NUTTEA (旺角中心第一座) (已結業)

完成今日一天嘅工作真係要好好獎勵吓自己，有時都要偶爾放鬆吓對自己好d嘅。放工諗住去旺中買少少野先返屋企，咁就俾我發現哩到新開咗間Nuttea 茶飲店。身為堅果控嘅我就梗係忍唔住要嗌噃杯番屋企慢慢嘆啦😆nuttea 主打全素茶飲，連素食者可以飲嫁。我嗌咗一杯主打皇牌飲品-伯爵朱古力堅果奶蓋茶，每日淨係限賣100杯咋，咁都俾我飲到，真係勁開心。另一杯就叫咗芒芒堅果奶蓋茶，都係另一人氣之選。首先要講哩到嘅堅果🌰奶蓋毫不手軟，就咁睇落去都有成1/3杯，店家都會俾一個小膠鏟你去品嘗個奶蓋，好貼心。堅果奶蓋比一般芝士奶蓋來得更厚身、密度更高，而且面頭仲有d堅果🌰碎碎，double 享受😆 伯爵朱古力堅果奶蓋茶真係必試之選，尤其係朱古力控，真係好似同時食緊好多條繽紛樂咁，奶蓋勁重榛子果香，相對伯爵茶底味道偏淡，可以相互襯托。芒芒堅果奶蓋茶就以新鮮芒果🥭打成，混合淡淡嘅綠茶底，酸酸甜甜咁又可以中和返奶蓋嘅甜膩感👍🏻PS 雖然價錢上算不上係相宜，但小妹覺得堅果奶蓋咁特別都值得一試嘅。😆

經過旺中行街，決定一試大熱既nuttea! 主打堅果奶/堅果奶蓋！伯爵朱古力堅果奶蓋茶（$46）上面個朱古力堅果奶蓋非常出色！香滑到不得了🤩個奶蓋超厚 用個剷不來食 好似食緊雪糕咁！味道係食緊繽紛樂！配埋香濃既伯爵茶，清香解膩😋最後留番少少奶蓋mix埋伯爵茶飲，又係另一番風味！寒天堅果椰子水（$43）朋友叫咗呢一款！新口味啊～飲落係清甜嘅椰子水，非常天然嘅味道！而且好香杏仁味好似食緊杏仁咁😋兩者夾埋一齊飲非常健康！呢間價錢貴得有道理，絕對會encore🤗

而家雖然已經到左秋天，但天氣都仍然好熱，果日同朋友行左一陣街覺得好口渴，食買杯野飲清下暑又解下渴，但成日飲手搖飲品又唔係好健康咁，我地搵左幾間，竟然比我地搵到一間堅果奶店，成間店都係賣手搖堅果奶，堅果奶係歐美果邊已經好流行，事關又健康低脂又好飲，而且有唔少人都係對牛奶敏感，希望以堅果奶代替牛奶，令對牛奶敏感嘅人同純素素食者都可以享受到奶類飲品嘅福利，都唔錯丫~葡萄堅果奶我就揀左葡萄堅果奶(半糖)，職員推介我半糖口味，因為提子有一定甜感，半糖就岩岩好，又可以飲到提子嘅清香同時又唔會好甜好膩，入口先有提子嘅香味，再有堅果奶嘅清香，飲落成個感覺都好清新，一啲都唔heavy，提子同堅果奶個味道都好夾。伯爵朱古力堅果奶蓋茶呢個有三粒星推介，我朋友又係個朱古力控，佢話一定要試下，奶蓋茶上面仲灑左朱古力粉，成杯野飲都被朱古力重重包圍，茶底用左伯爵茶，所以除左有香濃朱古力味，仲有伯爵茶茶香中和，令到成杯野飲嘅味道層次更加豐富，不得不講個奶蓋好細滑，我地拎左個羹拎左黎食，口感好幼滑，就算就咁食或者搞埋落茶一齊飲都好好飲。堅果奶真係岩哂我地啲怕肥又想一解心癮想飲手搖飲品嘅人，揀一款岩哂自己心水嘅飲品，果日

