OPPA韓國燒肉店 (已結業)

本身諗住呢間嘢咁多Lam Lam 脷而劣評又相對咁少，諗唔到食咩之下就揀咗去呢間嘢食... 呢間嘢放題分兩款，分別人頭$2xx 同埋 $3xx，咁$3xx 嗰款有A4和牛&海鮮任食+嘢飲任飲，所以我哋決定食$3xx呢款。一開始上嘅牛肉拼盤睇上去係正正常常，但放落口每款肉都又韌又冇味...本身諗住澳洲牛/加拿大牛係差少少，所以加叫A4和牛...點知都係一樣完全冇肉味...究竟佢d肉放喺冰櫃度雪咗幾耐...我明白對A4和牛都係唔可以抱有期望，但真係同正常A4和牛相比已經有好大出入...最後唔想浪費食物我哋都將d肉放晒入口... 諗住食番杯雪糕蓋過口入面難食嘅肉味，點知Movenpick冇，Dreyer’s 雪條批又冇，Haagen-Dazs 淨係得番士多啤梨味...極度後悔去咗呢間嘢食，兩個人Total $810，價錢同食物質素完全唔成正比....間嘢唯一可取之處係任飲飲品之中有我鍾意飲嘅韓國青提子汁...我一向都唔會寫食評，但呢間嘢真係唔可以唔寫低我對佢嘅評價...以後真係唔會再去呢間嘢食...

見到呢間野啲碟牛肉咁靚，而且二百幾蚊一個人，都幾抵，諗住就算真係好似啲差評咁講咁伏，都試下啦。去到就會比碟牛你，幾大碟牛，顏色好靚。但問題食落去都冇牛味，都唔知呢碟係咩野肉黎。而且又好un.明明色水同雪花都好靚咁。我估係啲雪藏左好耐好耐好耐嘅牛，好平咁大量入貨，所以先乜肉味都冇晒。而且比你點燒肉知碟醬，本身都得勁少比你點，你又叫唔到店員比多啲你。點完一兩舊都冇晒醬。啲肉又淡如水，唔點醬完全唔知食黎仲咩。而且店員又少，服態差又差，係咁叫佢地都冇人幫你落單，放題，食兩個中，但冇人幫你落單，有龍躉你食都冇用。最受氣我個次去訂左位 ，本身訂七點，之後我打去改左7:30。咁我地7:15去到，個店員勁串勁冇禮貌話：你地遲到wo 張台比左人。我話下 我地打黎講左改7:30，我地宜家係早左三個字黎wo!佢知道佢地店員根本冇幫我地改到個時間，佢地做錯 ，就話好，帶我地入去坐。重點係成個場7:15都冇咩人，有六成都係空位，係食到九點幾先多人黎食，咁其實都有空位。咁仲咩要比說話我地聽，話我地遲到呢？仲要佢自己錯左，仲好意思理直氣壯話個客？不知所謂，貼錢買難受囉。又唔係冇空位，有位迷比位我地囉，冇迷我地食第二

牛角成日排長龍自從食左第一次之後我地都成日食呀我地2個人食個頭盤已經好飽食完可以再劃野既通常都會劃反牛肉吾記得左個名通常都會加40蚊可以任飲野飲選擇都好多仲有mov雪糕添而且服務都好好

好耐無黎大埔喇，今晚朋友話帶我黎同Oppa食燒肉放題！入到餐廳，好似去咗韓國d燒肉店咁，而且仲播住韓國組合MTV，真係充滿韓味~我地叫咗$268嘅弘大燒肉放題set。前菜有3款，仲有一碟生菜，等我可以包住d肉食！咁樣好似無咁肥膩😏頭盤有A4黑毛和牛、牛肩肉、三角粒、澳洲和牛脷、和牛下腩、封門柳、鹿兒島牛柳粒、加拿大牛排骨、無骨牛肋肉、美國牛小排。餐廳列出哂各個部位，夠哂細心，無諗過呢個價錢會有咁高質嘅牛肉，肉質夠鮮嫩，好正！燒盤係斜嘅，等d油可以流落個碟度。另一面係泡菜蛋，蛋味好香，外面嗰層燒到好煙韌，正👍🏻👍🏻魷魚好大條🤩甜品有Haagen Dazs同Movenpick雪糕！🤩🤩飲品櫃選擇夠多🥂

