NUTTEA (旺角中心第一座) (已結業)

之前飲過葵芳嘅Nuttea，一試就愛上😍因為疫情出少咗好多街，好耐都冇飲過而家好多地方都有分店👍🏻去開旺角特登嚟買杯，仍然冇令我失望☺️飲品算多選擇，私心鍾意飲奶蓋系列揀咗期間限定嘅🍎蘋果脆脆楓糖堅果奶蓋茶🥤($40)豐厚嘅堅果奶蓋充滿果仁香味面頭加咗楓糖漿同蘋果脆脆片，令口感同味道更加豐富😋紅茶底加蘋果汁，微微帶酸同奶蓋好match👍🏻👍🏻會繼續支持呢間keep住有高水準嘅茶飲店👍🏻

堅果奶真係好好飲，一試愛上😊💕呢一日在旺角午餐之後，我哋去咗旺中嘅一樓，買兩杯nuttea回家慢慢嘆佢哋嘅Menu花多眼亂😊好多都好吸引返到屋企就用兩個玻璃透明不倒翁杯，慢慢欣賞，慢慢細味，慢慢享受😊💕😊💕———————牛油果堅果奶（少甜）牛油果香濃，整體來講整杯飲品口感比較濃稠。由於我哋叫少甜，牛油果嘅果香同埋堅果奶嘅果仁味道都好出。飲完之後呢杯絕對有飽足感😊如果女仔飲一杯可能可以代替正餐🤣呢個係健康之選！—————————粉紅莓好堅果奶(少甜）同頭先牛油果個杯感覺非常之唔同，佢嘅莓香酸酸甜甜，好開胃嘅感覺，會忍唔住一啖接一啖咁飲落去；配合埋堅果奶，有啲似乳酸嘅味道😊正正—————————雖然感覺上nuttea價錢有少少貴，但飲落真係真材實料，又好健康，物有所值！真心推介😊😁

平時超鐘意行街就買杯珍珠奶茶🤣聽講佢好健康係用堅果做嘅奶，所以比較平時嘅健康啲，不過價錢都貴啲🙈見好耐冇出過街就益下自己啦🤣🤣🤣佢門面好有特色，同其他分店一樣都係有啲nuts係門口！幾特別！！我見平均一杯都要40蚊，都唔算好平🤣🤣🤣不過難得出嚟，就叫杯伯爵朱古力堅果奶蓋茶！！每日限量100杯🤣碰吓運氣睇吓有冇得飲！！！wahhhh!!!個奶蓋多到就嚟滿瀉🤣🤣🤣🤣上面有超濃嘅朱古力粉！見到佢介紹食咗個奶蓋先，竟然有少少似食緊甜品一樣🥰🥰😍好濃朱古力味！！！食咗一半左右就開始有少少肥，就跟佢嘅方法45度角咁樣飲😍正咼！！伯爵茶嘅味減咗朱古力嘅甜，perfect match!!!!!!!!!!蘋果脆脆楓糖堅果奶蓋茶 $40加咗4蚊要黑糖凍！！上面有啲蘋果脆脆喺度好特別！不過杯茶呢相對就比較酸嘅！！好醒胃🤣👍🏼但黑糖凍呢好好食😋配合你杯茶就啱啱中和左啲酸味啦！！雖然佢價錢比較貴啲，但係健康無價🤣 伯爵茶朱古力果然係限量！！真係好好味😋

上次喺葵芳飲完覺得好味道，所以今日同朋友去到旺角旺角中心 就推介同佢一齊飲。朋友沒想到選擇不少，最後決定試芝麻味，而我要了蘋果，等一陣就可以有得飲。蘋果脆脆楓糖堅果奶蓋茶 & 黑芝芝堅果奶 濃郁好味道。價錢四十元左右都抵飲。而且用堅果奶好健康。奶蓋一打開十分易飲，脆脆楓糖細細粒好味，配上奶蓋厚身又夠滑有驚喜❤️蘋果味好重，甜度叫了微酸和蘋果味帶點酸好岩。整杯好清新。芝麻味都幾濃，飲到奶香，不甜，飲晒成杯都覺得好舒服，鐘意飲芝麻嘅朋友唔好錯過。

