NUTTEA (旺角中心第一座) (已結業)

近排好Hit嘅手搖飲品 非ɴᴜᴛᴛᴇᴀ莫屬呢😎 我緊係都唔執輸去試下啦🤩 •火龍果堅果奶蓋茶($38)無糖❌奶蓋濃厚配上堅果碎 令口感十足 同埋堅果味都好香 不過質感就比較似Cream 隨杯附送一個鏟去食奶蓋 當食到咁上下就試下個茶底 火龍果味道好清新 同時可以解滯 而且係健康之選 👍🏻•伯爵朱古力堅果奶蓋茶($46)有幸試到每日限定100杯🤩 奶蓋同樣堅果味濃 但配埋朱古力就更甜 味道似榛子醬同繽紛樂😛 飲到中段茶底同奶蓋混合 飲落好似榛子朱古力奶咁😂 係幾過癮🤭

其實之前已經知道台灣過江龍NUTTEA 早於年前在香港插旗，可惜一直都未有機會去潮聖，直至今年NUTTEA 係旺角中心開分店😆NUTTEA 主打堅果奶由五種堅果🌰製成，而沒有添加份牛奶成份，所以全素素食者都可以一試。第一次黎就一定要揀皇牌招牌伯爵朱古力堅果奶蓋茶🎖店員貼心為我揀左少冰微甜👍🏻第一啖入口嘅係淡淡嘅伯爵茶再加上一小口堅果奶蓋，鹹鹹甜甜嘅味道比芝士奶蓋更厚更濃稠，好似食creamy 版嘅金莎加繽紛樂咁，榛子味強烈加上微粒堅果碎，完全啱晒我哩個堅果控😋友人就揀左另一個熱賣商品-繽紛火龍果奶蓋茶。新鮮火龍果果汁加上茶底甜度適中，堅果奶蓋大約佔茶飲四份之一杯左右，但奶蓋較普通奶蓋更厚身，唔會咁快飲飲下已經同茶底融為一體，你仲可以用小匙慢慢嘆奶蓋👍🏻紅肉火龍果汁加上奶香色奶蓋，完全少女心爆發，打卡一流📷

早前朋友向我推介這間手搖飲品店，但未有機會試，知道佢最近在旺角開了分店，立即試吓，平日下午五點幾，該商場有好多人買食物，這間舖位於新之城與旺角中心交接位附近，與該商場的其他手搖飲品店分得好開，比較獨立出來，叫了杯每日限定100杯飲品-伯爵朱古力堅果奶蓋茶，雖然都有不少人買，但製作時間也不耐，厚厚的堅果奶蓋，真係比之前飲過的厚好多，隨杯附上個匙羹仔俾你𢳂D奶蓋嚟食，杯蓋仲有教你點樣食先可以試到多個層次，非常細心，奶蓋好似忌廉一樣，溝埋落D茶來飲又另有一番風味，有D奶昔feel，雖然$46杯並不便宜，但值得試下.

呢間嘅奶蓋同平時有啲唔同，係用左杏仁、核桃、夏威夷果仁、榛果同腰果五種堅果打磨而成，實在係健康有營之選😆 而店鋪嘅奶蓋係完全冇牛奶成份，所以奶素者都岩飲！奶蓋質感比一般嘅奶蓋更加實淨同埋厚身，平時行幾步奶蓋已經會同茶底撈勻左，呢間就唔會啦🤤飲落有淡淡嘅堅果香味，其中榛子味道最出，口感好綿密，店員仲比咗支小匙羹俾我「不」奶蓋，一啖接一啖好幸福啊！❣️💯 伯爵朱古力堅果奶蓋茶 （$46）呢款係Nut Tea嘅皇牌，每日限定100杯喳！叫咗少甜，伯爵茶味道好突出，但朱古力味可以再濃啲，奶蓋溝埋茶一齊飲完全冇違和感🥰四季春堅果奶蓋茶（$36）呢個係最大路嘅選擇🤪茶底正常水準，撈埋一齊飲正正可以中和到奶蓋嘅膩感，正👍試完呢間嘅奶蓋真係覺得好有驚喜😍 遲啲會再試埋佢地嘅水果類別🤤🤤 你哋試完有無覺得邊款值得一試？🥳🥳#大大力懲罰黃店💛 ⁣-⁣Nuttea (旺角)📍旺角彌敦道688號旺角中心1樓F52號舖抵食指數：😚😚😚/5 ⁣舔舔脷程度：😋😋😋😋😋/5

