Olive Cafe (新領域廣場) (已結業)

之前黎過荃灣橋底Olive Cafe食晏，已經覺得好抵！呢排難得出街dinner，醒起有呢間餐廳，所以去試下佢晚餐。原來佢地而家有鐵板扒套餐，餐包括UNLIMITED 餐湯、沙律同珍珠米白飯。肉就跟幾多gram定價，但整體都係抵嘅。我揀左「美國極級肉眼扒」，200gram都只係$160！👍🏻肉眼用鐵板上，鐵板真心好夠熱，直到食完都仲有啲sizzling sound😂 肉眼勝在肉味濃，而且肉質都幾軟腍，係有2、3塊燒得耐左就乾左少少，其餘都肉汁夠。加上餐湯同白飯portion係好足夠，真心抵食！

因為除夕放工比較夜嘅關係，所以搵下荃灣區有咩西餐好食，跟住就搵到依間，評價好似唔錯，價錢又唔係太貴，所以就訂左枱去試下。當晚去的時候（8點後）只有兩三枱客人，所以都唔會太嘈吵或者太擠逼，但枱與枱之間距離其實都幾近。一睇餐牌二人餐只有3個主菜可供選擇，頭盤/湯/甜品都無得選擇，好彩唔係好偏食，依個亦都可能係餐廳比較少人嘅原因，始終價錢唔係超級平，有多少少選擇會比較好。頭盤係香煎帶子配南瓜泥，依個煎得幾好食，唔會太熟煎過火，個南瓜泥雖然得dd, 但甜甜的幾好。最失敗係中間個堆沙律菜，苦不堪言。跟住係芹菜頭湯配合桃碎，唔識形容個味道，怪怪的，不過都仲飲得落口嘅。頭盤分別選左龍蝦尾意粉同西冷扒。龍蝦尾意粉條龍蝦尾用煎的方法整熟，雖然是急凍龍蝦尾，但都算不錯，店舖將龍蝦肉都起了出來，方便客人食用 。意粉就極級普通，份量偏少，沒甚麼海鮮，就兩條魷魚圈。西冷扒就選了五成熟，不過不失，肉質比較粗鞋同實，跟超市買的差不多。配搭的焗薯完全敗筆，沒有任何配料味道，就一舊烚熟了的薯仔。甜品係心太軟配雪糕，黎到時已經唔熱，心太軟都沒有流心效果。重點係兩個人先有一份，如果唔係情侶食都幾麻煩！！之後上埋餐飲，只有兩

冇訂枱，兩公婆去到排隊等位，已經8點半後仍然有4，5對情侶/夫妻在排隊!幸好唔係等咗好耐，由於疫症嚴重，進場前職員會幫客人量體溫，保證客人冇發燒! 進場發現枱與枱之間實在得3，4吋空隙，隔離枱講乜都會聽到，左右2邊都有人坐，不過大時大節預咗，冇得擔心太近會有細菌，驚就唔好出街食啦！點咗2份扒餐，老公叫咗美國牛隔肌，肉質鮮嫩幾好食，我叫咗個澳洲M5黑毛和牛板腱，肉質好實比較嚡口，但餐湯係意大利什菜湯，好濃好好味，還有沙律&日本珍珠米飯，3款都係自助任食的!我仲叫咗杯house red!用餐期間發生小插曲，右邊枱客人走咗，職員收拾好後，用不知道是什麼來的液體抹枱，本來用消毒用品係很好的，但職員在噴灑時，噴嘴向客人方向，液體噴灑到我手上，我嘩了一聲，職員立即向我道歉，還立即拿消毒濕紙巾給我抹手，我沒有怪責她，知道她不是有意，但擔心液體不小心噴到在食品上，希望職員留意一下，噴嘴應向著無人坐的位置或遮擋一下!埋單2個扒1杯紅酒，埋單$483，老公放低$500免找，在這抗疫環境下，好多商店都好靜，但這間餐廳仲唔收加一服務費，在現在難挨的抗疫日子裡，大家都互相幫忙，體諒，感覺很不錯!

