Oma's Kitchen

营业中

休息中

拍拖一週年紀念,又未黎過珀麗灣,入黎行下順便食飯慶祝睇之前既食評,見捲腸幾得意,豬腿又唔錯咁,但Set dinner 唔可以兩樣一齊食....散叫啦 德國五色腸配薯餅,腸仔肉汁豐富,薯餅有洋蔥粒,酸菜正好中和腸仔既咸味德國豬腿配薯蓉,叫左脆既,好似食緊乳豬,薯蓉清淡有薯粒,配少許肥膩既豬腿岩岩好兩人埋單340,連埋海景同青馬大橋,抵食,有機會一定再黎試其他菜

老公一星期前book位, 今日早左15mins 到達, 張枱位置對正青馬大橋, 真係好靚, 好開心~~~"疑似老闆男士"知道我地結婚週年, 仲好親切咁祝福我地, thx ~~~星期六都坐滿曬, 記得早幾日打電話Book 枱~~~ 食物份量都好足夠, 2個人唔大食一定夠, (仲有杯雲尼拿咖啡無影相) 環境無得頂, 價錢都算好抵^^ 女士們要留意, 如天陰日子, 對住個海,加上吹住風, 都有少少凍架！

環境超好的一間餐廳星期六爆場,book左走廊位但因為落雨,凍凍地想轉返室內都唔得...如果唔落雨可以坐沙灘食物份量都比較多,而且超好味~很多謝朋友們陪我慶祝雖然頭痛到想嘔但都好開心~

當日的晚上有事忙，只好請假在中午為女友慶生。左想又想下，本來會在食友說的那幾家選一家，當再把行程計算在內，最後來了馬灣親親大自然，望著沙灘和大海吃一餐，也挺不錯。就算當日天色不太好，還是用不同角度把沙灘和青馬大橋照了一番，之後輕輕鬆鬆步入德國餐廳。午餐有十數款，包一碗餐湯，都是六十元左右。其他散叫的主菜，一百至二百左右。是日餐湯是薯仔湯，沒有薯仔粒，都是壓溶在湯中，味道是不錯。女友一試，她覺得剛好，也知道我會覺得鹹了一點。吃得多，開始留意到大家的口味了。德國豬腿有脆皮和不要脆皮，店方說兩者落單的比例是八比二，脆皮佔大多數，而我們也選脆皮的。作為午餐，脆皮豬腿的份量是太多了，差點吃不完。外層是脆，未至「卜卜脆」，這樣的肥的接受到的，而肉質不是淋，倒是帶有鹹鹹的味道，味道不錯。伴碟的菜正正減低太多肉類的飽滯感。薯蓉，薯香不算多，薯仔壓得不夠綿，加的蔥粒不會搶味，整體來說還可以。厚身雞肉腸和脆皮豬肉腸中二選一，最後選了豬肉腸，皮的確夠脆。薯條比較薄身，薯肉不多，勝在加了味粉和香脆可口，不點茄汁也挺好吃。蘋果梳打，就如蘋果汁加了汽，甜度幾適中，因為有汽，可以飲慢一點，但其實止不到口渴的。味道是

與朋友前往共享晚餐, 大部份座位都被預留. 我們坐在外面的沙灘臨時架設的座位, 雖然天氣有點冷, 但整體環境優美, 青馬大橋美景收入眼簾.但是服務就令我們非常失望. 點了烤豬腿, 捲腸及飲料. 服務員很快端上飲料, 但是等了逾二十分鐘都未奉上主食, 四周遲來的客人都有主食. 我們再三催促下, 服務員才幫忙跟進, 叫人完全咋舌是服務員才回覆捲腸已經沽清, 其後我們點叫的豬腿亦因為服務員的錯失而去了其他客人的胃內. 服務員只懂道歉, 又有何用? 稍後奉上的豬腿味道是中上的, 但是良好的心情被你們沉到深海. 可能是服務員缺乏經驗應付這麼多客人. 作為餐廳的僱主就...難得辛苦經營的成果..希望他們未來可以作出改善.

今年同左女友去左呢間店食平安夜晚飯,呢間店o既環境冇野可以挑剔,我幾乎係o係沙灘上面食飯,d浪聲好好聽,後面就係青馬橋,基本上係間餐廳唔洗點裝修都已經夠殺.食物質素方面,佢d野食都係比較一般,尤其係豬手,我完全食唔到有豬味,只係有好強o既雪味,你唔話我知,我都唔知自食緊咩,比較好o既只係有香腸拼盤.其他可以唔洗試.小二o既服務質素都有問題,雖然大部分o既小二都算有禮貌,但有個別幾個係全程都黑面o既,唔知點解邊張枱係o係邊度都唔知,成日都要搵或姐係送錯地方,而且好亂,又落錯單,叫佢地攞菜單或餐具都係答好但最後冇左影,其中一幕係咁o既,佢上左一大碟o既焗飯同豬手上來,佢唔會比碟你去分,都算啦,叫佢地去攞等左幾分鐘,唔見,再叫,都係冇影,我最後要自己去攞!!.....而且佢地出菜好慢,我成餐飯要等個幾鐘先等齊4道菜,唔知係因為佢地平時得好少客定咩啦,,,,,,我諗呢間店唔係大時大節都ok的,在平時係可以一試的,但大節日就要諗清楚.