乳糖不耐症嘅恩物！！！你試過未啊？焙香奶蓋烏龍茶我真係冇食過焙茶味道嘅奶蓋，入口相當順滑，厚厚嘅一層充滿着茶香，濃郁清幽，灑上吹口嘅花生碎，別有一番風味。烏龍茶底清新，解渴，叫咗微甜，覺得甜到剛好。伯爵朱古力堅果奶每間分店每日只係限量售100杯，飲過一次就會明白點解佢係熱門推介！首先朱古力奶蓋非常濃郁，而且店員毫不吝嗇地俾咗好厚嘅一層，好似食緊慕絲咁，伯爵嘅味道亦都相當清香，配上朱古力！我仲見到下一位客人係直接買一杯奶蓋拎走，相信小編都會有一日做出呢個舉動！雖然價錢而言，偏向昂貴，不過用料，味道都對得起價錢。絕對值得大家一試！

NUTTEA現時分店遍佈港九新界，每次經過都定必回購，幾乎已經試過餐牌上逾半數飲品亦從未令人失望，不論是素食人士抑或是非素食者都會一試愛上。招牌堅果奶蓋由合桃、杏仁、榛子、夏威夷果仁及腰果五款堅果製作而成，另外其他堅果汁、水果茶、手沖精品咖啡等全都為素食飲品。蘋果脆脆楓糖堅果奶蓋茶 ($40) 將蘋果汁加入台灣紅玉紅茶，清甜自然即使沒有要求調整糖度仍恰到好處。堅果奶蓋有如鮮忌廉一樣豐厚稠密並充滿香濃堅果香氣，面層再配上楓糖漿及蘋果果乾脆片令口感層次更加豐富。黑芝芝堅果奶 ($42) 雖然沒有配上堅果奶蓋但仍絕不遜色，黑芝麻味濃郁醇厚但亦不至於喧賓奪主蓋過堅果香，兩者平衡得宜並駕齊驅，當中更能嘗出堅果及黑芝麻顆粒真材實料，可算是我最喜愛的NUTTEA飲品三甲之一。

好耐都沒有出過旺角，不是要去旺角中心取貨也很少踏足此區，特別是這個疫情時段……既然來到這裏，就逛一逛，的確旺角中心已不是昔日的旺角中心，行得挺舒服，看來大家都真係乖乖Stay at home。行下行，竟然俾我發現這間飲品店，太好了! 之前在銅鑼灣飲過，一飲就愛上，但由於很久沒有周街逛，所以都沒有飲好耐。開放式的店舖，沒有坐或企位，只供外賣，舖位雖小，但整齊企理，門口貼了不少飲品相片，當然不少得具代表性的五支堅果柱啦! 看看menu，飲品有七個系列，分別有堅果奶蓋茶、堅果奶、堅果奶·茶、堅果汁、水果茶、法蘭絨手沖精品咖啡和特選好茶，另外還有奶蓋和純堅果乳堅供應，選擇相當多，令我有點眼花撩亂添……*****************************我一向都茶類情有獨鍾，所以在堅果奶蓋茶系列中點了杯焙香堅果奶蓋烏龍茶 Oolong Tea W/ Hojicha Nut Cream($45)，烏龍茶做底，茶頂就是焙茶堅果奶蓋，再灑了些果仁碎。焙茶堅果奶蓋豐厚綿密，一羹一羹舀來吃，好滋味! 口感香滑，濃濃的果仁香中帶點鹹味，仲嚐到焙茶味，茶味不會太濃，沒有蓋了果仁香，好好味！ 試啜一口茶，

