影片
更多
2020-10-20
36 浏览
而家雖然已經到左秋天，但天氣都仍然好熱，果日同朋友行左一陣街覺得好口渴，食買杯野飲清下暑又解下渴，但成日飲手搖飲品又唔係好健康咁，我地搵左幾間，竟然比我地搵到一間堅果奶店，成間店都係賣手搖堅果奶，堅果奶係歐美果邊已經好流行，事關又健康低脂又好飲，而且有唔少人都係對牛奶敏感，希望以堅果奶代替牛奶，令對牛奶敏感嘅人同純素素食者都可以享受到奶類飲品嘅福利，都唔錯丫~葡萄堅果奶我就揀左葡萄堅果奶(半糖)，職員推介我半糖口味，因為提子有一定甜感，半糖就岩岩好，又可以飲到提子嘅清香同時又唔會好甜好膩，入口先有提子嘅香味，再有堅果奶嘅清香，飲落成個感覺都好清新，一啲都唔heavy，提子同堅果奶個味道都好夾。伯爵朱古力堅果奶蓋茶呢個有三粒星推介，我朋友又係個朱古力控，佢話一定要試下，奶蓋茶上面仲灑左朱古力粉，成杯野飲都被朱古力重重包圍，茶底用左伯爵茶，所以除左有香濃朱古力味，仲有伯爵茶茶香中和，令到成杯野飲嘅味道層次更加豐富，不得不講個奶蓋好細滑，我地拎左個羹拎左黎食，口感好幼滑，就算就咁食或者搞埋落茶一齊飲都好好飲。堅果奶真係岩哂我地啲怕肥又想一解心癮想飲手搖飲品嘅人，揀一款岩哂自己心水嘅飲品，果日
葡萄堅果奶
我就揀左葡萄堅果奶(半糖)，職員推介我半糖口味，因為提子有一定甜感，半糖就岩岩好，又可以飲到提子嘅清香同時又唔會好甜好膩，入口先有提子嘅香味，再有堅果奶嘅清香，飲落成個感覺都好清新，一啲都唔heavy，提子同堅果奶個味道都好夾。
伯爵朱古力堅果奶蓋茶
呢個有三粒星推介，我朋友又係個朱古力控，佢話一定要試下，奶蓋茶上面仲灑左朱古力粉，成杯野飲都被朱古力重重包圍，茶底用左伯爵茶，所以除左有香濃朱古力味，仲有伯爵茶茶香中和，令到成杯野飲嘅味道層次更加豐富，不得不講個奶蓋好細滑，我地拎左個羹拎左黎食，口感好幼滑，就算就咁食或者搞埋落茶一齊飲都好好飲。
堅果奶真係岩哂我地啲怕肥又想一解心癮想飲手搖飲品嘅人，揀一款岩哂自己心水嘅飲品，果日都會開心啲，生活上苦中一點甜~
张贴
