Ocio (積存街) (已結業)

近日openrice推出優惠，好似唔同時段黎呢間小店都有正價餐牌8折優惠，✅所以專登黎試下～cafe裝修好靚，岩泊車人士🚙，亦有一系列甜品或主食選擇。抹茶紅豆pancake $68本身menu你配抹茶雪糕🍦，可惜當日冇～熱鐵獲上即整成個甜品都好食，不過食晒三塊pancake🥞原來都幾甜幾飽🙈。ocio窩夫all day breakfast $78係有呢間舖頭出店的窩夫，配有雞塊同傳統食材🥓🥗，發揮不過不失。甜品都整得唔錯！餐廳另配有午餐/晚餐套餐，下次都可以黎試下😋！環境：★ ★ ★ ★ ☆食物：★ ★ ★ ☆ ☆服務：★ ★ ★ ★ ☆性價比：★ ★ ★ ☆ ☆

雞扒意粉：不過不失，雞扒大塊，外皮煎得香，但係唔夠咸，無咩味，意粉太油膩，我個個唔鐘意油膩既食物，野飲加左香蕉奶昔，幾好飲，不過飲到下面太甜太甜，可能佢未撈勻。

大圍優雅嘅 cafe，同媽媽去咗大圍站附近嘅西餐度諗住食lunch， 諗起想食all day breakfast， 就search到呢間西餐廳， 媽媽叫咗牛扒扁意粉， 黎到係超級巨型牛扒， 味道 唔會太鹹、配埋嘅汁都剛好夠用。 食落啱啱好唔會太韌。 另外有餐湯， 係南瓜忌廉湯， 味道 甜甜地幾好飲。 我自己就叫左個all day breakfast， 最有驚喜係個炒蛋， 我諗佢哋係用靚蛋因為好有蛋味， 另外茄汁焗豆、西式腸、 煎雞扒 都係標準嘢啦。 反而有一個煙三文魚嘅沙律係我最欣賞嘅👍飲品方面我哋 都係叫咗咖啡， 我叫咗玫瑰咖啡有啲特色，飲落去有玫瑰糖嘅香味， 望落非常之靚雖然飲到最後有少少甜得滯， 但係我覺得唔錯😊最緊要係兩個人埋單都係差唔多200蚊，呢個份量呢講真係超級抵食！

幾度再訪Ocio今日平日lunch黎，小店都幾乎坐滿果然香港人好識得搵好西食😆😆😆--午餐價$49起已經有選擇-午餐跟配餐湯是日餐湯係南瓜湯，個味幾香，又creamy 唔錯😻-跟餐可以選擇$33或以下飲品但我就選擇左杯即磨咖啡一杯簡簡單單既咖啡最考功夫，遠遠已經聞到咖啡味☺️-忌廉菠菜蟹肉意大利飯 $49忌廉汁好稠好足料，啖啖飯都充滿菠菜同忌廉汁☺️☺️份量都比較多，食3分之2已經好飽🙈-龍蝦汁炸軟殼蟹燴意大利飯 $58呢個午餐係必點！每枱都叫呢個相信係比佢大大隻軟蟹吸引住😺一上格，真係好吸睛 軟殼蟹超級有份量呢個價錢食到咁大隻既軟殼蟹真係物超所值！當然，龍蝦汁同蟹同飯既味道相當之夾🤟🏻-有圖有真相💛-餐後決定加$19配new york cheesecake 兩個人食咁精緻既午餐，埋單都唔洗$150真係超級良心價💛其實ocio已經變左我飯堂🤪

今日出左去大圍油站前面有間叫奧斯既西餐廳食lunch😘叫左個漢堡薯菜👍🏻order完附送一碗足料香濃既磨菇湯..隱約重咬到蘑菇粒粒🤤之後漢堡到左..大吃一驚，因為好大份。漢堡好juicy，好香牛味..唔係似快餐店果d漢堡咁。食哂已經好飽..原本重想加錢食蛋糕，唯有下次。

