Ocio (已結業)

今日lunch提早過來新開張的cafe，12點30分到達不用排隊，可能因為周邊都有新餐廳，分薄返d客源。可見新都會係招攬新食肆方面真係好比力。落單後好快就上左餐湯同餐飲，質素都普通，唯有期待主食- all-day breakfast。等多五分鐘左右就出餐，上菜速度算唔錯，見呢到waffle 出名，所以我都不分咸甜咁隊左個waffle先。果然係呢到既拿手好戲，熱辣辣既waffle蛋味香濃，外脆內軟，烘焗程度剛好！配出個楓糖醬，一塊對我黎講唔多夠皮。薯條亦係辣鮮炸起，旁邊有茄汁任落，不錯！煙三文魚沙律，正正常常既來貨野。西式腸，焗剛好，外皮脆脆的。為獨我不太欣賞雞扒同炒蛋，兩者下底都非常非常油，完全超出想像，建議店家要想想辨法解決。另外雞扒並不好吃，不知是來貨問題還是廚藝，很難吃，我寧願換塊火腿好過。不過Overall都算食得過，但下次可能會簡waffle做主食得選項。（另外場內油煙通風都未夠好，食完回到office久久都聞到食物味道呢）

每日忙碌返工都會飲杯咖啡提一下，飲咖啡已成為常事，剛好公司附近開左依間西式餐廳，又多個西式午餐同嘆咖啡既選擇，上星期同同事去左依度食午餐，估唔到都幾抵食，午市套餐選擇都幾多，一個主菜已包餐湯同飲品我同同事各叫左杯熱同凍咖啡，甘香撲鼻既熱咖啡香味一聞到就令個身都暖返哂，飲落甘苦香濃，的確唔錯是日餐湯就係蕃茄湯，一飲好香濃，飲個時食到滿滿蕃茄蓉，帶微微酸，愈飲愈開胃我同事叫左燒汁牛肉粒意大利粉，偷食左佢一小啖，意粉爽滑彈牙，掛到燒汁，牛肉粒入口軟熟，牛味濃郁突出，整體食落都幾惹味我就叫左芝士白汁海鮮焗飯，飯用左意大利米，面頭既芝士焗得好香撈匀個汁同芝士咁拌飯食好滋味，入口唔會好膩，賣相細份，但食落又幾飽肚，食左一半都飽飽地我地另外再加錢叫左奧斯芝士薯條，個人真心覺得勁好食芝士拉絲香得黎食落又唔漏無奶騷味，薯條焗左雖然比較軟，但芝士既香同鹹香配搭咁食已經勝過一切，一試難忘整體個人覺得都幾抵食，份量又多，一定夠飽，坐得舒服又唔迫，同同事都食得滿意

係到食左個高質既下午茶 幾好食 好小係香港食到啲有水準既waffle ! 同雞翼都好大隻🤤🤤 服務態度都幾好 本人最討厭黑口黑面既staff. 下次會再嚟試下其他菜式先!

一向睇開的中醫由九龍灣搬到葵芳，對我而言，路程的確遠了許多，但因為很有效用，所以真的要努力堅持.....老實說，我很少踏足這區，那正好讓我尋找美食向大家匯報。餐廳開方式門口，一眼就望到綠油油的牆身，還有那句 “Food is an important part of a balanced diet”，決意進入。環境光猛，裝潢時尚，靠牆有排長長梳化座配二至四人枱，中間亦有長枱，還有不少二至四人枱。每枱都放有兩份餐牌，一份dinner set和一本a la carte。單點菜式分別有主食、全日早餐、特色漢堡、沙律、小食、多款甜品和飲品。唔傷腦筋，就點一份dinner set吧!**********************是日餐湯 Soup 為忌廉薯仔煙肉湯，熱辣辣上枱，最岩今日的天氣。湯身濃稠，滿載綿綿的薯茸粒，加入鹹香的煙肉碎，味道不錯！最喜歡是加入的忌廉不多，喝起來不覺漏滯。**********************十六款主食中，選了奧斯特選全日早餐 Ocio All Day Breakfast ，貪佢食材豐富，大滿足！究竟這份全日早餐有什麼？逐一數數，包括有炒蛋、窩芙、蕃茄、煎雞扒

今次因為就腳所以揀左間比較少人既Ocio，望一望餐牌又幾岩食。即管試吓。餐廳有dinner set，主菜配餐湯同一杯野飲，仲有得加錢轉特飲同加錢加小食，沙律🥗今次就加左個小食拼盤$49小食拼配有魚餅，咖哩角，春卷，麥樂雞，薯條同魚手指。作為餐前小食唔錯，幾香口，炸得唔會好多油。Dinner set有既甘荀湯，口質好豐富！👍🏻好似放左落攪拌機打碎左咁，好足料👍🏻😋幾清甜。茄汁雜菌虎蝦意大利粉$118虎蝦大隻，蝦頭仲有啲膏😋肉質爽口彈牙👍🏻意粉個汁調得岩岩好，冇過多既調味，清甜既茄味😋意粉連埋啲雜菌一齊食，味道更有層次👍🏻👍🏻唔錯！

