Olive Cafe (新領域廣場) (已結業)

臨近 聖誕去荃灣ikea買啲飾物為屋企添氣氛，買完嘢當然要揾嘢食，途經呢間位於新領域廣場天橋底嘅西餐廳，真係唔太起眼但就被門口嘅餐牌吸引住，四個set dinner都唔錯，價錢方面都唔會貴，所以就入去一試。入到餐廳後，原來入裡裝修同佈置都好舒服，而且好有聖誕氣氛員工亦好有禮貌，細心為我們介紹個menu落單後，員工首先送上餐包配上應該係餐廳自製嘅香草牛油。而set dinner 就跟個沙律意式蕃茄水牛芝士沙律，賣相已經覺得有誠意，黑醋加上水牛芝士嘅化學作用，令我當堂開胃，而湯就係甘笋湯，好濃嘅甘笋味，但味道清甜，口感幼滑。除左套餐我們都單點左pizza,食肉獸有啲名過於實，因為愛肉嘅我絶對唔夠喉但餅底做得好好，夠薄夠脆。另一樣單點就係黑松露野菌意大利飯，飯嘅熟度剛好，糯糯嘅囗感，松露嘅香真係好味套餐我們就揀左香煎三文魚配水橄，水瓜柳，銀魚柳茄汁意粉，汁方面個人認為偏酸，但勝在三文魚煎得好，香脆嘅皮，又保留到豐富嘅魚油，嫩滑嘅肉質，都算驚喜香煎美國安格斯西冷扒(8安士)配紅酒汁，細嫩嘅肉質，濃厚肉味，更唔少得嗰條油根，好滿足提前享受到不平凡嘅聖誕餐四人用$800有找，掋哂

本身係荃灣返工，知道有呢間西餐廳，但一直都未試過。 早排聽到同事介紹話呢間西餐廳性價比高就去試下啦！ 入到去環境都幾舒服，睇餐牌食物價錢合理，都幾多選擇😼😼 今次試左德國豬手同紅酒牛尾意大利飯，德國豬手超大份，配菜有薯條🍟食落外皮烤到勁脆，適合好多朋友一齊share黎食！ 意大利飯食落有咬口，牛尾都炆得好夠淋，紅酒汁令個飯食完都吾會好滯。跟餐既餐湯都好好飲👍🏻 總括黎講呢間餐廳都值得再encore 🙌🏻🙌🏻

和家人食飯想去那裡吃，最後在openrice找到間荃灣未食過又有優惠的餐廳，一行五人六點半到達，我地叫了小食和主食都吃不完，而且每人一百元都不用好抵食。每人一條麵包微溫，包不錯但醬不好吃，類似沙律醬寧願要牛油會比較好，雞翼五隻的雞翼不太大隻，味道可以但醬都是不好吃，黎麥煙三文魚沙律份量都幾大而且十分新鮮好味道，薄餅薄身岩我，芝士味不重但拉到絲，料都夠食，帶子蝦意大利飯飯比較淋身，醬味不錯，雞肉螺絲粉不太多雞肉味道一般，豬扒木碟好大，豬扒份量可以，豬味比較少，薯條好食。

一入到黎就覺得好開心，周圍嘅聖誕裝飾同埋聖誕歌曲都令到我更加期待聖誕！🥰一開始上左麵包，係法式脆身麵包🥯好鍾意所配嘅沙律醬，其實都唔知係咪沙律醬，味道就有啲似酸忌廉，特別得來好味道😜😜要咗一個晚餐A，香煎三文魚配水橄、水瓜柳、銀魚柳茄汁意粉$188 ❤️味道好濃郁，茄汁意粉感覺清新，配水橄食意外地夾，將三文魚撈埋一齊食，味道唔錯😊😝水牛城芝士沙律🥗夠晒開胃加咗$32轉野菌忌廉湯，都幾creamy，覺得比較健康 小食叫咗香辣雞翼配蜜糖蛋黃醬 $56雞翼好大隻，唔使點醬食都好夠味😝 黑松露野菌意大利飯$92忌廉味好重，仲有芝士撈埋一齊食，正！我覺得呢度適合慶祝節日，快啲book位啦🤣今日平日都滿座😜🤩

第一次幫襯呢間餐廳可能超過10年前，喺地鐵站去愉景新城天橋下人隱蔽位置，冇實力真係做唔到咁多年，佢嘅價格亦10分親民，環境氣氛亦唔錯，所以咁多年經過荃灣都會搵時間幫襯佢。今晚餐湯是粟米湯，由原粒粟米打碎而成，好濃厚的感覺。另外點了一個龍蝦湯，好鮮甜亦好濃蝦味，配上一集大蝦🍤，幾夾下。意式番茄水牛芝士沙律擺設精美，食材新鮮。香煎安格斯西冷牛扒，十分有水準，烹調時間掌握得好準，五成熟真係做到中間生得來唔會太多血水，食落肉質鬆軟又淋，牛肉味香濃，頭尾位置有少少肥膏邊的脂肪香氣。兩杯特飲香芋鮮奶同朱古力牛乳都有水準，外形吸引，都可以打吓卡。

