Opa Mediterranean Bar and Bistro (已結業)

由於疫情關係，說好的旅行，一直都未有實現，於是今天去了一間充滿異國風情的餐廳，享受地中海的美食。餐廳有個大吧枱，掛著一支支電燈。又有個打卡位，是影相的好位置。三文魚沙律除了有主角三文魚，還有芝士粒、沙律菜、三色椒等，色彩繽紛之餘很開胃。可以夾餅食，而食中間有沙律醬，感覺很得意。鴨胸肉配意大利飯，鴨胸香口，肉質美味，珍珠米大大粒，軟硬適中，夾有香甜洋蔥粒。海鮮意粉少少辣，有大蝦、三文魚、青口和魷魚，材料十足，口感多元。

有時好怕酒吧出面啲staffs係咁叫人入去不過呢間地中海餐廳就無呢種情況喇係出面望入去間餐廳都覺得好大同埋感覺唔係好嘈所以選擇入呢間餐廳😎每枱客都保持適當距離大家可以安心enjoy屬於自己既空間枱面仲有盞燈仔好有氣氛🥰仲有個打卡位我地叫左兩個主食海鮮串燒整條串燒本身已有啲牛汁同辣醬，而大家首先可以擠埋最頂既檸檬，個檸檬超多汁！啲檸檬汁溝埋啲醬汁一路sir落底去到塊薄餅， 薄餅唔會乾爭爭😙由底數上去係係大蝦、三文魚、吞拿魚，中間夾住三色椒同洋蔥～仲配有墨西哥辣醬同水牛汁三文魚keep到半生熟狀態，肉質非常嫰滑～而三色椒亦都無煮到好淋，保持爽口！地中海烤雞半隻除左有沙律菜，亦有薯條作伴菜，薯條有炭燒既味道好特別，而雞皮食得出有陣冬陰功既味道，同平時西式餐廳好唔一樣，果然係地中海風味😎我地另外叫左兩杯mocktail enjoy下😆 兩杯都各有千秋～Kill bill既味道好有果香味，呢杯適合鍾意甜啲既人😋Big Bang就比較清新，適合鍾意飲酸啲嘢飲既人👍🏻整體餐廳氛圍都係暗暗地，同埋大家都係靜靜地咁傾計，都好有情調同私隱度，仲有waiters都好attentive，會好主動過黎加水

放工後和朋友來到尖沙咀CHILL一CHILL，嘗試一下地中海菜。PULP FICTION 裏面有TEA,PEACH 和MINT. 這杯是這裏的signature Mocktail，味道清爽，用來配口味稍重的食物一流。酥炸魷魚圈魷魚圈炸得酥脆，配上檸檬胡椒減低油膩感。希臘烤鷄沙律沙律裏面有青瓜、洋葱、番茄、feta cheese 和pita bread，最喜歡這個沙律裏面配的芝士。烤鷄表皮有煎過，是鷄胸肉。忌廉菠菜卷忌廉使用FETA CHEESE加上忌廉汁 融化而成，配上菠菜和香脆的麵包，可以有2種吃法，享受2種的口感。大頭蝦西班牙飯由相片可見大頭蝦非常大，絕不欺場，足足有一個碟咁大。上台之後，waitress會先將大蝦淋上酒精再點火，營造視覺效果。

平時我就好少會行到去尖東個頭嘅，咁岩呢日無咩野做，同朋友係尖沙咀無目的咁行，行行下就行左去尖東，又咁岩俾我哋見到呢間食地中海菜嘅餐廳，咁就入左去食野喇😂就係咁即興☺️個時就大約係5:30左右，呢個時段就唔係太多食客。餐廳入面有張長Bar 枱，相信夜晚應該都好多人係個度飲酒傾偈。Waiter 安排左我哋坐左一張4人枱，所以好闊落，同坐得好舒服。我地叫左3個主食share 食。烤雞意大利飯好濃嘅蒜味 好特別牛肝菌蘑菇意粉意粉好幼細好掛汁 好香嘅牛肝菌味海鮮拼盤串燒有三文魚 ，吞拿魚，大蝦D 肉好Juicy一路同朋友吹水 一路食住美食 好休閑舒適