我哋一班韓劇粉絲聚脚，梗要歎番餐韓燒應題，今晚揀咗大埔嘅OPPA Korean Restaurant弘大燒肉放題，來一個韓風熾熱的晚上。餐廳面積頗大，裝修仿照韓國地道燒烤食店，極具風格。我哋揀咗$238嘅燒肉放題套餐。當侍應哥哥捧住呢個頭盤出嚟時，大家即刻嘩嘩聲，全部相機食先。當中有A4黑毛和牛肩胛、A4黑毛和牛三角腩、澳洲和牛下腹腩、鹿兒島牛柳粒、澳洲和牛舌、無骨牛肋肉…數都數唔晒。望住一片片雪花紋分佈均稱嘅牛肉，真係令人難以抗拒。牛肌胛肉味濃郁，下腹腩鬆軟滑腻，和牛舌夠嚼勁...完完全全滿足我哋呢班牛魔王嘅要求。除咗牛肉之外，仲有肥美味嘅五花腩，鮮味十足嘅八爪魚，健康DD嘅雞髀菇、翠玉瓜同南瓜，今晚真係燒個不停，吃個不停！我哋呢班大食兵團，仲點咗炸醬麵、煎泡菜餅、真露蜆湯、參雞湯等韓式美食。另外每人加HK30，仲有多樣飲品任飲。最後，來一杯美味嘅雪糕作結。

呢日一行幾人嚟到這間位於大埔直街嘅《OPPA韓國燒肉店》食韓燒。餐廳牆壁畫滿七彩繽紛嘅彩繪，感覺熱絡。我哋揀左個每人$238嘅弘大燒肉放題餐。餐廳先送上頭盤配送，有A4黑毛和牛肩肉、A4黑毛和牛三角腩、澳洲和牛脷、澳洲和牛下腩、封門柳、鹿兒島牛柳粒、加拿大牛排骨、無骨牛肋肉同美國牛小排，真係十分豐富。肉質新鮮，唔同部位有唔同味道同口感，牛魔王必試！餐廳再送上五花腩肉 - 肥瘦交替，既食到肉鮮味，又食到油香味，每次食韓燒必點之一。食完以上配送覺得唔夠喉，點餐紙上面嘅頭盤、肉類、海鮮、韓式料理同野菜各大類有方格嘅都可以追點。雞腎燒完好爽口；豬大腸腸味香濃；當然唔少得新鮮嘅蔬菜同菇類。魷魚十分新鮮，燒完味香爽脆，職員話係每朝街市新鮮攞貨，絕對唔係一般冰鮮貨色。亦有好多款熱食選擇，人蔘雞湯，味道甘甜。真露蜆湯，材料豐富，除咗大蜆仲有豬大腸、白蘿蔔，魚腐等，鮮甜得嚟略帶胡椒味。每人加$30，就可以任飲呢兩個雪櫃嘅飲品。最後每人食返杯優質雪糕。呢餐任飲任食兩小時，每人都係二百幾蚊，成班朋友都覺得認真唔錯。

已經好幾年無嚟嗰OPPA了，一向不算喜歡韓國菜，除了韓燒，因為只要肉同海鮮既質素好，其實係咩菜式都無問題，今次嚟到OPPA就選擇左江南海鮮燒肉放題，可以放肆大擦一翻一上場既牛肉拼盤已經嚇死我，估唔到咁大份仲有咁多種牛肉既部位，即刻有點後悔好似另外叫得太多肉了，但既然叫了就一於盡食。整體牛肉既質素都非常高，很多款都入口即溶亦有重牛味，不同部位口感分別亦大，可以慢慢品賞當中既分別，以放題嚟講質素超班海鮮質素亦相當不俗，虎蝦同扇貝都係珍寶級size, 而且夠晒新鮮，放上大量蒜蓉再烤熟既鮑魚亦美味另外推薦依度既羊架，油脂豐富，自己烤生熟程度啱返自己口味，值得推介。五花腩亦肉味香濃，就咁燒不點醬油都食到香口既豬肉味，不比牛肉差其餘既食物質素都不錯，飲品選擇亦多，再加上任食既Haagen-Dazs, 以質素來說三佰零蚊一位可算相當超值了

大埔已經對我嚟講開始好陌生了因為轉變咗好多野 同埋都好少嚟呢到因為今日有朋友生日所以去咗大埔搵一搵邊到有韓燒食之後就嚟咗呢間 OPPA韓國燒肉店弘大燒肉放題 呢間韓燒啲肉 不過不失有泡菜、芽菜、海帶提供仲有生菜 肉質算係唔錯 感覺唔係次等級 夾埋生菜點醬就好好食 同埋好細心咁有張紙仔寫住牛嘅邊一個部位 放題會附有一啲額外嘅肉類、菜類同其他料理我地就食左炸醬麵同炸雞 感覺都好一般 除非你覺得食太多肉類油膩就可以試一試 關於野飲方面 一開始我都認為應該係額外加錢先有野飲加30蚊 普通野飲 加40蚊嘅話就係有指定生啤同啤酒但有員工話因為係食放題所以唔洗加錢就有我都覺得係奇怪 既然你係呢到員工咁我信你可惜食到一半突然間有其他員工話要收錢咁我都唔介意突然間好似先砍後奏話收錢只係內心不安同奇怪 不過就住呢點就講又唔公平希望下次再黎呢間食就唔會再有咩誤會就好總括而言 韓燒基本上有嘅 出面店舖都有做到因為地址較為偏少少 所以人流唔會太高坐耐會比較舒服同寧靜而且仲有韓文歌聽同MV睇下 🔊環境舒適寬敞