一直都知道Nuttea呢間以堅果奶代替牛奶既純素飲品店.見證住佢越黎越多分店,今次經過旺角又見佢開左新分店,就決定初嘗佢地既堅果奶茶.伯爵朱古力堅果奶茶,係店內最熱門既主打飲品之一,每日限定100杯,上層朱古力堅果奶蓋上再灑上濃厚既朱古力粉令朱古力果更濃郁.奶蓋質感好濃厚而且入口綿滑得黎又唔會好膩,朱古力亦都唔會過甜.底下用上伯爵茶入口帶陣陣彿手柑香氣,配上朱古力堅果奶蓋拌均飲用意外地夾,朱古力同伯爵茶同帶甘香又唔會過甜.椰子水堅果奶蓋.係夏天新推出既產品,超級適合夏天咁酷熱既天氣下飲返d清涼既飲品,正正椰子水清甜解渴,呢杯絕對滿足到唔想飲茶類飲品但又想解渴既人.上層同樣用上堅果製成既奶蓋,奶蓋同樣厚身稠密,入口富有好香既果仁香味,加上椰子水令椰子水帶出少少椰奶既感覺但入口就無椰奶咁膩滯.

好少野飲舖頭會好味到我要寫食評去讚佢，依間係少數。首先講吓地區先，佢原本開係新蒲崗同鰂魚涌依啲唔係幾就腳既舖頭，都聽過佢大命，但一直都冇去試。今次開喺旺角中心入面，正正中左我嘅心了。同朋友行街，見到佢勁多人排隊，我都排埋一份😂😂😂貪新鮮嘛，叫左一杯舖頭好推介嘅伯爵茶朱古力，仲有一杯芒果奶蓋，真係超級期待呢，等咗唔使好耐就已經有嘢飲啦，舖頭雖然好細，但都有四個員工做嘢唔錯唔錯。介紹吓嘢飲先，伯爵茶朱古力就真係好香濃，佢會叫你用個鏟不起啲奶蓋，再45度傾斜飲一飲，佢d奶蓋係用堅果做成，岩d lactose intolerance 既人飲，雖然我平時飲奶蓋冇問題，但都愛上左依隻堅果茶呀！濃厚既cream真係好好味🌝🌝🌝芒果果味又香，配埋奶蓋都好夾🥰🥰希望大家經過都可以試吓支持下依間

除了咖啡外，我們這天也去了近來很HIT的堅果奶蓋哈哈，這次試了他們板子上的店家推介，四季春堅果奶蓋茶！他們這邊是主打健康的手搖飲，以堅果萃取濃醇香的堅果奶，搭配台灣日月潭紅玉紅茶，沒有牛奶沒有化工奶精，所以這層厚厚的奶蓋一點都不罪惡哈！拿到後發現他給了我們一個鏟子，如何用鏟子飲奶蓋茶請看圖二，嘩一口大大啖的奶蓋，OHHHHH MY GOOOOOOOOOD，真的是超綿密的好味，再加上有面面nuts的口感，真的是omg的好味道，之後再加上清淡很好的四季春，成件事係一點都不肥一定都不膩！好味到秒速KO了哈哈哈！

芒芒堅果奶蓋茶 ($42)芒果肉幾多下,杯底有,面又有重要係芒果唔酸~ 除左芒果粒仲食到有一條條好似橙粒texture嘅野個奶蓋好厚,聽聞係由五種(榛子,杏仁,腰果,夏威夷果仁同合桃)打成會比個剷型嘅匙羹for你食奶蓋似食緊雪糕但我飲左一半飽得滯,隔左一陣先再飲啲奶蓋熱左就比較Creamy同膩... 下次都係一次過即飲好了...朋友叫左伯爵朱古力堅果奶蓋茶($46)見好多人都recommend呢杯野店面寫話每日限定100杯,好彩有得叫試左佢個朱古力奶蓋,同我個唔同朱古力味好重,反而唔係好食到個堅果味對朋友呢啲朱古力愛好者嚟講一流~recommendation rating (out of five):