放假約咗人食飯想試吓其他菜式，朋友推介不如試吓地中海菜式～餐廳幾靚，吊燈有特色氛圍幾好～叫咗一個海鮮拼盤串燒，入邊有吞拿魚、三文魚、大蝦，中間夾雜着甜椒同洋蔥～吞拿魚三文魚都好大舊，味道相當唔錯，特製bbq醬同辣醬都好好食🥰最底層係薄餅，入邊配有特製醬，餅烘得幾香，瞬間愛上地中海菜式。再叫咗嗰海鮮扁意粉🍝入邊都幾多海鮮，有青口，大蝦，三文魚，魷魚，料好足👍茄醬味好食～值得食👍叫多個pizza- MV special 有雞肉，菠菜，蘑菇，酸忌廉，味道唔錯，餅底真係好薄好脆～下次要再黎食👍

同朋友食生日飯，預早經OpenRice 訂枱正價餐牌有拆。嚟到覺得間餐廳氣氛好好，音樂啱聽，每張枱都有電子爉燭。雖然附近好多酒吧，同係開放式地鋪，但係間餐廳傾計好寧靜，d座位安排都好有心思，坐唔到座位有唔同feel。餐牌野食同選擇都幾多下，野飲有果汁，cocktail，我地係度叫左幾樣野，邊飲酒，邊慢慢食野傾計，完全好似享受緊生活咁，d野食整體都算唔錯，唯一出名的海鮮串燒就冇我預期咁好食，但整體上仲可以比出一個較高的分數

今日做完運動，諗住去韓國街買啲野今晚屋企食韓燒，經過左呢一間餐廳，個裝修好嘢地中海feel、好似好chill，所以嘆埋個午餐先。地中海茄泥醬聽個名都覺得吸引，感覺好似鷹嘴豆蓉，雖然餐牌寫咗有茄子，芝士甘筍蘆筍，但係食入口真係食唔出，不過有地中海味道，再配上熱熱嘅烤包包，味道特別，好食！ 海鮮拼盤串燒個賣相吸引到暈，粒檸檬喺啲海鮮上邊滴啲汁落去，有三文魚同埋大蝦再夾啲紅椒青椒係中間。令到檸檬汁將海鮮嘅鮮味帶咗出嚟。雖然有一舊魚比較硬，但整體來講都唔錯。好啱做完運動需要大量蛋白質🤣叫咗個BSP Pizza諗住試一試，呢個Pizza真係冇諗過咁好食，薄薄嘅餅底配上煙肉同埋辣肉腸及洋蔥，其實睇上去好似好簡單，出奇地好食，淡淡都食到配料，份量亦足夠兩至三個人食，但係因為太好食，食完都好似仲想食😅！做完運動食返大量嘅蛋白質，再加上整體嘅感覺裝修都好好，一路寫一路都仲想再食嗰個Pizza😂

經過咗好幾次尖東站附近嘅呢間地中海餐廳Opa Mediterranean Bar and Bistro，每次都被藍白色嘅門面同入面休閒嘅氛圍所吸引。想起有一段時間無食過地中海菜，就同老公去試下晚市，以美食一解「旅行癮」。餐廳價錢比想象中貼地，主菜大多係百多元，想搵個地方靜靜傾下計同happy hour，呢度不失係一個好選擇。Mixed Seafood Skewers 海鮮拼盤串燒（$188） 串燒整串以倒掛式上枱，造型吸睛。食嘅時候擠少少檸檬汁，檸檬汁順著串燒流下來，有提鮮嘅作用。海鮮烤得焦香，三文魚肉質嫩滑，油脂豐富，吞拿魚則肉質結實，大蝦彈牙爽口。兩款醬汁分別係水牛城辣椒醬汁同燒烤醬，兩者都好有特色，夾餅保持微溫，口感軟熟，夾餅蘸少少醬汁同食，味道更加惹味。如果海鮮份量多少少就好啦，唔夠喉呀！M V Special Pizza($148)薄餅烤得薄脆，材料有Cajun Chicken，菠菜，蘑菇，酸忌廉及辣椒，香辣惹味，都唔錯。Grilled Salmon Steak Risotto 三文魚扒意大利飯($148)三文魚扒好厚身，外皮燒得焦香帶脆，魚肉保持嫩滑。意大利飯則略嫌比較淋身