話說，我同好友都係雙魚座，一個二月尾一個三月，為左方便我地一次過慶祝大家既生日，於是我地揀左呢間OPPA韓燒搵oppa同我地慶祝生日喇！店內環境幾好，韓風十足。佢地既任飲任食有兩款揀，平D既弘大燒肉放題就＄238，有一隻貴D既江南海鮮燒肉放題＄368，我地兩個都係海鮮精所以揀左呢款，一年一次生日緊係食盡佢啦！老老實實，我去其他地方都食過所謂和牛放題，甚至唔係放題，所提供既和牛，一般都係一般既水準，而呢間OPPA，餐牌寫住有唔同款既和牛，有日本鹿兒島和牛，澳洲和牛等，等我試下係唔係真係有分別啦。牛拼盤，擺盤精繳講真，好掂，一食就已經食得出係和牛，有和牛獨有既入口即溶，印象最深刻係鹿兒島和牛，我既最佳食法係：不用點任何醬料。完全食得出牛既鮮味。另外款色既牛亦絕不遜色，香濃既牛味，當然！我朋友既功勞都唔細，話晒燒肉，Timing都好重要架，不過難得既係，即使有時有D Overcooked 都依然好味。海鮮新鮮，由其是蝦，肉依然係爽亦好細心提供蒜蓉俾你吊味，熟食篇，今餐實在太多肉，想食返D粉麵中和下，叫左個炸醬麵，麵質不錯，味偏甜，我Prefer咸D。炸雞無咩特別呢一餐真係食到好飽，300幾蚊

今次去到大埔食OPPA韓國燒肉店！雖然入面無OPPA😂但餐廳的裝潢都好有韓國🇰🇷的感覺！令人好似離開咗香港🇭🇰咁！亦都係打卡好景點！.一坐低就可以揀餐，阿魚就揀咗「弘大燒肉放題」（$238）！包一杯無酒精飲品，如果要飲之放題就要另外加錢！阿魚就揀咗加40蚊，啤一啤佢！.🐟💬：.餐廳會先送上「和牛拼盤」，幾乎所有都係入口即溶🤤🤤🤤好好食！.🐟FISH'S REMINDER🐟💡阿魚提醒💡.而燒肉鐵板設計都非常貼心，佢會有個位漏返啲多出嚟ge油，咁就唔會太肥膩！.而仼食的選擇都好多！令人花多眼亂！留意返張order紙！除咗A4黑毛和牛外，其他都係可以仼叫的！😍所以阿魚就狂叫和牛！！！！！.另外，真露蜆湯都好好飲！好鮮甜，不過阿魚建議大家可以2個人share黎飲，因為真係好大碗！.飲品除了生啤外，都有好多選擇架！.臨走前重可以食埋雪糕先走！有Haagen Dazs / Dreyer’s / Movenpick.🐟📝：8/10

今日day off去左搵朋友傾project，傾到有d夜，就諗住一齊食埋晚餐先走，所以就去咗朋友屋企附近呢一間OPPA韓國燒肉店，一邊食計續傾。店內擺設好有韓國地攤燒肉嘅感覺，都好寬敞舒適，電視機仲不停播放韓國組合嘅MV，搞到我情不自禁跟住唱，韓味十足。套餐方面有兩種放題選擇，包括半放題嘅『弘大燒肉放題』同全部任叫嘅『江南海鮮燒肉放題』，我哋因為唔飲酒，海鮮類興趣不大，所以就選了＄238一位的『弘大燒肉放題』，包括一個頭盤，仲有數十款前菜、肉類、蔬菜韓式料理選擇，非常豐富。前菜：泡菜、芽菜、海帶，各有特色，酸酸辣辣甜甜，好開胃。一嚟到係頭盤嘅牛肉拼盤，當中包括號A4黑毛和牛肩胛同三角腩、澳洲和牛下腹腩同牛脷、封門柳、鹿兒島牛柳粒、加拿大牛排骨、無骨牛肋肉、美國牛小排同和牛金錢展。望到就已經知道有幾豐富，啱晒牛魔王啊。每個部位都有唔同嘅口感，款款都好出色，我自己就比較鍾意食下腹腩同和牛肩胛，貪佢牛味夠濃，咬落有口感，肉質軟腍多汁。包埋生菜同Kimchi一齊食就Perfect啦。至於五花肉都唔錯，肥瘦均勻，燒到金黃色之後，豬皮好彈牙，爽滑口感，完全唔油膩，正！另外我地都點左d 其他任叫嘅食