Passed by and got a table though most of the tables were booked.Placed a simple order - half roast chicken and chips; and a green salad.The salad arrived first which was ok.The Chicken, when it arrived was NOT COOKED so we sent it back.It was brought out again... but was STILL NOT COOKED thoroughly!! The waiters were apologetic, but still - it should have been cooked properly. The owner said they tried to ensure it was juicy - That's no excuse! They should know how to cook it properly - and they

人人都知德國人鐘意飲啤酒，每年每人勁飲350公升，真係啤酒當水飲，小弟都鐘意飲啤酒，但自問一年都唔知飲唔飲到100公升。咁飲得啤酒當然要搵D嘢送吓酒，德國人真係聰明，知到酒精會影響味覺，酒精上晒腦食龍肉都無味，所以整隻鬼死咁咸嘅咸豬手嚟送酒，而其他食物都係偏向濃味，原理同飛機餐差唔多。香港D酒吧就學到嘢喇，整D鬼死咁咸嘅雞翼、魚蛋俾D酒鬼食，不過就走火入魔，試過幾次D食物係咸到苦嘅，食得多真係會腎虧，都係小D浦吧為妙。今次浦吧嘅動機係健康嘅，山長水遠入到嚟馬灣，行咗半日挪亞方舟做咗咁耐運動，嚟到Oma's攞正牌飲返兩杯。兩口子叫咗一個湯、兩個主菜同三杯啤酒，加埋差唔多三嚿幾水落樓，市區淨係隻咸豬手都要成兩嚿水，呢度離島鬼死咁遠收費平過市區好正常，但加理個靚海境同舒適嘅環境，而且食物水準又高，份量亦貫徹德國嘅大大份，咁嘅收費算係超值，攪到我每次去開荃灣都心思思想搭船嚟馬灣同隻豬手親密吓。由於我哋到到步時都未到六點，我地嘅晚市嘅第一枱客，所以坐邊任我哋揀，咁坐咗係入面落地玻璃打開嘅位置，算係半室內又有小小海風，環境一流。唯一缺點係餐廳要用公用嘅廁所，廁所都算係乾淨，不過要到櫃枱攞鎖匙就麻煩

尋日(16-10-2010 Sat)同男友到馬灣,我一早Book o左呢間7:00pm,由於我同男友o係沙灘都無所事事,於是6:30pm就走o黎,o黎到,安排我o地坐最出最開揚,對正青馬橋冇樹遮擋o既無敵靚位我o地又驚訝又開心,好多謝侍應們o既安排呀! 好,我跟下面位食位,叫o左:3. 男友話要飲德國啤,侍應問我o地要黑啤定白啤?同樣係由小麥發酵而成,但黑啤就多啲小麥,o衣o家係德國啤酒節,做特價,一杯500毫升,$39.00一杯.咁我o地叫o左一樣一杯.我o地一邊玩影相,一邊等,兩杯啤酒先到,我覺得黑啤好飲過白啤,味道實啲,白啤味道太輕盈.最後我同男友兩人飲晒杯黑啤,而白啤因為放暖o左,唔好飲,剩返多到好似冇飲過.1.$89.00o既德國特色捲腸,薯蓉第一個到o黎喇,其實我o地唔知係咩肉,食落,應該係豬肉呢,呢個係我o地第一次食,真係講唔出味道係點,連啲汁都形容唔到.男友食到有黑椒粒,而中間o既係鹹酸菜之類,我自己就食唔慣.而伴碟o既黑醋沙律味道o岩o岩好,甜甜酸酸,唔錯.薯蓉呢,我食到有奶味,裡面都有薯仔粒同洋蔥,我就唔係幾鍾意有洋蔥o勒,怪怪的,但薯蓉味道係唔錯.味道: 3.5分

放假入馬灣追月，本來諗住返荃灣先食晚飯，點知在沙灘商場見到呢間德國餐廳。反正未試過就入去試吓。見meun都知唔係好平，不過入得來馬灣就預咗要咁嘅價錢。環境真是不錯，餐廳外是青馬大橋的夜景。可惜老公怕熱，我們就只好坐室內。發覺室內的座位大部分已經留座，幸好有一張可以食到8點。其實室內的佈置也很有異國風情，坐得都幾舒服。值得一讚是餐廳有「大量」待應，不怕沒有人招呼。老板見我們拍照還熱心地為我們拍合照呢！因為是假期，沒有set dinner，只好散叫。點了以下幾樣菜式：1) 德國燒雞配薯條 - 啲皮脆卜卜，老公話有燒過的味道。薯條都好味，不過覺得炸得硬咗少少。2) 德國卷腸配薯蓉 - 由於我極喜歡吃薯蓉，所以覺得都唔錯。夠香滑，又有粒粒薯仔咬吓。德國腸第一次食，都幾香，加埋酸菜食就啱啱好。3) 酥皮薯蓉湯 - 見人地食好香又叫了一個。個皮好香牛油味，薯蓉湯都過得去，有粒粒煙肉幾香口。4) 炸雪榚 - 本來想叫格仔餅不過好似呢款甜品特別啲，外皮口感似沒有加糖的沙翁， 外熱內冷，頗為特別。如果雪榚可以有其他味道就更加好了。埋單時老板會問我們啲食物水準如何，亦叮囑下次假日來要訂位。好似去咗高級餐廳