假日傍晚時分逛街過後到尖沙咀酒吧放鬆一下，餐廳環境舒適，讓人感覺放鬆。點了兩杯mocktail，Big Bang主要以亞熱帶水果調配而成，酸酸甜甜口味令人開胃，賣相也吸晴。Jackie Brown的莓果味突出，加上橙汁味道清新。地中海烤雞一份有半隻，配上清新沙律及薯條，和特調醬汁。烤雞雞皮香脆惹味，面頭灑上大量香料，調味出色，肉質嫩滑，配上香脆薯條滋味無窮。炸魷魚有驚喜，以新鮮魷魚製作，口感出奇地軟嫩，炸漿透薄酥脆，是誠意之作。炸魷魚加了一點檸檬汁和黑椒，另外再配上他他醬，味道層次豐富。希臘煙三文魚沙律有蕃茄，洋蔥，青瓜和芝士等配料，沙律菜非常新鮮爽脆，感覺煥然一新。用皮塔包配沙律菜和三文魚，煙癮口感中帶麵粉香氣，滿足感大增。

朋友話想食下有特色嘅新口味， 於是訂左呢間位於尖沙咀食地中海菜#Opa Mediterranean Bar and Bistro，主打地中海菜。橫額門頂用上粉藍色很易認，燈光柔和有情調，播放輕音樂，令人覺得很relex 。點了鷹嘴豆泥配🥠烤皮塔餅，果醬磨到好creamy，放有幾粒鷹嘴豆在上，餅雖則有點乾，但將鷹嘴豆泥夾入，一併食就真係perfect, 味道帶點酸同有點辣，令人一吃愛上。 再來的千層🍆茄子羊肉，是羊肉碎加茄子蓉、菇類同雜菜，用芝士焗制而成。夾起個芝士勁拉絲，而調味剛好的醬汁都滲透在茄子和肉碎上，鹹香十足，略嫌份量小了點😄。 🍤大頭蝦西班牙飯🥘, 上枱後店員便會點火，火焰🔥燒出了大蝦🍤香味，令人食慾大增，大蝦頭十分之多膏，蝦🦐肉質新鮮彈牙，飯料有香蒜、燈籠椒，故帶點點辣很惹味😋。8點前 Happy Hour 來一杯Asahi冰凍啤酒，真係爽YY😊。

放假就同阿媽出走食好嘢，知道尖東呢邊都幾多餐廳酒吧，就過嚟呢邊逛逛。我哋比主打地中海菜嘅呢間餐廳吸引，決定入嚟試吓。喺OpenRice見到呢個賣相吸引嘅海鮮拼盤串。Mixed Seafood Skewers 海鮮拼盤串 $188，有三文魚，吞拿魚，配水牛城辣椒醬。最特別嘅係可以用最頂嘅檸檬，讓檸檬汁慢慢向下流。醬汁酸酸甜甜，加上香烤嘅魚肉， 十分滋味。最底嘅pita bread 口感煙韌，又有烤過嘅香味。 三文魚特別出色，肉質鮮嫩。我哋仲叫咗兩個午市套餐，每位$138。頭盤仲有蘑菇湯，同埋雞肉凱撒沙律。湯用新鮮蘑菇打碎，味道濃郁又有口感。呢個意式煙三文魚切片非常精緻，醬汁清新，加上紅菜頭同埋紅椒，中和煙三文魚嘅味道。呢一個紐西蘭肉眼扒好出色。紅菜頭薯蓉感覺清新，加埋牛扒，冇油膩嘅感覺。$138有頭盤有湯，呢一個main course, 加埋甜品同埋飲品，實在係物超所值。呢一個係本來係傳統希臘千層茄子，餐廳換左裏面嘅材料俾我哋，有茄子，青瓜，黃椒，同埋菇，雖然有好多芝士，但份量唔算多，感覺都唔濟。最後嘅甜品都好出色，特別係蛋白餅。酥脆，入口即化，唔會好甜，又有檸檬汁吊味，酸酸甜甜，很好。