相約朋友 去行街 而行街前當然要先食飽飽我一早揾定目標餐廳 Ocio啲間餐廳 其實我之前係大圍都經過唔小次不過都無機會試 今次見到佢係葵芳開新店所以就試一試 店內裝修簡約為主佢有dinner set 不過我朋友食素 所以我地點左一個set 另外散叫黑松露軟殼蟹意大利飯味道香 新鮮整出嚟 熱的 炸軟殼蟹 有小小蟹膏 意大利飯質地係有咬口 仲有蘑菇增加口感薯蓉湯(餐湯)好飲呀 飲完個人暖笠笠 仲有煙肉碎 凍檸茶少冰(跟餐)好夠凍 同出面檸茶味不同 紅茶味重奧斯芝士薯條(跟餐加$39)分量正常 可以拉絲既薯條 炸得剛剛好車厘茄蘑菇意粉真心分量大 味道比黑松露意大利飯濃 意粉汁都好Creamy 但又唔會覺得膩慢慢食 1個鐘就過去最後買單 唔駛3百 食完仲方便各位行行街

Lunch Hour係新都會行一個圈，就見到呢間好多人排緊隊！見有新野，梗係要試一試啦.餐廳主打西餐甜品，咁佢有lunch set提供，我同朋友就分別叫左兩個set，醬燒豬肋骨窩夫及All Day Breakfast, 包餐湯及飲品！上餐好快，但薯條係熱辣辣，好香口。豬肋骨醬汁夠野味，食野最緊要係食汁，豬肋骨醬汁的確係令到佢加哂分。然後就講個窩夫啦，入口鬆軟，配埋佢提供的蜜糖真係令人有一種幸福的感覺。假日的幸福，除了一個幸福的窩夫外，另外更值得一提就一定係個All Day Breakfast啦，茄汁豆有水準，德國腸夠口感，雞扒更值一讚。至於餐湯同野飲，質素都唔錯！

葵芳新都會又有新的西餐廳 看到網上評價好像不錯 來試試晚餐晚市設有Dinner set 包餐湯 主食 飲品$33以下的飲品都不用額外加錢 算是挺多選擇餐湯順口 還有煮得軟冧 入口即融的薯仔粒美式BBQ醬烤原條豬肋骨配薯條有驚喜 很多西餐廳做的豬肋骨 不是肉很少很韌 就是豬肉不入味 🍖這家的豬肋骨肉質夠嫩入味 啖啖BBQ醬味骨夠大條 肉的比例又不會太少 確實不錯 🥔伴碟的薯條雖不是粗身的那一款 但卻實心 吃得岀薯仔香 微脆又不會太油膩 🥗旁邊還有新鮮清爽的沙律 感覺好像有比較健康一點黑松露軟殼蟹意大利粉軟殼蟹很大一隻坐在意大利粉上 🦀軟殼蟹脆脆的很香口 若炸皮薄一點就更好 🍝意大利粉份量不少 軟硬適中 但黑松露的味道略微有點淡隨晚市套餐 還可加錢加配不同小食煙三文魚沙律 (隨餐加$15)煙三文魚 厚身頗香 底下有不少佈滿沙律醬的新鮮蔬菜熱檸檬薑茶餐廳用的是Twinings 淡淡薑味 而且不用額外加錢餐廳環境舒適 適合跟朋友聊天聚聚 而且店員服務態度不錯 很快就留意到需不需要加水和收碟

新店 多人到痴線 掛左成55分先入到。。。。門面簡潔光亮 ！！ 環境開放式！ 坐位比較迫！食物價錢中位 唔算平！！食物上得好快！！！服務員會留意你果枱d餐具夠唔夠！e下幾好 餐湯 忌廉粟米湯！ 唔夠濃！唔夠熱。。。。安格斯牛翼板肉（日限十二個） 叫左7成熟 肉味幾濃 可怕焦香唔夠 熟度都未能控制得好 中間得5.5成~6成 邊位就有7成！！ 個汁就幾好！！！！加錢叫左 奧斯水牛城雞翼！ e個有d過咸。。同炸到有d位黑左 食完喉嚨即時感受到熱氣。。。。不過可能新店 有太多野要改善 希望下次再黎可以食到更好架野食！！！

葵芳新開西餐廳生日飯來左試新嘢！第一印象勁油煙😅廚房抽氣不足油煙走曬出廳面，係門口都已經聞到曬🙈嘢食份量都好大好足，而且都好新鮮！不過小食既奧斯水牛城雞翼出面滿滿一大層汁就太酸啦😣！少返D會好D！本身味道都可以只係太酸啦！呢度既甜品望落都好吸引，不過今次無試到！好在食左份 醬燒豬肋骨窩夫 $78 都算有一半甜品😌窩夫好好食，好鬆軟！但個醬燒豬肋骨就冇咩肉食，太瘦啦！食完預左成身都係油煙味🙈真心要改善下！