同女友去馬灣行下, 見到呢間好似唔錯, 就入去啦~當時 5點幾就 6 點, 成間餐廳都無乜人 (心諗都正常)~ Wa! 原來全部都比人 book 哂 lor~! 勁~好彩我地早去, 老板都開左張 table 比我地食到 7點半~裡面都幾闊落, 又對住個海灘~ GOOD是日試左兩樣野~德國焗飯 - 焗得都 ok, 好多 cheese, 不過洋蔥落重手左少少, 可能德國菜本身有好多洋蔥?德式肉餅 + 薯蓉 - 肉餅好味, d 肉同菜絲既比例岩岩好~食食下有個客人一入呢就話 :"喂又係我呀~!" 好有親切感~

四個人, 點咗兩個二人餐~餐湯有薯蓉, 有洋蔥, 有牛腩~ 最好味係薯蓉湯主菜有燒豬脾 & 鬼佬腸粉; 德國腸, 羊架 & 菜餅甜品: apple crumble環境, 氣氛, 服務 & 食物都很不錯...

波菲的西餅縱使難吃，總算止住了肚餓的感覺。抵達馬灣逛了一圈，再找到這間德國餐廳來，其實是為避暑多於飽肚!　時值3點下午茶輕鬆時光，店內一片慵懶氣氛，店員無論倒水、給餐牌、轉位、上菜等都有點緩慢，不過也因此份外有外國氣氛。反正打了底不太餓，兩口子倒也享受那份悠閒寫意感，趁機慢慢拍下店內德式裝潢好了；這，才是放假嘛! 　上菜前，店員先遞上盛滿刀、叉、匙子、紙巾的德國大酒杯，然後香腸拼盤($72)也跟著上檯了。屬頭盤小食的菜式份量不大，四款肉腸各剪去一半才上檯，當日最美味是最幼細、但也最多汁的香草豬肉腸；紅色脆皮腸因有芝士香，也算不錯；另兩款粗身白色豬肉腸口味較相近，同時口感幾滑，其中一款更有著近似豆腐的軟滑感。其實4款肉腸全都水準不差，不過多吃實在幾漏，就算加上沙律及酸菜仍然膩過了頭!　吃完頭盤，另一個的主菜姍姍來遲，那是德式煎豬肉餅($83)。英文為meatball的德式豬肉餅，厚身得來份量頗大，切開又滿有紅蘿蔔碎，再加上微甜醬汁，無論賣相或味道都似足中式的獅子頭! 更巧是老公當日很想吃飯，經要求將原配的煎薯餅改轉白飯，白飯配上肉餅更是沒得再中式了，還幸是肉餅肉汁豐盈，口味鮮香也不差

上年年尾時已看到這家餐廳準備試業.. 一直都打算找天進來一試.. 怎料到要大半年後的今日才可以!說真的.. 有點兒失望.. 沙律材料是暖暖的.. 但醬汁味道是還可以..香腸像是(拾)熟後才煎的.. 沒有味道.. 普通得很..豬手更是差.. 皮不脆.. 難咬開.. 味道更是鹹..薯蓉算是最好的.. 有粒粒薯肉.. 口感不錯.. 整體來說.. 沒有特別.. 亦不像正宗好!

今日偷懶冇返工, 約了朋友去珀麗灣遊玩一下, 所以之前做定工課, 上openrice看看珀麗灣有什麼食市, 在search珀麗灣下,第一間食店就是oma's, 且好評什多, 加上很少接觸到德國菜, 所以和朋友都簡定這間去嘗試一下 今日真的很熱, 熱溶了, 不過天色真的很靚, 坐落左沙灘旁的Oma's, 可以看到青馬橋的景色, 環境真的一流, 但我想晚上景色會更靚看到餐牌, 有很多款式, 和朋友對德國菜都沒什麼研究, 所以久久不能點菜, 因不知點什麼好可能侍應們見我們面有難色, 所以前來幫忙, 為我們介紹一下餐廳內的出色食品 侍應介紹完, 本來很想點出名的烤豬腿, 但是兩個女子, 能力有很, 害怕吃了豬腿就吃不到第二款,所以今次放棄了, 唯有下次多人才點啦, 人多好辦事丫嘛今次我們點了, 香腸拼盤, 每款香腸都可以品嘗一下, 總共有4種款式, 但我們不知名字, 所以稱呼為1234號香腸 xDDDDD 每種香腸的味道都很突出, 味道濃, 好味豬肉餅拼薯餅, 估不到這個豬肉餅很Juicy, 與外表不付, 最初以為會干掙掙, 點知越吃越好味, 而且薯餅是自家制, 一條條的薯條絲, 香口非常