去尖沙咀搵friend 食飯，帶咗我去食地中海菜 <3 餐廳氣氛一流，仲做緊happy hour promotion ，好多上班族圍喺度飲返杯〜叫咗個Carbonara，忌廉味濃郁，好香又creamy ，整得非常出色〜海鮮串燒拼盤，大蝦、三文魚、吞拿魚三款。新鮮檸檬一齊燒過，帶些少酸澀味，肉質又嫩，幾清新〜不過呢個價錢，份量就少咗啲，如果大份返少少就好啦〜辣肉腸pizza ❤︎味道正常發揮，要讚一讚個批底，好脆好薄，女仔都唔會食滯。最後食埋甜品，甜得來但又一啲都唔漏，層次分明❤︎

Happy Friday!! 好想CHILL下去飲杯野但我甘岩睇左中醫 唔飲得酒 so sad不過都去下酒吧餐廳 叫做坐下啦今次去呢間餐廳 開左1年都唔夠 去食下D異國西風情既菜色先 呢間餐廳 裝修唔錯 氣氛幾好最注目就係餐廳呢個壁畫同吊椅當然唔可以放過呢個打卡位啦餐廳入面 仲有一個好似PRIVATE AREA如果多DD人 係呢度自成一角都唔錯 MENU 選擇唔少 今次冇叫意粉同意大利飯果d今晚想食 pizza同扒～呢杯SMOOTHIE味道幾特別架 叫"HAZELNUT SMOOTHIE"  係一杯榛子味冰沙黎到竟然係成杯白雪雪 我仲以為會係朱古力色再諗下係WOR 榛子肉本身就係白色既口感幼滑又CREAMY 榛子味好香濃 好好飲海鮮併盤串燒串燒上既魚塊 好肥美 黎到見到魚油滴係薄餅嘅面滿滿嘅omega-3！魚塊好厚肉 肉質鮮嫩多汁 蝦亦好新鮮薄餅入面有魚蓉餡同醬 唔錯個串燒配有2個醬汁：香濃嘅燒烤醬同甜酸微辛嘅醬汁 同海鮮絕配👍🏻BSP Pizza 有煙肉 辣香腸 肉腸 芝士等配料 配料份量好足 味道唔錯批底非常薄脆 食多幾件都唔會滯12OZ 牛柳我叫左5成熟 火路控得剛剛好 牛柳好腍

一直聽營養師朋友講好推薦地中海飲食，呢個源自希臘及西班牙的傳統飲食方法，特色是以大量橄欖油、植物系豆類、穀物、蔬果，海鮮、乳製品及紅酒，以及少量肉製品。剛好與媽媽在尖沙咀赫德道經過轉角見到呢間富有神秘感的地中海餐廳，於是入去試一下。由於唔係太肚餓，所以叫了一道海鮮拼盤串燒 Grilled Mixed Seafood Skewers 為主菜，一串食材豐富既串燒好快上枱，最頂有半粒檸檬，海鮮有三文魚腩、吞拿魚及大蝦，中間夾雜着三色椒及洋蔥，搾了檸檬汁到海鮮，提昇了海鮮的鮮味，下面有2塊pita bread。取出海鮮及三色椒，沾上水牛城醬及酸辣醬汁，放在pita bread 上，一咬下去可以享受多層滋味。 第2道菜是Smoked Salmon Delight Pizza 煙三文魚薄餅，除咗煙三文魚，仲有菠菜、蘑菇、洋蔥、水牛芝士 mozzarella cheese 等，無論賣相及味道都好豐富，薄餅底亦烘焗得香脆。啲菠菜好好味，忍唔住on top添加了一份side dish菠菜 最後點了Mojito 可以refreshing 清新一下又唔會太高酒精成份。

地中海見得多 地中海菜真係第一次食今晚同朋友行過 就入去試下 經過店員介紹後 終於㨂左幾款美食㨂左餐廳嘅皇牌 希臘沙律配雞肉包沙律配上黑醋 酸酸甜甜 雞肉包內有洋蔥青瓜等吊味 好清新朋友提議叫個小漢堡 真係一口個啲有驚喜喎 牛味重 漢堡包帶點脆 而且唔會實的的茄子千層麵 有別於我地食開個啲 茄子多過麵 濃濃嘅茄膏加芝士 酸味令到無咁膩臨尾加左個薄pizza 好耐無食過咁薄嘅手拉pizza青黃椒嘅爽口感覺 加埋大量芝士 口感一流完全大滿足