首先環境方面，餐廳偏向有格調，無論和伴侶，家庭還是朋友相聚都十分適合。間隔方面亦相當舒適，雖然鋪面面積狹窄，但每一台客人都有足夠的私人空間。我對環境方面有相當高的評價。食物方面，餐包及餐湯水準不錯，令人期待主菜。黑松露意大利飯口感非常好，水份控制相當出色，黑松露的品質亦有一定水準，色香味俱全。菜單上伴菜的寫着帶子，但實質上是煙肉包帶子，新奇的配搭帶有驚喜。但三文魚扒質素可以，略嫌油膩，份量偏小，成年男子恐怕不能飽足。不過令人驚喜的是燒雞質素優越，剛上菜便有陣陣的香草撲鼻，烘焙的時間掌握亦很好，不會overcook，令到雞肉十分柔嫩，份量也相當到位，令我頗為欣賞。總括而言是性價比高

平時成日行開大圍已經想試好耐啦！！今日踩完單車終於有機會停地試下，😍😍原來係一間有鹹食但都有主打空氣pancake的小cafe，外面望落好少女，係Tiffany blue顏色的外墻同玻璃，環境有小歐洲復古的感覺，頓時放鬆心情，可以享受溫暖窩心同朋友的飯聚時間。好舒服。店員仲細心俾埋消毒濕紙巾❤️✨💫🧡由於這家小店好多人幫襯，等菜時間要預返一陣呢！依度嘅菜式好多選擇，都係以玩味形式命名，例如今次點左招牌奧斯特選窩夫早餐同埋南瓜汁鮮什菌燴海蝦意大利飯！另外仲點多左份奧斯雪山系列的蜂蜜雪山熱香餅作甜品。南瓜汁鮮什菌燴海蝦意大利飯大大碟，跟餐仲有杯熱飲，餐包同埋南瓜湯，暖粒粒～上面幾個原隻大蝦好吸引，連殼煮，原汁原味，配埋濃厚南瓜汁同什菌，好有咬口，好creamy，好味！而且食到有洋蔥絲，飯粒軟硬度100分啦😆😍😍，啖啖香濃。All day breakfast 好有驚喜，見到滿滿炒蛋已經好滿足啊啊~、本身鐘意食好豐盛的早餐set、有選擇困難症，我會建議你叫呢個，貪呢個set咩都有唔使揀唔使煩。好喜歡佢地用心嘅擺盤，完美嘅炒蛋，炒到金黃色，蛋好豐厚，切開蛋汁流出，用黎點配薯條一流。薯條唔油膩，唔會

假日午餐-仲包$33以下飲品及餐湯餐湯：南瓜忌廉湯-份量都好大碗，味道不過不失龍蝦汁軟殻蟹糩意大利飯（$68）軟殻蟹都算大隻，味道唔會太鹹.意大利飯份量大而且超多配料：雜菇片、彩椒絲、青瓜絲.意大利飯勁濃郁龍蝦汁味.另外飯粒唔會太硬.餐飲：雜果賓治需加$15-飲品上有少量草莓、藍莓碎.草莓太酸，味道一般.醬燒柚子蜜豬仔骨窩夫早餐（$78）豬仔骨份量有5-6條而且好多肉.味道酸酸甜甜.肉質嫩滑.窩夫：好香蛋味，口感好紮實.加$49小食拼盤薯條、各2件吉列蝦、炸魚、春卷、咖哩角、麥樂雞.炸魚魚味淡肉質唔太滑整體超級抵食，味道唔錯，份量大.值得再回食！

幾年前已經去過旺角的分店，趁著假日，再來到大圍吃個brunch。知道這裡出名all day breakfast，便點了一個All day breakfast with waffle。炒蛋算合格，但碟上那塊雞扒，非常難咀嚼，並有冷藏味，而薯條亦淡而無味，腸仔也極其硬身，而豆是凍的，像在罐頭裡倒來，三文魚沙津算是中庸。如果稍為對all day breakfast有要求，這間餐廳不是首選。而服務員都是心不在焉又玩電話，menu也給了兩次。

某日下午同朋友去大圍玩，之後肚餓諗住揾野食，行左去一條平時無去過既街，行行下見到一間門面翠綠色好似tiffany blue甘既顏色既西餐廳，位於積存街74-76號，拉開度趟門，入面燈光昏暗，浪漫，好有格調，之後同朋友坐低左叫左一碟黑松露蟹肉燴飯，同埋一碟特濃芝士焗龍蝦窩夫早餐，黑松露燴飯好creamy,好滑，食落都好香黑松露味配以紅椒黃椒顏色鮮豔，大大碟甘。仲有餐湯兩碗忌廉湯，龍蝦窩夫大大份，個窩夫好軟配蜜糖食唔錯嫁。