每到假日就想放縱一下，平時日日都食中餐，今日就轉下食西餐啦！來到荃灣的 Olive Cafe 一座底周圍望，我就發現了佢地轉左餐牌，因為依家佢地轉左惠顧套餐就可以無張量享用沙律，湯和飯。我地叫了兩個主菜， 一個係食肉獸薄餅，另一個係Olive德國鹹豬手。係等緊食物時，我先去拎沙律和湯，沙律係紫椰菜和椰菜，可以自己加芝麻醬， 而湯係羅宋湯，湯裡材料好足料，菜和肉都好多，酸酸甜甜超開胃。食肉獸薄餅 ~ 面有辣肉腸，煙肉和牛肉腸大量芝士， 很喜歡咁多芝士的薄餅，記得一送來即食係最美味。Olive德國鹹豬手 ~ 唔太咸岩我，皮脆肉嫩，點小小芥末醬， 再飲返杯啤酒真係好爽。我們仲叫了2L Stella Artois， 一路吹水一路嘆。依家換左餐牌抵食左好多，我們已經講好下次再來食了。

行完愉景新城,又唔想喺商場度食晏喎.行前兩步見到有呢間Olive cafe 都幾啱食,午餐價錢幾抵鴨胸炒意粉 中西合併嘅煮法由幾好味道喎😄 杯咖啡好得意呀不過唔係好夠熱囉😦甜品唔錯下次再食

咁岩喺荃灣買野，午餐就決定睇啱邊間就食邊間！行到天橋，估唔到附近有一間咁高質素嘅西餐廳，門外擺咗幾個餐+價錢，真係好抵食，幾十蚊就已經有交易仲要唔使加一服務費，重點係可以白飯任食湯飲任飲，真係好掂！入到去依間西餐廳嘅格局好有氣氛，餐廳入面播着柔和嘅音樂，令食客可以好輕鬆愉快咁樣享受佢哋嘅正餐，呢度嘅服務態度好好，好用心同你解釋，好有耐性！我哋三個人食，每人一個套餐，美國牛扒套餐，美國安格斯漢堡扒套餐，忌廉汁三文魚意粉！三個人食$200有找，係咪好抵食呢！係等食嘅時候我去飲咗佢嘅羅宋湯，無限添飲，自己話事飲幾多，真係好足料，唔會偏鹹，黑椒又唔會過多，幾啱我心意！佢嘅白飯係日本珍珠米飯，粒粒分明，好飽滿！我先講下佢嘅美國牛扒套餐，大大塊牛扒，上菜嘅時候佢係2成熟，之後想要幾多成熟就自己燒，想點食自己話事，餐廳仲會有醬汁吧，客人可以自己選擇，切開細細塊，配上醬汁再加埋白飯，口感會超級豐富，佢嘅牛好香好滑，一試難忘，好容易入口，好多肉汁，真係好高質素好有驚喜！佢嘅安格斯漢堡扒套餐，份量比牛扒多，漢堡扒嘅肉唔會好鬆散，而且好香，淨係上菜嗰一下已經聞到好香既味道，令人垂涎三尺！忌廉汁三文魚意粉，一

最近因為安全起見，大多數都在家煮飯，今天決定去附近的這家Olive Cafe，試試口味。餐廳環境裝飾時尚，空間寬敞，燈光有情調，正好可以舒舒服服地傾計，入座時餐廳貼心在為每為客人量度體溫，保障他人保障自己，十分抵讚。晚上有石燒套餐提供，簡單可以一人一個Set Dinner，亦有Pasta或Pizza套餐，所有套餐都可以無限量享用沙律、餐湯及白飯，性價比十分之高。沙律、餐湯及白飯都放在吧枱，以自助形式供客人自取，而白飯用上日本珍珠米，可見非常重本。粟米忌廉湯是日餐湯是粟米忌廉湯，做法也因應日式石燒主題是偏日式的忌廉湯，有著濃郁的忌廉奶香味道，味濃上口帶有層次感。美國極黑毛豬選了300克的美國極黑毛豬，黑毛豬來自美國的Snake River Farms，有名有姓品質保證，以熱石奉上，保證熱辣辣，可自行煎烤豬扒表面。豬扒的脂肪豐富，油花分佈均勻，所以一咬肉汁豐盈，甘腴可口，生熟程度剛好，入口肉味濃郁，肉質軟腍，配撘蒜蓉燒肉汁，味道一流。食肉獸薄餅點了一個啖啖肉的pizza，薄餅大而薄，所以口感香脆而不失麥香，有辣肉腸、煙肉及豬肉腸，賣相、味道、口感都十分對辦，有水準。宇治抺茶奶昔最後來一杯宇