📍Nuttea（旺角）📌旺角彌敦道688號旺角中心1樓F52號舖回頭率：💎💎💎（五分為滿分）———————————————————-之前見到朋友大推呢間 佢主打堅果奶蓋 無牛奶 無奶精 聲稱係健康版奶蓋🤣 平時要去到新蒲崗先飲到 見到佢係旺中開左分店 即刻買番杯黎試下先😛整體黎講不過不失 但我個人黎講唔會encore🤭 首先我覺得佢價位偏高 唔會成日想買黎飲🤔第二 與其話佢係一杯飲品 我覺得佢更似一杯茶 上面擺左個甜品 因為其實個奶蓋同下面嘅茶係完全撈唔埋 我由旺角買走去紅磡 過左半粒鐘 佢都無融過落去😂 飲嘅時候都做唔到平時飲奶蓋茶個效果 唔用飲管係唔會飲到下面啲茶 因為啲奶蓋勁結🤭 第三 雖然佢主打係健康奶蓋 但其實飲落好油😱-🔹四季春堅果奶蓋茶 HKD34 (😋：7/10）呢個奶蓋係原味嘅 普普通通 有啲堅果味 但好似堅果cream🤣 不過要讚下佢個茶底 好清新 仲有啲回甘👍🏻-🔹伯爵朱古力堅果奶蓋茶 HKD46 （😋：7/10）呢個就相反 茶底完全無特別 飲唔出伯爵茶應有個陣香味🤭 但個奶蓋就好特別 係朱古力味既 好似繽紛樂mix金莎味咁😆———————————————————

Nuttea之前已經係鰂魚涌分店飲過味道一流加上用堅果主打用料十分之咁健康但地點真係唔係咁就腳所以一直都再冇機會飲到終於終於開左分店係九龍旺角旺區仲要係係旺中一定要瘋狂朝聖🤩門面唔大加上旺中人流好多所以都要有小小心理準備要等一陣Nuttea嘅menu非常之多元化每次諗勁耐先可以決定到除咗固有Menu嘅飲品之外季節限定亦會推出唔同嘅新飲品今期就做緊椰子水系列另外佢哋亦都推出左珍珠系列奈何肚就得一個所以今次試咗兩杯伯爵朱古力堅果奶蓋茶係佢哋舖頭嘅王牌每日剩係得100杯用堅果所打出嚟個奶蓋非常之濃厚茶嘅甜度叫咗微甜茶同奶蓋嘅甜度啱啱好，一齊入口非常之順滑奶蓋嘅份量亦都非常之多基本上飲晒啲茶之後都仲有好多奶蓋喺個杯入邊飲完之後好飽😙另一杯就叫左椰子水堅果奶蓋，都係可以較甜度叫咗微甜個配搭好新鮮飲落去好fresh留意番個杯蓋仲會教你點樣飲，非常之貼心值得一讚係外賣拎返屋企一個鐘頭有多奶蓋一啲都冇散開仲保持返原本嘅模樣個奶蓋真係真材實料到爆

想試呢間台灣過江龍好耐🤩佢地嘅特別之處在於用堅果奶取代牛奶，造出一系列堅果奶飲品😋 佢地嘅堅果飲品係用五種堅果：榛子、杏仁、腰果、夏威夷果仁同埋合桃。今次我地就試咗2款奶蓋茶～堅果奶蓋份量好多好厚，佔接近1/4杯，口感超綿密，唔會好似平時嘅芝士奶蓋好快就融化，所以Nuttea仲會畀一個鏟仔用黎潷奶蓋食🤤 杯蓋上面仲有貼紙教你先食奶蓋，再舉高隻杯飲茶同奶蓋，最後就攪勻黎飲，一杯可以飲到3種感覺😆由於堅果奶蓋真係好濃厚，飲完真係飽到好似食咗一餐飯咁🤣🙈•🥢 伯爵朱古力奶蓋茶$46朱古力奶蓋好濃朱古力味，不過偏甜，有少少遮蓋左堅果味，伯爵茶底茶味唔算好濃，但幾清新，一齊飲可以解膩～ 所以呢款都建議跟最後個步攪拌黎飲•🥢 芒芒堅果奶蓋茶 $42堅果奶蓋上面有芒果粒，原味堅果奶蓋比朱古力味奶蓋有更濃嘅堅果味同鹹味，最明顯係榛子，茶底都加左好多芒果肉，芒果唔酸，整體芒果味都幾濃，但有少少搶左茶味，如果攪拌黎飲就會完全蓋過茶味，所以唔推薦攪拌黎飲•除咗兩款口味嘅堅果奶蓋都可以成杯買返屋企，仲有1L嘅樽裝堅果奶可以買，可惜今次去嘅時候未有得買，下次再買黎試下先😋