原來旺中有一間主打用堅果奶製作嘅奶茶店，本身自己就好鍾意食榛子、腰果同夏威夷果仁等等，奶蓋更加係我嘅最愛，一於試下用堅果打成嘅奶蓋係咩味道～見到伯爵朱古力堅果奶蓋茶係每日限定100杯，而入面嘅內容物都係我鍾意嘅配搭，第一次梗係要試吓佢哋嘅招牌飲品，盛惠$48大元。佢嘅奶蓋唔係薄薄嘅一層，佔飲品嘅1/4。首先要先試下佢嘅朱古力堅果奶蓋，入口好濃厚，咸咸香香，有少少似繽紛樂嘅味道但偏咸。而第一下飲就先品嘗到淡淡嘅伯爵茶味再到朱古力，佢嘅茶底唔會好甜，係清清哋，幾好飲！將奶蓋同個茶溝埋一齊就變咗朱古力奶茶咁3種味覺享受，不過堅果始終係脂肪，只可以偶爾飲過下口癮～

由於我有乳糖不耐一直以來都未飲過任何奶茶、奶蓋飲品今次Nuttea 係我第一次飲奶茶💛飲完先知我自己原來一直錯過咗啲咁好飲嘅嘢🥲伯爵朱古力堅果奶蓋茶$48佢menu有啲打一粒星，呢款係有3粒星所以就決定一試佢嘅招牌菜之一喇~本來見佢咁貴都有啲卻步不過飲完就覺得好值得！奶蓋好綿密又滑，面頭仲有啲朱古力粉食落係榛子朱古力味（好似金莎呀🤣）另外個伯爵茶底好香！又同個奶蓋好夾喎唔會話搶咗大家陣味抵佢賣咁貴因為真係好飲得嚟又健康呀☝️建議可以拎埋個匙羹仔，先食咗少少奶蓋先食到厭時之後再溝埋一齊飲變變飲法唔怕悶

基本上個個飲過NUTTEA嘅堅果奶蓋茶都話超好飲返唔到轉頭, 大食妹一直都想試吓, 但係覺得一杯嘢飲要成三四十蚊真係有啲奢侈好耐都冇出街, 今日難得出去玩, 就食好少少啦<粉紅火龍果奶蓋茶>唔知嗌啲乜嘢好, 見好多人推介粉紅火龍果奶蓋茶, 一於試吓嘢飲非常簡單, 下面係清新嘅火龍果茶, 上高係厚實嘅奶蓋, 微糖甜度適中火龍果茶應該落咗新鮮嘅火龍果汁喺裏面, 味道非常天然<伯爵朱古力堅果奶蓋茶>雖然唔係好鍾意伯爵茶, 但見呢杯伯爵朱古力堅果奶蓋茶係熱門款式, 抱住一試嘅心態嗌左伯爵茶茶底好濃郁, 奶蓋呈咖啡色, 裏面混合左朱古力同堅果, 分開茶同奶蓋咁飲, 伯爵茶味道會比較突出, 混合嚟飲就啱啱好啦

Nuttea自己飲過好幾次，覺得比起普通手搖飲品健康之餘，又可以做代餐，減肥都好岩飲！之前試過幾款唔同嘅口味，今次嚟到旺角中心分店，選了他們的牛油果和招牌伯爵茶朱古力奶蓋。從它們的專頁：「NUTTEA堅果奶茶以堅果萃取濃醇香的堅果奶，搭配台灣日月潭紅玉紅茶，創造出一杯最健康好喝濃郁的堅果奶茶，沒有牛奶沒有化工奶精」，每次都覺得像奶昔一般，但其實沒加奶，很神奇！牛油果堅果奶HKD47 - 自己平時都鍾意飲牛油果奶，這一款十分類似的味道，牛油果味也夠濃郁。伯爵朱古力堅果奶蓋茶 HKD 48 - 賣相很漂亮，一層厚厚的奶蓋，有一點朱古力粉，奶蓋偏向結實像雪糕，十分細滑，下面是伯爵茶，茶味也夠香，我比較喜歡奶蓋和茶分開吃。建議買回來新鮮享用，味道較佳。