看了很多評價都讚食物好味，就預約了2月6日去試，不知道現在是否改了自助餐晚餐及沒有加一收費，叫了美國A9 西冷牛扒200g及德國咸豬手，感覺上沒有食評般説這麽好味🙁

位於荃灣西樓角路1至17號新領域廣場地下4號舖的Olive Cafe，主打西餐。餐廳的環境頗舒服，客人可以選擇室內或室外的位置。侍應推介了石燒套餐，有各款的肉類可選，豐儉由人。例如，可以選較為經濟的美國安格斯牛隔肌漢堡扒，約八十多元便能點一客。等待主菜來到時，可以去拿沙律和是日餐湯。石燒套餐可以無限量享用沙津、餐湯和日本白飯。沙津旁邊有芝麻醬和沙津醋，供客人自由添加。是日餐湯為羅宋湯，湯熱騰騰的，整體味道濃郁，十分醒胃。約十分鐘後，石燒加拿大龍蝦 (Canada Lobster ) 來到了。原隻龍蝦切開一半送上，賣相十分誘人。桌面上擺放了四款醬汁，供客人自由享用。今次選了加少許蒜蓉燒肉汁，將醬汁澆在龍蝦上，燒板頓時滋滋作響。龍蝦肉質感爽口彈牙，雖然份量不算十分多，但味道相當鮮甜，鉗的部分也有龍蝦肉。底下還有少許車厘茄和洋蔥作配菜。點了特飲 士多啤梨驚喜 (Strawberry Surprise)，賣相精緻。士多啤梨奶昔口感冰凍，能嚐到天然士多啤梨的味道，甜度剛剛好。

陪阿女剪完頭髮，她想吃牛扒，便看看荃灣哪𥚃有西餐。看見Olive Cafe 有石燒之選，沙律、日本白飯、是日餐湯是無限量，另外還有免收加一服務費，阿女開心到自己跑入了餐廳。牛扒有平又有貴，又有多款、不同重量選擇！如果不喜歡石燒，又有意粉，pizza選擇！自助區有餐湯（今天是粟米湯）很creamy!日本珍珠米飯很香飯味，沙律也很新鮮！200g 美國極級肉眼扒 $160很香牛肉味，口落很軟，自己燒可以選擇幾成熟！200g 美國安格斯牛隔肌漢堡扒 $80阿女至愛，很香牛肉味，如果做成漢堡包一定超好！加$10有汽水，加$28有啤酒！很平宜！

之前成日見到openrice booking 有優惠🤩今次終於撞啱day off 可以食啦! 優惠係星期一至四嘅晚餐時段我見就好似係6:00 / 6:30 正價餐牌半價!!!!! 我同屋企人一行3人 book 咗6點半😌去到餐廳有好多位😂經理安排咗sofa 位俾我地😆超舒服闊絡我地3個人嗌咗4樣野食:煙三文魚藜麥牛油果沙律沙律份量比我想像中少😂不過三文魚幾新鮮😋而牛油果係切到細細粒隱藏咗係d菜入面😂不過都幾好食嘅🤤幾fresh xd 海膽扁意粉如果你中意食海膽 我諗呢個意粉應該幾啱你😂可惜我唔中意食海膽就覺得佢有d苦🙈不過爸爸好似幾like 😂其實d意粉都好入味嘅~ 不過唔啱我南瓜意大利飯係素食之選😂佢真係得飯🥺南瓜應該係merge咗入去🙈d risotto 煮得幾好食嘅 不過得飯有d dryyyy😂香煎穀飼斧頭豬扒係10安士嘅豬扒😍😍初頭好驚佢好大隻 不過應該係厚實😂反而唔係好大件有d沙律菜同薯條薯條好好味! 係厚切嗰種 同埋咬落有口感! 係新鮮薯仔🥔豬扒係主角😂佢一d都唔肥唔油煎得幾好 鎖住咗肉汁～所以唔會乾同韌! 3個人share 啱啱好❤️❤️滿足用咗半價最後都係$320 (加一按