朋友仔正日生日🎂諗住帶佢去好d嘅餐廳食飯，佢好suprise，因為呢間系佢曾經對前度講好有聖誕氣氛嘅餐廳，如果可以去慶祝就好喇嘅店，變相呢家生日嚟食反而好有治療嘅感覺一開始上咗麵包先嘅，個醬嘅味道食得出有香草味類似少少牛油味咁，配脆口麵包真系好味😋個醬配得好👉🏻香辣雞翼配蜜糖蛋簧汁辣味偏淺，食唔到辣嘅都食得落，醬汁好香蜜糖味，蛋簧汁除咗味道更好作用之外，令雞翼口感可以滑身咗👉🏻食肉獸薄餅食肉獸pizza入面有：辣肉腸、燻肉、意大利腸等，批底中等薄身同脆口，細心咁已cut好咗8份，d芝士仲可以拉到勁長，食得出好濃芝士同腸嘅肉香味，值得order👉🏻意式芝士大啡菇扒漢堡呢個漢堡最大優點真系個芝士大啡菇超級香，應該有落調味粉調過，加埋生菜🥬同麵包食真系又多汁又好咬口，麵包🥯亦都有先烤到脆口，i like it~👉🏻黑松露野菌意大利飯我試過食最差意大利飯嘅經驗，一係就冇乜味、一系個飯太軟身、一系太水汪汪feel，好采以上咁多樣經驗都冇發生今次身上，仲好香黑松露同野菌味道添🥰🥤嘢飲方面因太少餐廳系有提供奶昔服務，我哋分別叫咗朱古力奶昔同士多啤梨奶昔口味，造型真系好吸引，咁高身又咁大杯真係好滿足，

今日我銅鑼灣食神，相約美食天使Angel師姐，就去試吓呢間野。如果講呢間野，揸車來講都幾好，附近有停車場，泊街都方便，由於我係CIA，所以唔怕泊街。廢話講完😂😂我呢間野喺天橋底有啲唔起眼，但點會難到你嘅我呢？🤣🤣🤣佢個餐牌都唔錯，我同靚靚，就叫咗兩個扒餐。食西我哋都一定係安格斯。環境唔錯，夠靜局。服務員殷勤真誠，沒有酒店服務員嗰種傲氣。餐包跟Sour Cream，特別我鍾意。湯又唔錯安格斯也是好！沒有什麼可挑剔。重點是價格，都幾適合年青男女。#銅鑼灣食神

同女朋友喺愉景新城行街，但係又唔想食商場的連鎖餐廳，行左兩步去到橋底olive cafe ，到門口已經覺得好relax，外面一大塊空地，圍住門口仲着綠色植物，而且裏面裝修都好休閒💕竟然lunch都有安格斯肉眼牛扒，牛扒控的我又怎會錯過🤤🤤牛味濃郁，五成熟剛剛好，juice，份量也多，還有大量薯蓉，又綿又滑，正呀😍😍跟餐有沙律🥗或餐湯，一樣一款可以share 食😝😝跟餐還有2只蜜糖雞亦，表皮脆卜卜，加上蜜糖就更加正啦🤩🤩日式煙鴨胸扁意粉🍝估唔到又幾match ，有啲中式feel，鴨胸煎得香香的不會油膩，意粉軟硬適中😌跟返可以轉特飲拉花有誠意，打卡拿like 🥰放假胃口特別好再加多兩個甜品🍮真係超級大滿足，真係可以鬧市中找到寧靜😌😌

又在荃灣食好西！同老公預祝聖誕節先！已經有聖誕裝飾晚餐$188是日餐湯-洋蔥湯 勁多洋蔥，好濃味。意式蕃茄水牛芝士沙律 勁開胃，大大舊芝士同蕃茄主菜香煎三文魚配水橄、水瓜柳、銀魚柳茄汁意粉三文魚煎得好好，皮脆，味道香濃，個sauce好開胃，而且意粉都好入味，有嚼勁。海膽扁意粉配椰香海鮮濃汁$128面頭有新鮮海膽，入口溶化，而且鮮甜，意粉汁香濃，好creamy，推介。焦糖咖啡$36大大杯，焦糖味重，又不會失去咖啡的味道。