今日行街，見到呢間其實一直都想試。舖頭好多米豬連，好得意呀！舖頭俾人既感覺企企理理，乾乾淨淨，幾好。叫左杯nuttea主打伯爵朱古力堅果奶蓋茶。奶蓋整得好傑身，好似食緊甜品咁。奶蓋好特別，原來奶蓋係有陣濃郁既榛子醬味道。好香！仲附送一個好可愛既鏟仔，超得意。筆一啖奶蓋，再飲一啖茶。口感超豐富。厚厚既奶蓋，加埋茶真係好好味。伯爵茶味道香，因為奶蓋濃郁，茶可以綜合返成杯野既味道。搭配得好好。梗係叫兩杯唔同既，兩個人都可以飲到唔同既味道。叫左杯芒芒堅果奶蓋茶，純白色奶蓋，加埋好靚既黃色。賣相已經好吸引。奶蓋都係好濃郁，榛子醬味道好出。用新鮮芒果打出黎既果汁，真係好足料。原來入邊有塊大芒果。飲飲下可以食到大啖芒果，好滿足！估唔到賣野飲都可以咁有創意。好好味。同以往出邊既芒果奶蓋唔同。芒果汁唔會好傑，可以綜合返上層奶蓋既濃度，搭配好！估唔到一杯飲品可以俾到咁大滿足感。會再去飲。

💕終於有時間試呢間好紅既堅果奶茶店佢哋個奶蓋係用五種堅果打成 配上自己揀嘅茶底對牛奶敏感或者素食者非常友好💁🏻‍♀️-一攞到杯茶除咗飲筒之外 店員仲會俾個剷仔可以舀面頭既奶蓋出嚟食😛堅果奶蓋味道比平時食開嘅淡啲啲 但係多咗果仁香味奶蓋打得好幼滑 但係食落唔會有罪惡感🥳-茶底四季春 揀咗微甜 其實飲落冇乜甜味不過茶味幾濃郁 聞落都好香 略有苦澀味感覺上好似同奶蓋唔係好夾🤔可能係同平時飲開嘅奶茶唔同有啲唔習慣🤭好味評分😋：3.5/5🌟🌟抵食指數🤑：4 /5 🌟🌟餐廳環境 🤪：3.5/5🌟🌟

呢間台灣黎嘅堅果奶蓋茶真係不得了！我揀左 Earl grey朱古力堅果奶蓋 出面嗰啲係用牛奶打出黎 但呢間係用堅果打出黎嘅純素奶蓋 除左健康啲 冇咁肥 零邪惡感！仲要打到超厚身 好香滑 陣陣果仁味超正！ 覺得好似食緊奶昔咁～ 仲要果仁係貴過牛奶好多 覺得好抵飲 物超所值！ 朱古力都好香濃，我揀左無糖，唔同傳統奶蓋，好味得黎，係冇曬啲唔健康嘅飽和脂肪同膽固醇，熱量都低啲，真係點飲都唔怕肥，呢間野仲好細心有個鏟仔筆啲奶蓋，下次會帶自己個杯去裝，環保啲

#🍎👧🏽 想試好耐嘅奶蓋茶😆呢間全素茶飲店 主打堅果製成嘅飲品 除咗必點嘅堅果奶蓋 仲有奶茶類 純堅果奶等🤤🤤🥤台灣紅玉堅果奶蓋茶 <無糖 少冰> ($34)🥤四季春堅果奶蓋茶 <微糖 少冰> ($34)奶蓋好挺身 搭車拎到返屋企都冇乜混合到👍🏼 而且非常厚!! 幾乎飲唔倒底下嘅茶🙀食落有微微嘅咸香 質地非常綿密 堅果味好突出🤤 味道有啲似雲尼拿口味甜筒🤣 加埋上面嘅果仁粒 更加似😂 (附送嘅剷仔超可愛😻) 茶底方面🍵 四季春比較清香 紅茶因為叫咗無糖 所以茶味較濃 微甘但完全唔澀！啱啱好中和咗奶蓋嘅膩😋👍🏼冇諗過用堅果整嘅奶蓋係咁好味😍 極力推薦啊!!! (不過飲到後面會好飽🙈 因為奶蓋份量真係勁多🤣 所以飲品都係揀無糖 或者偏酸嘅水果底比較好~)－－－－－－－－－🍴食物：8/10🏝環境：N/A🛋服務：6.5/10💲價錢：6.5/10💥翻兜指數：8/10✨CP值：7/10