第一次係荃灣食西餐今次唔係我揀的😏有所期待由於黎到已經大概晚上10點過了繁忙時段 所以較少人靜靜地傾下計岩哂小食揀左薯條同雞翼大路野 襯熱食 味道唔錯伴雞翼既醬係我鐘意既口味泡菜pizza 開胃之選不過有小小辣 最好味係呢個豬扒厚身得黎 質感唔韌伴碟係青蘋果沙律 爽口清新兩個人叫左兩款主菜最後飽到食淨小小飲品叫左一杯朱古力 兩個人share外表精緻甜甜的 總括環境、食物質素都相當唔錯有機會可以再黎，試下其他食物！

聖誕前後氣氛濃濃，代表住開始要晚晚出去食下西餐開心下，感受下節日氣氛~一直覺得呢間店好似間小屋咁好特別，今日終於同朋友去食晚餐~有set dinner~亦可散點~我地叫左餐再加一d散叫食物share食~一坐下店員先送上暖笠笠餐包然後是晚餐包括既前菜同餐湯意式蕃茄水牛芝士沙律配上黑醋汁，酸酸甜甜好開胃是日餐湯係甘荀湯甘荀味香濃，口感好creamy香辣雞翼配蜜糖蛋黃醬 $56微辣既烤雞翼，外皮烤得香口，肉汁豐富，配蜜糖蛋黃醬味好夾食肉獸pizza $138肉指一d腸類同煙肉，芝士份量多，輕易拉出又多又長芝士絲，批底很香脆，令人滿足~黑松露野菌意大利飯 $92飯粒軟硬適中，香濃既黑松露同野菌味，creamy既忌廉汁，加埋面頭既芝士，幸福的味道~香煎美國安格斯西冷扒(8安士)配紅酒 $2487成熟既西冷扒，口感軟熟牛味香，配埋紅酒汁帶出牛既鮮味~最後飲埋跟餐既凍檸檬茶，今餐絕對大滿足~

我哋一入坐 侍應就拎咗兩塊麵包俾我哋 依度既麵包係配蛋黃醬嚟食 啲麵包好脆口 配蛋黃醬幾夾而今晚既餐湯係粟米忌廉湯見到佢哋有set dinner 我哋就叫咗一份 揀咗香煎安格斯西冷牛扒配紅酒汁 同埋試咗佢哋既小食—香辣雞翼配蜜糖蛋黃醬 同埋黑松露野菌意大利飯香辣雞翼配蜜糖蛋黃醬啲雞翼炸得好香脆 配埋依個蜜糖蛋黃醬會中和咗個油膩既感覺 食落啱啱好🥳👍🏻👍🏻黑松露野菌意大利飯相比其他菜式 依個意大利飯就比較淡味 但食落又發現咁既味道反而會慢慢食得出黑松露既香味 香煎安格斯西冷牛扒配紅酒汁塊西冷牛扒真係五成熟 而我就好鐘意佢哋既薯條係闊身薯條 🤤🤤😋😋😋

今日係荃灣搵食，發掘到一間平時少留意既餐廳！餐廳位於橋底下面，所以難留意到，不過搭車經過就應該會見到set dinner有四款，有意粉、魚、豬手同牛扒估唔到個前菜甘豐富！佢唔係只係一dull既沙律菜，而係擺設靚靚，仲有水牛芝士，一啲都唔普通。沙律菜上面既係蜜糖芥茉醬，好香好好味！餐湯係甘荀湯，連麵包多士黑松露雜菌飯面頭既芝士好多，正！一上枱就好香黑松露味，好多菇，個汁好creamy！意大利飯唔會好硬，岩晒我！大啡菇漢堡個人超中意食大啡菇，所以即刻嗌黎食啦！最頂有一層好厚既芝士！夾雜住香氣十足既大啡菇同多汁既蕃茄，yummy！麵包用牛油煎香過，脆脆的！今晚最愛吃的就係呢個咸豬手！我見到差不多每枱都叫一只，應該唔會衰，所以都叫一只黎試下佢虛實首先，個皮超超超級脆！有少少肥同筋痴住，食落唔會好油膩，好有咬口！加上佢淋左蜂蜜係面，食落甜甜地，令豬手提升層次！肉質唔會好咸，稔稔地又爽口，有少少筋痴住，食落唔會好鞋，好味！！食完飲返杯濃香既咖啡作完結，完美既一餐！推薦大家食！