OPPA韓國燒肉店 (已結業)

我哋一班韓劇粉絲聚脚，梗要歎番餐韓燒應題，今晚揀咗大埔嘅OPPA Korean Restaurant弘大燒肉放題，來一個韓風熾熱的晚上。餐廳面積頗大，裝修仿照韓國地道燒烤食店，極具風格。我哋揀咗$238嘅燒肉放題套餐。當侍應哥哥捧住呢個頭盤出嚟時，大家即刻嘩嘩聲，全部相機食先。當中有A4黑毛和牛肩胛、A4黑毛和牛三角腩、澳洲和牛下腹腩、鹿兒島牛柳粒、澳洲和牛舌、無骨牛肋肉…數都數唔晒。望住一片片雪花紋分佈均稱嘅牛肉，真係令人難以抗拒。牛肌胛肉味濃郁，下腹腩鬆軟滑腻，和牛舌夠嚼勁...完完全全滿足我哋呢班牛魔王嘅要求。除咗牛肉之外，仲有肥美味嘅五花腩，鮮味十足嘅八爪魚，健康DD嘅雞髀菇、翠玉瓜同南瓜，今晚真係燒個不停，吃個不停！我哋呢班大食兵團，仲點咗炸醬麵、煎泡菜餅、真露蜆湯、參雞湯等韓式美食。另外每人加HK30，仲有多樣飲品任飲。最後，來一杯美味嘅雪糕作結。