呢間Nuttea近期好紅，主打用五種堅果萃取整成奶蓋，力求素食人士都可以享受奶蓋嘅口感同味道。之前嘅分店都開係離我好遠嘅區😂，最近朋友話我知有間開係近番啲旺角中心，即刻去試！————————————————🥤：伯爵朱古力堅果奶蓋茶（半糖；少冰）（$46）評價💁‍♂️：4.4 / 5正點👍：1. 堅果奶蓋好厚好足料，口感比一般奶蓋「實」，口感真係好似食緊又綿又滑嘅mousee 咁，食完感覺好滿足🤤🤤2. 奶蓋帶有少少堅果嘅鹹香，朱古力味都幾夠，兩者配合嘅效果係好食！3. 堅果奶蓋相對一般奶蓋冇咁膩同健康👍我鐘意呢個素奶蓋多人過真奶蓋！4. 店員會貼心比個幾Cute嘅鏟你有得「鏟」啲奶蓋食5. 伯爵茶味比我想像中濃，個茶韻有停留係個口到一啲時間，算做到店家所講嘅「沁涼香醇」👌————————————————美中不足🤔：1. 嘗試學店家係杯蓋上嘅飲法，但係奶蓋同啲茶感覺上都係混唔到一體（可能奶蓋真係太厚太實😂），飲唔出新層次同味道，兩者冇相輔相成嘅效果。不過亦可能係我笨唔識飲，搞錯方法，戴定頭盔先🤣🤣。

我自己點解會想試呢間野呢？因為YouTube既果籽對另外一間分店個老細有一次專訪！但好睇既位其實係下面有幾個人既留言！😂認真CLS！佢地真係J果個另一間分店個老細J得有D過份！🙈搞到我對個店名印象好深刻😂 見到MK有分店，就試下咁！講番正題，首先你見到佢個奶蓋係勁厚勁多，接近三分之一杯咁！🤤個堅果奶蓋飲落勁香，有一種勁濃郁既榛子味，陣味似kinda 繽紛樂！lol四季春個茶底就有茶香既！主要係飲佢個奶蓋！當然佢個奶蓋同四季春都可以溝勻咁飲既，都係好飲既！佢係無飲管提供既！同埋要加$1先有得裝落紙兜攞走。吾用膠袋應該係因為環保。會比個小鏟仔你去𢳂奶蓋黎食，都幾新奇，不過我諗都係噱頭黎嫁啫！🙈另外，佢個杯蓋design我自己就吾太like，雖然話就話有位可以打開半個杯蓋去食個奶蓋，但係其實用佢果個位會好難飲到杯茶，因為會被個開口位夾到個嘴！所以要成個杯蓋除左落黎先飲得舒服！😂但係如果要除左杯蓋先飲得爽，咁佢地開半個蓋既開口位咪多此一舉左！？😀當然純屬個人見解！🙈 而杯蓋design只係細位，整體而言，呢間係好好飲嫁，同時適合乳糖不耐症人仕飲用！👍🏻之後再有機會，會想試佢個伯爵朱古力堅果奶

當我知道呢間台灣過江龍 @nuttea_hongkong 開咗去旺角之後一路都好想飲😋😍終於恨到⋯⋯比我有機會飲到啦😍#用鏟子喝堅果奶蓋 🥰🥰🥰期待已久.#宇治抹茶堅果奶蓋茶 朋友feedback - 🗣堅果奶蓋好讚👍🏻奶蓋配合堅果好特別 亦都非常厚就算擺放左半小時有多亦唔會走樣！奶蓋仍然好cream 好似食雪糕咁🤣茶方面老實說普通抹茶味 🍵 都濃茶味既👍🏻（好似係叫左小甜）剛好.#四季春堅果奶蓋茶真系超愛佢個 #奶蓋 好香濃點解可以咁聰明？將唔同嘅nuts打碎晒 再加入奶䕄入面令到味道更重✨更creamy🥤完全飲得出真材實料👍🏼每食一啖都真系好似食雪糕咁🍦可以含喺口一陣🤩食哂呢杯超級厚嘅奶蓋加上四季春茶 好似食咗一餐飯咁！OMG我超愛呢間野🥰🥰🥰點算

伯爵朱古力堅果奶茶因朱古力唔夠濃？佢話有100%，朱古力味唔叫重，如果喺純可可豆？ 又唔多覺，兩頭唔到岸只得奶蓋多。堅果味香唔夠。朱古力同堅果相撞時候，冇一樣特出，導致杯嘢，好平凡。