聽說Nuttea 是全世界最好飲的堅果茶，飲品主要係用五種堅果去製成，很健康的，所以一直都想試，前排俾我發現原來旺角都有，實在太好了，我同朋友二話不說去試呀！伯爵朱古力堅果奶蓋茶我係非常非常鐘意朱古力的，見到伯爵朱古力堅果奶蓋茶完全唔使諗就點呢杯。奶蓋有三份之一杯咁多，有驚喜！奶蓋朱古力味好濃，而且非常鹹香，亦帶有堅果味，忍唔住一啖接一啖，再配上伯爵茶，可以中和返奶蓋甜味，完美配合！繽紛火龍果奶蓋茶朋友就點了繽紛火龍果奶蓋茶，厚厚的奶蓋上有火龍果肉，增加口感，呢杯奶蓋的堅果味更加突出，飲品係用火龍果和西瓜去調製的綠茶，甘香得來又夠fresh。兩杯飲品都非常有驚喜，Nuttea 除左好味之外，仲非常用心，會提供一個鏟仔俾客人享用美味的奶蓋，仲有喝堅果奶蓋教學。用心經營的小店值得繼續幫襯呀!!!

📍粉紅莓好堅果奶蓋茶🍓奶蓋帶有好濃郁嘅士多啤梨味，表面仲有唔少堅果碎❤️味道方面酸酸甜甜，就咁食個奶蓋有啲似食緊比較軟嘅慕絲蛋糕🤣將奶蓋同埋茶底混合之後口感更濃郁，有啲似士多啤梨奶昔🥤雖然甜度同埋冰嘅量都冇改到，但係飲到尾仍然保持到好濃嘅士多啤梨味🙆🏻‍♀️📍芒果奶蓋茶🥭反而芒果呢一杯嘅奶蓋係原味奶蓋😉食落會大輕微嘅榛子味，就咁食奶蓋會有少少膩，配埋有好多果肉嘅芒果果茶就清新好多🥰

身為Nuttea嘅忠實粉絲,差唔多間間分店都幫襯過曬真係第一次對Nuttea感到不滿今日又黎Nuttea諗住止下個奶蓋癮,買左杯朱古力奶蓋伯爵茶,店員沖得好快手,但唔知係咪仲有一個鐘就收舖所以hea住做從未試過買Nuttea得咁少奶蓋,平時買啲奶蓋都會係係條線度,呢日呢杯少左最少兩三啖,真係好唔滿意比呢個價錢就係為左食個奶蓋,但竟然比少左咁多,感覺有啲搵笨,究竟係平時其他分店比得太多奶蓋定係呢間分店比得太少有無人可以答到我

之前聽朋友推介過Nuttea，一直未有機會試，終於今日經過旺中一樓呢間 Nuttea，決定買黎試下。果然真係好好味，要寫食評同大家開心 share。今日同老公各自叫左 每日限量100杯既 "伯爵朱古力堅果奶蓋茶"  同朋友大推既 "粉紅苺好堅果奶蓋茶"  講真兩杯都試晒 好正呀 佢個堅果奶蓋係純 NUT CREAM ，無加牛奶既，對牛奶敏感既朋友應該都可以試到。佢教有三種食法： 1. 用匙𡙡直接不D奶蓋食2. 傾斜 45度飲奶蓋同茶3. 最後攪拌成厚奶茶飲我三種都試晒，果然係唔同口感，三樣都好味，個人最愛就咁食奶蓋，因為真係好RICH 仲有NUT粒粒的口感好香。老公飲既粉紅苺 其實即係strawberry, 只有凍飲，叫左半糖都夠甜，飲落好清新，好健康飲完真係勁飽，中午都唔使食，好滿足，雖然比其他店佢係貴少少，但物有所值，佢會令我心思思想再飲的！疫情下想出街買杯野都嫌煩，見到佢有外賣上門，MK呢間$150 就送，都OK喎。可以夾埋朋友下次一齊叫 ：）