踏入聖誕月，一個接一個的飯局，今晚就同一位久未露面的朋友去了荃灣食西餐。甘筍忌廉湯配餐包：湯底有濃郁的甘筍甜味，但亦有忌廉的幼滑。意式蕃茄水牛芝士沙律：水牛芝士跟蕃茄簡真的絕配，蕃茄的酸甜味正好中和水牛芝士的膩感，令整體更清新。西班牙辣肉腸意粉配橄欖番茄汁：意粉煮得太腍，斷斷續續較為鬆散，蕃茄汁濃稠不會太酸，辣肉腸既咸味令整個意粉味道提升。德國蜜糖芥末烤鹹豬手：鹹豬手烤至皮脆肉嫩，外皮咬落去有卜卜聲，而且保留了豬手肉質嫩腍且有肉汁，整體亦不會太咸，配上蜜糖味道更添風味，炸粗薯香脆。Ice mocha：朱古力味濃郁，甜度尚可。熱咖啡：咖啡味道都幾香且幼滑。

這間位於荃灣政府合署隔離的Olive Café，以西餐為主，晚市有幾款晚餐供應，亦都有多款的餐前小食、薄餅、意粉及意大利飯及扒類等，而價錢都是多數是百元起，比較平民化。煙三文魚、藜麥、牛油果沙律沙律醬汁比較甜，菠菜爽脆，加上健康的藜麥及牛油果等配料，整體清新開胃。香辣雞翼配蜜糖蛋黃醬雞翼炸至金黃色香脆，配上蛋黃醬帶甜香，雞翼不會炸得太乾。黑松露野菌意大利飯意大利飯比較軟腍，黑松露的清香跟忌廉很合拍，意大利飯十分creamy。瑪格麗特薄餅加巴馬火腿薄餅焗至餅底帶脆，有芝士香之餘又有巴馬火腿的咸香肉味。生薑咖啡薑味突出但比較甜。

已經係第二次喺呢間Café食嘢今次嘅食物水準依然係好高質，我哋嗌左個、食肉獸Pizza、露絲瑪莉薯條同埋一杯Double Chocolate。呢個份量其實非常足夠尤其係比兩個大人食，再加上本身個餐有餐湯同嗌左一份薯條。要讚下嗰個朝早去到外皮非常之脆，我地食到最後嘅時候外面都仲係脆，而豬手鹹味好足夠，配合到個蜜糖芥茉醬嘅味道。個Pizza個底唔算好厚，同埋茄醬底亦好新鮮相信係自家煮。另外個露絲瑪莉薯條配左濃厚嘅松露醬簡直係一個天衣無縫嘅配搭。最後Double Chocolate 其實我覺得佢個改名做Triple Chocolate因為佢本身個雪糕已經係Double Chocolate. 個雪糕溶入咗去Chocolate, 感覺好似比朱古力充滿咗成個口腔咁非常濃厚。總括黎講，食物同飲品質素高質而且寧靜，同朋友食野傾計一流。

Olive Cafe ( 荃灣 )行開荃灣做野見到有間餐廳環境一流，地鋪樓底高，入到餐廳已感覺好浪漫。有吧枱位，餐廳很大！好寫意的感覺，甘辛苦做野一定要食餐好既安格斯肉眼另外加左$70升級到安格斯肉眼，5成熟岩岩好，牛扒的肉味濃郁又突出，熟成度剛好。而薯蓉的牛油味很突出又香，質感並不會很軟散。芒果香蕉奶昔芒果味道好濃、易入口成杯野酸酸甜甜又好滑，同cream好夾, 影相岩哂，飲完仲想飲，這個價錢與這個份量真是很親民。玫瑰鮮奶咖啡好濃花香同咖啡味，嗜咖啡者一定鍾意。總括來說，超級抵食既午餐宜家仲有買4送1既優惠，都幾抵阿，氣氛浪漫，服務態度亦好好

訂了6:30吃晚飯，準時到達。門口白衫女侍應叫我地坐中間位，我細聲講一句：「訂咗枱都冇得坐梳化位...」該侍應即大聲回應：「冇得咁安排，你睇吓訂座條款吖！」全餐廳d食客都聽到於是望過嚟。有d咁冇禮貌嘅侍應，我唔會再嚟

今天放假，和家人來到荃灣食飯，妹妹帶我來到西角路的「Olive Cafe 」食西餐，餐廳並不在大街，但也容易找，裝修簡約，燈光柔和，我們叫了幾款食物一齊食。套餐有前菜《水牛芝士蕃茄》，大大片的水牛芝士，放在餐包條上一起吃，正。餐湯是甘筍湯《燒雞肉螺絲粉配番茄忌廉汁》$94 螺絲粉煮得剛好，有嚼勁之餘不硬身，雞肉夠入味，配番茄忌廉汁絕對一流。《香濃南瓜意大利飯》$78 意大利飯飯粒分明，粒粒飽滿綿密，加上濃濃的南瓜味，還有淡淡的黑芝麻香。《香煎美國安格斯西冷扒》8oz $248西冷扒很好吃，7成熟，裡面微紅，外面香脆，肉味和油香味並重，肉質豐盈多汁有嚼勁，伴碟的薯條都很好食。