Nuttea愈開愈多分店，上個月就進駐咗旺中，仲未飲過嘅我見去開旺角就把握機會去試吓😛~🍁 繽紛火龍果堅果奶蓋茶($38)由於驚每日限定100杯嘅伯爵朱古力堅果奶蓋茶太濃太漏，所以揀咗打卡一流又健康(好似係)嘅火龍果堅果奶蓋茶😚每杯奶蓋茶都會附上一支羹用嚟畢奶蓋食，奶蓋面有nuts碎，奶蓋又厚又挺身，食落幼滑有質感，充滿堅果味，奶蓋迷表示好有驚喜🤤奶蓋面仲有紅肉火龍果粒粒，為呢杯邪惡嘅奶蓋茶加綴返啲清新感，而且火龍果同堅果奶茶出奇地夾，天然嘅甜度又啱啱好😍原本以為奶蓋占咗杯嘢約1/3嘅比例，但飲完啲奶茶，發現仲有成半杯奶蓋🤣可能有啲人會覺得好滯，不過個人就好中意，啖啖都係奶蓋，飲完真係好滿足🥰飲完一杯之後忍唔住要外賣多兩杯同屋企人happy share😚

對於勁鍾意飲奶但又牛奶敏感嘅我，見到主打堅果奶🌰🥛 用核桃、杏仁、夏威夷果仁、腰果、榛果打成嘅奶～ 「五大堅果，缺一不可」好健康咁😆 真係好吸引！🥤🍌香蕉燕麥堅果奶係咪我揀得唔好😅我完全飲唔到啲人講嘅勁香堅果味...😅 有啲失望...其實堅果奶係咩味😅不過淡淡香蕉味同燕麥味就好出，都幾香👍🏻 質地較杰身，有啲似奶昔，夠滑👍🏻 仲咬到啲堅果粒(?)添！我嗌左微甜，但覺得有啲淡，我諗下次可以揀番正常甜度。見到人地杯堅果奶蓋茶啲奶蓋睇落又厚又綿，仲話好濃香堅果味，好似好好飲咁😫 我諗下次要試下奶蓋茶先得🤔

我真係超中意奶蓋,久唔久就有心癮。但真正做得好奶蓋既店唔多,第一次飲呢間野既飲品,好有驚喜。除左白色既奶蓋仲有呢隻好NUTTY既味道,用5種NUTS BLEND出來的朱克力色奶蓋好綿密,好厚,厚到要好小鏟子''畢''佢黎食,食既時候好有食NUTELLA既感覺,超正!食左好幾啖仲有好多,於是我傾斜45度咁飲,飲到成嘴都係,好過癮,最後就搞勻黎飲,明明本身係茶,因奶蓋好厚既關係,搞勻後味道似朱古力奶,好得意呀!呢間店仲有好多我想飲既口味,一定會再試埋其他味道。間野係旺中,都好方便下。

·堅果奶蓋茶💛強烈建議大家bookmark左佢先！.呢間想試好耐，終於等到旺角開分店( ´▽｀)之前嘅分店都唔太就腳T-T揀左排行榜第一位嘅台灣紅玉堅果奶蓋茶店員仲會比一隻小匙羹你，用黎食奶蓋堅果奶蓋嘅味道同平時食開嘅好唔同有少少似食緊金莎咁～👦🏻👧🏻小編都覺得榛子味比較重而且奶蓋好厚好杰，唔會因為用左堅果奶就變得好稀！茶底都好濃💕而且店員好細心提我可以揀微甜(・ω・)ノ撈勻左之後飲都唔錯😆·台灣紅玉堅果奶蓋茶 $34———不專業評分💯食物指數🍴: 💛💛💛💛🤍環境指數⛱: 💛💛💛💛🤍抵食指數🤑: 💛💛💛💛🤍推薦指數👾: 💛💛💛💛💛———📍Nuttea鰂魚涌海光街36號地下2號舖新蒲崗大有街3號萬迪廣場1樓D號舖觀塘偉業街223-231號宏利金融中心1樓9號舖旺角彌敦道688號旺角中心1樓F52號舖———