早在小店初開幕時已有留意，賣點是選用堅果萃取的堅果奶做奶茶，照顧到素食者需要。當初選址新蒲崗對我來說實在不便，及後的鰂魚涌/觀塘分店也很遠，所以六月底得知旺角會開分店，心裡暗自期待，遂找個周六一試。伯爵朱古力堅果奶蓋茶 $46疫情關係拿回家才品嚐，冰溶得七七八八也不覺稀/味淡。照蓋上指示先呷一口奶蓋，榛子味挺突出但感覺油膩；奶蓋超級濃厚，幾乎喝不到底下茶飲，撥開奶蓋後發現伯爵茶底清香，不過整體負擔還是太重，嚐一次便好。

追求健康啲嘅飲品，一定唔可以唔試下Nuttea💛🤤叫咗杯四季春堅果奶蓋茶，無糖可以飲到真正茶底，四季春唔澀口，淡淡清香。重點係堅果奶蓋，用杏仁、核桃、夏威夷果仁、榛果、腰果打成，同一般芝士奶蓋唔同，因為密度較高，所以點攪都唔會同啲茶混合到，所以要用佢哋特別提供嘅鏟嚟食啲奶蓋，堅果奶蓋完全唔會覺得膩，少少咸香，面頭灑上少少果仁，增加口感，令你keep住一啖一啖咁鏟嚟食，好想再encore！👍🏻

👩🏻‍💻香港人開始注重健康，素食、高營養、麵包轉貝果🥯和全麥麵包、低糖少鹽少油，對飲食那麼多要求，就是想生活健康一點🤗；而這間Nuttea正正做到「想喝飲料，又不怕高糖高脂」既特色，用五種堅果萃取製成的堅果🌰奶🤤💕💯​​👭🏻被朋友燒到，一有時間就過來親身品嘗一下😋💕店舖雖小，但來買飲料的人一個接一個👀給店名照相也等了一陣子📸才有幾秒是沒被擋住🈵🤣這次選了綠茶底「四季春堅果奶蓋茶」店員問我甜度的時候，才知道飲料本身是無糖飲料‼️怕甜又不喝🍹冷飲的我😳最後選了微甜走冰🧊​​P.s: 要帶走，包裝袋需要+$1喔​​🍹四季春堅果奶蓋茶HKD$34​🌟等了沒多久，一杯厚厚的堅果🌰奶蓋茶到嚕🥰杯子上很貼心的💕介紹如何完美的品嘗😋堅果奶蓋的小方法；好實在的奶蓋，先用配有的小鏟子，吃了一口帶有堅果碎的奶蓋🤤口感幼滑濃郁‼️堅果奶蓋透著淡淡的奶鹽味；再傾斜45度連茶一起喝，結果是奶蓋密度很高🤣🤣快傾斜90度茶才能出來🤣雖然我在家，但沒冒這個險😳🙈用吸管用均勻來喝，微微的甜度，更品嘗到香滑濃郁的堅果奶味，真的很得我心🥰珍珠奶茶低糖低脂版💯‼️🈵奶蓋溶到茶中，喝了一半也沒有罪惡感🥰💯🈵味覺夠細膩會飲到堅果🌰的餘香

睇完戲去左旺中行街，以前行開街，都會去旺中買下野食，有好幾間店既野食都十分唔錯。今次見到一間應該開左無幾耐？（太耐無行街唔肯定）既茶飲店，主要sell用堅果整既野飲。見佢幾特別，就買左黎試下～身為伯爵茶控既我，見到伯爵朱古力堅果奶蓋茶，又點可以唔試呢？朋友就叫左芒芒堅果奶蓋茶，兩杯野飲價錢都唔平架～伯爵朱古力堅果奶蓋茶三個字，無敵正。上面既奶蓋有好濃既堅果味，帶啲朱古力既香味，有啲似繽紛樂既感覺哈哈。但係佢十分輕盈，感覺有啲似食緊忌廉同雪糕中間既感覺。單食奶蓋會有啲膩，所以要飲下既下面香濃既伯爵茶～呢個組合真係無得彈，茶底清香解膩，令人感覺無負擔地可以飲哂成杯。芒芒堅果奶蓋茶奶蓋同我個款差唔多，只係無左朱古力味。但係佢下面既芒果，超級無敵多，每啖都食到好多芒果肉，又甜又香，超滿足！！不過同我個杯齋茶底既相比，呢杯會比較膩少少。當然，女仔係有另一個胃裝甜野～飲曬唔好浪費佢地咁香甜既芒果呀！呢間價錢的確有啲貴，但佢既質素絕對對得住/甚至超越佢既價錢。我地企埋一邊飲野既時候，咁岩見到呀姐送生果過黎～佢地係用台灣芒果，啲芒果仲超大粒！！唔怪得咁香甜啦！