今個宵夜又食oppa喇！返工放晏係直街果頭，唔洗諗就食燒肉！第一碟就係依碟唔同牛即部位拼盤，每款都有寫係咩部位！食完可再點，我最愛係牛舌，爽口！再尼係五花腩，肥瘦適中，啖啖咬落口質都好好！側邊條有泡菜既蛋醬，食完可再添，一樣好味d任食既配料都唔錯，雞腎個調味幾惹味，有少少辣不過。魷魚都好味！蔬菜方面，洋蔥翠肉瓜等等都唔錯蜆湯次次都會嗌，質素幾高！最緊要唔怕有沙嗌左d小食，個炸雞夠脆，如果有d辣會更可口！煎餅比較有少少粉，味道都ok我最愛吃係牛油粟米，放側面果格燒唔怕燶！粟米好甜。另外，洋蔥圈都好甜呀！

週末出城來個東鐵綫一天遊，先到沙田觀賞電影，再到太和站會合親戚吃晚飯。筆者很少踏足此區，對於晚飯想法毫無頭緒，在親戚帶路下到了舊墟直街的「Oppa韓國燒肉店」。餐廳格局和韓國當地的烤肉店如出一轍。烤肉店的電視不停播放當紅韓星的熱門歌曲MV，試圖把用餐環境徹底韓化。安頓好後，店員便遞上這個和牛頭盤，如有和牛肩胛、牛小排等共10款，份量可謂相當多。和牛肉甫放上烤爐便散出陣陣肉香，教人口水直流。五花腩烤好後油香四溢，配上喜愛的醬料，包上生菜塊便往嘴裡送。此時不禁佩服韓國人能夠發明出如此絕配的吃法！身為「雞翼控」的筆者當然要烤幾隻雞翼來滿足食慾吧。外層烤得香脆的雞翼頗juicy，對於筆者來說又是一道美食。另外也推薦韓式午餐肉。平日被筆者視為垃圾食物的餐肉經過煎烤後，變得惹味，今天破戒吃了2片。烤爐也是物盡其用。除了大範圍用來烤主食外，爐邊可用作烤泡菜蛋卷。蛋卷滑身又有微蛋香，混以爽脆口感的泡菜，口感蠻特別的。作為港女的一員，當然是「芝士控」的一員，所以點了一客芝士燒。店長熱心教學把芝士倒在爐端，燒溶後可當作蘸料。美味烤肉配上creamy拉絲芝士，果然美食都是邪惡的。除了韓燒，餐廳也有其他韓食任

今日同老婆行大埔，咁當然要做功課，老婆鍾意韓流，咁冇理由唔揾番關於韓式既餐廳，上openrice一睇，依間OPPA韓燒，仲要係放題,地點唔難揾，係太和站行10分鐘左右就到舊墟直街。唔講咁多，一去到見到$238+1任食，arm晒我2公婆食肉獸。仲駛諗，緊係即入去坐低，環境好舒服，好闊落，唔會好似出面d韓燒咁迫咁焗，入面仲播晒韓國識樂MV,牆上面仲有好多塗鴉，成個感覺好Colourful，好靓，都忍唔住要影多幾張相。唔講咁多，下面睇下我既報告。。。

老婆鍾意睇韓劇，適逢元宵節，比老婆「小」驚喜，帶佢嚟大埔食OPPA 韓燒，同我呢個OPPA 慶祝一下❤ 呢度的裝修好有韓feel，每張枱都有抽風設備，唔怕一身燒肉味👍🏻 我係肉食愛好者， 當然要嗌過「弘大燒肉放題」餐啦！$238 一人放題，真係好抵！頭盤先聲奪人係一盤重量級燒肉。之後可以任叫菜單上面前菜、肉類和海鮮 🦞，如果加$30 可以任飲汽水 🥤嘩！今時今日百物騰貴，咁嘅價錢又有咁高質素，簡直超值啦👍🏻本人最鍾意就係五花腩，肉質夠淋，又夠 juicy, 牛排骨好有肉味。 老婆就不繼 encore 鹿兒島牛柳粒，一口牛，入口即溶😋均衡飲食當然唔少得要食返啲蔬菜啦！最特別係韓燒泡菜蛋卷，係鐵板旁邊燒蛋唔易煮燶，泡菜和蛋一起原來好㚒！食到飽住個肚走人