早兩晚係大圍睇完樓，再黎平民食堂ocio😍食平靚正晚餐 👍🏻👍🏻👍🏻疫情咁嚴重既情況下，呢間ocio仍然好好生意，等左10分鐘位就有得食。一個餐平均100蚊左右已經包括：餐湯餐飽同飲品煙三文魚忌廉卡邦尼扁意粉意粉個質感做得超好食，煮既時間岩岩好，個忌廉source好creamy，仲有好多bacon, 煙三文魚配落去簡直係絕配香煎挪威鮮三文魚配叼草檸檬汁一見到咁大塊嚇親，好抵食，仲有好多薯條同沙律菜，薯條好脆新鮮炸起，沙律菜加左芝麻醬，三文魚好新鮮，完全冇腥味，好甘香

週末懶融融，訓到自然醒先起身食嘢😗去咗Ocio 食個All day breakfast 醫肚🍳 加埋仔仔視覺，幸福嘅一天就咁開始❤️🥞OCIO 全日窩夫早餐好豐富嘅早餐，由炒蛋、窩夫、煙三文魚、雞扒、腸仔、沙律、薯條組成，樣樣都有啲，啱晒今日嘅心情☺️🍗香煎大雞扒飯雞扒煎得好香又夠juicy，倒埋燒汁撈飯，鋒鋒食到唔停口😋🍪OREO曲奇雲呢拿奶昔將OREO碎加入奶昔係無敵好飲架🤗 認同請分享😆😆🥣是日餐湯粟米忌廉湯，好濃好香好有味，略嫌大碗飲完有啲飽

心血來潮想食西餐鋸牛扒，大圍OCIO又真係好值得推介，晚餐套餐好抵食，有餐湯．麵包．主菜試咗黑松露燴意大利飯配煙肉帶子串，飯粒好有口感，煙肉包著原粒帶子，份量好足，兩人share食到飽飽。再加牛柳配鵝肝，我愛吃五成熟牛柳，厚厚的，一d都唔韌，好軟好淋...好鍾意咁夠牛味嘅牛柳😋鵝肝大大片，好好食。仲配薯條同沙律菜。套餐仲可以好抵價錢配其他小食底特飲，壓軸飲品揀咗朱古力咖啡+橙汁，特飲賣相好靚。今個晚餐用街坊價錢食到咁滿足嘅晚餐，實在好滿意...唔怪得晚飯時間餐廳坐爆滿，下次再嚟大圍一定再Encore👍🏻

一開始到店舖，要等，因為係自己早到咗約10分鐘所以就無所謂，但被安排嘅坐位唔算好好，係坐近廚房，咁都又佢。去到我同媽咪叫完餐，到我老豆黎咗叫餐，除左餐飲同餐湯及小食算上得快，去到主菜，居然比我老豆嘅主菜後來居上，我同媽咪嘅主菜係我老豆牙痛嘅情況慢慢食，就食完先上，咁都算。樓面安排嘅枱係2人枱，但就坐3個人，我同樓面講話收碟，都好有禮貌唔該哂唔該咁，但每一次收碗碟要叫人先識收碟，唔係就一堆係枱。我真係唔知道係廚房同樓面溝通不足，定安排上菜程序有問題，定樓面應對能力不足，除咗食物還可以，其他有待改善囉

牛柳拼龍蝦：內裡除了有半隻開邊芝士焗的龍蝦，火候五成熟嘅牛柳還有伴碟的清新的沙律和剛炸起的香脆薯條。龍蝦上鋪滿了經調味的芝士汁，而肉質彈牙，爽口，而牛柳火候控制得宜，肉味甚濃，口感嫩滑，肉汁豐富。奧斯特全日早餐：內裡的食物種類繁多，包括了嫩滑的炒蛋，充滿蛋香的窩夫，少量茄汁焗豆，清新感十足的沙律，香脆可口經調味的薯條，外皮香脆肉質嫩滑的香煎雞扒，精緻卷成花型的煙三文魚，最後還有煎香質感厚實的紐倫堡腸。