒耐左可以叫人幫你清理個爐真係好好味 好滿足呀~牛魔王既朋友一定要試<3

大埔街坊食神介紹我話 Oppa 呢度幾好食，性價比又高，可以話係區內受歡迎嘅韓式燒肉店之一，咁我又信佢嚟呢度試下！ 今次食一個價錢好抵食的 $238 弘大燒肉放題。平日晚上到差唔多滿座，兩個人一張枱好闊落，服務都幾好。一坐低店員就會自動上頭盤，係好靚嘅和牛拼盤！ 有A4黑毛和牛、澳洲和牛！肉色十分有光澤， 生菜藍 ready, 夾蒜片同埋泡菜食真係一流！ 我同朋友兩個都係愛吃牛之人，一個拼盤已經包羅萬有。日本A4牛肉眼、日本A4背峰肉、、澳洲和牛肉眼、美國上肩胛肉、美國牛小排、美國下肩胛及澳洲和牛舌。牛肉經烤過之後，味道更加突出，而且脂肪同肉分布均勻，肥瘦適中，配合埋食烤肉嘅醬汁、芝麻油食，真係好滋味。 韓國燒烤最鍾意就係食肥肥嘅豬腩肉，又滑又多骨膠原，口感味道都好豐富，豬肉嘅油香係口中爆發出來。 放題好多肉都可 refill，照著點菜紙 tick 就得啦! 韓式午餐肉同埋脆皮腸都係必要嘅。仲有小食，韓式炸雞都係我嘅至愛！炸雞皮脆卜卜，同埋韓式辣醬一齊食好刺激。清酒煮蜆仲有湯飲。最後估唔到甜品咁高級，每人一杯哈根大師或 Dreyer's 雪糕批， 食完咁多肉食番少少甜品感覺非常甜蜜！好

秋冬時節，最好是吃燒肉。而這一間韓式燒烤放題選用和牛、黑毛豬等高級肉類作賣點。這一日韓交錯的燒肉，真心推薦！每個燒烤爐都有獨立吸油煙機，吃完也不覺得有燒烤味。入坐後均會送上泡菜等小吃，還有烤蛋捲。重點是可以無限添加！點選江南海鮮放題後，職員都會先送上一大盤高級牛肉，份量相當驚人！個人最喜愛A4黑毛和牛！而當中牛肩肉的口感是入口即溶！但個人Encore的是三角腩，原因是三角腩雖然口感沒有牛肩肉般柔滑，但多了一份咬口的感覺。正！而加拿大牛排骨味道全面。主要是因為有醬油醃製，配上泡菜一吃，非常美味！私心推薦芝士燒。拉絲效果配上牛肉，味道更上一層樓！除了先前的頭盤，海鮮盤也會預先送上一盤。帶子份量也很驚人！而且非常鮮甜！但當中的虎蝦、鮑魚和帶子不能夠encore。韓燒當然要燒五花腩。很喜歡那種啫喱口感般的皮脂，一點也不覺得肥。這一神戶水飼黑毛豬口感與五花腩一樣十分Q彈，只是少了五花腩的啫喱口感。Encore了無數的和牛後，吃個雪糕作總結。相當滿足！

9點幾係直街果邊，本身想搵個快食～但經過oppa睇到唔太多人，咁岩依兩日又凍，就入去燒一燒先今次就試吓海鮮燒肉放題！海鮮方面：蝦、八爪魚、魷魚、多春魚都可以任叫～四粒帶子同2隻飽魚就附送一次一埋枱，好快就上碟～擺盤係牛既形狀好特別，d肉都係有張卡紙介紹咁多款入面，首選係A4黑毛和牛三角腩，d肉好軟身，入口好快溶，質素係眾多款中最好另外無骨牛肋骨都好味，有返少少咬口，但都怕靭依兩款我地就再添加多份！加拿大牛排骨個口感同調味都唔錯，不過第一盤入面依款份量都幾多，所以就無再嗌其他款既有肉就唔太突出，但都唔錯既送既海鮮都幾新鮮，帶子味道幾好，不過唔小心燒耐咗d，乾左d，燒帶子緊記唔可以太耐喔！海蝦d肉都結實，都嗌咗好多隻～另外，牛油粟米、翠肉瓜、洋蔥⋯都要嗌，食過咁多肉，有d菜中和下，又好味佢仲有d韓食可以嗌，嗌咗個蔘雞湯，有d喜出望外喎！雞肉嫩，d湯係鮮甜！值得一嗌燒燒下，又燒咗兩粒鐘，大滿足！