某日經過新都會，竟然發現ocio響呢度開左分店，立即同家姐幫襯下，因為旺角果間店都幾吾就腳，葵芳呢度就非常方便喇! 去到3點本來想食tea, 但發現仲有lunch set, lunch 有豬肋骨waffle (78蚊)覺得勁抵又可以食咸! lunch set包左餐湯，甘筍湯裡面有少少薯蓉，有d淡口! 嘩! lunch set份量非常大，有2件waffle + 半份ribs+ 太陽蛋+ 沙律菜+好多薯條! 啱哂我呢個澱粉質人!ocio一向整waffle 整得好好，waffle外脆內軟。但係個ribs就吾多ok, 個ribs的燒烤汁調味其實好好，但係燒到overcooked!! 肋骨又乾又硬 希望只係一時失手喇! 家姐的tea set, 焦糖香蕉朱古力waffle (53蚊), 配埋糖漿好好味! 跟餐有2杯即磨咖啡埋單144蚊，餐廳職員好friendly，但係餐廳抽風系統欠差，非常大油炸野味，所以我地食完野未夠40分鐘已經埋單閃。同埋餐廳開張已1個月，仍然只收現金，credit card，八達通，paywave，支付寶付款全部無，好吾方便呀! 希望餐廳快d有改善喇!

今次黎食左ocio 嘅dinner嗌左個龍蝦汁原隻魷魚意大利飯 加左38要左芝士薯條 另外仲加左15蚊要個煙三文魚沙律煙三文魚沙律整體幾清新，唔會太有膩嘅感覺，加15蚊都算幾抵食 份量唔會太少 作為前菜岩岩好而個芝士薯條同坊間嘅芝士薯條唔同，佢唔係mixed左車打芝士/parnesam，相比起拉絲，佢芝士夾雜住芝士粉嘅感覺 相對咸香就無乜 最終都係要靠茄汁添加風味 但幾大份下而個主菜有啲surprise, 本身想食嘅係classic嘅意大利飯，但無諗過佢係塞晒入個魷魚桶裡面，面頭好多木魚絲 成件事變得好有趣 不過就同expectation 有啲唔同 但魷魚煮得岩岩好 唔會韌 整體似食緊濕版嘅紫菜包飯咁而甜品方面 我地嗌左伯爵茶雪山熱香餅 望落似梳乎厘，不過的確又真係唔係梳乎厘，中間有流心，可能其他味道會更出色坐係到傾下計 都舒服嘅

近來這個商場開了一間新的西餐廳，同事很想去。她說擇日不如撞日，那就今晚去看看吧。餐廳門面很大，內裡環境寬敞，清潔整齊。木地板，木桌子及鑽石形的椅子，裝修簡約。同事說這裡椅子坐得特別舒服，她很喜歡。晚市套餐選擇真的有很多，什麼類型也有，共有十六款，價錢都很抵。套餐有餐湯，主菜及飲品。我們點了一個意大利飯及千層麵，另外我們加了15蚊點了一個煙三文魚沙律。餐湯是忌廉湯，顏色很美，是雪白的。這個湯入口creamy，鹹度適中，幾好。煙三文魚沙律份量不多不少，賣相也很好。沙律菜新鮮，煙三文魚鹹鹹的，都幾好食。其中一款主菜是黑松露軟殼蟹意大利飯 ，軟殼蟹是剛炸起，入口很熱很香。 意大利飯煮得不錯，軟硬適中，裏面夾著磨菇，每一口都有黑松露醬的味道，這個味道我特別喜歡，我很滿意。另一款主菜是芝士肉醬焗千層麵，這款主菜是每日限定的，只有十二份。我跟同事準時地放工，六點鐘已到，所以我們是第一份。這款主菜賣相討好，份量又多又豐富，闊條麵爽口，肉碎及肉醬味道亦調得很好，不太鹹，每口都有酸酸的茄汁味道，但醬汁又不會過多，能吃到本身食材的味道，同事喜歡這個。同事點了一杯凍咖啡，她說這裏的咖啡很大杯，味道比較濃，她覺

叫左碟黑松露野菌意大利飯同燒汁牛肉意大利飯d飯好似未煮熟既茉莉香米，食唔落，真係好哽胃，食過咁多次唔同餐廳既意大利飯，完全唔係咁d牛肉已經少，又咬唔爛同職員講，佢問洗唔洗拎入廚房煮熟d，我話唔洗啦，只係想反映真係好難食未食過咁難食既西餐，食到一半都冇就走人，出面仲要有人等位，我好想勸佢哋真係唔好入黎，真係好難好難好難食，超後悔入左呢間餐廳，去隔離pizza hut都好過佢，真係勸大家唔好入去食意大利飯

去到叫到個熱香餅幾好食，不過有啲甜，但有一樣野我好唔滿意，佢哋竟然無電子支付包括信用卡、八達通甚至支付寶，淨係可以比cash ，食嘢嗰陣時又無店員主動提供茶水，但又要你比加一，我下次唔會再去，無法認同只有cash 呢一點